قصيدة للهلال بعنوان ( ساكن گلبنه)

على اهلال الشهر يجري دمعنه
لحسين الدمع هذا وعدنه
•———•———•———•
وعدنه للحبيب الحزن دايم
اله ولعيلته هلگلب هايم
المايبجي أله يكضي العمر نادم
والله ابو علي ساكن گلبنه
•———•———•———•
هذا الغالي هذا ابو سكينه
لو نبجي بحر لا ما وفينه
يستاهل دمه مو بس بچينه
نفني بخدمته كله عمرنه
•———•———•———•
نعاون زينب الحمل ظعنها
الراحت للغرب عافت وطنها
چنها ماترد تالـــي أظنها
منها بكل وكت ناخذ صبرنه
•———•———•———•
نسأل فاطمة بهاي المسيه
ترزقنا الدمع لـلــهاشميه
ونلطم حيل لطمه حُسينيه
ويبقى للأبد هذا عهدنه
•———•———•———•
نخدمهم نضل مهما حـيينه
عين ابو الفضل تنظر علينه
قليل شما كتبنه وما حجينه
بيرغ الكفل يحمي وطنه
•———•———•———•
لخادمات العليلة وأبيها
ضُحى سالم و زينب الفياض.
#عاشوراء
#حصرياً
#ضحى_سالم
#زينب_الفياض
#الهلال
-ديوان المغسل بدم الجراح الجزء الاول
https://www.tg-me.com/zainab_alfayaad

🔥 قناة "قصائد من وحي الطف" 🔥
الحقيبة الشاملة لكل ما يخص المجالس الحسينية النسائية!
https://whatsapp.com/channel/0029VbATZtfGJP8L1IIuvs1B

‼️بُشرى سارّة
إلى ملاياتنا العزيزات خادمات الحُسين صاحبات الاصوات الشجية

ديوان المغسل بدم الجراح الجزء الثالث صار متوفر بيع جملة❤️‍🔥🔥🔥

بخدمة خدّام الحسين
العدد باقي جداً جداً محدود

الحجز من (5 نسخ فما فوق…)
الديوان مليان حزن وألم ومواجع وكله حسچه وصور شعرية…
يختلف جذرياً عن الدواوين
كل بيت عبارة عن مشهد من كربلاء
لا تفوتون الفرصة اخذيه بدون تفكيررررر لان العدد باقي جداً قليل و محرم قرب

للحجز واتساب على 07807507664
تليگرام @zain3_13

قصيدة للنزول بعنوان (خيمة بصف خيمة)

خيمه ابصف خيمه .. انصبن چن غيمة
جَنة بنص هيمة .. خيمة زينب وحسين
•———•———•———•
حسين دگ بأيده ثايه ..لخيمة اخته وخيمته
ونصّب العباس رايه... تفيي خيمة خيته
التمت بظلها بناته... وكل عمامه وعيلته
جوه فياهن ملتمين..خيمة زينب وحسين
•———•———•———•
خيمة الحرة واخوها...تطابگن ظهر بظهر
خيمة مرتچيه على خيمة...محد يحس بالخطر
ولو يميل الهوى الخيمة...بچفة يعدلها الگمر
تطيح چفوفي ومتطحين خيمة زينب وحسين
•———•———•———•
انصبت خيام الهواشم ... فخر كل هاي المله
خيمة الخوه الچبيرة .....انصبت بهذا الفله
من عگب ما صحره چانت... جنة صارت كربله
وبجنتهم مرزوقين .. خيمة زينب وحسين
•———•———•———•
زينب تلم الضعينه...وتصطف الوادم سره
عينها على عيال اخوها...وعل فواطم ناظره
جسدت كل المحنه... يا خلگ هاي المره
وبرحمتهم محفوفين .. خيمة زينب وحسين
•———•———•———•
لخادمات العليلة وأبيها
ضُحى سالم و زينب الفياض.
#عاشوراء
#حصرياً
#ضحى_سالم
#زينب_الفياض
#النزول
-ديوان المغسل بدم الجراح الجزء الاول
https://www.tg-me.com/zainab_alfayaad

