ابحجـة الــــوداع ... نــاده طــه المُسلميــــن
آنــــي راح أروح ... بس أوصي ابكلمتيــــن
على القــرآن ادليــــــكم ~~~ وعلى أهلي اوصيـــكم
«««««««««««««
يـوادم ﮔُــربت أيامـــي، وصيتـي الكـم احـﭼيهـــه
جنان الباري ضمنوهه، وسقر محـد أبـد بيهــــــه
تتبعون ابشرط امرين، النكرهــــــن صعبه تاليهه
القـرآن وأهل بيتــي، وصيتي الـﮔدهه شاريهــــه
أدري بالقلــــوب ... كثره للحــق كارهـــون
دنيه من تـــزول ... لله كلكــــم ترجعـــــــون
على كلشــــي يجازيـــكم ~~~ وعلى أهلي اوصيـــكم
«««««««««««««
يضيـع الما مسك بيهن، مثل أعمــى ويـضل يمشي
واذا تتبــع فقط قـــــرآن، معنى ضيعت كلشــــــــي
أهل بيتي كلام الله، وكلام الله نفــــس هالشــــــــــي
بعضكم أدري ينكرهـــم، فقط لو شاهـده نعشـــــــي

أحذروا الزمــــان ... لو جرى بيه انقـــــلاب
اذكروا الكــــــلام ... بهل بيتـــي والكتــــاب
ﭼـثير اهواي احاﭼـيكم ~~~ وعلى أهلي اوصيـــكم
«««««««««««««
علي الكـــرار ولي بعـدي، أمر مو مني من ربكـم
اليخالف أمره لو نكراه، جهنم تصفى ملجئكـــــــم
علي القـرآن علي الناطق، وفخر قائد يصير الكـم
التجتــف حيـدره ابأيــده، خذلتنــي وستخذلكـــــــم
الباعوا الضميــــر ... منهم أبقى آني بريء
فتنه سببـــــــــــوا ... كل بشر منهم بـــذيء
أخاف الدنيه تنسيكـــم ~~~ وعلى أهلي اوصيـــكم
«««««««««««««
اليوج النار على بابي، حرﮔ بــــاب الله والقــرآن
يصنفه الباري مو إنسان، يصنفه ابعالم الحيوان
واليعصر ضلع فاطم، يعصـر منبــع الإيمـــــــــان
ويخلي أجهنم اصرّخ، ما تهــــدى مدى الأزمــان
يستحــق سقـــــــر ... والسقـر حقه قليـــــل
ويلـه بالحشــــــر ... من عذاب الله الجليـــل
اروحــن آني اخليكـــم ~~~ وعلى أهلي اوصيـــكم
«««««««««««««
الحسن وحسين ولد بنتـي، اليريد الجنة يرضيهم
التلوثه الدنيه واجهنــم، يعني مـــــــا يباريهـــــــــم
تجي الناس اليخذولهــــم، القتل والسَــم تراويهـــــم
الوجــوه الخانســه هسه، تنبــح باﭼـر اعليهــــــــــم
كل حقـــد دفيــــــن ... خزنتــه اليوم البعيــــد
رحمــه ما تضـــــل ... تفعل الجرم الشديــــــد
قسم اعرف اساميـــكم ~~~ وعلى أهلي اوصيـــكم
«««««««««««««
لخادم اهل البيت: كرار الحسينات الكربلائي
كربلاء المقدسة

