#Ona_tilim_jonu_dilim
MUQADDASSAN, MUNAVVARIMSAN - ONA TILIM
📌 Shu yilning 18-oktyabr kuni Toshkent amaliy fanlar universitetida 21-oktyabr – O‘zbek tili bayrami kuni munosabati bilan “Muqaddassan, munavvarimsan – ona tilim” nomli ma’naviy-ma’rifiy tadbir bo‘lib o‘tdi.
📌 Tadbirga O‘zbekiston Yozuvchilar uyushmasi a’zosi Muhiddin Abdusamad, Muhammad Siddiq, O‘zbekistonda xizmat ko‘rsatgan artist Mehriddin Rahmatov, aktyor O‘tkir Mengliyev, "Yoshlik" jurnali xodimi, yosh shoir Bahodir Jovliyev taklif etildi.
📌 Ushbu tadbirda mamlakatimizda o‘zbek tilining mavqei va maqomini tiklash, uni asrab-avaylash borasidagi ezgu tashabbuslar haqida batafsil so‘z yuritildi, ustoz shoirlarning ona tilimizni ulug‘lovchi ijod namunalaridan o‘qildi. Bayram tadbiri ijro etilgan kuy-qo‘shiqlar bilan ko‘tarinki ruhda o‘tdi.
📱Rasmiy sahifalarimiz:
Website | Telegram | Instagram | Facebook | YouTube
MUQADDASSAN, MUNAVVARIMSAN - ONA TILIM
📌 Shu yilning 18-oktyabr kuni Toshkent amaliy fanlar universitetida 21-oktyabr – O‘zbek tili bayrami kuni munosabati bilan “Muqaddassan, munavvarimsan – ona tilim” nomli ma’naviy-ma’rifiy tadbir bo‘lib o‘tdi.
📌 Tadbirga O‘zbekiston Yozuvchilar uyushmasi a’zosi Muhiddin Abdusamad, Muhammad Siddiq, O‘zbekistonda xizmat ko‘rsatgan artist Mehriddin Rahmatov, aktyor O‘tkir Mengliyev, "Yoshlik" jurnali xodimi, yosh shoir Bahodir Jovliyev taklif etildi.
📌 Ushbu tadbirda mamlakatimizda o‘zbek tilining mavqei va maqomini tiklash, uni asrab-avaylash borasidagi ezgu tashabbuslar haqida batafsil so‘z yuritildi, ustoz shoirlarning ona tilimizni ulug‘lovchi ijod namunalaridan o‘qildi. Bayram tadbiri ijro etilgan kuy-qo‘shiqlar bilan ko‘tarinki ruhda o‘tdi.
📱Rasmiy sahifalarimiz:
Website | Telegram | Instagram | Facebook | YouTube
NAVOSOZ ULUSNING NAVOLARI NAVOIYDA YANGRADI
17-oktyabr kuni tongdan dunyoning yigirmadan ziyod mamlakatidan hamda vatanimizning olis va yaqin hududlaridan Navoiy shahriga “Alisher Navoiy ilmiy-adabiy merosining bashariyat maʼnaviy va maʼrifiy taraqqiyotidagi o‘rni” mavzusidagi V anʼanaviy xalqaro ilmiy-amaliy konferensiyada ishtirok etish uchun kelgan ko‘plab taniqli navoiyshunos olimlar tantanali kutib olindi.
Mehmonlar hamda minglab navoiyliklar, jamoatchilik vakillari faxru iftixor bilan O‘zbek adabiy tilining asoschisi, hazrat Alisher Navoiyning muazzam haykali poyiga gul qo‘yish marosimida qatnashdi. Ulug‘ shoir haykali poyida bir guruh navoiylik yosh navoiyxonlar ulug‘ shoir g‘azallaridan yod aytib turgan ushbu farahbaxsh lahzalar barchaga olam-olam hayajon, g‘urur baxsh etdi.
Navoiy shahridagi Maʼnaviyat markazining muhtasham binosida mehmonlar karnay-surnaylar bilan kutib olindi.
2025-yilning Navoiy viloyatida “Alisher Navoiy yili”, deb eʼlon qilingani, mutafakkir shoir tavalludining 584 yilligi munosabati bilan tashkil etilgan konferensiya ochilish marosimida Oliy Majlis Senati aʼzosi, viloyat hokimi Normat Tursunov, O‘zbekiston Yozuvchilar uyushmasi raisi o‘rinbosari Farida Afro‘z, navoiyshunoslar – yaponiyalik professor Yuuu Kuribayashi, turkiyalik professor Suleyman Do‘g‘an, eronlik professor Ibrohim Xudoyor, pokistonlik olim Ali Kumail Qazalibash, tojikistonlik olim, professor Badriddin Maqsudov, ozarbayjonlik professor Almaz Uvliy Binnatova, qirg‘izistonlik olima Barno Isʼhaqova anjumanga atab dil so‘zlarini bayon etdi.
