🏛Zangiota tumani axborot-kutubxona markazi "Munavvar qorining so’nggi nidosi" nomli kitobni oʻqish uchun tavsiya etadi

Зангиатинский информационно-библиотечный центр предлагает прочитать книгу "От хорошего к великому"

🏛Zangiota tumani axborot-kutubxona markazi Ivan Turgenovning "Mumu" nomli kitobni oʻqish uchun tavsiya etadi

Bugun 15-oktyabr 2025-yil, chorshanba.

👉 BAYRAMLAR:

🇺🇳 Butunjahon qishloq ayollari bayrami.
🌏 Xalqaro kuylash kuni.
🌏 Butunjahon qo'llarni yuvish kuni.
🌏 Xalqaro oqqamish kuni.

🔹 MILLIY BAYRAMLAR:

🇺🇸 AQSh - Shirinliklar kuni.
🇧🇷 Braziliya - O‘qituvchilar kuni. 
🇿🇲 Belarusiya - Farmatsevtika va mikrobiologiya sanoati xodimlari kuni.
🇮🇳 Hindiston - "Dashahra" festivali.
🇮🇳 Hindiston - Talabalar kuni.
🇫🇷 Fransiya - Aka-uka Lyumerlar nomidagi kinofestival kuni.
🇲🇼 Malavi - Onalar kuni.
🇹🇳 Tunis - Evakuatsiya kuni.
🇱🇰 Shri-Lanka - Daraxt ekish kuni.
🇨🇱 Chili - Bobolar va buvilar kuni.

👉 TAVALLUDLAR:

- Mil. av. 99 - Tit Lucretsiy Car mil. av. 55) - qadimgi Rim shoiri va faylasufi.
- Mil. av. 70 - Publiy Verjiliy Maron (mil. av. 19) - qadimgi rim shoiri.
- 1608 - Evangelista Torrichelli - italiyalik matematik va fizik, simob barometrini ixtiro qilgan.
- 1897 - Ilya Ilf (1937) - sovet yozuvchisi, jurnalist va ssenariynavis.
- 1814 - Mixail Lermontov (1841) - rus shoiri, nasr yozuvchisi, dramaturg va rassom.
- 1844 - Fridrix Nitsshe (1900) - nemis faylasufi, filologi, shoiri.
- 1855 - Ivan Michurin (1935) - rus amaliyotchisi, seleksioneri, mevali va boshqa o'simliklar ilmiy selksiyasi asoschisi.
- 1905 - Kozlovskiy Aleksey (1977) - kompozitor, dirijyor, O'zbekiston xalq artisti (1955).
- 1908 - Mirzakalon Ismoiliy (1986) - yozuvchi, tarjimon. 
- 1913 - Saidkarim Ziyodullayev - iqtisodchi olim, Oʻzbekiston FA akademigi (1974), Oʻzbekistonda xizmat koʻrsatgan iqtisodchi (1973).
- 1915 - Hakim Nazir (2008) - bolalar adibi, Oʻzbekiston xalq yozuvchisi (1984). 
Sara kitoblar kanalidan olindi
- 1916 - Ibrohim Rahim (2001) - taniqli yozuvchi va jurnalist, Oʻzbekiston xalq yozuvchisi (1976), Oʻzbekistonda xizmat koʻrsatgan sanʼat arbobi (1966). 
- 1929 - Obidov Abdurahim - mikrobiolog - immunolog olim, O‘zbekiston FA akademigi (2000).
- 1968 - Dide Desham - fransuz futbolchisi va murabbiyi, jahon (1998) va Yevropa (2000) chempioni, jahon chempioni (2018) (Fransiya terma jamoasi bosh murabbiyi sifatida).
- 1976 - Nikolay Baskov - Rossiya estrada va opera xonandasi.
- 1977 - Devid Trezege - fransuz futbolchisi, jahon (1998) va Yevropa chempioni (2000).
- 1988 - Mesut O'zel - turkiyalik nemis futbolchisi, jahon chempioni (2014).