قصيدة بمناسبة وفاة النبي محمد (ص) 👆🏼👆🏼👆🏼

من أرحـل فقــــارك ضُمـــــــه
يا حيــدر حرصاً عالأمُــــــــــه
يابو حسيـــــــــــن ‼️! اصبـــر زيــــــــــــن
يا حيــدر حرصاً عالأمُــــــــــه
¥¥¥¥¥¥¥¥¥¥
إذا أوّدع اريـــــــــــدك تحفـــــظ اوصيتــــــــــي
تشـــوف العالم أتغيــــر وره امْنيتــــــــــــــــــي
الصبـــر منــــك اريــــــدن يا هوى ريتــــــــــي
علي عينــــي ويدي اليمنـــى وسـﮔف بيتــــي
يا حاضــر كل شيعـي ابشــــده
سيفــك ممنوع انـت اجــــــرده
حفـــظ الديــــــــــن ‼️! اصبـــر زيــــــــــــن
¥¥¥¥¥¥¥¥¥¥
تشاهـــد فاطمـــه بنتــــي ونبض ﮔـــلبــــي
ابوضـــع جــداً صعب والعالمــه ربـــــــــي
قريباً ريحـــــة الجنـــة تجــــــي ابقـــــربي
تضل وحـــدك تكمــل منهجــــي ودربــــــي
ما دامـــك حي ماكو الفتنــــــــــه
يا شرع الله ونـــور السُنــــــــــه
تبقــــى اسنيـــــــن ‼️! اصبـــر زيــــــــــــن
¥¥¥¥¥¥¥¥¥¥
أخـافــن سيفـــك أجـــــرده اعله رغباتـــــــك
تثلـــم هالأرض مو سهلــــــــه قــدراتـــــــــك
وجهنــــم تنطفــــي ابكثـــــرة صراخاتــــــــك
وتصَفــــن كل بحــــر وتفــــزز امواتــــــــــك
ابجفــك هاي الدنيـه ازغيــــــــره
يا من نفسك حيل اجبيـــــــــــــره
تحــﭼـي العيــــن ‼️! اصبـــر زيــــــــــــن
¥¥¥¥¥¥¥¥¥¥
سيفـــك حصّنــــه بالكرســــي وابياسيــــــــن
اذا شم الهــــوى حزلـــه الف والفيـــــــــــــن
علي أنت نسختــــي يا أساس الديـــــــــــــــن
الفرق آني محُمـــد وانت ابو الحسنيـــــــــــن
لحمــك لحمــي وعظمك عظمـــــي
شايل طبعي وشايل رسمـــــــــــي
يالمعُــــــيــــــــن ‼️! اصبـــر زيــــــــــــن
¥¥¥¥¥¥¥¥¥¥
الحليــم اشما صبــر لازم يهـــد صبـــــــره
ويـﭼــي اليوم وتنفـــــذ للعلــــي امــــــــره
واما قصــة الباب ابأشــــــد عصـــــــــــره
يجي القائــم حفيـــدك يلعـــن الزمـــــــــره
ياخذ ثار الزهـــره البضعــــه
وايبيّن حق الله وشرعـــــــــه
كلشي ابدِيـــــــــن ‼️! اصبـــر زيــــــــــــن
¥¥¥¥¥¥¥¥¥¥
لخادم اهل البيت: كرار الحسينات الكربلائي
كربلاء المقدسة/ الاربعاء

أفضل مره ابذاك العَصَـر ... ابتقواها والزهد وصَبُر
اصيلة وهم وفيــة ~~~ سُمانه المغربيــة

رافَـﮔـِتْ اثنين ايمَّـــه الهادي والبعل الجـــــوادْ
حصلت منهم كرامــه وبـــاب صارت للمـــــرادْ
وبالعلم وصلت مراحل وآخــر الرحلة اجتهـــادْ
وارتقت باروع شهادة ابمرتبت ارقى جهــــــادْ
ابحسن التَبَعِّــل صالِحــة ... ما عدهه غاية ومصلحــة
الأئمَّتـنه تِـﭼـيـــــــه ~~~ سُمانه المغربيــة

سوسن اينادوهه ﮔـالوا لو جُمانه ابهالاســــم
السيدة هذا لقبـــهه يا كفو منهه ونِعــــــــــــمْ
ابحث ابسيرتهه دقّــــقْ هالمرة مثل النجــــــمْ
قدِّمَــت وانطَـــت عُمرهه لآل طه ابكل عَــــزمْ
عدهــــه العبــــاده الدايمـــه ... لو ساجده لو صايمـــه
عطر من الزﭼـــيه ~~~ سُمانه المغربيــة

ﭼـانوا ايكنــــــــون بيهـــه الطاهــره ام الفضـــــــلْ
بس عكس ضرتهه ذيـﭼـه الـﭼـان ابوهه اشكد نـذلْ
والفرق واضح يوادم والعقــــــــل ينطـــــي العـــــللْ
عالجـــواد اتحامي وحـــده ووحده بيديهه انـﭼِتَـــــلْ
للحـﮒ بُقَــــتْ مُسانِــــده ... سُمانـه زوجه ووالِدَه
ما باعَــت القضيـــــة ~~~ سُمانه المغربيــة

عاشــت وماتَـــتْ وفيّـــه، والزمن شاهـد بُـقـــه
ربَّك الباري جِعلهـــــــه، للحـقيقـة صادقــــــــــه
عنهه راوين الايمَّـــــــه ايوصفوهه بالثــقـــــــــه
انبِنَـتْ يمهه الرسالــه وضل اسمهه الشاهقـــــــه
اعتب على أهل الفكـــر ... قلَّة اسمهه ينذكــــر
ذكروهه بالعزيـــــة ~~~ سُمانه المغربيــة

لخادم اهل البيت: كرار الحسينات الكربلائي

قصيدة حول السيدة سمانة المغربية زوجة الإمام الجواد (عليه السلام) وأم الإمام الهادي (عليه السلام) 👆🏼👆🏼👆🏼

(الحلوة فِلسطين)

