موشح لشجاعة علي الاكبر
في كربلاء

——••••••———••••••——

طبها الأكبر بالشجاعه ومفخره
المثل هذا اليوم رادوا مذخره
——••••••———••••••——

لمثل هذا اليوم أمه ولدته
عالشجاعه والأصالة ربته
لو دخل ميدان تعجّب هدته
مثل داحي الباب قالع خيبره

——••••••———••••••——
مثل داحي الباب لو طبها الحروب
تشرد العدواان منه بكل دروب
بطف اراضي كربلة فتها الكلوب
رهب اعداه وي سبع الكنطره

——••••••———••••••——
رهب العدوان ويه عمه الكفيل
كرروا صولات حماي الدخيل
دموم اعاديهم خلوها تسيل
والجثث وي روسهم متطشره .——••••••———••••••——
طشروها الجثث ابيوم الطفوف
ومن بعيد عيون الوالد تشوف
ما يهاب الموت لتهمه سيوف
واحد وره الاخر سوه مجزرة
——••••••———••••••——
علي الاكبر من برز لارض القتال
حسين همّه اعليه بثگل الجبال
وزينب من ابعيد تعاين الحال
تشاهد العدوان ترجع ليوره
——••••••———••••••——
تمت بعون الله تعالى
بقلم خادمات الحسين عليه السلام
زينب الفياض- هدى المرزوق
تحت إشراف تجمع خادمات الذبيح
#محرم_الحرام
#علي_الأكبر
#شباب_الطف

https://www.tg-me.com/huusin_313

نعي لعلي الأكبر عليه السلام
لسان حال امه

امك يالاكبر تريد ملگاك
تگعد بسدها وتسمع احجاك
ولو صار مغرب تكعد وياك
——••••••———••••••——
اتانيك الها ترجع اردود
فراگك تره ذبّل اخدود
راح الظنا وبعد ميعود
——••••••———••••••——
ميعود الولد وراح منها
واعليك عالي حيل ونها
چبيرة وامخيم حزنها
——••••••———••••••——
يمه الحزن خيّم عليها
وبعد الولد رايح وليها
واعليهم زايد بچيها
——••••••———••••••——
الفگدت شباب بيوم عاشر
ماظن تعيش اليوم باجر
گلبها ليا وكت باقي يصابر
——••••••———••••••——
ليمت يظل ياكلها الفراگ
حدر الضلع ناره حراگ
منها الگبر الوليدها باگ

——••••••———••••••——
هدى المرزوق - زينب الفياض

تحت إشراف تجمع خادمات الذبيح |منتدى رواة العطش

#محرم_الحرام
#علي_الأكبر

https://www.tg-me.com/huusin_313

قصيدة ثگيل لعلي الاكبر (عليه السلام)
طالع علي من الخيمة…رايح للحرايب
واعليه گلب حسين … هالليلة ذايب
رايح امنيده وليده…مِنّ الحرب شيعيده
طالع علي من الخيمة…رايح للحرايب
——••••••———••••••——
ودّع ابوه ومن مشه بگليبه جمرة
وعينه تصد اعله الابو ملتهبة حمرة
ياهو الاشد بيه الالم بيمن الحسرة
فراگ الاهل لو هالولد مفكود عمرة
ياهو الاشد گلولي…حسرة علي احچولي
طالع علي من الخيمة رايح للحرايب
——••••••———••••••——
محتارة انا بهالأمر وياهوا الاصعب
وداع الأبن الوالده لو عكسه متعب
ياهوا بيهم منكسر والموته اگرب
موتت علي لو والده بالموت يرغب
حسين الفراگ يموته…وهذا علي الفارگته
طالع علي من الخيمة رايح للحرايب
——••••••———••••••——
امفارگ علي ومو هين اعليه الفراگ
يشاهد رسول الله بعلي من يشتاگ
لا باقي يمه هالولد والشوگ حراگ
ينلچم كلساعه بجرح و كلهن اغماگ
چنهن جروح اوليده…وشوفته ماهي بعيده
طالع علي من الخيمة رايح للحرايب
——••••••———••••••——
جنهن اجروح الاكبر تلجم جروح الوالد
ويا ناس كلب الوالد عل ابن لا ما يبرد
كلبه انكسر من شافاه بالمعاره امدد
نادااه أمه تريدة للخيم يمها وايرد

