چرای قەندیلە، شەمسی ئاسمانە، ڕووی درەخشانت
ئەگەر سەد جار بە زوهرە و موشتەری ڕووبەندی پێدادەی

@z_harman

✍️:وەفایی

کوردەواریم کە نەبێ گیان و ژیانم ناوێ
گیان ئەوە، ئەو کە نەبوو، بۆچی دەبێ ئەو بەدەنە

@z_harman

✍️:مامۆستا هێدی

لە ئاب و تاب و ئەشک و ئاهی خۆمدا بووم بە بوریانی
لەباتی پوختەگی سووتام و ئێستەش پێم دەڵێ: خامە

@z_harman

✍️:نالی

نەوەک مەیخانە خاڵی بێ هەتا پیری موغان ماوە
سەرم قوربانت ئەی ساقی گەلێ تینووم سەبوو بێنە

@z_harman

✍️:حەریق

ئەو نوێژە کە ماچ دەچێتە جێگەی
هەڵدەگرێ سەرت بچێ لە ڕێگەی

@z_harman

"مەم و زین"
هۆنراوە:مامۆستا ئەحمەدی خانی
وەرگێڕان بۆ سەر زاراوەی سۆرانی:مامۆستا هەژار

پێت بڵێم خزمەتی بێگانە چییە ئەنجامی
ڕووڕەشی و چاولەبەری و ملکەچییە و .... دڕاو

@z_harman

✍️:عەونی

چاوم لە ڕێتە، چۆمەکە فرمێسکە، دڵ بوار
سەر بەردەبازە، فەرموو ئەگەر دێیە ماڵی من

@z_harman

✍️:حەقیقی

دەمی «بیور» عەدووی «دارە» بەڵام کلکی ئەویش دارە
بەهۆی کوردە ئەتۆ غافڵ کە وا ئەمڕۆ شکێنراوی


@z_harman


✍️:دڵدار

حاڵی بە گەرم پرسش ئەکەم،ساردە جەوابم

@z_harman

✍️:مامۆستا گۆران

بەژنی جوان و نەرم و ناسک
هاتووچۆ بە وێنەی ئاسک
پڕ لە بازن قۆڵ و باسک
پشتێند شڵەی،کراس کەسک

میوانی من بێ
یا ڕەببی میوانی من بێ

@z_harman

✍️:سەید عەلی سەردەشتی

کە تۆ ئەڕۆی، شەوگاری من ڕەش و مۆنە
گوڵی هیوام بێ چرۆیە، بۆنی نایە.
مەلی بیرم شاباڵ قرتاو... لەش خوێناوی
هیوای دواڕۆژ لە تاریکی و هەورا ون بوو
کۆرپەی عەشقم بزەی نایە

@z_harman

✍️:ژیلا حوسێنی