BIZ BILAN QOLING!

Kanalga ulanish⤵️
📚 www.tg-me.com/zangiota_akm

Taniqli adib va mohir tarjimon Mirzakalon Ismoiliy 1908 yil 15 oktyabrda Qirg‘izistonning O‘sh shahrida dunyoga keldi. U dastlab qishloq maktabida o‘qidi, keyin shahar maktab-internatida tarbiya oldi. Toshkentga kelib, o‘zbek erkaklar bilim yurtida ta’lim oldi. 1928 - 1930 yillarda O‘rta Osiyo Davlat universitetining Sharq fakultetida o‘qidi, o‘qituvchilik qildi.Mirzakalon Ismoiliyning dastlabki ijodi “Sakkizinchi mart xotin-qizlar ozodligi” nomli kichik pyesadan boshlangan. Ushbu pyesa 1927 yilda nashr etildi. U O‘zbekiston Davlat nashriyotida (1932 - 1937), Toshkent kinostudiyasida (1937 - 1938), O‘zbekiston Yozuvchilar uyushmasida (1939), “Qizil O‘zbekiston” gazetasida (1948 -1949) va “Sharq yulduzi” jurnalida (1949 - 1950) ishladi.Adib ikkinchi jahon urushi qatnashchisi. U 1942 yilda frontga jo‘nab, 1947 yilgacha harbiy xizmatda bo‘ldi. “Qizil Armiya” nomli front gazetasida mas’ul kotib, muharrir o‘rinbosari, harbiy muxbir bo‘lib ishladi. Yozuvchi va jangovar jurnalist sifatida faoliyat ko‘rsatdi.Urushdan keyingi yillarda ham, adib samarali ijod qildi. Jumladan, “Ozod inson haqida qo‘shiq” nomli novellalar to‘plami, odob-axloq bobida “Inson husni” nomli kitobchani nashr ettirdi. Shuningdek, u “Keng maydonlar” pyesasining (1948), qator ocherklarning muallifi hamdir. Jumladan, “Vatanga muhabbat”, “Gvardiyachi”, “Gulxan yonida”, “Yorqin kunlar sari”, “Zifo”, “Ikki kecha-yu, ikki kunduz”, “Ozodlik gulini hidlagan kishi”, “Sening amring” kabi ocherklari diqqatga sazovor.Mirzakalon Ismoiliy 1950 yil 30 noyabrda qatag‘onga uchrab hibsga olingan. 1955 yil noyabrda gunohsiz topilib ozodlikka chiqarilgan. Jumladan, “Farg‘ona tong otguncha” romanini yozdi va ozodlikka chiqqach, romanga sayqal berib, nashrga tayyorladi. Romanda Oktabr to‘ntarishi arafasidagi o‘zbek mehnatkashlarining hayoti va ma’rifat sari intilishini tasvirlagan. Roman o‘zining g‘oyaviy-badiiy xususiyatlari bilan 60-yillar o‘zbek nasri ravnaqiga munosib hissa bo‘lib qo‘shildi. Mirzakalon Ismoiliy yoshlar hayotini aks ettiruvchi “Bizning roman” (1963), ma’naviyat yog‘dularini sharaflovchi “Odamiylik qissasi” (1965) kabi puxta, go‘zal nasriy asarlari bilan kitobxonlar e’tiborini qozondi.“Odamiylik qissasi”da yozuvchi odob, axloq to‘g‘risida hikoya qiladi.Mirzakalon Ismoiliy “Qizlar daftariga” (1980), “O‘zingdan ko‘r” (1986), “Inson husni” (1989) kabi asarlarida ham yoshlar axloqi, oilada totuvlik va o‘zaro hurmat masalalari haqida fikr yuritadi.Mirzakalon Ismoiliy dastlab Lev Tolstoyning “Tirilish” romanini 1938 yilda, keyinchalik shu yozuvchining “Anna Karenina” romanini o‘zbekchaga o‘girdi.U jahon adabiyotining 200 dan ortiq namunalarini o‘zbek tiliga tarjima qilgan.Mirzakalon Ismoiliy O‘zbekistonda xizmat ko‘rsatgan san’at arbobi (1983) unvoniga sazovor bo‘lgan. Jumladan, M.Sholoxovning “Inson taqdiri”, N.Ostrovskiyning “Bo‘ron bolalari”, Rashod Nuri Guntekinning “Choliqushi”, Servantesning “Don Kixot” kabi asarlarini o‘zbek kitobxonlariga tuhfa etdi.
Taniqli adib, mohir tarjimon Mirzakalon Ismoiliy 1986 yil 5 mayda vafot etgan.