وحـﮒْ عين الوطَـنْ لازم ترجعيـــن هذيـﭻْ الغاليـةْ الحلــــــوه فلسطيــن
ضِلَعْ مِنْ عَدنه والمسِّـﭻْ يَمسنـــــه قـــــراءة للطفل واسمَـﭻْ مناسيــــنْ
يضل ﮔـاعْ القدس قبلتنه الأولـــــى وتضل ﭼـلمتنـه وحده موش الاثنين
باعوﭺ ابرخص اهل الخيانــــــــــةْ الما عَدْهُــمْ شرف لا ذمـة لا ديـــــنْ
الحديـدة اشما حِمَتْ يزداد المهـــه الحذر من الحليم ايفَـﮔَّـسْ العيــــــنْ
إسرائيل كُربــة اتصيــر للنــــــــارْ واحنه انصير الـﭻْ تنـــور مِنْ طيـنْ
تاريخـﭻ قبل لا يحـﭼـي هالتاريــخْ وعُمْــرَﭺْ ضَــلّ اناجيــل وقرآييـــــنْ
الجبل من طبعه لا متهمه الاتــلالْ يَنصون اوعلي بس انتي تعلييــــــنْ
الأمل ترﭼـيه بذنـﭻْ مـــــــــا تنزعي الحجـارة ابأيــدﭺْ ابنصرﭺ تضحكين
يا أول جريحه تنــزف احــــــــــــلامْ زيتــونَــﭻْ يغــازل شجــرة التيــــــنْ
ﮔــاعـﭻْ بس الـﭻْ غيـرَﭺْ يــــــولَّونْ بلقيـس انتي وابكيـفـﭻْ تأمــــــــريـنْ
يجي يوم العراق ابحضنـﭻ اينـــــامْ وانتي ابحضنه تغفيــن وتناميــــــــنْ

كلمات: كرار عبد الحسن محسن
20/12/2021م – الاثنين
كربلاء المقدسة

يا نساء اخذن تعاليـم ابعبرهن
فاطمه وبتهه العقيله وابسترهن
منهـي شالتهه الهويـــه زينبيـــه فاطميـــــه
₪₪₪₪₪₪₪
فاطمـه امـن اجـل الستــر لاذت وره البـــاب
يعنـي معناهه البســـي يا مـــره احـجــــــاب
لا يشـوفونـﭻ أبــد لو نضـــــــره الاجنـــــاب
أتستــري وامشي ابوقارﭺ عرفي الاسبـــاب
انعصرت الزهره لأن سترت شعرهه
حافظت عالدين والظالم عصــــرهه
صيري هيـﭽـي يا أبيــــه زينبيـــه فاطميـــــه
₪₪₪₪₪₪₪
فاطمــه عــدهه الستــر اغلـى امنبـنهــــــه
اتعلمـنْ هاي الثقافــه منـــهـــه منهــــــــــه
عالمـره القـرآن شوفي اشيحـﭽـي عنهـــــه
سوره تختـص بالنســا ويــن المعنهـــــــــه
مــدرسه الزهره العقيلـه منهـه نبعــت
دنـﮔـت رووس الزلـم يوم اليَّ طلعـــت
ثائــره وفعـلاً قويــه زينبيـــه فاطميـــــه
₪₪₪₪₪₪₪
فاطمــــه اﮔبـال الزلـم تصبــح ســــواده
امـدرعـه ابستـر العبايــه اجمل عبـــاده
شنهو راح ايصيـر لو مـن الـــــــــولاده
كل مره تتستـــر وهاي السعـــــــــــــاده
شعـره ما تطلـع ابـد من العفيفــــه
والتخالف فاطمه يعني سخيفـــــــه
واليَّ طاعتـهه وفيـــه زينبيـــه فاطميـــــه
₪₪₪₪₪₪₪
زينـب القـدوه تضــل بـت الصميـــــده
الـيَّ تبعتــهه نعـــم عــــدهه عقيـــــده
الماتت ابحبهه اعتقــد ماتت شهيــــده
الحـره ما تضحـك ابـد فهمي القصيـده
لو مشت هيبـه رُبـت عنــد الإمـــامـه
مو مثل بعض النسه تطـي ابتسامــــه
اتحشمي يالرافضيه زينبيـــه فاطميـــــه
₪₪₪₪₪₪₪
زينـب ابضعـن اليســـر حملـت أمانــــه
نزلـي راسـﭻ للأرض هــاي الديانــــــه
يا مـره ويلـﭻ إذا شلتـي الخيانـــــــــــه
اجهنـم اتلـﮔـفـﭻ شنو البـاري نهانــــــه!
صيري زينب من مشت هيبه ومصونــــــه
لو ﮔــربهه الظالـــم اتفكــــس عيونــــــــــه
زلزلـت جيـش آل اميــه زينبيـــه فاطميـــــه
₪₪₪₪₪₪₪
زينـب ابحشمتـهه صـارت عالميــــه
ينضرب بيهه المثــل صبح ومسيـــه
كلمــن الطاعــت أمــر ربهه ونبيـــــه
هاي اسمهه الزينبيــه الفاطميــــــــه
هذا درب الباري وامشي ابمستقيمـــــــه
صدﮔــي باﭽــر بالحشـر كلش اليمــــــــه
مـو مثـل أي اجنبيــــه ~~ زينبيـــه فاطميـــــه
₪₪₪₪₪₪₪
لخادم الزهراء : كرار الحسينات
30/12/2015
كربلاء المقدسه