ما رد ابنها الها .... وجروحها يلجمنها
طالع علي من الخيمة رايح للحرايب

——••••••———••••••——
ما رد ابنها الها وخلاها حرمه وحيدة
تبجي وتنادي بالخيم اوليدي هسه اريدة
رايح لاراض المعركه ولو طاح منهو يردة
كلبي احترك نار اعليه ونار الكلب شيهيدة
نار الكلب حراكه .... ماضن بعد نتلاكة
طالع علي من الخيمة رايح للحرايب
——••••••———••••••——

نار الكلب حراكة وتسعر جمر للشبان
ليلى كلبها مستعر عالولد حيل وخلصان
تبجي وتنادي عل الابن والدمع ع الخد جَريان
والوالدة حيلها كضه عل ولد كلش كضيان
كضيان حيل الوالدة.... والابن شيردة
طالع علي من الخيمة رايح للحرايب
——••••••———••••••——
تمت بعون الله تعالى
بقلم خادمات الحسين عليه السلام
زينب الفياض- هدى المرزوق
تحت إشراف تجمع خادمات الذبيح
#محرم_الحرام
#علي_الأكبر
#شباب_الطف

https://www.tg-me.com/huusin_313

قصيده عن عبدالله الرضيع محاورة بين الرباب و العقيلة



نايم ابني ......   ماگعد من نومه

نايم ابني ......    وشحلات ارسومه

ليش اليه ماكعد    والله دلالي نمرد

-----------------------------------------------------،
اه يزينب جاوبيني شو سكت
حلكه يابس ماي جنك ماضكت
خبريني ليش دم نحره. يكت
جاوبيني يختي زينب مو متت

كوم ليه يالولد   حيل والدتك ركد

ليش ليه ماكعد   والله دلالي انمرد

-----------------------------------------------------

هذا عبدالله الج ياخيتي جبته
حرمله بسهم المثلث حز ركبته
وسال دمه بيد اخيي انه شفته
ياحسرته الي بدليله و ياهضمته

عينه اعلينه تصد. الولد رايح ومايرد

ليش ليه ماكعد والله دلالي انمرد

-----------------------------------------------------

ريت يا زينب سهمهم صابني
ولا يحز نحر الرضيع وحازني
شنهي يسوه العمر دون العافني
ريت سهمك يا وليدي لاحني

العطش فت الجبد .. وذبلت خدود الورد

ليش ليه ما كعد. والله دلالي نمرد

-----------------------------------------------------
خيه اصبري قدر الله وفعل
كاتبة الباري علينا هالعمل
عينج أعله الطفل ضلت بس تهل
وبعد بس ساعات ويضيع الشمل

خيه ويروح الحُسين....بعده ما تسوه السنين

ليش ليه ماكعد والله دلالي نمرد
-----------------------------------------------------
تمت بعون الله وبركات الزهراء (ع)
بقلم خادمات آل البيت (ع)
#وردة_الظالمي
#زينب_الفياض
#عبدالله_الرضيع
#الرضيع
تحت إشراف تجمع خادمات الذبيح

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

#عبدالله_الرضيع

حديث
علي الأكبر يرى جدته فاطمة (عليها السلام )