www.tg-me.com/zangiota_akm

Oʻzbekiston xalq yozuvchisi Hakim Nazir 1915 yil 15 oktyabrda Toshkentning Arpapoya mahallasida mahsidoʻz oilasida tavallud topdi. Boshlangʻich maʼlumotni onasi Malika otin maktabida oldi. Mehnat faoliyatini 15 yoshidan poyafzal fabrikasida boshlab, ayni choqda kechki ishchi-yoshlar maktabida oʻqidi.
1941 yilda Toshkent Davlat pedagogika institutining kechki boʻlimida, 1954–1956 yillarda esa Moskva Oliy adabiyot kursida tahsil oldi.
Adib mehnat faoliyatini 1933 yili oʻquvchilar gazetasida (hozirgi “Tong yulduzi”) adabiy xodim sifatida boshladi.
Shundan keyin uzluksiz respublika yoshlar gazetasida, ridioeshittirishlar qoʻmitasida, Badiiy adabiyot nashriyotida, Oʻzbekiston Yozuvchilar uyushmasida adabiy xodim, boʻlim mudiri, masʼul kotib, bosh muharrir, adabiy maslahatchi vazifalarida xizmat qildi.
Hakim Nazirning adabiy faoliyati oʻtgan asrning 30-yillaridan boshlanib, dastlabki mashqlari ‒ hikoyalari 1933 yildan eʼtiboran turli jurnallarda bosildi. “Qishloqdagi jiyanlarim” nomli ilk kitobi 1948 yilda nashr etildi, ilmiy-adabiy jamoatchilik nazariga tushdi. Shundan keyingi oltmish yillik sermazmun ijodi mobaynida kattalar va bolalar uchun 50 dan ortiq kitob chop ettirdi. Bu kitoblardan joy olgan asarlarida odob-axloq, odamiylik, doʻstlik va mehnatga muhabbat, vatanparvarlik haqida bahs boradi. Bolalarning rang-barang ruhiy olamlari gavdalantiriladi.
Adibning “Besh baho” (1955), “Choʻl havosi” (1958), “Yaxshi nom” (1962), “Meni taniysizmi?” (1963), “Bolajonlarim” (1964), “Ali bilan Sher” (1971), “Bir ogʻiz soʻz” (1982) kabi koʻplab asarlari shu jihatdan xarakterlidir.
Hakim Nazirning “Koʻkorol chiroqlari” (1954), “Yonar daryo” (1966), “Kenjatoy” (1976), “Tohir Zuhra qissasi” (1985) hamda “Dadamni topib beringlar” (1991) nomli qissalarida yoshlarning boy, begʻubor va sirli ichki olami, mehnatga, oila va muhabbatga, hayotga boʻlgan munosabatlari ifoda etilgan. Yozuvchining “Lochin qanotlari” (1973) romani oʻzbek bolalar va oʻsmirlar adabiyotida kam yoritilgan urush mavzusiga bagʻishlangan.
Hakim Nazir dramaturg sifatida “Chiranma gʻoz, hunaring oz” pyesasi bilan oʻzbek bolalar dramaturgiyasi rivojiga oʻz hissasini qoʻshdi. Asar koʻp yillar davomida Yosh tomoshabinlar teatri sahnasida muvaffaqiyatli namoyish etildi.
Yozuvchi ijodida kattalar uchun yozilgan hikoya, ocherk va qissalar ham yetakchi oʻrinni egallaydi. “Musobaqadoshlar” (1950), “Odamning qadri” (1958), “Oʻtlar tutashganda” (1960), “Onaizor” (1961), “Aziz odam” (1964), “Shoshilinch telegrammalar” (1987) kabi hikoya va ocherklardan iborat toʻplamlari, “Suv gadosi oqpadar dengizni boshlab keldi” (1962) va “Koʻkterak shabadasi” (1988) kabi qissalari shular jumlasidandir.
Hakim Nazir tavalludining 50 yilligi munosabati bilan ikki jildlik (1969–1970), 60 yilligi oldidan besh jildlik “Tanlangan asarlar”i (1977–1981) chop etildi. Yozuvchining 80 yilligiga bagʻishlangan, memuar janriga mansub ikki yangi kitobi bosildi ‒ biri “Oq fotiha yoki bolalik sarguzashtlari” xotira-qissasi (1995), ikkinchisi esa “Yodimdasiz, azizlarim” (1995) esdaliklaridir.
Hakim Nazirning oʻnlab kitoblari rus, qozoq, qirgʻiz, turkman, tojik, gruzin, arman, ukrain, belorus, latish, litva, eston, nemis, fransuz, ispan, bulgʻor, chex, moʻgʻil tillariga oʻgirilgan, alohida kitoblar holatida nashr etilgan.
Adib asarlarining umumiy tiraji ‒ sanogʻi bir yarim milliondan oshadi.
Hakim Nazir besh jildlik “Tanlangan asarlar”i, bolalar adabiyotini rivojlantirishdagi katta xizmatlari, ijodining maʼnaviy-madaniy hayotimizdagi nufuzi uchun Oʻzbekiston Davlat mukofotiga sazovor boʻldi (1981). Unga “Oʻzbekiston xalq yozuvchisi” faxriy unvoni berildi (1994). Shuningdek, adib Xans Kristian Andersen nomidagi xalqaro diplom bilan ham mukofotlangan (1984).
2000 yilda oʻzbek adabiyoti va madaniyati rivojiga qoʻshgan hissasi uchun Hakim Nazir “El-yurt hurmati” ordeni bilan taqdirlandi.
 

