VATANIMIZ O'ZBEKISTON HAQIDA

Bugun Do'stlik qo'mitasida “Vatanimiz O‘zbekiston haqida” nomli adabiy kecha va hamkorlik toʻgʻrisidagi anglashuv memorandumi imzolash marosimi bo'lib o'tdi.

📱Rasmiy sahifalarimizga obuna bo‘ling:
Website | Telegram | Instagram | Facebook | YouTube

Qadriyat

Har birimiz davlat tiliga bo‘lgan e’tiborni mustaqillikka bo‘lgan e’tibor deb, davlat tiliga ehtirom va sadoqatni ona Vatanga ehtirom va sadoqat deb bilishimiz, shunday qarashni hayotimiz qoidasiga aylantirishimiz lozim.

Shavkat Mirziyoyev,
O‘zbekiston Respublikasi Prezidenti

​#оnа_tilim_faxrim

KIM TILNI BILUR — ELNI BILUR

Avaz O‘tar g‘azaliga muxammas

Gar ushbu Vatan bizga azal ota makondur,
Sultonlaridin sha’ni aning ro‘yi jahondur.
Kim tilni bilur – elni bilur, shoniga shondur,
Har tilni biluv emdi bani odama jondur,
Til vositai robitai olamiyondur.

To yog‘masalar boshingiza ta’na-yu toshlar,
Toshdin ham qatiq bo‘lgusidir ilm ila boshlar,
Ey siz, qorako‘z-u qorasoch-u qoraqoshlar,
Gʻayri tilini sa’y qiling bilgali yoshlar,
Kim ilm-u hunarlar bilaki andin ayondur.

Bo‘lmas kishiga ko‘rk-u husn so‘zni gulidek,
Har tilni biluv – dilni biluv, dilni – elidek,
Tilni yo‘li ham shoh jahongirni yo‘lidek,
Lozim siza har tilni biluv ona tilidek,
Bilmakka oni g‘ayrat eting, foida kondur.

Haq sizga beribmish suvingiz ham dalangizni,
O‘z bog‘ingiz-u, qir-adiringiz, lolangizni,
Teng aylab jahon ahliga kuch-hafsalangizni,
Ilm-u fan uyiga yuboringlar bolangizni,
Onda o‘qug‘onlar bori yaktoyi zamondur.

Umr o‘tgusidur suv kabi yo suvdagi xasdek,
Dilbandlaringizning bari daryoyi havasdek,
Ilm olmasalar umr bo‘lur tiyra qafasdek,
Zor o‘lmasun onlar dag‘i til bilmay Avazdek,
Til bilmaganidan oni bag‘ri to‘la qondur.

Sirojiddin Sayyid,
O‘zbekiston xalq shoiri

Jarayon

“Mahalla” telekanali “Mahalla tongi” dasturining navbatdagi soni mehmoni O‘zbekiston Yozuvchilar uyushmasi a’zosi To‘lqin Eshbek bo‘ldi.