قال في عُدة الخطيب : لما حضر الحسين (ع) مصرع ولده الأكبر وجده وبه رمق ، ورأى جراحات بدنه لا تعد ، انحنى علي عليه يشمه ، ويقبله ، ويقول : ( بني علي ، قتل الله قـومـاً شيئاً عجيباً يلفت النظر . رأه الحسين أراك بين قتلوك ) . ولكنه شاهد منه التبسم والبكاء . فسأله عن ذلك قائلاً: بني اراك بين حالتين بين حزن وفرح ! فما هو الباعث يا نور عيني ؟ أخبرني يا ولدي .
قال : يا أبتاه أما تبسمي فإني إذا نظرت إلى هذه الجهة أرى جدي رسول الله وبيده الكأس الذي وعدتني به ، وأما بكائي فإني إذا نظرت إلى هذه الجهة أرى جدتي الزهراء جالسة إلى جنبي تنظر إلى جراحاتي ثم تنظر في وجهك ، فتلطم رأسها بيدها ، وهي تبكي ، اقول:

أفاطـم لو خلت الحسين مجدلا . . وقـد مات عطشانا بشـط فرات
إذا للطمت الخد فاطم عنـده . . وأجريت دمع العين في الـوجنات
———————
#زينب_الفياض
#حصرياً
#محرم_الحرام
#المغسل_بدم_الجراح
#الرضيع
#عبدالله_الرضيع

قصيدة لسان حال الرباب
عندما رأت طفلها الرضيع الذي لا ذنب له
السهم في نحره بعنوان (كرهت الليل)
تعاتبهُ و تقول :

يعبدالله غفيت انته
وجرحي بروحي فززته
يعبدالله. يعبدالله
•———•———•———•
يعبدالله الولد يبني
اريد وياك تاخذني
ييمه لا تعذبني
جرحي بحضني كبرته
•———•———•———•
اهز مهدك وانه انعي
بعدك بالعمر شلي
كلبي عليك بس يغلي
مهدك خالي ماشلته
•———•———•———•
بسهم يمه رضيت شلون
ماباقي امن الحزن عيون
انه ابدمعي ترست الكون
دمعي عليك ما عفته
•———•———•———•
كرهت الليل ياغالي
سهمك صاب دلالي
يريت اليوم ما جالي
ولا شفته وحضرته
•———•———•———•
بدموع عيوني اكتبلك
لومَ الماي ماعفتك
جرحي دوم ينزفلك
حضني عليك عودته
•———•———•———•
انه حضني الك وحدك
وترسته ادموم من نحرك
ومن لاح السهم صدرك
عرفت بهاي فرگتنه
•———•———•———•
لخادمات العليلة وأبيها
ضُحى سالم و زينب الفياض.
#عبدالله_الرضيع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

في درب المسير إلى مدينة كربلاء....
تتكلم مولاتنا الرباب مع طفلها عبدالله الرضيع تقول:

انتظرك ييمه تكبر بساع
حته عليه تهون الاوجاع
اخافن تروح بلايه الوداع
•———•———•———•
اريدك يغالي تنصر المظلوم
اليبقى بالصحاري بدون الهدوم
گلب امك يعبدالله مهموم
•———•———•———•
اريدك تنذبح فدوه للحسين
تفديله النحر يبني و السنين
ومو بس عمر ضحيله عمرين
•———•———•———•
عزيز هواي لحسين اعرفك
بيدي للسهم يصغير اسلمك
على صدر الحبيب يصير دفنك
•———•———•———•
يوليدي تضل لا غسل لا تكفين
احن الك يعبدالله وتهمل العين
مكتوب عليج يا روحي تصبرين
•———•———•———•
من ديوان المغسل بدم الجراح الجزء الأول
لخادمات العليلة وأبيها
ضُحى سالم و زينب الفياض.
https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

#عبدالله_الرضيع

قصيدة للرضيع بعنوان ( مناغاة المهد)

دللول الولد يبني دللول
ألولي على المهد والولد مكتول
•———•———•———•
دللول الولد يبني يالـ اوحيد
خذاك الوكت مني ومدري شيريد
وسفة السهم هيج يحز الوريد
وترجع منذبح ليه يمدللول
•———•———•———•
الوليلك بحزن وبدمعة عتاب
حضني كدار الك مو حضن التراب
شفته و ذاب كلبي من الصواب
وبعد شيطيبه كلبه البيك معلول