ابعــــالَـمْ البَرْزَخْ مجالَــسْ دائميــــــة
يَنْذَكـر بيهه الليالــــي الفاطميــــــــــة
وامشاركيــن الميتيــــن ~~~ والتقــره خِدَّام احسيــــن
WWWWWWWWW
عبد الزهـــره عالزهــــره قَرَه الأحــــــزانْ
وام الحزن – فاطَـم تونْ من ينعــى صوتـــــه
وشيــخ الهادي يَقـــــره وحَسَّــــسْ الدَّفـانْ
ﭼـَنَّــه سَمَــعْ – هوست دمع ما ﭼـَنهه موتــــه
وخُطَبْ للوائلـــي أحمــــــــد ﭼـثيرة الــوانْ
عالزهــره هَبْ – يقــره الأدَبْ اقَحَمْ سكوتــــــه
وسيد جاسَـــــمْ وبَحَّاتَـــه كلهه الحــــــــانْ
تبـﭼـيلـــه دَمْ – صوتَـه الَــم محلى نُعوتَـــــــــه
ثمرت الدنيا جنوهـــــه ابهالمنيــــــــة
مِنْ قروا بالبــــرزخ امصاب الزجيـــة
الله اكْرَمْ المُحبيـــــــن ~~~ والتقــره خِدَّام احسيــــن
WWWWWWWWW
وقــره اشعـــاره عبـــود اعلـــه نيَّاتَـــــــــه
معنى ووزَنْ – قَمَّــة حــزَنْ فاطَـــمْ تشكــــــره
وكاظُـــمْ للحزن مرسومـــه ﭼـِلماتــــــــــــه
إحساس القلَـــمْ – ينتـــــج ألَـــــم وايصدحه فكره
وأبو شَبَـــــــعْ يَرَّتَـــلْ بالنعـــي ابياتــــــــــه
شعــره دَمَـــــعْ – والكَــلْ سَمَـــع يصرخ يزهـــره
والْقَصَّــــأب هادي وكثـــــرة عَبْراتَـــــــــــــه
شايَل ﮔـَلُبْ – لوعة يَصُــــب يا محَلى ذِكــــــــــــره
وعبد الحسين الشرع ما ينسى الامصــــاب
يقره عالزهـــره وضلعـهه وحركت البــــابْ
صار المُصاب امصابيــــن ~~~ والتقــره خِدَّام احسيــــن
WWWWWWWWW
ومَهــدي الأَمــــوي وعالزهــــره انظــــــــاره
هذا الحَــﭼــي – يَــمّ البَــﭼــــي ﮔـلهه اقبلينــــــه
ورسول الشاعر المعروفـــة أشعـــــــــــــــاره
ما مــات ابَـــد – يقــره ابلحَــــد قلمــه ابيمينــــــه
وعلــي التَـــلّال جَبَــــلْ وايردد افكــــــــــــاره
كلهــن جـــرح – كالمنذبـــــح ذبلانـــــه عينـــــــــه
وعــزيز المنــعرف ﮔـــلـﮔـــــــاوي بأطــــواره
يرثي ويحـــــس -- ﭼـنه أمـــــس شاف الحزينــــه
المـﮔــبــره صارَت حُسينيــة ويلبَّــــون
للخطابــة والشعــر والردة يقــــــــرونْ
يبقى الجـرح في كل حيــن ~~~ والتقــره خِدَّام احسيــــن
WWWWWWWWW
وقــرَّه الـردَّه الحُسينيــــة ابشجــن حمـــــــزه
ابداعـه عَجَـــبْ – عالزهــره ذَب كلشي يملكـــــــه
واحس مُلا وطَــن هالمـﮔــبـــــره اتعــــــــــزه
الحـانــه فَــــن – فعلاً وطَـــــــن وآلامـــه شَرْكــــــه
وياسين الرُميثـــي وحرﮔـتــه اتهــــــــــــــــزه
أيـﮔـلهه اعتــــذر – خاف القَصَــــر من صوتي اسلكـه
وعبد الرُضـا ذاك ونغمتــــه امْرَكـــــــــــــــزه
مَحَّــد يَمَـــــل – صوتـــه يطَــــل متنقصه رَكَّـــــــــــــه
وكالمـــآذن صوتــه جاســم هالنوينـــــــي
ابخدمتـــﭻ يا فاطمـــه امْخَلَّص سنينــــــي
ﮔـللهـــه يا ام احسيـــن ~~~ والتقــره خِدَّام احسيــــن
WWWWWWWWW
لخادم خدمة الحسين: كرار الحسينات الكربلائي
29/10/2021م- الجمعة
كربلاء المقدسة

