الضلام في السماء ينعم
والشمس تشرق مرتجفة
كأنها في كأس يحتضنها ثمل

مجتبى غانم

احبك تحت القصف
بهذهِ الفوضى
ورائحة التراب الممزوج بالدم
احبك
ولو كانت هذهِ الليلة الاخيرة
فلا نعرف قدرنا في هذهِ الارض
ربما الفض انفاسي الاخيرة
وانا تحت سقف البيت
اتخيلُكِ
او ارتب المواعيد معك
بعد انتهاء الحرب
او ارسم قلبا على النافذة
المكسور اغلبها
او اني اقول
احبك وتاتي رصاصة
او يسقط صاروخ
اتمنى لو اني الفضها
ف هذا يعني قد اوفيت وعدي
ف ليالي الخوالي
احبك الى اخر الانفاس

مجتبى غانم

ك الازقة القديمة
متعب
متهالك
على بعد عاصفة
من السقوط

مجتبى غانم

انة المفروض ارافگ بس هدوء الروج
ليش ايامي تلعب بالجزر والمد
وليش ببالي احس زحمة خطى الهادود
ومدافع الماي ببين سد وسد

مجتبى غانم

سليت
علي سيفك كبال عداي سليت
وبعيونك ورمشك روحي سليت
وعلي ي شواية الله كون سليت
اميل وي الهوة من يهب علية

مجتبى غانم

رديت ولكيتك ناشف من الصيد
الجرف ماخوذ منة شينفع البلام

مجتبى غانم

عمر خلصتة اضمضم بيك لا تنشاف
كلها كبالة توكف تدري بيه الجام
وانت الفرعت روحك بنص الناس
مغرور وتحب تگوم ال ما گام

مجتبى غانم

بذر من جيتك اني شكَبر المستور
وسلال شكثر وتريد احسبك خام
لا مغشوش بيك وحدي هذا وياك
ال ما فرعة ب ادي مو حصتي ما انلام

مجتبى غانم

ليش وشلون ورسايل
ذابلة بحضن البريد
وليش كل ما طال بعدك
ارد احبك من جديد

مجتبى غانم

احبك غصبا على الدنيا والبيها
واحبك حتى لو ماتقبل احجيها

مجتبى غانم

يا حبيبي شلون بية
من شفت عينك علية
وشلون مارايد احبك
واني ب اول نضرة منك
رادت تشبكك ادية

مجتبى غانم

شلون بية
والكمر من يم ركبتك اخذ لونة
ونَزل على الناس ضية

مجتبى غانم

بليلة مطرة
علكت قمصاني
وما وكع دمي العليها
شكثر مجروح اني
وسكتت الدنيا ولكيت
يابس الدم العليها
وكلبي وي عيوني فز
ورجع ينزف ثاني

مجتبى غانم

اخ يا كلبي شتريد
الدنيا من تمطر
تكول الناس خير
والجهال بكل درابين المدينة
تركض تهوس اجانة اليوم عيد
ليش يم شباچ حزنك
كاعد تنادي البعيد

مجتبى غانم

واكف كلشي
الريح الة بفزعة تهب
وميل الساعة
شايب ينطر موتة يدخن
ومغمض وبروحة يسب
بس الموت العدنة يجاري
مشية متواعد ويحب

مجتبى غانم

الناس للناس سمعتها
وهاي اكبر غلطة لمن صدكتها
ذنبي ماشي اني على كلبي
وهاي كلش مو وكتها

مجتبى غانم

سنين اعت صويحبي يحفض كفاي
وتالي منة الحصلتها
كسرت حزامي ويكلي
هاي انت الي ردتها
سنين احب وحدة وتحبني
وتالي كالت كافي يمكن طوختها

مجتبى غانم

اخ يا دنيا ولا مفهوم طبعج
صاحبت كلشي وولا صاحبت ربعج
وهذا يمكن ذنبي بيج
لهل السبب يمكن ولا اكدر عليج

مجتبى غانم

فجيعة بكلبي ما تنراد
چن موت الرجل والكاع
كبال عيون فلاحة

مجتبى غانم

وكلبي چفوفة مبتورات
وضم بصفحتة سلاحة
وحزني الليلة اجاني بجيش
يدوي ومن بعيد يخوف صياحة

مجتبى غانم