القصيدة الكلششش احبها🔥😭

قصيدة ثگيل للمسير بعنوان (سوالف اللهفة)

مشيت انه لدروب الطف
وسنيني مفرهده گبالي
اجيت و كل اخوتي وياي
وبعدهم يطلع خيالي

الغريبة انه....الغريبة انه.
•———•———•———•

تسامرنه بدروب الآه
وحچينه سوالف اللهفه
سئلت انه اخوي حسين
التصير جروحه هم يشفه؟
ما ظنها تطيب الروح
ولا عيني بعد تغفه
زين ومن تظل وياي
راس عل رمح عالي

الغريبة انه....الغريبة انه.
•———•———•———•

وحجيت انه بعد همين
جروحي لكافل ظعوني
يكافل هم تعوف اختك
وتخلي الغربه يسبوني
واضيع انه بحزن عينك
وابگلبي يـــصيـبـــوني
زيـنبكم انه يـــاخـوي
عليكم دمعي ظل هالي

الغريبة انه...الغريبة انه.
•———•———•———•

ماريد ادخل لهل گاع
تاخذ مني خواني
وتفرهدني وتضيعني
وتشمّت بيه عدواني
وتحرگ كل خيمنه غاد
و فوگ التل تصعدني
وتسحگ هم على النعمة
خيل المو زلم تالي

الغريبة انه... الغريبة انه.
•———•———•———•

والم انه حرم واطفال
وعليل بهيده اكضنه
وصية من اخوي حسين
يكون ابعيني احطنه
چبيره انه وحزن روحي
والله حسين شيبنه
يفگدك ماخذ بزينب
كلشي وغيّر ابحالي

الغريبة انه....الغريبة انه.

•———•———•———•

ماريدن عمر لا روح
وحسيني بعد عني
المن باقيه بلياه
والمن أنظر بعيني
يكون الموت يلفي بساع
وتخلص يمه اسنيني
واحضنه وهيج اموت وياه
ويهود يمه دلّالي.

الغريبة انه....الغريبة انه.
•———•———•———•

بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح الجزء الثاني

#حصرياً
#المسير
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

لحن القصيدة

https://youtu.be/l2EytM8UBg8?si=ggz9npOwOvOit0Vp

قصيدة يوم رابع لفاطمة العليلة بعنوان(لم الظعينة)

لم الظعينة...وسار
وشبت ابروحي...النار
راحو اهلنه....راحو اهلنه
ما وصلت ...الاخبار
وموحشة هاي الدار
راحو اهلنه.... راحو اهلنه
•———•———•———•
راحوا هلي وظليت وحدي عليله
ونوحي على ابوي حسين فطر دليله
والالم گام يزود ليله على ليله
يا فرگة الوليان كلش ثگيله
وانه هلي يا ناس كلهم محنه
راحوا اهلنه .... راحوا اهلنه
•———•———•———•
سافر ابوي حسين لديار غربه
ادري من اروح وياه بهالسفرة اعذبه
وادري انه لو ونيت يسمعني گلبه
كلش حنين وخاف من ابچي اتعبه
و راح انتظر ملفاه ....ونه على ونه
راحوا اهلنه.... راحوا اهلنه
•———•———•———•
يطر الدليل احاآ هجر الحبايب
وگليبي ما مرتاح وبهمه ذايب
لأرض الغدر ماشين لارض الحرايب
خافن عليهم غاد تسدي المصايب
ويفگدن الوليان تالي حرمنه
راحوا اهلنه .....راحوا اهلنه
•———•———•———•
ها يا حبيب الروح يابعد عيني
ما اعرضلكم راح اتودعك سنيني
وادريك من تروح ما ظن تجيني
تخليني اعيش بـ آه والهم سجيني
من العزيز يصير خالي نزلنه
راحو اهلنه ..... راحو اهلنه
•———•———•———•
راحوا اخوتي وياه والنزل اظلم
وانسدن البيان والحزن خيم
زاد المرض ويلاه بس الله يعلم
محد يشوف الشوگ بالروح يهدم
ياجده بالأهآت يخلص عمرنه
راحوا اهلنه.... راحوا اهلنه
•———•———•———•

بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح الجزء الاول

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة يوم رابع لفاطمة العليلة بعنوان (رايح وين)

بويه حسين ......رايح وين
گلبي بروحتك خذته
جسمي نحيل...... دمعي يسيل
وبس النوح عاشرته
•———•———•———•
بويه حسين من ترجع تلگه الهجر كاتلني
فراگك هَيج اجروحي وفوگ المرض تعبني
وگلي ليش عايفني لوحدي بلوعتي وحزني
ما رديت....من ناديت....وعليه الهضم زدته
•———•———•———•
يبويه لديرة الغربة گاصد ليش بالعيلة
رد لديرتك بويه ونزل رحالك الليلة
ارض كربله منواكم وبيها الغدر والحيلة
من تروحون...متردون ...درب الموت حل وكته
•———•———•———•
خواتي وياك من راحن راحت روحي من عندي
وعبد الله مشه وياكم وضلت دمعتي بخدي
لا بيه واجي وياكم ولا بيه اضل وحدي
كلكم غاد...حيل بعاد... وحدي الليل ساهرته
•———•———•———•
بچيت بروحتك بويه مو بس دمع من عيني
طاح ويا الدمع شوفي وصارت طافيه سنيني
على العتبه نطرت شگد بلچن خبر يلفيني
شوفي راح...گلبي صاح...كل هذا الهضم عشته
•———•———•———•
اضل متانيه تردون وعيني على الدرب تربي
من اسمع خبر عنهم ادري يروح كل تعبي
واذا مامش خبر منهم صبّر روحي ياربي
لا من خبر...لا مرسال....لا طارش لفه وشفته
•———•———•———•
لخادمات العليلة وأبيها
ضُحى سالم و زينب الفياض.
-ديوان المغسل بدم الجراح الجزء الثاني.

#العليلة
#حصرياً
#زينب_الفياض

https://www.tg-me.com/zainab_alfayaad

محاضرة عن ( وجوب الانكسار على مصيبة ابا عبدالله الحسين عليه السلام)

وجوب الانكسار على مصيبة ابا عبدالله

إن اسم الحسين موجب للإنكسار [ انكسار القلب ] كما أن هذه الايام
المنسوبة لهذا الإمام هي سبب حزن القلب
كلنا نعلم أن طريق الحسين طريق القلب بل هو طريق الله، فإذا اتجه أحد بقلبـه إلى الحسين، واستذكر المصائب والأمور التي مرت به ـ خاصة في هذه الأيام
فسيكون قلبه كسيراً حتماً
مع أن البكاء على الحسين لا يختص بوقت معين، إلا أن موسمه هو شهرا محرم وصفر، وعلى الأخص العشرة الأولى من محرم، فكلما اقتربنا من يوم عاشوراء وجب الإكثار من البكاء، وهو ما يظهر من حال أهل البيت - بناء على ما ورد في الروايات - وسنتناول هنا فضيلة البكاء على الحسين والآثار المترتبة عليه .

