1929-yildan buyon bolalar va o‘smirlarga sodiq hamroh, yaqin do‘st hamda ijodiy minbar bo‘lib kelayotgan «Tong yulduzi» bugun ham o‘z vazifasida sobit!

@tongyulduz

✅ "Yangi O’zbekiston" gazetasining 2025-yil 18-oktyabr kungi 214(1540)-soni mutolaa uchun havola qilinmoqda.

📌 Unda O’zbekiston Yozuvchilar uyushmasi a’zosi Zilola Xo‘janiyozovaning “Milliy madaniyatimiz kaliti, qadriyatlar uzviyligi ildizi” nomli tahliliy maqolasini o’qishingiz mumkin.

O‘ZBEK YOZUVCHISINING ASARLARI XALQARO FRANKFURT
KITOB KO‘RGAZMASIDA

YUNESKOning Xalqaro bolalar va o‘smirlar adabiy kengashi IBBY tomonidan dunyo bolalar yozuvchilari uchun taqdim etiladigan Xans Kristian Andersen nomidagi xalqaro mukofotga o‘zbekistonlik yozuvchi, O‘zbekiston Yozuvchilar uyushmasi a’zosi Muhabbat Yo‘ldoshevaning “The Secret of Mouse” (“Sichqonning siri”) nomli kitobi tavsiya etilgan edi. O‘zbek adibasining asari bir necha bosqichlardan muvaffaqiyatli o‘tib, eng so‘nggi final bosqichiga chiqdi.
Ayni kunlarda Germaniyaning Frankfurt shahrida bo‘lib o‘tayotgan Xalqaro kitob ko‘rgazmasida Muhabbat Yo‘ldoshevaning kitoblari O‘zbekiston nomidan ishtirok etmoqda.

"Xiyobon oqshomlari"ning galdagi soni o'zbek tili bayramiga bag‘ishlandi

17-oktyabr kuni "Xiyobon oqshomlari" madaniy-ma'rifiy loyihasining galdagi sonida o'zbek tiliga bag'ishlangan adabiy suhbat va mushoira kechasi tashkil etildi. Ushbu tadbir tilimizga boʻlgan hurmatni oshirish, yosh avlod qalbida milliy iftixor tuyg'usini shakllantirish, shuningdek, ijodkorlar o'rtasida ijodiy muloqotni mustahkamlashga qaratilgan.
Tadbirda O'zbekiston Yozuvchilar uyushmasi rahbariyati, a'zolari, taniqli shoir va yozuvchilar, yosh ijodkorlar, adabiyot ixlosmandlari hamda O'zbekiston Milliy gvardiyasi vakillari ishtirok etdi. Ularning chiqishlari orqali o'zbek tilining go'zalligi, boy tarixiy merosi, bugungi taraqqiyoti va yoshlar hayotidagi o'rni haqida so'z yuritiladi.
Mushoira davomida qatnashchilar o'z she'rlarini o'qib eshittirdilar, til, Vatan, milliy qadriyatlar mavzusidagi ijodiy chiqishlar bilan ishtirok etdilar. Yosh ijodkorlar o'z ijod namunalari orqali tinglovchilar e'tiborini jalb etib, tilimizga bo'Igan muhabbatni ifoda etdilar.
Tadbirning muhim jihatlaridan biri yosh avlodni ona tilini chuqur o'rganishga chaqirish, uni e'zozlashga undashdir. Oʻzbek tili — bu nafaqat muloqot vositasi, balki millatning tarixi, madaniyati va ruhiyati mujassam topgan bebaho merosdir. Shu bois, bu kabi tadbirlar jamiyatimizda tilga boʻlgan hurmatni oshiradi, uni yanada qadrlashga sabab bo'ladi.
Kechada "Mening birinchi kitobim" loyihasida chop eyilgan kitoblar taqdimoti ham o'tkazildi.
"Xiyobon oqshomlari" loyihasi doirasida oʻtkazilayotgan bu adabiy-ma'rifiy kecha ijodkorlar uchun yangi ilhom manbayi, yoshlar uchun esa saboq va ruhiy boylik bo'ldi.
Tadbir doirasida ishtirokchilarga esdalik sovg'alari, kitoblar hamda Yozuvchilar uyushmasi tomonidan tayyorlangan maxsus to'plamlar taqdim etilldi.