•———•———•———•

ذبحو امنياتي بنبلة البين
يمن ريت السهم طر كلبي نصين
شلي بدنيتي خلاف ابني وحسين
وعدوهم علخيام يصول ويجول


•———•———•———•
عدوك مو عليل اكعد ولتنام
عدوك بيده سيف ويم الخيام
وي عبد الله ذبحوا كل الاحلام
وشمر يم نحر ابوك و سيفه مسلول
•———•———•———•
يمه شلون تغفى العين وتهيد
ملذة شوفتك جن شوفة العيد
اسلهم على المناغة وياك يوحيد
وصفيت اسمع ييمه صهيل الخيول
•———•———•———•
لخادمات العليلة وأبيها
ضُحى سالم و زينب الفياض.
#عبدالله_الرضيع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

نعي لـ عبدالله الرضيع لسان حال الإمام الحُسين(عليه السلام)

عبدالله يا لبت احشاي
وفرحتي ولذتي بدنياي
ويابعد عيني هاي وي هاي
عمت عينه جي فرگنه الماي
•———•———•———•
امفرفح اوليدي من اخذته
وهذا العطش جرحها شفته
تبجي اعله حاله بگت عمته
شميته حيل وحيل بسته
•———•———•———•
يابويه اخر لحظة وياك
جدك يعبدالله يتلگاك
وتلگه كل اخوانك اهناك
ما تظمه يبني وهمَّ بحذاك
•———•———•———•
رديت بيه للخيم مكسور
اخذي الولد ياعمته منحور
دمه اعله طوله وچبدته تفور
وگلبه علي يا خويه مفطور
•———•———•———•
لخادمات العليلة وأبيها
ضُحى سالم و زينب الفياض.
#عبدالله_الرضيع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

حديث الحسين (عليه السلام ) يحمل الطفل الرضيع الى المعركة

جاءت الحوراء زينب (عليها السلام ) إلى أخيها الحسين (عليه السلام ) تحمل عبد الله الرضيع (عليه السلام ) ، فدفعته إليه وهي باكية
قالت : أخي خذ طفلك .
قيل : فأجلسه في حجره يقبله ، ويقول : بُعداً لهؤلاء القوم إذا كان جدك المصطفى خصمهم . ثم أتى به نحو القوم يطلب له الماء قائلاً:
یا قوم قد قتلتم إخوتي ، وأولادي ، وأنصاري ، وما بقي غير هذا الطفل ، وهو يتلظى عطشاً من غير ذنب أتاه إليكم ، فاسقوه شربة من الماء » . فأختلف المعسكر فيما بينهم ، منهم من قال : إذا كان ذنب للكبار فما ذنب هذا الطفل ؟ ومنهم من
قال اقتلوه ، ولا تبقوا لأهل هذا البيت باقية فلما رأى ابن سعد ذلك صاح بحرملة : ويلك يا حرملة
اقطع نزاع القوم ، قال : فما أصنع ؟ قال : آرم الطفل بسهم . قال حرملة : فرأيت رقبته تلمع على عضد أبيه الحسين (عليه السلام ) ، فرميت الطفل بسهمي ، فذبحته من الوريد إلى الوريد فلما أحس الطفل الرضيع بحرارة السهم أخرج يديه من القماط وأعتنق أباه وجعل يُرفرف كالطير المذبوح .