لقب الحسين بقتيل العبرة، ورقة القلب هي سبب جريان الدموع، وقلما وجد من قرأ عن حاله أو سمع بحكايته ولم يحزن أو يتألم مهما كانت عقيدته ومذهبه، وبطبيعة الحال فكلما كان قلبه أطهر كان حزنه أعمق وأكثر، وتظهر الآثار المترتبة في البكاء على الحسين - ومن بينها ما سأذكره ـ في الشدائد والمواقف الصعبة التي يقع فيها الإنسان
إذا كنت تملك الحزن منذ ظهور هلال محرم، فاعلم بأنك ممن تشملهم هذه الرواية « شيعتنا خلقوا من فاضل طينتنـا وعجنوا بمـاء محبتنا ، يفرحون لفرحنا ويحزنون لحزننا » ، والشاهد على ذلك هو حزننا أيام حزن آل محمد (ص) ، كل إمام من أئمتنا لم يكن يضحك منذ رؤية هلال محرم ، ويزداد حزنه يوماً بعد يوم حتى عاشوراء
كما ان الحزن في عاشوراء علامة الايمان
وايضاً قال الله عز وجل
(ولكم في رسول الله اسوة حسنة )
وكان رسول الله صلى الله عليه واله يبكي على الحسين ويقيم مراسم العزاء له عدة مرات حتى وردت فيه عدة روايات
منها في بيت عائشة وبيت ام سلمة ومجالس اخرى له بالمسجد
وقد نقلت كل تلك الروايات عن أسانيد العامة
وكذلك رؤي أن أحدهم سأل احد الائمة عليهم السلام هل يمكن أن أحزن أحياناً بدون سابقة أو سبب ؟
فأجابه : متى ما حزنا فإن محبينا يحزنون أيضاً ، أي أن هذه الآثار تظهـر نتيجة الاتصال بين الإمام ومحبي أهل البيت.
فنسأل الله بحق حبيبه محمد أن يرزقنا الدمعة والحزن الحقيقي على سيد الشهداء.

-ديوان المغسل بدم الجراح الجزء الثاني
#حصرياً
#محاضرة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة للعليلة عليها السلام بعنوان (چم ليل)

جم ليل مر وحزني ما عدة
جم صبح طر وطالت المدة
كلولي ايسي ولا تتانين
كلولي ما يرجعلج حسين
•———•———•———•

يا حزن روحي يمتى وتفض
الطيف روحه عليه يفرض
و كلساع ابوي أبالي يعرض
واتخيل الغياب ملفين
•———•———•———•

اتخيل يجوني وتفرح الروح
وتطيب وياهم الجروح
مو على بالي يطيح مذبوح
و يتفرهد العز والصواوين
•———•———•———•

كالولي ايسي الراح ميعود
سال الدمع غفلة ع الخدود
و شلون بالله رويحتي تهود
لو ما يجون انطي الوجه وين
•———•———•———•

موش بقصد ادريبه البعاد
حيلي ترى من خلافكم باد
كلبي رحل ويا الظعن غاد
وظلت بحسرة عليكم العين
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة يوم رابع لفاطمة العليلة بعنوان
(تذكر العليلة) طور الثگيل

زينب بهل ليلة...تذكر العليلة
الباقية بدار الاهل... منها بس دمع اليهل

تذكر العليلة....تذكر العليلة

تذكر أيام الفرح محلاها
ذيج الأيام الگضت وياها
وبصلاة اليل من تلگاها
تدعي الهم والحجي بچاها

تدعي هم يرجع بعد...الگلب يغلي ومابرد
تذكر العليلة .... تذكر العليلة
•———•———•———•
مر عليها حسين يحجي وياها
عل العليلة اليوجعه فراگاها
خويه زينب بالنه ابذكراها
ما نرد وهل الزمن أذاها

حيل أذاها الزمن....وهي النه بس تحن
تذكر العليلة ... تذكر العليلة
•———•———•———•
خويه عل مرسال وگعت دمعتي
حيل واضح بيه شوگ ابنيتي
بكل دقيقة اتمر خويه بصفنتي
واذكر ابوساتها الي بوجنتي

آه سابيها الحزن...بفراگنه تبقى تون
تذكر العليلة....تذكر العليلة
•———•———•———•
چن تمر ارقيه وتشوف الحنين
دمعه يجري وصوته عالي بالونين
ها يبويه شبيك گلي يا حُســين
گلها بويه حيل توجعني السنين

هي رأساً باسته.... فوگ خده وهامته
تذكر العليلة .... تذكر العليلة
•———•———•———•
وحنت ارقيه لـ اختها والوطن
هم نرد تگله بويه بالظعن
عذباها البين عيشها بمحن
سمعن النسوان وكلهن بچن

يبجن عليها بقن...وللعليلة يندعن
تذكر العليلة...تذكر العليلة.
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