​Oqshom sheʼri

AFRIKALIK QIZ

Lablaring gulmidi,
ko‘zlaring – olov?
Oyog‘ing ostida
qumloqdir cheksiz.
Ketyapsan, qip-qizil
cho‘l bilan yayov,
bunchalar dardlisan,
afrikalik qiz?

Enam aytar edi:
“Zo‘riga uylan,
sug‘urib olsin u
jigarin yerning”.
Lekin sevganimni
ko‘rmovdim o‘ylab,
yashashin ustida
qoq ekvatorning.

Oynayi jahonda
tanidim seni,
sen ham men tomonga
qarading ilkis.
Quyoshdan yonardi
Afrika cho‘li,
o‘tli muhabbatim –
qora tanli qiz.

Darding tushunaman,
yuragingni ham,
bilaman, u yerda
suv – noyob, tanqis.
Lablarimda senga
hayot tutaman...
... yoshlaring ichadi,
Afrika yolg‘iz.

Ishon, kelinisan
sen Osiyoning,
o‘zbekning qizisan –
o‘zbekcha aytsam.
Oshig‘i bo‘lmagan
mendek dunyoning,
o‘zbek emasman gar
so‘zimdan qaytsam!

Bir kuni boraman
olib kelgani,
Afrikaga yetar
ikki happayim.
“Kuyovim” deydimi,
savanna mani?
ilondek – sochlaring,
silayman mayin.
Buyog‘in so‘zlasam,
bo‘lmaydi qiziq,
So‘raymiz Xudodan
endi qolganin.
Ishon, topib borar
do‘ppili yigit,
faqat sen enamga
yoqsang bo‘lgani!..

Umid Qodir

(Oqshomda o'qilgan eng yaxshi she'r, deb tanlandi)

#оnа_tilim_faxrim

ONA TILIM

Bobomeros tilim, jon ona tilim,
Turkiyon yurakning qat-qatida sen.
Gulsevar bulbulga dugona tilim,
Qoshgʻariy bobomning lugʻatida sen.

Husni latif boʻlding, maftunkor boʻlding,
Ming bir darsxonada jarangdor boʻlding,
Muallim, mudarris, ulugʻvor boʻlding,
Yassaviy bobomning hikmatida sen.

Qadim Enasoyning toshxati oʻzing,
Mumtoz asarlarning boshxati oʻzing,
Muborak “Hamsa”ning izzati oʻzing,
Hazrat Navoiyning dastxatida sen.

Qum toʻzon qoparib kelgan ne yovuz
Zulmlarin yutib yumilmagan koʻz,
Lablarda gahi nay, gahi chanqovuz,
Gʻayurning turfa rang kulfatida sen.

Seni suygan koʻngil boʻlibdir osmon,
Osmon boʻlib yashash emasdir oson,
Seni suyganlarning qanchasi qurbon,
Oʻzbegim sabrida, toqatida sen.

Sen elimga Haqning bergan inʼomi,
Kun sari toʻlaru toʻkilmas jomi,
Yarashiq sifoting davlat maqomi,
Soʻzondil sanduvoch suratida sen.

Sen-ey, mulki jonim, huquqim, haddim,
Zebigardonim deb manglayga taqdim,
Borsanki bor erur saflarda qaddim,
Dunyomizning mumtoz roʻyxatida sen.

Zamiraman desam ovozim — tilim,
Subhichogʻ madhiyam, parvozim — tilim,
Bolamga qoldirgich merosim — tilim,
Mangusan mangulik xilqatida sen.

Zamira Roʻzieva