“Yoshlarni eshitamiz” — bu shunchaki muloqot emas, harakat!

⚡️Yaqinda boshlangan “Yoshlarni eshitamiz” ochiq muloqotlarida allaqachon 700 dan ortiq murojaat qabul qilindi. Bu yoshlar o‘z fikrini aytishga, jamiyatdagi o‘z o‘rnini belgilashga tayyor ekanining isboti.

Bugungi uchrashuv fuqarolik jamiyati institutlari va volontyor yoshlar bilan o‘tdi. Muloqotda nafaqat muammolar, balki yechimlar, yangi tashabbuslar ham ilgari surildi. Faol yoshlar uchun amaliy qo‘llab-quvvatlovlar e’lon qilindi — bu esa yoshlarning g‘ayrati, ezgulik sari intilishi yanada kuchayishini bildiradi.

🇺🇳BMT ma’lumotiga ko‘ra, dunyoda har 9 kishidan biri volontyorlik bilan shug‘ullanadi. O‘zbekistonda esa bu faoliyat 2019-yildagi “Volontyorlik to‘g‘risida”gi qonun bilan tartibga solingan. Bugun volontyor.uz orqali 42 mingdan ortiq yosh ta’lim, tibbiyot, ekologiya va sport kabi yo‘nalishlarda xizmat qilmoqda.

💬“Yoshlarni eshitamiz” — bu faqat tinglash emas, bu harakat, bu ishonch, bu imkoniyat.

📹 Tez orada jarayonlardan video rolikni e’tiboringizga havola etamiz!

🕊Telegram 📱Instagram 📺YouTube 🔹 Linkedin 🌍Veb sayt

📚1000KITOB — ilm va tafakkur harakati!

Davlatimiz rahbari tashabbusi bilan boshlangan “Yoshlar uchun ming kitob” loyihasi — ilm, tafakkur va tarjima kuchini birlashtirgan eng yirik madaniy harakat sifatida o‘z samarasini bera boshladi.

Loyiha dunyoga mashhur mualliflarning asarlari, ilmiy va badiiy kitoblarni o‘zbek tilida jamlab, yoshlarimizga dunyoni o‘rganish, fikrlash va ilhomlanish imkonini beruvchi katta platformadir.

✔️Bugunga qadar: loyiha doirasida 113 ta asar ekspertlar tavsiyasiga ko‘ra tanlab olindi va 85 ta kitobning tarjima huquqi xarid qilindi. 58 ta asarning tarjimasi yakunlandi. 27 ta kitob har biri 3 000, jami 81 000 nusxada chop etildi.

Ushbu kitoblar falsafa, iqtisod, siyosat, tarix, ekologiya, ta’lim, biologiya, sotsiologiya, huquq, san’at va madaniyat kabi 40 ga yaqin fan yo‘nalishini qamrab oladi.

📚Yaqinda hududlarga yo‘l olgan “1000KITOB karvoni” respublikamiz bo‘ylab 205 ta kutubxona, 50 ta davlat tashkiloti va 97 ta oliy o‘quv yurti mazkur asarlar bilan boyitildi.

🕊Telegram 📱Instagram 📺YouTube 🔹 Linkedin 🌍Veb sayt

⚡️14-UNESCO Yoshlar Forumi: dunyo yoshlari Samarqandda birlashadi

2025-yil 27–28-oktabr kunlari qadimiy Samarqand shahri butun dunyo yoshlarini birlashtiruvchi 14-UNESCO Yoshlar Forumiga mezbonlik qiladi.

“Iqlim harakati va uning ijtimoiy ta’siri, ayniqsa yoshlar uchun” mavzusiga bag‘ishlangan ushbu yirik xalqaro anjuman UNESCO va O‘zbekiston hukumati hamkorligida tashkil etilmoqda.

Forumning maqsadi yoshlarning iqlim o‘zgarishiga qarshi kurashdagi faol ishtirokini qo‘llab-quvvatlash, ularning tashabbus va g‘oyalarini global miqyosda ilgari surish, barqaror kelajakni birgalikda shakllantirishdir.

Shu munosabat bilan, bugun Bangladeshning YUNESKOdagi doimiy vakili, YUNESKO Bosh konferensiyasining 43-sessiyasi raisi Xondker Moxammad Talxa janoblari O‘zbekistonga tashrif buyurdi va uni Yoshlar ishlari agentligi direktori Alisher Sa’dullayev kutib oldi.

#14UNESCO #YouthForum #Samarkand2025

🕊Telegram 📱Instagram 📺YouTube 🔹 Linkedin 🌍Veb sayt

⚡️Dunyo yoshlari bugun Samarqandda!

Ertaga start oladigan 14-UNESCO Yoshlar Forumi arafasida bugun dunyoning turli mamlakatlaridan kelgan ishtirokchilar qadimiy Samarqand shahrining durdonasi Registon maydoni bo‘ylab madaniy sayohatni amalga oshirishdi.

Bu safar nafaqat tarix bilan tanishuv, balki turli davlatlardan kelgan yoshlar o‘rtasida do‘stlik, ochiq muloqot va hamjihatlik ruhini yanada mustahkamladi.

Kunning yakunida esa “Bag‘rikenglik kemasi” nomli xalqaro san’at loyihasiga bag‘ishlangan konsert dasturi tashkil etildi.

⚡️Shunday qilib, 14-UNESCO Yoshlar Forumi oldidan Samarqand yana bir bor madaniyat, tinchlik va yoshlar birligining ramziga aylandi.

#14UNESCO #YouthForum #Samarkand2025

🕊Telegram 📱Instagram 📺YouTube 🔹 Linkedin 🌍Veb sayt