Mixail Yuryevich Lermontov — rus shoiri. Bolalik chogʻlari Penza gubernyasidagi Tarxan (hozirgi Lermontov) qishlogʻida kechgan. 1827 yilda buvisi Ye.A.Arsenyeva bilan birga Moskvaga koʻchib borgan va 1828 yilda Moskva universiteti qoshidagi pansionning 4-kursiga oʻqishga kirgan. Dastlabki sheʼrlari, "Cherkeslar" (1828) va "Kavkaz asiri" (1929) dostonlari shu yerda yozilgan. L. pansiondagi 2 yillik tahsilidan soʻng 1830 yilda universitetning maʼnaviy-siyosiy boʻlimiga oʻqishga kiradi. Lermontov Talabalik yillarida qator lirik sheʼrlar, doston va dramalar yozgan ("Odamlar va ehtiroslar", 1930 va boshqalar). 1832 yilda untni tark etadi va Peterburgga borib, gvardiya podpraporshchiklari va kavaleriya yunkerlari maktabiga oʻqishga kiradi. Mazkur maktabni tugatgach, Lermontov Sarskoye Seloda joylashgan gusarlar polkiga yuboriladi (1834). Navqiron gusar koʻp vaqtini aslzodalarning koʻngilochar davralarida oʻtkazib, shu davralardan olgan taassurotlari asosida "Maskarad" dramasi, "Hoji Abrek" romantik dostoni (1835) va boshqa asarlarini yozadi. Lermontov 1837 yilda A.S.Pushkinning fojiali oʻlimiga bagʻishlab "Shoirning oʻlimiga" sheʼrini yozadi. L. bu sheʼrda shoirning oʻlimida aybdor sanalgan hukmron kuchlarni keskin qoralagani uchun Kavkazga surgun qilingan. L.ning Kavkazda boʻlishi uning shoir va rassom sifatidagi ijodiga samarali taʼsir koʻrsatdi. Kavkaz tabiati va tomi elatlar folkloriga mexr qoʻygan shoir shu yerda "Oshiq Gʻarib" (1837) sharq ertagi, "Zamonamiz qahramoni" (1840) romani va koʻplab rangtasvir asarlarini yaratdi. Ye.A.Arsenyeva va shoir V.A.Jukovskiyning saʼy-harakatlari bilan afv etilgan Lermontov 1838 yil yanvarda Peterburgga va aprel oyida esa Sarskoye Seloda joylashgan gusar polkiga kaytib keladi. Peturburgdagi qizgʻin adabiy hayot 30-yillar oxirida L. ijodida erksevarlik yoʻnalishining keng qanot yozishiga imkoniyat tugʻdiradi. "Oʻylar", "Shoir", "Oʻzingga ishonma...", "Paygʻambar", "Alvido, Rusiya, ey nopok makon" kabi sheʼrlari, "Msiri", "Demon" ("Iblis") kabi dostonlari, "Bela" qissasi (hammasi 1839) Lermontov