فملأ الحسين كفّه من دمه ، ورمی به نحو السماء ، قائلاً : اللهم لا يكن أهون عليك من فصيل ناقة صالح )

~~~~~~……~~~~~

من ديوان المغسل بدم الجراح
#زينب_الفياض #حصرياً #ضحى_سالم #عبدالله_الرضيع
https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة لـ عبدالله الرضيع بعنوان (سوالف والدة)

عبدالله معقولة الترب…احلى من حضني وليدي
معقولة تغفى اعله الرمح…وماتغفى يمه اعله ايدي
•———•———•———•
عبدالله يالوجهك دوه..يشافي الجروح البيه
ردتك ييمه للكبر…واتگودني من ايديه
ادليني لو راح النظر…بعينك اشوف الدنيه
وسفه يعبدالله رحت…وماتغفى يمه اعله ايدي
•———•———•———•
تمنيت لو لحظة ترد…وترجع تنام بحضني
عبدالله يالعمرك ورد…كلش افراگك هدني
تيهت دربي من رحت…وانعمت بعدك عيني
معقولة ترتاح برمح…وماتغفى يمه اعله ايدي
•———•———•———•
راسك اصغير يالولد…والرمح كلش عالي
حضروا بدل عنه السهم…يرفعون راسك تالي
ما فكروا بيه ابد… وشيصير انا بحالي
لمن اشوفك عل سهم…وماتغفى يمه اعله ايدي
•———•———•———•
شلونك يعبدالله الولد…گلي ييمه شلونك
بفراگك انا اتعذبت…ولوني صبح من لونك
محلات رسمك يالترف…ومحلات ذيج عيونك
منك يايمه مشبعت…وماتغفى يمه اعله ايدي
•———•———•———•
اشتاگيت اشمنّه الولد…ويرتاح گلبي وبالي
ومنين الراحة بعد…حالي تدهور حالي
ضيعت روحي بروحته…وگمت احجي ويه اخيالي
ما حسبت ترضى بلحد…وماتغفى يمه اعله ايدي
•———•———•———•
لخادمات العليلة وأبيها
ضُحى سالم و زينب الفياض.
#عبدالله_الرضيع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة للوداع لسان حال مولاتنا العقيلة زينب (ع) بعنوان ( اول شوغه )

باچر
يا خويه اول شوغه الي باچر
عاشر
من ريت لا يلفي علي عاشر
•———•———•———•
يا ليلة اوداع الاحباب بهيدة
خل نشبع من حسين ومن عضيدة
باجر جثثهم تنفرش بالبيدة
بكل كتر جسم ابن النبي متناثر
•———•———•———•
ريت الصبح ما طر عليه وشفته
ولا فجر الموادع يگرب وكته
ولا اشوف اخوي العطش يبس شفته
ولا اشوف رضّت جثته بالحافر
•———•———•———•
لا اشوف اخوي حسين حزو نحره
ولا اشوف خيل العده تدوس بصدره
ولا من يطيح عضيدة يلزم ظهره
ولا وحدي اضل وبس دليلي ينطار
•———•———•———•
يا ليلة الفرگه عليه هوني
باجر سياط العده تطيح متوني
وعلى المشرعة امشي وادير عيوني
والعده التمت والگلب ظل حاير
•———•———•———•
لخادمات العليلة وأبيها
ضُحى سالم و زينب الفياض.
#الوداع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة للوداع بعنوان ( ليل ستر الفاطمية)

ليلة وداع الحبايب صعبة على گلبه حنين
يعين الله گلبي خويه من اودعك يا حسين

•———•———•———•
يكضي عمري بالمدامع يكضي كل ليله ونين
وبالسهر وبـ آه اناطر تلفي وتفرح السنين
من بعدكم خويه صاحوا انتِ باجر تنسبين
تأذي كلمات الشماته وياذن اسياط اللعين
•———•———•———•
ليل ستر الفاطمية والشموس الساطعه
موادع بحسرة ويا اخوتي بالحزن والفاجعه
من بعد خواني وحدي بالبراي طالعه