زينب دوه – زينب هوى – زينب ضوه
زينب صبرهه عاشــﮔــه ~~~ ابكلشي نلاحظ لايـﮔـــه

تملي الفــــراغ ابكل زمـــن هاي الأصيلـــــــة
صارت لهلهه نائبــــة وللحــــق خليلــــــــــــةْ
وصارت كَمَام وكالنبي، ومـــــــــرَّة كفيلـــــــة
ومَرَّة صَبُــرْ مَــرَّة نَصـــر قــدوة العقيلـــــــــة
زينب ألــم – زينب قلـــم – زينـــب علــــم
طعــم التــعب مِنْ تشهـــﮔـه ~~~ ابكلشي نلاحظ لايـﮔـــه

زينب لخوهه المجتبـــى واحسيـن اخيـــــــه
صارت لَهُمْ كفاطمـــــة ذيــــﭻ الزجيــــــــــه
تملك حنـــان وعاطفـــة هالفاطميـــــــــــــــه
لخوتــهه صارت والـــدة جداً وفيـــــــــــــــه
زينب شفـــه – زينب وفــــه – زينب دفـــــــه
اجروح الأحبـــة امرافــﮔـــه ~~~ ابكلشي نلاحظ لايـﮔـــه

ﭼـانـــت علي أبا الحســــن وكت الهظيمــــــه
الكل يتيــم ابمحنتـــــــه والكل يتيمــــــــــــــــه
ريحــة علي بيهه الوفـــه يلـﭼـفهه غيمـــــــــه
تشبــه تسابيــح الفجــــــر كلش عظيمـــــــــــه
زينب حلـــم – زينب عــزم – زينب اســـم
اتقود الحيـــاة وسايــــﮔــه ~~~ ابكلشي نلاحظ لايـﮔـــه

ولحسين ابو اليمــه صفـــت زينب عَبَّاســـــــــــه
احزام الظهـــر صارت إلـــه تلزم حراســـــــــــــه
واتواسي بنــــواع الصبــــــر معروف اساســــــه
محله الاخت جنب الأخـــو ترفعلــــه راســـــــــــه
زينب أبـــو – زينب اخــــو— زينب دفـــو
تاليهه الاخوة امفارﮔـــه ~~~ ابكلشي نلاحظ لايـﮔـــه

خيمـه صفت لبـــوة علـــــي للمــــالـــه خيمـــة
ومأوى وملاذ الكل طفــــل يبــﭼـي اعله ضيمـه
زينب دوه للمنجـــــرح والكل سقيمـــــــــــــــــه
وزينب هوى للمختنـــﮒ تفرج جحيمـــــــــــــــه
زينب نفس – زينب شمس – زينب درس
وامغربــه لو شارﮔــــه ~~~ ابكلشي نلاحظ لايـﮔـــه

لخادم السيدة زينب: كرار الحسينات الكربلائي
9/7/ 2021م- الجمعة
كربلاء المقدسة

الجســد المـن يــــــــوادم دخبـرونــه علــه اهلـــــــــه
غـريب ابلا عشيـــــــــــــره // عله الجســر مصيــــــره
دخبـرونــه علــه اهلـــــــــه

نـوره يشـع هذا الرجــــل عنـــده اهل لو لالـــــــــه ؟
والهيبــه عنــده امبينــــه يشبــه مُحمــد وآلــــــــــه
مالــه عشيره ولا اهـــــل دلونــه ويـن اعيالــــــــــه
بهمومـه نشعر وأبألـــــم يمكن اليمـــه أحوالــــــــــه
اخـوو لو ابنــه سالــــــــم يجينـــــه خل نحملــــــــــــــه
تـره الحالــه عسيــــــــــره // عله الجســر مصيــــــره

ما نـدري ويـن اهله صفـوا بس ندري يمنـه مـﮔيــــــود
شمروا بلا رحمه الكُفــــــر وعالجســـــر ضل ممـــــدود
بي ريحة اجروح ابكثــــــر من السبط شنهـــو ايعــــــود ؟
استنسخــت ﭽـن كربلــــــه موقــف ألـــــم هالمعيــــــــود
يقينـــــــــاً ربنـــــه عالــــــــــم ابجروحه اللا مو سهلـــه
جروحه اشـﮔــد ﭽبيــــــــــــره // عله الجســر مصيــــــره

جالــه الطبيـــب وشاهــــده واتـوزعـــت انضـــــاره
ﮔـال الهــم امسمم تــــــــره ومجــرع المـــــــــــراره

عنـده عشيره لو اهــــــــــل خل تستعـــــد الثـــــــاره
بي حسره ما تطفــي أبـــــد واﮔليبــه واهـج نــــــاره
على اعـدائـه تهاجـــــــم ويخلوهـــــم اذلــــــــــــــــه
العشيـــره مو زغيـــــــــــره // عله الجســر مصيــــــره