في أحدى ليالي الشوق الجارحة
تتحدث العليلة مع حبيبها الحُسين
تهمس بهدوء وترجو من الهواء ان يوصل صدى مشاعرها لبهجة عمرها أبيها...
تقول:

انه اشتاگيتلك بويه يغالي
ويه الهوى احجيلك احــوالــي
مكدر اشوف البيت خــالي
عليكم يبويه انـــشده بـــالـــي
•———•———•———•
صفه شوكي جمر يچوي بالگلوب
شيظل بيــه الـــيفارگــله محبوب
اليفارك حسين بفركته يذوب
يظل ينشد عليهم وكت الغروب
•———•———•———•
يُجيب الحُسين بمشاعرة في ظلمة احدى الليالي الكربلائية....حيث لا شك تصل له كل أحرف طفلته العليلة
يقول:

يبنيتي احلفج لا تعتبين
گلبي بجلماتج تتـــعبين
وضلع من عندي يا بويه تكسرين
و مثل النار وبروحي تشعلين
•———•———•———•
يــــبويه ادريج حـــنيتي اليه
وروحج يا بعد روحي سبيه
تون وتنوح كل ليله عــلـــيه
وادموعج على خدج جــريه
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

نعي لسان حال مولاتي فاطمة العليلة (سلام الله عليها) تخاطب مولاتي رقية (سلام الله عليها)
:
يا خيه ارد اوصيج بوصيه
كل ليله شمي حسين ليه
ذكريه واحجي گباله بيه

•———•———•———•

ظليت اون والحسرة بيه
والنفس شو ضايك عليه
لا اخو بقى ولا خيه ليه
•———•———•———•
رد السيدة رقية (س):
يكون الزمن ينعاد ونرد سويه
ولا اشوفن الدمعات منج جريه
ما داعي لتوصين ياخيه بيه
•———•———•———•
عمت عيني عليج آ يابعد عيني
امنيتي وياج يكظن كلهن سنيني
حجاياتج تفت كلبي وتأذيني
•———•———•———•
رد العليلة(س):
ذكريّ حسين والعباس بالحال
حسرات العليلة تهد الاجبال
بچت كليلهم بيها الفكد عال
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

هوسات ليوم رابع يوم فاطمة العليلة عليها السلام

دمع عيني حفر بالخد سواجيه
وبقيت انطر هلي واتأمل الجيه
شالو فرد شيله وما لفوا ليه
(ردولي .... كطعتوا افادي )
•———•———•———•
خواتي وهلي جنهم عافوا العشرة
وعافوا ناري بالدلال مستعرة
هلبت لن اشوف وجوهم مرة
(ويلفوني .... من بعد الغيبة )
•———•———•———•
ما يلفون الي ولا اتأمل هيج
كالو نرد كلت لروحي اصبري شبيج
حيلي وكلبي عكب المشوا صار رجيج
(انهد حيلي ... خلاف الوالي)
•———•———•———•
يا جمرة دليلي البقت سعريه
هلي يلفون لو ماظن بعد جيه
بس آنه بقيت بهالمهضميه
(مهضومه ... من يوم الشالوا)
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#العليلة
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة يوم رابع لمولاتنا أم البنين(ع)
بعنوان (اوصيكم وصية)

اوصيكم وصية يمه اسمعوني
هذا حسين اعز من روحي وعيوني
•———•———•———•
خلفت اربعة بالموزمة تسندة
و العباس صاحب رايته وعضدة
لاجله على الشريعة ينگطع زندة
و ما اريدن ييمه يخيبن ظنوني
•———•———•———•
هذا حسين ابن بنت النبي الهادي
هذا حسين اعز من لبة افادي
على گلب ابن الزچيه شچم الم سادي
لتقصرون گدامه وتخجلوني
•———•———•———•
انا ربيتكم حتى تسندونه
بأرض الغاضريه من يغدرونه
صيروا سند يمه وحاربوا دونه
واريد بخبر موتتكم تفرحوني
•———•———•———•
لتقصرون ويه الطاهره الحره
بگلبها من المصايب نار متوجره
خوفي تشوف اخيها منگطع نحره
وخوفي تنسبني وانتم تأذوني
•———•———•———•
ما يهمني الفراگ ولا أقدار البين
بگد ما خايفة تقصرون ويه حسين
خوفي تحاوطه العدوان من كترين
وخوفي يموت وبعلمة يخبروني
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#ام_البنين
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة لأم البنين (عليها السلام) بعنوان اتجرع الموت!


