من تضعفون وتحسون نفسكم تعبانين وجنتو متحملين فتره كلش طويله من ضغوط وتعب نفسي راح تكون خلصت طاقتكم…

لادكول انه مااضعف وماعرف ايش لا تضعف وتتعب وتبجي لأن انته انسان انتي انسانه عندج صبر وعندج طاقه تتحمل فتره وخلاص تنتهي والأنسان مرات. من يبجي مو معناها هوه ضعيف لا لأن هوه جان قوي لفتره كلش طويلة 🌻

ف من تتعبون لا تلتجئون لأي انسان ابد محد راح يفهمك ولا يحس بيك غير نفسك ورب العالمين الشخص الوحيد الي يكون الك السند وينطيك قوه هوه رب العالمين اكعدو صلو حتئ لو مو وكت صلاة بس اهم شي تتوجهون لرب العالمين احجوله كلشي بداخلكم ابجو فرغو الي بداخلكم اقرو قرءآن 🍂

صدكوني مو عيب والله انتم تلتجئون لرب العالمين احسن من اي شخص ثاني راح يكون حنون عليك احن من امك يعني شتصور من يشوفك ضعيف وتشكيله مراح يخفف عنك مراح ينطيك قوه راح يزيل من كلبك الاشياء الي متعبتك راح تحسون براحه مو طبيعآ والله 🍁🖤

‏𝑯𝒂𝒑𝒑𝒚 𝒃𝒊𝒓𝒕𝒉𝒅𝒂𝒚 🎂💛✨.'
- وردهۿ يـنايـَر 🌸💛. .
شهۿر مميز لانۿ ميلاد صَديقتي ﭑلحلوۿ عيد ميلاد حبيبۿ قلبي ڪل ؏َـام وٲنتي بخيير ميلادك ؏ـن ﭑلف كلام وكلام سنهۿ حلوۿ يا ؏َـمري،
حبيبتي دنوو اتمنالج سنة مليئه بالسعادة والضحكة متفارك وجهج الجميل يحياتي انتي🥺💗
- i : 𝙡𝙤𝙫𝙚 𝙮𝙤𝙪 💕📨‼️.✨

تهون يبـغـداد بـرداً وسلاماً🖤

حاولو اتغيرون من نفسكم روتينكم حياتكم مو كل يوم نفس الشي هيج حيصير ملل

كل يوم سو شي جديد بحياتكم اي شي انتم تحبو مثلأ هواياتكم اي شي حلو عيشي يومج بكامله بحزنه بفرحة اعيش الحضه بكل ماتحمل من مشاعر حتئ الحزن اعيش كلشي بيومة

حلو من تتغير وتسعئ تصير الأفضل والأحسن ماتقبه نفس ماأنته اليوم يمر والأشهر والسنوات وانته باقي نفسك العالم تطورت وتعلمت اشياء وشغلات حلوه تفيدهم وانته بس تسمع بذاك صار هيج وفلان صار هيج

انته انتبه لنفسك شوف شنو ناقصك شنو لازم تغير بنفسك شنو الأشياء لازم تتغير بشخصيتك الأشياء المو حلو بيك غيرها وخلي شخصيتك تتطور من يوم ل يوم🌼

تجدد في كل يوم واصنع من نفسك شى جميلًا لايتكرر ابدآ🌸💗

سوف ابقئ كما أنا صامته، صامدة، قويه، لايهمني احد ولا يغيرني احد اعيش كما أحب وافعل مأاريد. ولا يمكن لأحد ان يتدخل في حياتي !!

سوف ابقئ كما أنا لطيفه، رقيقه،
سوف تبقئ مشاعري ك مشاعر الأطفال هشه الئ حد كلمة تؤثر بها 🥺

سوف اكبر ولأكن تبقئ روحي طفلة تخشئ غياب ابيها عنها و تحتاج حنان امها حتئ تشيب 🍁

سوف ابقئ مدللة ابي وامي حتئ اذا كبرت سوف ابقئ طفله حنونه رقيقه ك الفرشات🦋🌸

مرات الأنسان يحتاج كلمة وحده تعدل مزاجة ونفسيته كلها بسبب كلمة

هالمخلوقه الوحيدة الي اهتمت ودزتلي فد شي بسيط كلش بس رسم ابتسامة ع وجهي 🥺 جد حلو الشخص يساعد الأخر ولو بكلمة💗