هذا السجيـن ابيا ذنـــــــــب ذوله العــدى ايسجنونــــــــه
ما نعتقـــد عنــده جــــــــرم والحـق وضِــح بعيونــــــــــه
ويـــن اهلـه ما عدهــم علـم مــات ويجــي ايشيعونــــــــه
اتشـوفـه نضرات الألـــــــــم وضعيتـــه صعبـه اشلونـــــه
الغريـــب السمَّـــــه حاكـــم دمعنـه انهله لجلــــه
نشيعــه ابهالظهيــــــــــــره // عله الجســر مصيــــــره

لخادم اهل البيت : كرار الحسينات
26/4/2016 / الثلاثاء
كربلاء المقدسة

اليوم فرحـــه هالمسيــــة ... مولد الطفلــة رُقيــــــة
ابيات الشعــر نهديهـــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
كالآيـــة نزلـــت وبأمــــر باريهــــــه
آيــة رُقيـــة ربَّــــــــــك امسميهــــــه
ﭼــن العلي عاصــر ورود اعليهـــــه
كالتحفــه خلَّاهـــــه انتشــر طاريهــه
امكيــف احسيــن ابســـروره ... وعاهد الباري ابنــــــذوره
ابعطـــفه بقــى ايربيهــــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
الحنيـــه بيهه امبينـــــــــــــه ومخصوصــــــه
امن الجنــــة قطـعه هيــﭻ أحس مـﮔـصوصــه
ما بيهه حاشه اي صفــــــة منقوصــــــــــــــه
تشبـــه عقيلــــة هاشــــم المرصوصـــــــــــــه
وتشبــــه الزهــــره الزجيــــة ... طفلـــه من هســـه أبيـــــــــه
بيت العلـــم حاويهــــــــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
محتفلـــه امــــــلاك السمـــه ابمولــــــدهـــــه
والفرحـــــــــــه مو بـــس بالأرض بل عدهــه
ابشعبان هالليلــة أجــــه موعــــــــــدهـــــــــه
ويتخلــــد اليوم الحشــــــر مجــــــــــدهــــــــه
حالـــــة امهه ابهالــــــولادة ... انترست افــــراح وسعــــادة
ابفرحتنـــه خل نرثيهــــــــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
دمعــــــة فـــرح هلهولـــه طشَّــــات اورود
يـــربي هالفرحــــه تضل كـــون اتعــــــــود
ويا ربي كل الباب العســــــر ما مســــــدود
ابجاه التـــــي هذي اسمهـــــه المـــولـــــود
الأبيَّـــــــــــه والشجاعـــــــة ... المنهه ناخذ البراعـــــــة
ابكل سالفـــة نرويهـــــــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
كل كربلــــه ابهالفرحـــــه ما تنساهـــــــــــــه
صورة ابجبيـــن الشيعي دوم اوياهــــــــــــــه
ابكل فاجعـــه وكل فرحـــه ضل يتلاهــــــــــــه
مهما جــــره بينــــه الزمـــــن نهواهــــــــــــه
طفلــــة وحلــى اسمهــــــــه ... سبحان مَـــنْ رَسمهـــــــــــه
وابكربلـــه نبديهــــــــــــــه ~~~ من كربلـــه انحييهـــــه
♥️♥️♥️♥️♥️♥️♥️♥️♥️♥️
لخادم الحسين: كرار الحسينات الكربلائي
كربلاء المقدسة

بطنك مثل بطن الحوت ... يا وادي السلام
ابنصك غوالينه اتمـوت ... يا وادي السلام
تـكتلني حيل اوجاعك ~~~ ذِكْــرى حزينه ابـﮔـاعَــك

الـﭼـــانوا قبـــــل بالــــروح صـــاروا بالـﮔـــبـــــور
حسْهُــم مِشَـــه لِبْعيـــــد من عِــدنـه مهجــــــور
ﭼـــانوا وطَـــــــن بسمــــات والبسـمه ناعـــــــــور
هسَّــه الحزِن قنّــــاص يرمينـــه شاجــــــــــــــــور
كِلْـمــــا يمُــــر مِنّــــــه يــوم ... يا وادي السلام
نِشْبَــع قهــــر دمع اهمـوم ... يا وادي السلام
يمَّـــك اخِذْنــه ابْساعَــك ~~~ ذِكْــرى حزينه ابـﮔـاعَــك

لو نِحْسِـــب الدَمــــعـــات مِــــنْ تروي خَدْنَــــــــه
نِلْــﮔــه الفـــــــــــــرات ازغيــــر ويَّ دَمِعْنـــــــــــــــــــه
ﮔـــوَّه الـﮔـــلُــب مرَّات يِحْمِــــــــل جَرِحْنــــــــــــــــــــه
وصارِنــــه ثاني بيت أرْضَــــــــــك نَجَفْنـــــــــــــــــــه
مو سَهْلَــــه فَــــﮔــد الاعْـــــزاز ... يا وادي السلام
جَرْحَـــك يِـــدِﭺ بيْنَــه اﮔــــــزاز ... يا وادي السلام
نوح وقَهَـــــــر اطْباعَـــك ~~~ ذِكْــرى حزينه ابـﮔـاعَــك