Navoiy viloyati hokimligi, O‘zbekiston Yozuvchilar uyushmasi, O‘zbekiston Respublikasi Fanlar akademiyasi O‘zbek tili, adabiyoti va folklori instituti, Alisher Navoiy nomidagi Xalqaro jamoat fondi, Navoiy davlat universiteti hamda Oliy taʼlim, fan va innovatsiyalar vazirligi hamkorligida tashkil etilgan mazkur xalqaro anjumanning ochilish marosimida turkiyalik atoqli navoiyshunos olim, professor Kelman Yavuz Ataman Navoiy davlat universitetining faxriy professori deb eʼlon qilindi.
Tushdan so‘ng konferensiya o‘z ishini navoiyshunoslarning maʼruzalarini, ilmiy xulosalarini shoʻbalarda eshitish va muhokama etish maqsadida davom ettirildi. Anjumanning asosiy maqsadi – buyuk mutafakkir va shoir Alisher Navoiyning ilmiy-adabiy merosini chuqur o‘rganish, uning asarlarida aks etgan insoniylik, maʼrifat, adolat, axloq va ezgulik g‘oyalarini zamonaviy ilmiy yondashuvlar asosida tahlil etish hamda bu boy maʼnaviy xazinani xalqaro miqyosda targ‘ib qilishdan iborat bo‘lgani bois dunyoning turli mamlakatlarida shoir ijodiga bag‘ishlab chop etilgan ilmiy va badiiy asarlar taqdimotlari ham uyushtirildi.
Oqshomdagi nazm va navo kechasida poytaxtdan kelgan shoirlarning qo‘li qo‘liga tegmadi. O‘zbekiston xalq shoiri Usmon Azimni qizg‘in davralar qizg‘anib-qizg‘anib mushoiraga chorladi. O‘zbekistonda xizmat ko‘rsatgan madaniyat xodimlari Farida Afro‘z hamda Zulfiya Mo‘minova hazrat Navoiy sochgan nazm durdonalarining davomi sifatida o‘zlarining go‘zal sheʼrlarini o‘qib, barchani xursand qildi.
O‘zbekiston xalq yozuvchisi Muhammad Aliga navbat berildi. Ustoz adibimiz Alisher Navoiyning “Qaro ko‘zum” g‘azaliga bog‘lagan muxammasini o‘qiyotganda zal ahli o‘rnidan tik turib, olqishlab tingladi.
Anjumanning ikkinchi kuni, 18 oktyabrda Nurota tumani markazida qad rostlagan “Chashma” amfitetrida o‘tgan “Nazm va navo” bayram dasturi esda qolarli bo‘ldi. O‘ta baland pardalarda kuylangan maqom qo‘shiqlarining avj pallallarida nurotaliklar va mehmonlar baravariga o‘yinga tushib ketaverdi. Maqomda ustozlari yo‘lida ashulalar aytib elda obro‘ va izzat topgan Isroil Vahobov, Ahmadjon Mamadaliyev, Gulbahor Erqulova kabi taniqli hofizlarimiz hazratning o‘lmas g‘azallarini mahorat va jasorat bilan kuylayotgan ushbu dorilomon damlarda azim va purviqor Oqtovning ozod Yurt osmonini ko‘tarib turgan cho‘qqilari ham kuy va qo‘shiqlarga raqs tushayotganday edi!
Bahriddin Sadriddinov,
O‘zbekiston Yozuvchilar uyushmasining Navoiy viloyati bo‘limi boshlig‘i
17-oktyabr kuni tongdan dunyoning yigirmadan ziyod mamlakatidan hamda vatanimizning olis va yaqin hududlaridan Navoiy shahriga “Alisher Navoiy ilmiy-adabiy merosining bashariyat maʼnaviy va maʼrifiy taraqqiyotidagi o‘rni” mavzusidagi V anʼanaviy xalqaro ilmiy-amaliy konferensiyada ishtirok etish uchun kelgan ko‘plab taniqli navoiyshunos olimlar tantanali kutib olindi.
Mehmonlar hamda minglab navoiyliklar, jamoatchilik vakillari faxru iftixor bilan O‘zbek adabiy tilining asoschisi, hazrat Alisher Navoiyning muazzam haykali poyiga gul qo‘yish marosimida qatnashdi. Ulug‘ shoir haykali poyida bir guruh navoiylik yosh navoiyxonlar ulug‘ shoir g‘azallaridan yod aytib turgan ushbu farahbaxsh lahzalar barchaga olam-olam hayajon, g‘urur baxsh etdi.
