اليرضى على عينك دمع
متجيبة لحضة زعل
والراح لو ما رجع
من اولها يعني الخلل

مجتبى غانم

اضحك وهزها التراچي
بفييها شدينة املنة
ومنها تطلع چم شمس
وباجر اليبدي بضحكتك
چي نمت زعلان ما صاحب امس

مجتبى غانم

انتَ يا شوك المحطة
ولذة الخمرة ببرد
انتَ كعدة على الشواطي
بحضن وشفاف ونهد
من تمر بينة نصاحبها الشوارع
بيها چم مرة نفوتلها ونرد

مجتبى غانم

من تشابگنة الطيوف بهلا وملگة
نغفة بعيون الترف
ونفز من طيفك نكتبة
نعلگة ب اركان الغرف

مجتبى غانم

مايهمج
حيل اعذرج من اشب وما يهمج
انتي بنت العافية وعشرين صرتي
وماحرك شي مرة دمج
واني كد ما ضاعن احلامي الردتهن
فوك شباجي استحي وماريد ارسمج

مجتبى غانم

حيل اعذرج
اني گوة اليوم اخلصة
وانتي فوك الگمر حلمج
حيل اعذرج
لا تحبيني واحبج
حتى لو مو شفتي صارت تلفض اسمج
لا تحبيني واحبج
واعتذر واسف يگلبج
چي ردت كوة عليه
انشاف يمج

مجتبى غانم

وانتَ مثل الغيم ماشي
لو اثر باقي اعتنينة
وين رايح
يا حلاة البيت يا ضحك المدينة

مجتبى غانم

جيبلي الناس الردتهم
والبعتني وما بعتهم
لخاطرك هم راح احبهم

مجتبى غانم

الصباح يبدأ
عندما تفتحين ثَغرك
وتبدأين بالتثاوب
تشرق الشمس عندها
ويختلط الهواء بعطر فمك
ننزل الستائر من الشبابيك
تبدا العصافير بالزقزقة
ابدأ اُلاعب نهديك ببطئ
احضنك من الخلف
واهمس ب اذنيك
لا صباح
لا فجر
لا نور يكسر ضلام المدينة
الا وانتِ
تفتحين عينيكِ
ليتفتح الليل
ويُزيل ستار الضلام

مجتبى غانم

بعدني شما يشح رسمك وافز مخنوك
ارسمك فوك شباجي حلم وعيون

مجتبى غانم

يجي اليوم البيه نمشي بكل درب
ايد بيد محاضن عيون وگلب

مجتبى غانم

اعذرني اذا زعلك علي
طول واخذ منك
بس وصلتني المرحلة
ترتاح احسك صرت
من ابتعد عنك

مجتبى غانم

اجيت بيا عذر وتريد جيتك خير
ونرد نرجع سوة وحجايتك سهلة
صعبة وداعتك ماباقي شي ونعود
كلمن جرحة بيدة ويمشي احسلة
الغصن مو ذاك غصني وما احط مرتين
مادامك گبل خليت چم خَلة

مجتبى غانم

عزة نفس بينة تمطر الوجوه
مدري بيا وجه ما يعرگ الميل
وهاي سنينة والعمر اسالوه
سترناها بصبر شوغاتها الويل

مجتبى غانم

ليش تسأل عن فراگگ عن احوالي
وعندك انتَ بكلشي شك
والمن احجي
وادري گلبي ولا تصدگة
ووية گلبي تريد صك

مجتبى غانم

لا تمشي على برد الگاع جيس النار
فخ الشمس فَي وغفلة بي تلسع

مجتبى غانم

ويا رخص الدرب لو طال
واليركض فحط للماي
بولاية قحط وببالة مية راي

مجتبى غانم

دمعي اعليك مابطل وياراي
وهلي من نوحي ملوني وياراي
شحچي وياه ما يقنع ويا راي
يرفضة وصار ابو الراهي علية

من كتابات السيد الوالد

ومن عليك ضنونك تحد السيوف
يعني امشي لوحدك ولا تنتضر
اليحبك ما يخليك بسؤال
ولا يخلي بگلبك اكثر من فكر
اليحبك كون يرسملك طريق
مو عليك يضيع دروب العمر
ال ما يچلب بيك لتضيع بهواه
ولا تبين ضعفك بوكت الهجر
بعينة خلي الصوچ اذا موقف چواك
لا تغرگ دوم العيون الشگر

مجتبى غانم

شوك بكل ندة مسافر