San’at bayrog‘ini qo‘lga olgan yoshlar

Joriy yilning 3-13-may kunlari Italiyaning Barletta va Pezaro shahrida bo‘lib o‘tgan “Citta di Barletta XXXIV” hamda “Citta di Pesaro XXI” xalqaro musiqachilar tanlovida 20 tadan ortiq mamlakat ichida O‘zbekiston yoshlari yuqori ball to‘plab g‘oliblikni qo‘lga kiritdi.

G‘oliblar bilan tanishing:

Saida Xusanova - “Citta di Barletta XXXIV” va “Citta di Pesaro XXI” xalqaro tanlovlarining birinchi darajali g‘olibi, romantik davr asarining eng yaxshi ijrochisi maxsus mukofoti sohibi;

Sevinch Bakiyeva - “Citta di Barletta XXXIV” va “Citta di Pesaro XXI” xalqaro tanlovlarining birinchi darajali g‘olibi, Barletta Risettiva - Marida Bonadies san’atining eng yaxshi ijrochisi maxsus mukofoti sohibi;

Yusuf Sulton - “Citta di Barletta XXXIV” va “Citta di Pesaro XXI” xalqaro tanlovlarining birinchi va ikkinchi darajalari g‘olibi, milliy bastakorlik asarining eng yaxshi ijrochisi maxsus mukofoti sohibi;

Diyora Shorustamova - “Citta di Barletta XXXIV” va “Citta di Pesaro XXI” xalqaro tanlovlarining birinchi va uchinchi darajali g‘olibi, “Barletta Ricettiva - Marida Bonadies” san’atining eng yaxshi ijrochisi maxsus mukofoti sohibi;

Alohida qayd etish lozim, tanlov ishtirokchilari o‘rtasida O‘zbekiston yoshlari eng yaxshi natijalarga erishganligi uchun guruh murabbiyi xalqaro tanlovlar laureyati Nigora Xusanova “Premio speciale Clementi” maxsus mukofoti bilan taqdirlandi.

Yoshlar agentligi jamoasi yoshlarimizni mazkur yuksak natija bilan samimiy qutlaydi va kelgusi ijodlarida omad tilaydi.

Bizning sahifalarimiz:
🔹Telegram 🔹Instagram 🔹Facebook 🔹YouTube

Yoshlar yetakchilari uchun o‘quv-seminari boshlandi

🧾Joriy yilning 13-19-may kunlari Yoshlar ishlari agentligi tomonidan mahalladagi yoshlar yetakchilarini doimiy ravishda bilim va ko‘nikmalarini rivojlantirish maqsadida Bo‘stonliq tumanidagi “Yoshlar oromgohi”da o‘quv-seminar o‘tkazilishi rejalashtirilgan.

Shu maqsadda 13-may kuni Qashqadaryo, Surxondaryo va Toshkent viloyatidagi mahallalarda faoliyat olib borayotgan 200 dan ortiq yoshlar yetakchilari “Yoshlar oromgohi”da jam bo‘lishdi.

📑Oromgohda, mahalla yoshlar yetakchilariga Yoshlar ishlari agentligi markaziy apparatining tegishli masʼullari tomonidan yoshlarga yer ajratish, liderlik qobiliyatini shakllantirish, vaqtdan unumli foydalanish, huquqbuzarlikka moyilligi bor yoshlar bilan tizimli ishlash, yoshlar murojaatlari, besh tashabbus loyihalari, “Yoshlar daftari” tizimidan maqsadli foydalanish kabi bir qator yo‘nalishlarda o‘quv seminarlari o‘tkaziladi.

Bizning sahifalarimiz:
🔹Telegram 🔹Instagram 🔹Facebook 🔹YouTube