اتجرع الموت كل ما تمر ليله
ارجع صحت صوت كلبي خلص حيله

•———•———•———•
ارجع ييمه لديرتك مو روحي راحت
روحي انتهت من الألم وبحسرة ناحت
يا دمعة عيوني الغفل من عيني طاحت
رد الصبر راح وانعدمت الحيله
•———•———•———•
يا شوك كلبي الما نفذ يا سر ونيني
روحي على ابو اليمه تون موش لبنيني
كل ما تطول بالسفر يكبر حنيني
يا نجمة سهيل من الدجى اشكيله
•———•———•———•
يا بن الحنينه ام الحسن يا نجمة سماي
شو ما كلتلي من رحت كومي امشي وياي
أمنيتي يمك يالولي لو ظال احذاي
جا رد الي الحيل وانعدلت الميله

•———•———•———•
ظلت عيوني مساهره ما تغفة وتنام
الراحوا ولدها بهالدرب ترعبها الاحلام
كابوس الايام الجزن ما اعدهن ايام
اتنطر تعود تلم شمل هالعيله

•———•———•———•
تطشر شمل طه النبي الملموم بيكم
وروحي بقت ويا الظعن تحدي بحديكم
من الخوف ما لحظة سكن كلبي عليكم
خوفي على حسين تنرض مفاصيله
•———•———•———•
بقلم خادمات العليلة وأبيها
-زينب الفياض
-ضحى سالم

•ديوان المغسل بدمِ الجراح

#حصرياً
#ام_البنين
#زينب_الفياض
#عاشوراء

واتساب https://whatsapp.com/channel/0029VbATZtfGJP8L1IIuvs1B

https://www.tg-me.com/zainab_alfayaad

قصيدة للعليلة عليها السلام
على طور قصيدة شلون ليلة يودع حسين العقلية .


مو عليلة ____
روحي من فراگكم صارت نحيله
فراگ ابو اليمه كلف مابيه حيله
وبسفرهم .... عذبوني
راحوا اهلي ....وما خذوني

(مو عليلة _____مو عليلة )
•———•———•———•

شالوا احبابي ومشوا وآنه نسوي
وأنه ابگيت بدمعتي وحيرة ظنوني
عگب شوفتهم بعد شلي بعيوني
يا عيوني اعمن خلاف الفارگوني
شگد صحت ... بس ما لفوني
راحوا اهلي .....وما خذوني
(مو عليلة _____مو عليلة )
•———•———•———•

تعذبت بفراگكم يمتى تردون
والله من فراگكم ما ظلت عيون
روحي تعبت يا هلي وگليبي محزون
امنيتي لو لحظة علي هسه تمرون
منين اجيب... الفارگوني
راحوا اهلي .....وما خذوني
(مو عليلة _____مو عليلة )
•———•———•———•

لوّحدي ظليت والديران وحشه
وآنه چن طير وفگد بالفرگه عشه
ياظعن تانيني اجي وريض الممشه
لو مشيتوا گلبي ياهو يشيل نعشه
مات گلبي على الجفوني
راحوا اهلي وما خذوني
(مو عليلة _____مو عليلة )
•———•———•———•

مو گلتلك بويه اخذني استاحشت حيل
على الظل بالدار وحده مو حلو الليل
والله بجفاكم اشوف الضيم و الويل
وحتى كلساع الهوى ببنيتك يعيل
ابالي ردولي.... و اجوني
راحوا اهلي .... وما خذوني
(مو عليلة _____مو عليلة )
•———•———•———•

#لفاطمة _العليلة عليها السلام
#العليلة
بقلم خادمة الحسين
ضحى سالم
تحت إشراف تجمع خادمات الذبيح