Navoiy shahridagi Maʼnaviyat markazining muhtasham binosida mehmonlar karnay-surnaylar bilan kutib olindi.
2025-yilning Navoiy viloyatida “Alisher Navoiy yili”, deb eʼlon qilingani, mutafakkir shoir tavalludining 584 yilligi munosabati bilan tashkil etilgan konferensiya ochilish marosimida Oliy Majlis Senati aʼzosi, viloyat hokimi Normat Tursunov, O‘zbekiston Yozuvchilar uyushmasi raisi o‘rinbosari Farida Afro‘z, navoiyshunoslar – yaponiyalik professor Yuuu Kuribayashi, turkiyalik professor Suleyman Do‘g‘an, eronlik professor Ibrohim Xudoyor, pokistonlik olim Ali Kumail Qazalibash, tojikistonlik olim, professor Badriddin Maqsudov, ozarbayjonlik professor Almaz Uvliy Binnatova, qirg‘izistonlik olima Barno Isʼhaqova anjumanga atab dil so‘zlarini bayon etdi.
Navoiy viloyati hokimligi, O‘zbekiston Yozuvchilar uyushmasi, O‘zbekiston Respublikasi Fanlar akademiyasi O‘zbek tili, adabiyoti va folklori instituti, Alisher Navoiy nomidagi Xalqaro jamoat fondi, Navoiy davlat universiteti hamda Oliy taʼlim, fan va innovatsiyalar vazirligi hamkorligida tashkil etilgan mazkur xalqaro anjumanning ochilish marosimida turkiyalik atoqli navoiyshunos olim, professor Kelman Yavuz Ataman Navoiy davlat universitetining faxriy professori deb eʼlon qilindi.
Tushdan so‘ng konferensiya o‘z ishini navoiyshunoslarning maʼruzalarini, ilmiy xulosalarini shoʻbalarda eshitish va muhokama etish maqsadida davom ettirildi. Anjumanning asosiy maqsadi – buyuk mutafakkir va shoir Alisher Navoiyning ilmiy-adabiy merosini chuqur o‘rganish, uning asarlarida aks etgan insoniylik, maʼrifat, adolat, axloq va ezgulik g‘oyalarini zamonaviy ilmiy yondashuvlar asosida tahlil etish hamda bu boy maʼnaviy xazinani xalqaro miqyosda targ‘ib qilishdan iborat bo‘lgani bois dunyoning turli mamlakatlarida shoir ijodiga bag‘ishlab chop etilgan ilmiy va badiiy asarlar taqdimotlari ham uyushtirildi.
Oqshomdagi nazm va navo kechasida poytaxtdan kelgan shoirlarning qo‘li qo‘liga tegmadi. O‘zbekiston xalq shoiri Usmon Azimni qizg‘in davralar qizg‘anib-qizg‘anib mushoiraga chorladi. O‘zbekistonda xizmat ko‘rsatgan madaniyat xodimlari Farida Afro‘z hamda Zulfiya Mo‘minova hazrat Navoiy sochgan nazm durdonalarining davomi sifatida o‘zlarining go‘zal sheʼrlarini o‘qib, barchani xursand qildi.
O‘zbekiston xalq yozuvchisi Muhammad Aliga navbat berildi. Ustoz adibimiz Alisher Navoiyning “Qaro ko‘zum” g‘azaliga bog‘lagan muxammasini o‘qiyotganda zal ahli o‘rnidan tik turib, olqishlab tingladi.
Anjumanning ikkinchi kuni, 18 oktyabrda Nurota tumani markazida qad rostlagan “Chashma” amfitetrida o‘tgan “Nazm va navo” bayram dasturi esda qolarli bo‘ldi. O‘ta baland pardalarda kuylangan maqom qo‘shiqlarining avj pallallarida nurotaliklar va mehmonlar baravariga o‘yinga tushib ketaverdi. Maqomda ustozlari yo‘lida ashulalar aytib elda obro‘ va izzat topgan Isroil Vahobov, Ahmadjon Mamadaliyev, Gulbahor Erqulova kabi taniqli hofizlarimiz hazratning o‘lmas g‘azallarini mahorat va jasorat bilan kuylayotgan ushbu dorilomon damlarda azim va purviqor Oqtovning ozod Yurt osmonini ko‘tarib turgan cho‘qqilari ham kuy va qo‘shiqlarga raqs tushayotganday edi!
Bahriddin Sadriddinov,
O‘zbekiston Yozuvchilar uyushmasining Navoiy viloyati bo‘limi boshlig‘i