اندِفْنَـــت زلِــــــــــــــمْ وَسْطَــــــــــاك عازَتْهَـــه عازَه
الحيل انْهِــــــــدَمْ من يوم شِلْنَــــه الجَنـــــــــــــــازه
ﭼــانوا تِـﭼــيَــــه اسْنــــاد بالْكَلْفَــــه تـــــــــــــــــــازَه
راحوا صفيْنَــه انعــــــــــــــيش بس عالعِكَـــــــــــازه
نِخْلَتنـــــــه حيــــل الايَّــــــام ... يا وادي السلام
اتْعَزيْنَـــــه صـــار الاحـــلام ... يا وادي السلام
ابكِل مَجْــلس أحَــد ناعَـــــك ~~~ ذِكْــرى حزينه ابـﮔـاعَــك

ضلَّـــــت صوَر بالبيـــت بس يمَّك اجْســــــاد

الهم نودي أثــــواب وانســــوي الامْـــــــــــــــراد
الما شافِتَـــــه هالْعيـــن صــــارولــه احْفـــــــادْ
كلمـــــــــــا تمُـــر ايَّــــــــــام نـــــــار الهَجَـــــر زادْ
واليطْفــــي نيـــــران الشـــــــــوگْ ... يا وادي السلام
البَـﭼـْيَـــه وأنيـن المَعْشـــــــــوگ ... يا وادي السلام
مِتْكَحِـــــلات اذْراعَــــــــــــك ~~~ ذِكْــرى حزينه ابـﮔـاعَــك

احْلَـــى مُكــــان الصَّــــــــار يمَّــــك بالاشْــــــواگْ
كلما نِحِـــــن نِلْفيـــك يكتِلْنَــــــــــه الافْـــــــــــــراگْ
بالدنيــــا ﭼـــانوا اثنين مِتْغَزْلَـــــــــه عِشَّــــــــــاگْ
واحِــــد لِفــــــــــــــاه الموت والثاني يِشتــــــــــــاگ
ما نِنْسَـــه ابَــــــــــــــد لا هيهــــــات ... يا وادي السَّلام
حبهُـــم رَسِـــــم بيْنَــــــه ايبــــــــــات ... يا وادي السلام
لوحَـــة دمــــوع ابداعَــــــــك ~~~ ذِكْــرى حزينه ابـﮔـاعَــك

لخادم الحسين: كرار الحسينات الكربلائي
كربلاء المقدسة

(سيد الكرم)
يا سَــيْدي يا ذَا الْــكَرَمْ ذِكْــراكَ يَــرْويْهَــا الزَّمَنْ


عِشــتَ حياةً بالْأَسَــى ما ذَنْبُــكَ أنتَ الْحَسَــنْ

فِــي حَقِّــكَ طَــه النَّبــي قَــدْ أَقْسَــمَ في اسْمُــكَ


هَــذَا دَليلٌ في العُلى امامَ النَّــاسِ في العَلَــنْ

حُــزْني عَليكَ سيِّــدي حُــزْنَ اليتيمِ الفاقِــدِ


كَــأَنَّ ناراً في الحَشَــى لا تَهْــدَئُ مِــنَ الشَجَــنْ

الظُّلْــمُ حَــلَّ فِــي مسارِكَ البهيِّ الأوضَــحِ


والغَــدْرُ لاحَ عاتياً والدينُ ظُنَّــهُ اُفْتِتَــنْ

أعْطــيتَ حُكْــماً بهِ ناسٌ تَبيعُ الظَنــا


أحْقَنْــتَ أسْــلاماً ومُسْــلمينَ في ذاكِ الزَّمَــنْ

طعنُ الكلامِ أسْتَــحْوذَ بألْسِــنٍ شَمَّــاتَةٍ


يا وَيْحَهُــمْ نَسوا حروْفاً مِــنْ رسولٍ اُؤْتَمَــنْ

هذا الإِمامُ المُجْــتَبَى قامَ إماماً أو قَعَــدْ


لَــكِنَّهُــمْ قَــدْ أُغْــرِقَوا فِــي غَفْــلَةٍ فِيْهــا الْــوَسَــنْ

فكُلَّمَــا أَمْعَنتَ فِــي مَسْــرَى حياتُــكَ الأذَى


عِــنْ صَــبْرِكَ حَــواسي ذي أبا مُحــَمَّــدْ يَعْــجَزَنْ

حتَّــى وأنْــتَ ميَّــتٌ فِــي قَبْــرِكَ رَزيةٌ


لا مِــنْ ضَــريحٌ لا منْــارَةٌ ولا حتَّــى وَطَــنْ

ألفٌ سلامٌ سيِّــدي فَقَــبْرُكَ في قَلْــبَنَا


واسْمُــكَ مُشَعْــشِعاً في بؤبؤِ الْعينِ انْــدَفَنْ


كلمات: كرار عبد الحسن محسن، 20/1/ 2023م – بحر الرجز × 8

جبريل هنّـــه النبـــي ~~~ أفـرحْ أجالك صبــــي
من فاطمـه ومن علي .. اسمـه الحســن هالولـــي