طلعت عنكم خويه ادور وسفه اشوف مذبحين
•———•———•———•
احمل مصاب الغرايب بالصحاري منسبين
اطفال تسحگها الحوافر بالبراري ضايعين
تالي بالديره الغريبة يصير حادينه اللعين
وفوگ شوغة فگد اهلنا ويه العده مترافگين
•———•———•———•
خويه هاي الليلة صعبة كلش اعلينا تره
خويه ترضاها غريبه لوحدي اضل ميسره
شلون كل هاي الظعينه برگبتي وآنه مره
شلون اشوف گبالي راسك لو حجر طر الجبين
•———•———•———•
لخادمات العليلة وأبيها
ضُحى سالم و زينب الفياض.
#الوداع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة للوداع بعنوان ( وداع الرباب)

يا خيمة بناتي ويا شمعة حياتي
ما خلنّي اودعك خوفي و مستحاتي
•———•———•———•
ما خلني اودعك يمحبوبي واحاجيك
واكلك يا هوى الروح اريد بريتي اخليك
خاف تروح وتغيب ومدري شلون احاجيك
ردت وياك للموت يستري ويا حياتي
•———•———•———•
ابد ما رايده تروح ولا حسبتك تموت
كون انشال وياك يروحي بفرد تابوت
اصيحك باجر دخيل ولاجن ما ترد صوت
العطش و الصايح عليك يبسلي لهاتي
•———•———•———•
يخل روحي وحنيني وداعي وياك جتال
يا سباح كلبي وروحي وراحة البال
صدك باجر يكولون يظل جسمك علرمال
كون اكدر وانا اروح.. وافييله بعباتي
•———•———•———•
يا كلشي الي لفكدك ما يظل حيل
كون افرش ضلوعي وترضني بدالك الخيل
ريت الموت يلفي كبل ما يخلص الليل
ولا باجر السيوف تكطع امنياتي
•———•———•———•
باجر بالبراري تغفى ومو بالخيام
باجر موتتي وياك يا معشوك الايام
انت وعبد ترحون وتعوفوني بالالام
يخلي ومن الفراك احس اهون مماتي
•———•———•———•
لخادمات العليلة وأبيها
ضُحى سالم و زينب الفياض.
#الوداع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

نعي للوداع


زينب باجر تودع وليها
وما يبقى كل عوان ليها
انطر الصخر من كد بجيها
•———•———•———•
شنهي المصيبة الله اكبر
لو حجر كلبي هم تفطر
شلون اودعك يبو الاكبر
•———•———•———•
زينب حايره ويصب دمعها
على حسين كل همها و وجعها
الحنين بوداعة فجعها
•———•———•———•
شلون بالله خويه اودعك
لو بيدي للميدان اتبعك
وينكطع كلبي كبل اصبعك
•———•———•———•
لخادمات العليلة وأبيها
ضُحى سالم و زينب الفياض.
#الوداع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

حديث ليلة العاشر من ديوان المغسل بدم الجراح
أصحاب الحسين (عليه السلام ) ، وبنات رسول الله (صلى الله عليه واله)

خرج الحسين (ع) في جوف الليل إلى خارج الخيام يتفقد التلاع والعقبات ، فتبعه نافع بن هلال الجملي ، فسأله الحسين عما أخرجه ، قال : يا ابن رسول الله : أفزعني خروجك إلى معسكر هذا الطاغي . فقال الحسين (ع) : إني خرجت أتفقد هذه التلاع والروابي مخافة أن تكون مكمناً لهجوم الخيل يوم تحملون ويحملون

ثم رجع (ع) وهو قابض على يد نافع ويقول : هي هي والله وعد لا خلف فيه ، ثم قال لنافع : ألا تسلك بين هذين الجبلين في جوف الليل ، وتنجو بنفسك ؟ فوقع نافع على قدميه يقبلهما وهو يقول : ثكلتني أمي، إن سيفي بألف ، وفرسي مثله . فوالله الذي من بك عليَّ لا فارقتك حتى يكلا عن فري وجري .
