⚡️“Mutolaa” o‘zbek tilidagi eng katta elektron manbaga aylanmoqda!

🔶Endi Mutolaa’da nafaqat kitob o‘qish, balki, kitobxonlar o‘zaro fikr almashishi, ijodkorlar bilan suhbat qurishi mumkin bo‘ladi. Bu esa, ilk kitobxonlar ijtimoiy tarmog‘ini yaratadi!

Loyiha 10 dan ortiq nashriyotlar bilan hamkorlikda elektron kitoblar sotishni yo‘lga qo‘ydi. Har oyda minglab elektron kitoblar savdoga chiqadi.

Sun’iy idrok yordamida, foydalanuvchilar o‘z sevgan kitoblarini muhokama qilishlari, tezkor javoblar olishi va mazmunni chuqurroq tushunishlari mumkin. AI suhbatdosh har doim sizning xizmatingizda bo‘ladi! Shuningdek, ilovada foydalanuvchilar kitobxonlik tanlovlarini tashkil etishlari mumkin.

Loyiha doirasida 220 000 sahifa elektron kitob, 6000 soat audiokitob yaratildi. 3 milliondan ortiq foydalanuvchi o‘zbek va jahon adabiyotining 3000 dan ortiq asarlarini 10 million marta o‘qigan.

📱Mutolaa vaqti keldi! Ilovani yuklab oling

🕊Telegram 📱Instagram 📺YouTube 🔹 Linkedin 🌍Veb sayt

“Yoshlarni eshitamiz” — bu shunchaki muloqot emas, harakat!

⚡️Yaqinda boshlangan “Yoshlarni eshitamiz” ochiq muloqotlarida allaqachon 700 dan ortiq murojaat qabul qilindi. Bu yoshlar o‘z fikrini aytishga, jamiyatdagi o‘z o‘rnini belgilashga tayyor ekanining isboti.

Bugungi uchrashuv fuqarolik jamiyati institutlari va volontyor yoshlar bilan o‘tdi. Muloqotda nafaqat muammolar, balki yechimlar, yangi tashabbuslar ham ilgari surildi. Faol yoshlar uchun amaliy qo‘llab-quvvatlovlar e’lon qilindi — bu esa yoshlarning g‘ayrati, ezgulik sari intilishi yanada kuchayishini bildiradi.

🇺🇳BMT ma’lumotiga ko‘ra, dunyoda har 9 kishidan biri volontyorlik bilan shug‘ullanadi. O‘zbekistonda esa bu faoliyat 2019-yildagi “Volontyorlik to‘g‘risida”gi qonun bilan tartibga solingan. Bugun volontyor.uz orqali 42 mingdan ortiq yosh ta’lim, tibbiyot, ekologiya va sport kabi yo‘nalishlarda xizmat qilmoqda.

💬“Yoshlarni eshitamiz” — bu faqat tinglash emas, bu harakat, bu ishonch, bu imkoniyat.

📹 Tez orada jarayonlardan video rolikni e’tiboringizga havola etamiz!

🕊Telegram 📱Instagram 📺YouTube 🔹 Linkedin 🌍Veb sayt

📚1000KITOB — ilm va tafakkur harakati!

Davlatimiz rahbari tashabbusi bilan boshlangan “Yoshlar uchun ming kitob” loyihasi — ilm, tafakkur va tarjima kuchini birlashtirgan eng yirik madaniy harakat sifatida o‘z samarasini bera boshladi.

Loyiha dunyoga mashhur mualliflarning asarlari, ilmiy va badiiy kitoblarni o‘zbek tilida jamlab, yoshlarimizga dunyoni o‘rganish, fikrlash va ilhomlanish imkonini beruvchi katta platformadir.

✔️Bugunga qadar: loyiha doirasida 113 ta asar ekspertlar tavsiyasiga ko‘ra tanlab olindi va 85 ta kitobning tarjima huquqi xarid qilindi. 58 ta asarning tarjimasi yakunlandi. 27 ta kitob har biri 3 000, jami 81 000 nusxada chop etildi.

Ushbu kitoblar falsafa, iqtisod, siyosat, tarix, ekologiya, ta’lim, biologiya, sotsiologiya, huquq, san’at va madaniyat kabi 40 ga yaqin fan yo‘nalishini qamrab oladi.

📚Yaqinda hududlarga yo‘l olgan “1000KITOB karvoni” respublikamiz bo‘ylab 205 ta kutubxona, 50 ta davlat tashkiloti va 97 ta oliy o‘quv yurti mazkur asarlar bilan boyitildi.

🕊Telegram 📱Instagram 📺YouTube 🔹 Linkedin 🌍Veb sayt