كمية الحب ولطافه ب الكلام ماتنوصف عمري وانه بعد احبج وتسلميلي ع هالكلام الحلو الي صدك غير نفسيتي🥺💗

كلش احب كلمة "علمودج" ، من احد يكلي راح اسوي هالشي علمودج جاي علمودج ، أصلًا حبيت الشغلة هاي علمودج إنتَ تحبها ، مراح اسوي هيج علمودج ، التقدير هذا بحد ذاته حلو ، وإنّك تحس إنه اكو احد يسوي اي شي علمود يرضيك هاي شغلة بحد ذاتها تفرح ، وأني وكتها ممكن انطي عيوني إذا طلبهم..♥️🥺

هالنص والكلام كلش لمس قلبي 🥺

من اكو شخص بحياتكم من تضوجون تلكونه يمكم من تفرحون تلكونه يمكم من تبجون يحاول يضحكم يحاول يسعدكم يحاول يسوي كلشي لعمودك لعمود بس تبتسم يسهرلك حتئ لو نعسان حتئ لو تعبان يهتم بيك بأصغر تفاصيلك المهمه والغير مهمة يحبكم بكلشي بيكم بعيوبكم بزين والمو زين…

اذا عندك هالشخص بحياتكم مو شرط يكون حبيب يجوز صديق صديقه لاتخسرونه لاتضوجونه اهتمو بيه مثل مايهتم بيكم بادلو مثل مايبادلكم هالشخص مايتعوض وصعب تلكة هالشخص بهالوكت يعني ماعرف الكلام مايكدر يوصف هالشخص
بس بأختصار هالشخص اذا طلب( عيوني انطيهم) وابد هالشخص لاتخسرو لاتخسرو لاتخسرو حطو الف خط ع هالكلمة🥺

كتاباتي🥺
@Llli15s

لا تعلقها بيك وتعوفها ولا تعودها ع وجودك وتعوفها لاتجرحها لادكولها بنيتي وانته مو كد هالكلمة لا توعدها بأي شي وانته مو كد كلمتك صير رجال من تريد تحب حبها حب صادق نقي تره هيا طفله من دكولها بنيتي خلاص حسبتك ابوها الثاني ابوها الي يخاف عليها من كلشي لاتلعب بمشاعرها لاتضحك عليها لاتخليها تثق بيك وتئمن الك بعدين تشبع منها وتتركها هيج من دون سبب كون رجال كد كلمتك حبها واخذها لاتخليها تخون ثقت أهلها ع مودك وانته مو كد هالثقه كون ألها صدك أب ثاني بحنيتك عليها خوفك ولا تحجي وياها بسوالف مو حلوه هيا طفلة ماتريدك تكون نفس الي يملي رغبته وتروح تريدك تكون مختلف عن الي تسمعه خاف عليها وع سمعتها مثل ماتخاف ع اختك ولاتحاول تلعب بعرض الناس الدنيا دواره وكما تدين تدان… !

واذا انته مو كد الكلمة ومو رجال لا تحب وتورط طفله بريئه وياك ولادكول هيا لو شريفه مااجت حجيت وياي وماعرف شنو هيا شريفه بس ثقت بيك حسبتك غير عنهم كون واعي ومثقف لادكول مثل ماحجت وياي تحجي ويا غيري مثل مادزت صورتها دازتها لغيري اذا انته ماتثق بحب الأنتريت لاتحب ولاتورط بنيه وياك والبنيه الي حجت وياك وحبتك صدك وثقت بيك مو معناها مو شريفه بس حاولو تفكرون انو مجتمعنا حيل ظالم البنيه بكل شي ولاتصير انته هم ظالم صير واعي وخلي تفكيرك مثقف

حبيت اتكلم عن هالموضوع لأن هواي دأسمع عنه وهواي وحاولت ولو بشي بسيط اتكلم عنه وطبعا هالكلام للبعض من الشباب اكو صدك رجال وحبها واخذها وحارب الدنيا ع مودها واكو لا والله مايتسمه رجال 🙂