ثم دخل الحسين خيمة زينب (ع) ، فوقف نافع بإزاء الخيمة ينتظر الحسين (ع) ، وجلس الحسين (ع) يُحدّث أخته ، فما لبثت أن اختنقت بعبرتها ، وصاحت : وا أخاه أشهد مصرعك، وأبتلي برعاية هذه المذاعير من النساء ، والقوم كما تعلم ماهم عليه من حقد قديم ، يعزّ علي مصرع هؤلاء الفتية من بني هاشم ، والصفوة من أصحابك ، ثم قالت : أخي هل استعلمت أصحابك ؟ فإني أخشى أن يُسلموك عند الوثبة . فقال لها : والله لقد بلوتهم فما وجدت فيهم إلا الأشوس الأقصى ، يستأنسون بالمنية دوني استيناس الطفل إلى محالب أمه . قال نافع : فلما سمعت هذا منه بكيت ، وأتيت حبيب بن مظاهر ، وحكيت ما سمعت منه ، ومن أخته زينب .قال حبيب : والله لولا انتظار أمره لعاجلتهم بسيفي هذا الليلة .
قال نافع : إنّي خلّفته عند أخته ، وأظن النساء أفقن وشاركتها في الحسرة فهل لك أن تجمع أصحابك وتواجهوهن بكلام يطيب قلوبهن ؟

فقام حبيب ونادى : يا أصحاب الحمية ، وليوث الكريهة ، فتطالعوا من مضاربهم كالأسود الضارية ، فقال لبني هاشم : ارجعوا إلى مضاربكم لا سهرت عيونكم ، ثم التفت إلى أصحابه ، وحكى لهم ما شاهده وسمعه نافع ، فقالوا بأجمعهم : والله الذي من علينا بهذا الموقف لولا انتظار أمره لعاجلناهم بسيوفنا الساعة ، قطب نفساً ، وقرّ عيناً . فجزاهم خيراً ، وقال هلموا معي لنواجه النسوة ، وتطيب خاطرهن

فجاء حبيب ، ومعه أصحابه ، وصاح : يا معشر حرائر رسول الله (ص) ، هذه صوارم فتيانكم آلوا ألا يغمدوها إلا في رقاب من يريد السوء فيكم ، وهذه أسنة غلمانكم أقسموا أن لا يركزوها إلا في صدور من يفرق ناديكم
فخرجن النساء إليهم ببكاء وعويل ، وقلن : أيها الطيبون حاموا عن بنات رسول الله (ص) ، وحرائر أمير المؤمنين . فضج القوم بالبكاء ، حتى كأن الأرض تميد بهم

أقول : أين كان هؤلاء الحماة عن بنات رسول الله عندما هجم القوم على المخيم وانتهبوا ما فيه ، وسلبوا بنات رسول الله وأشعلوا النار في أخبيتهن ؟ نعم كانوا مجزرين كالأضاحي

—————————-/
زينب الفياض ضحى سالم
https://www.tg-me.com/zainab_alfayaad
https://whatsapp.com/channel/0029VbATZtfGJP8L1IIuvs1B

عزائية للوداع من ديوان المغسل بدم الجراح

الليله الوداع … يا كفيل اخيامي
الليله الوداع… يا شمس ايامي

•———•———•———•
الليلة الوداع…راح اظل بلا وطن
الليلة الوداع…عيون اخيتكم بچن
الليلة الوداع…لفت لزينب محن
الليلة الوداع… راح اودعنك يخوية الظامي
•———•———•———•
الليلة الوداع…گلبي غاطيه الحزن
الليلة الوداع…عبد عطشان ويون
الليلة الوداع…وباجر ايضيع الظعن
الليلة الوداع… على ابن امي زايده الآمــي
•———•———•———•
الليلة الوداع…راح اودّع كافلي
الليلة الوداع…ولا اخو يبقى الي
الليلة الوداع…راحوا من ايدي هلي
الليلة الوداع… اتهدمت عكبك يخويه احلامي
•———•———•———•
