Qo‘qon universiteti Andijon filialida “Dolzarb 90 kun” tashabbusi doirasida o‘tkazilayotgan “Zakovat” o‘yinidan videolavhalar

Telegram I Facebook I Instagram I YouTube I TikTok

Amerikalik mashhur prodyuser Robert Mora hamda zakovatchilar o‘rtasida uchrashuv bo‘lib o‘tdi

Amerikalik mashhur prodyuser, Emmi mukofotining 2 karra sohibi Robert Mora “Zakovat” klubida mehmon bo‘ldi.

AQSH media sohasining yetuk mutaxassisi Robert Mora Zakovat arenaga tashrif buyurib, bu yerda o‘tkaziladigan intellektual o‘yinlar, klub a’zolariga yaratilgan sharoitlar bilan tanishdi.

Shundan so‘ng, xorijlik mutaxassis hamda zakovatchilar o‘rtasida davra suhbati bo‘lib o‘tdi. Suhbat jarayonida AQSHdagi intellektual o‘yinlar hamda ommabop televizion loyihalar haqida so‘z yuritildi.

Robert Mora “Zakovat” klubi a’zolariga Amerika televideniyesidagi intellektual shoular, ularning tarixi va bugungi kundagi o‘rni haqida batafsil ma’lumot berdi. Shuningdek, mutaxassis sohaga oid qimmatli bilim va tajribalari bilan o‘rtoqlashdi.

Robert Mora O‘zbekistonda “Zakovat” o‘yinini aholi o‘rtasida ommaviy-ma’rifiy harakatga aylantirish yo‘lida qilinayotgan ishlardan va sohaga davlat rahbari darajasida ko‘rsatilayotgan e‘tibordan hayratini yashirmadi.

Suhbat yakunida nufuzli xorijiy mehmon o‘zbek milliy an’analariga muvofiq to‘n kiygizib, kuzatildi. O‘z o‘rnida mutaxassis “Zakovat” klubi vakillariga omad tilab, ular bilan xayrlashdi.

Telegram I Facebook I Instagram I YouTube I TikTok