-مسالخير ؛ بدي احكي شي🦋

أي يا جماعة استشيخوا عادي و اعملوا برمضان شغلات ما كنتوا تعملوها قبل هيك عادي، امسحوا الأغاني إللي بأجهزتكم و نزّلوا أذكار على بروفايلاتكم وصلّوا قيام الليل، وقللوا من الكلام السيء والصوت العالي و اتركوا إلي بده يحكي ويتفلسف يحكي إلي بدو اياه ..

و إلي بحكي " من أيمت أعلنت إسلامك؟!"
خلّيه يحكي، ربنا قادر يهدي الجميع وقادر يخلّي رمضان نقطة تحوّل بحياتك للأفضل، لا تهتموا لحكي حدا ولا لنظرات حدا!

ربنا قال: {ذَٰلِكَ وَمَن يُعَظِّمْ شَعَائِرَ اللَّهِ فَإِنَّهَا مِن تَقْوَى الْقُلُوبِ}

وقال أحدهم:{تركت بيني وبين اللّه بابٌ لعلّي أرجع إلى اللّه منه}

ف اعملوا الشغلات إلي بترضيكم و مالكم بحكي الناس ..
و بس 🤍🦋.

هِيام الضاهر

- مهم بهالفترة فترة الصَدَقات " سواء الماديّة أو المعنويّة"🤍🦋.

-من فترة بطلت أدعي ب
"إنو يارب بدي هيك وهيك وهيك"
وَقفت عدّ الأمور إلي بتمناها

صارت الدعوة
"يارب أرضيني بالأحب لقلبي"

شعور الرضا بالشغلات الأحب للقلب هاد أكتر شعور مريح و مستقر ممكن الإنسان يعيشه بالحياة

مارح تقدر تحقق كل أحلامك ، و ما رح توصل لكل أهدافك ؛ ولا تمتلك السعادة الأبدية
ولا تسيطر ع مسار حياتك بالكامل دائماً ؛ولا تتجاوز حتمية زعلك و تشتتك ببعض الأحيان..
مارح تقدر تعمل أي شي كامل من هاد ..

وقتا رح تفهم إنو ما في قدامك غير الرضا ؛ الرضا مع راحة القلب و بس

و اليقين بأنو ربنا بالوقت الأنسب رح يغير كلشي ؛ كرمال يرضيك و يرضي قلبك لأنو هو العادل الرحيم🤍🦋.

#هيام

-بأي لحظة ممكن ربنا يجبر خاطرك ويعطيك إلي بدك ياه ..
بأي لحظة ممكن إلي ببالك يتحقق والشغلات إلي كنت مفكرها مستحيلة تصير حقيقة..
بأيّ ثانية بحياتك ممكن يتغيّر
كلشي لصالحك..
أحسن الظّن بربنا وما عليك بالباقي ، الدنيا بكل ما فيها أهون عند ربنا من جناح بعوضة 🤍🦋.

- و نسألُك شعور السعة، أن لا نشعر يوماً
أننا محاصرين في بقعةٍ ضيقةٍ، نكاد أن نختنق بضيقها🤍🦋.

- بتمنّى مع رمضان الجايّ
أعيش وَاقع الدعوات اللي بدعيها بالليالي الفضيلة هي ، ومحقِّقة اللي بتمنّاه..
وعندي أُمنيات جديدة، وحياة أجمل، وأيّام مليانة استقرار وسلام نفسي، وقلبي يكون مبسوط وعايش شعور الجبر والعوض العظيم عن كل شي استثقلتُه نفسي..

وأحكي بنفس مُطمئنّة :
{الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ }🤍🦋.

أعادهُ اللّه علينا في الخير و اليُمن و البركة🤍🦋

#حلب

-خيراً في كُلّ اختيارٍ يارب🤍🦋

#حلب

- لا يهمُّني إن سبقَني أحدٌ في شيءٍ، بل لا يعنيني الركبُ كلُّه.. 

أنا هُنا  لي طريقي، خُطواتي، مبادئي ، و معتقداتي، و ما أحبّ.. 
أسيرُ وقتما أريدُ ، كيفما أريدُ أرفضُ هذا، وأقبلُ ذاك أتأخرُ، أتوقَّفُ، أغيِّرُ وجهتي تمامًا!  
عيني لا تلحظُ إلا خُطاي، وعقلي لا يسعُ أكثر من ما هو شأني🤍🦋.

-طول الوقت فخورة بأي حدا بحبه ، حتى لو أكبر إنجازاته أنو عرف يفتح برطمان مربى من أول مرة..
ما عندي أي مانع أمدحه و أثني ع أنجازه طول الوقت..

ليش؟!
عشان كلنا بنستحق شخص يمدحنا و يفتخر فينا ولو على أبسط الأمور و شكراً🤍🦋.

-لو ركزنا شوي رح نلاقي انو أغلب الوقت  ما بتكون جاهز لأي شي بيصير معك!

بس سبحان اللّه أوّل ما تكون بالموقف و تقول يارب ...
بتعمل شغلات ماكنت تتخيل  إنّك رح تعرف تعملها!

التوّكل و التسليم الكامل للّه صدقاً مُبهر
و ما ببالغ بقول أنو بسببه بتحصل معجزات..
{وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا}

وبالتالي منخفف شوي من موضوع التفكير الزائد والقلق المُفرط تجاه أي موقف بحياتنا🤍🦋

مُجرد خاطرة صباحيّة
يومكم سعيد.

-أنا من النوع إلي بحب جداً الناس البسيطة ب كلشي..
الناس إلي أول ما عينك تجي بعينهم بيبتسمولك..
إلي بحبوا حياتهم و بيحكوا معك بعفوية وتلقائية حلوة ؛ مافيها عجرفة..
إلي مجلسهم لطيف و خفيف ع القلب ..

مو الناس إلي بتحس إنّك محتاج مقدمات لحتى تعبّر او تحكي شي قدامهم🤍🦋.

-يُقويك ‌اللّه ‌إذا استضعفتك‌ الدُنيا 🤍🦋.

-كل حدا بحارب بمعركته الخاصة ..

كرمال هيك لا تسأل حدا  ليش تعبان!
ولا تتعجب من شخص انهار بلا سبب!

لأنو ممكن بيخفي الأسباب عنك...
إلي بضل الأثر بسببها واضح عَ ملامحه ؛ بالهالات و الإرهاق  إلي تحت عيونو..

ورا كل ستار سرّ ما بيعرفو  إلّا صاحبو
وممكن ما بيعلم فيه حدا إلا الواحد الأحد..
كرمال هيك ادعيلو بقلبك أنو اللّه  يهدِّي  سرو
وبس..

أوقاتكن هدوء وصحّة وراحة بال🤍🦋.

-رضيَ اللّه عن والدي ووالدتي بقدرِ رمالِ الأرض، بقدر كلّ ثقلٍ سانداني على حملهِ، رضيَ اللّه عنهما وأرضاهما وجزاهُما كلّ خيرٍ عني و عن أخوتي🤍🦋.

-‏رغم لخبطة الوضع، وعدم إتزان كتير من الأمور ، بس كل واحد منا أمله كبير ب ربنا أنو بكرا رح يكون أفضل..

طبعاً مو بالمقاييس المنطقية، ولا بحسابات العقل، لَكن برحمته و بأنّه عالم بالنيّة وشايف المجهود..

حُسن الظن بكرم ربنا بغض النظر عن الظروف المحيطة هو إلي بخلّي القلوب أقوى، متحملة، ومكملة🤍🦋.

#جمعة_مُبارك
و تلاقوا الخير
#هِيام🤍🦋