الليلة الوداع… ومالي حيل فراگهم
الليلة الوداع…الزمن مني باگاهم
الليلة الوداع…ريت اموت وياهم
الليلة الوداع… وبعد وحشة أيامي
•———•———•———•
الليلة الوداع…وشمسي ما تطلع بعد
الليلة الوداع…مشى الجان اعله الوعد
الليلة الوداع…ماكو تچوه ولا سند
الليلة الوداع…باجر تشب نار وسط اخيامي

•———•———•———•
لخادمات العليلة وأبيها
ضُحى سالم و زينب الفياض.
#الوداع
#حصرياً
#زينب_الفياض

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة بعنوان( بناتك ودعنك)

بناتك ودعنك والدمع سال
فگدك يا ذخرنه يهد الجبال
•———•———•———•
نودع عيونك الليلة وضواهن
رقيه وسكنتك يوجع بچاهن
خنگة الدنيا صارت يا هواهن
وناحن والدمع عل وجنه همال
•———•———•———•
بويه وداعك يأذينه كلش
عيني تعاينك ما اريد ترمش
باجر من تسافر ينهد العش
وتظل بين السيوف وبين النبال
•———•———•———•
بناتك ظلن بحيرة يبوهن
لا يمهن وليهن لا اخوهن
شيظل بيك كلي لو سبوهن
مجتوفات يبن امي بالحبال
•———•———•———•
وبيا عين اشوفك وانت مذبوح
وراسك عل رمح مرفوع و يلوح
وگلب سكنه ورقية عليك مجروح
مجروحات وانته تنظر الحال
•———•———•———•
يريته ما وصل باجر ولا صار
ولا اشوفن خيمك تلتهب نار
وتصرخ كلها بويه صغار وكبار
وصوت اطفالكم يمرد الدلال
•———•———•———•
لخادمة العليلة وأبيها
ضُحى سالم
#الوداع
#حصرياً

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B

قصيدة بعنوان(اخر مسية)

ويا اهل الشيم واهل الحمية
هاي اخر مسية
باجر وحدي اظل اصفگ بأديه
هاي اخر مسية
•———•———•———•
هذا آخر مسه واخواني وياي باجر كلها موته
وگلبي لو مشوا يتعذب هواي ولا ضيم اليفوته
واندب مايجون اخواني لحماي ومحد طلع صوته
گلبي كثر ضيمه
يهالليلة الأليمه
من تمشون ياهو يظل اليه
هاي آخر مسيه
•———•———•———•
التمنيه بأهلنه نودع اليوم يوم السفر باجر
ملامحكم يهلنا وهاي الوجوه ترضرضها الحوافر
خل نشتم عطركم نشبع وداع واعليكم ننظار
باجر من تروحون
ابد لا ما تردون
واظل يخواني اجر ونه خفية
هاي آخر مسية
•———•———•———•
يخواني الحنان وها يشبان شو جنكم نويتوا
ياهو يظل الي منكم يشجعان لو كلكم مشيتوا
چا ياهو الي لو چلچل الليل شو ما حسبيتوا
هالليلة ثچيلة
على گلب العقيلة
ماگلتوا وحدها تظل خطية
هاي آخر مسية
•———•———•———•
ملتمين كلنه وگلبي معصور ادري بباجر افراگ
اشبع شوف من عيونكم كون باجر كلش اشتاگ
يفرگنه الدهر يأخذكم الموت ويظل گلبي حراگ
باجر ياخذ الحيل
وحدي من يجي الليل
بعد هيهات ما نلتم سوية
هاي آخر مسية
•———•———•———•
احاا يا ضيم گلبي باجر شلون اشوفنكم يهلنه
متوذرين عالتربان غافين وامطشر شملنه
ولا گعدتنه هاي اتردها الايام ولا خيمة التلمنه
اسم الله من المنية
يا اولاد الزجية
باجر وحدي اطر الغاضرية
هاي آخر مسية
•———•———•———•

لخادمة العليلة وأبيها
ضُحى سالم
#الوداع
#حصرياً

https://www.tg-me.com/zainab_alfayaad

https://whatsapp.com/channel/0029VbATZtfGJP8L1IIuvs1B