كتاباتي 🥺

هالبشر الحلو الماكو منها من تشوفني ضايجة تحاول تغير مزاجي لج اروح فدوه لكلامج🥺🥺

خاب فدوه شهالبشر شهالطافه 🥺🥺

شهر جديد ان شاء الله خير 🥺💗

لافيووو هواي هواي ع هالكلام والدعوات الحلوه حبيبتي ربي يوفقج يعمري 🥺🥺

سوف أنام وانا مغرقة بالبكاء 🖤
سوف أنام وانا داخلي مملوء بالحزن 🖤
سوف أنام وانه ع أمل ان استيقظ وأرى الأجمل 💗

بكل بساطة بكل شي تمرون بي اليوم راح يتغير باجر اذا بجيتو اليوم راح تكعدون الصبح تبتسمون 💗

ف كلشي يتغير الئ الافضل وماكو شي يبقئ ع نفسه 🖤 تصبحون ع يوم افضل مما حدث في اليوم 💗

شايفين هذا الشخص الي دائما يضحك ويسولف والي يشوفه يكول هنياله عايش حياته شايفين هذا الي يوكف ويا الكل الي يساند الكل يحاول يضحك الكل يفتقد الكل ويسئل عليه بأختصار حنين ع الكل يتعلق بسرعه مجرد مايحجي ويا شخص كم يوم خلص يصير هالشخص غالي..


( هالشخص بحد ذاته يحتاج الي يكون نفسه الي يسئل عنه هوه يحتاج الأشياء الي يعامل الناس بيها رغم انكساره وهوه يسند غيره رغم حزنه ومتاعبه هوه يضحك غير هالشخص يحتاج شخص مثل طيبت كلبه وحنيته )

صدك صعبه من تكون انته تساند غيرك وانته تحتاج سند تسئل ع غيرك وانته تحتاج الي يسئلونك شبيك احجيلي بس رغم هذا كله هوه مراح يلتجي لأي شخص لان ماكو شخص مثله مثل كلبه يفهمه محد يفتقده !!

وصدكوني هالشخص محد راح يعوضه عن هالشي بس رب العالمين الي راح يحس بي رغم انكساره وحزنه وهوه يسند غيره راح يعوضه عن كل لحضه حزن ويجوز يعوضه بشخص مثله مثل كلبه وحنيته…

ف حبيت اكلكم ساعدو غيركم من تكونون محتاجين مساعده فرحو غيركم من انتو محتاجين فرحة وهالشي راح يعوضكم عنه رب العالمين صدكوني بكل لحضه جنتو محتاجين بيها شخص ورغم كلشي بداخلكم جنتو تضحكون غيركم كله مايضيع عند رب العالمين🍂🖤

كتاباتي 🥺🤍

يافتاه لاتبكي ع رجل لم يعرف قدرك لان الله يجمع بين اثنين ليكملا بعضهم ليس ليكسرا بعضها الاخر🤍

يكفيني إني إمرأة لو تقارن الكل ماراح تلكة بصفاتها إمرأة بمعناه الكلمة تعرف كيف تكون أنثي في الوقت الصح وكيف تكون بألف رجل في الوقت المناسب
يكفيني إني إمرأة قويه لدرجة الصمود قويه جدآ وفي الوقت نفسه ضعيفه جدآ تعلم كيف تمارس الأنوثة بحد ذاتها تعلم كيف تكون قاسيه ولطيفه وحنونه 🤍

يكفيني إني إمرأة لايهمها كلام الناس عنها يكفيني إني انثئ وانتها النقاش!! 💗

مو غرور وأنما كل الكلمات غير كافيه لوصف الأنثئ ..

#نبذه عني… 🤍

دائما خلي بالج انتي أنثئ قوية كلشي راح تتجاوزي وكلشي راح يتعده وماكو احد باقي لأحد كلها ناس عابره لاتخلين اي شخص انو مراح يتركج كلها خليها ويا كلمة كلكم عابرين راح يجي يوم ويعوفج بدون استثناء لاتتعلقين زايد عن الزوم ومتكدرين تعيشين من دون شخص ولو ماكو هيج شي انو ماكدر اعيش من دون شخص تكدرين وربي سنه سنتين تتناسين وتكملين حياتج خليج دائما كولي وداعآ الي يريد يروح الله وياه والي يبقه هلا بي خليج حذره بكل علاقه تدخلين بيها سواء صداقه حب لكلشي حدود تمام

#كتاباتي 🥺