أفــرح يخيـر البشـــر جالك فخر هالبشــر سُبطـــك المجتبى
ربك خلقـه هيئتــــــه وبيهه زرع هيبتـه واضح اصل الأبه
امن الجنه مستنسخه واجمل صفاته السخه رابع اهل العبــه
وابعقله كلشي اكتمل كُون الله بسمه اكتحل هذا خير الصبـــه
باب السمـه واسعــــي ~~~ ﮔــل لُمتـــــك تندعـــــــي
والخيـــر إجــاك والي .. اسمـه الحســن هالولـــي

يالمصطفى قبِّلـــه هذا اعظم المنزلـــــه ريحته زاكيـــــــــه
خصيصي هذا انخلق خير الله بي والرزق وكل صفه عاليــه
مسروره كل السمـه وحتى الارض باسمه ابجيته الباهيــــه
باحلى المعاني انوضع غيره وشجاعه رضع وحكمته داهيــه
مبروك حامي الحمــــه ~~~ ومبروك يا فاطمــــه
بالدنيـــه بس هلهلـــــي .. اسمـه الحســن هالولـــي

غارت شمس والكمــر وانجوم داخت قهر وجهه ما اجملـــــه
متنسيه جنة عــــــدن ام الحسن بالحســن المُصحف اترتلـــه
من الحسد حرسته بالكِلــــه من غطتـــه العوذه تقره الــــــــه
من يبتسم ﭼــم ذنب مغفور لجله انحسب ربك امفضلــــــــه
لجل الحســن سيــــدي ~~~ كل ضال ضل يهتــــــدي
وغضبان كل عاذلـــــي .. اسمـه الحســن هالولـــي

يالهادي ساس الكرم وخير اب وخير ام وصفك ايجــــــــدده
المجتبـى مُجتـــهـــد والطائي خل يعتقـــد هالحســن سيــــده
عندي ادله ابسنــــد من عدهه من انولد خيره في مولــــــده
ووجه اليتيم ابتسم وثلث الفقر أنعـــــدم ابطلعته الخالـــــده
لمن كُبـــر ما بخــــل ~~~ أيـــده ومضيفه أمــــــل
أبشــــر هتـــف سائلـــي .. اسمـه الحســن هالولـــي

لخادم الحسن: كرار الحسينات الكربلائي
20/8/ 2018
الاثنين / كربلاء المقدسة

ناكر العشره

حيدره مدلك جفوفه ويدري بيك
ناكر العشره وابد مالك صديـج


ضايع اسمك بس علي خلاله صيت
قاتله صرت وصُبح اسمك رفيج


امن العدم جابك يبن ملجم بشر
والبهائم لا تظن تندل طريج


بينك وبين الأمير اشـﮔـد حـﭼـي
احـﭼايته بذنك أظن جانت ضجيج


حيدره الربّاك مو واحد غثيث
ابمرأه بعته وخربت كل النسيج


يا ربيبه الجانوا ايسموك الك
هيـﭼـي جازيت الرَبى ابحقدك تهيج


فاتحه بيته الك واهلاً يـﮔـول
ملحه ما غزر؟! ولا انت التفيج


غرتك ذيـﭼـه قطام ابهل حلاه
ودتك نار السقر وأعظم حريج


لو ﮔلتله يا علي رايد جمال؟
حوريه يخلقلك ابريحة اريج


ابكل زمن يصبح علي اسمه جديد
وأنت ملعون ويضل اسمك عتيج


لا فلحت ابدنيتك لا بآخره
ولا قطام الفادتك يالمو حليم


يا لئيم وطبعه واضح كل لئيم
ينكر ابساعه كرم جف الكريم


لو مريض انت علي ايداوي المريض
لاﭼـن انت تختلف عن أي سقيم


مو وجه واحد الك لا بل وجوه
وآخر الأوجه طُبر جفك زعيم


هذا أميرك حيدره لا بل ابوك
ضحكوا اعليك الجماعة اشكد غشيم


نيته الوالي علي بيضه عليك
وانت نيتك ابشعت حتى الجحيم


لخادم اهل البيت: كرار الحسينات

دنيانــه هاذي بحـــر، وحُب الوصــــي باخـــــره
وطبع البشر ينعرف، موباولـــــــــه بآخــــــــــره
هنيالــه كلمن سعـــى، ابعمره ابعطــــــــر باخــره

شيعي ويضل ملتزم وابحيدرة منحــــــــــــــــرف
حـﭼــي الذهب رتَّلــــه، ابكل كلمه لو مـــــن حرف
زحمه وفشــــــل يتضح، شيعي انت بس منحرف
والتابعة ابقول وفعل، يحوي علي بآخــــــــــــرة
◌◌◌◌◌◌◌