ijodining kamolot bosqichiga koʻtarilganidan shahodat beradi. Shu kezlarda Fransiya elchisining oʻgʻli E.Barant bilan boʻlib oʻtgan duel L.ning ikkinchi marta Kavkazga surgun qilinishiga sababchi boʻladi. U Kavkazdagi piyodalar polki tarkibida bir necha harbiy yurishlarda ishtirok etadi. Uning shu vaqtda (1840, okt.) "Otechestvennie zapiski" jur.da eʼlon qilgan sheʼr va dostonlari Peterburgda katta aks-sado beradi. Bundan foydalangan Ye.A.Arsenyeva nabirasining Peterburgga taʼtilga kelishiga erishadi (1841, fevral). Ammo rasmiy doiralardagi oʻziga boʻlgan sovuq munosabatni koʻrgan Lermontov 1841 yil 13 mayda Pyatigorskka qaytib keladi. Shu vaqtda bu yerlarda istirohat qilayotgan bir guruh yoshlar Lermontov bilan zobit N.S.Martinov oʻrtasida janjal chiqishiga erishadilar. 13 iyul kuni shoir duelda vafot etadi. Lermontovning xoki Tarxan qishlogʻiga olib kelinib, Arsenyevlar xilxonasida dafn etilgan (1842 yil 23 aprel). Lermontov shoir, nosir va rassom sifatida rus madaniyati tarixida faxriy oʻrinlardan birini egallaydi. U oʻzining eng yaxshi asarlarida erksevarlik va vatanparvarlik gʻoyalarini baland pardalarda kuyladi, mustamlakachilik siyosati ulugʻ rus shovinizmining avj olishiga sabab boʻlishi haqida rus jamiyatini ogohlantirdi, yuksak fuqarolik ideallarini tasdiqladi.

www.tg-me.com/zangiota_akm

Zangiota tumani axborot-kutubxona markazi
Ulug’ insonlar doimo barhayot
Kitob ko’rgazmasi
O’zbek adabiyotining ikki atoqli namoyondalari oʻzbek yozuvchisi, tarjimon Mirzakalon Ismoiliy hamda O’zbekiston xalq yozuvchisi, iste’dodli adib Hakim Nazir tavalludi kunlari munosabati bilan axborot-kutubxona markazida “Ulug’ insonlar doimo barhayot” rukni ostida kitob ko’rgazmasi tashkil etilib keng kitobxonlar ommasi e’tiboriga havola etildi. Ko’rgazmadan joy olgan M.Ismoiliyning “Farg’ona tong otguncha”, Hakim Nazirning “Nomi chiqmagan xotin” kitoblarining targ’iboti olib borildi.

🏛Zangiota tumani axborot-kutubxona markazi "Fargʻona tong otguncha" nomli kitobni oʻqish uchun tavsiya etadi

Зангиатинский информационно-библиотечный центр предлагает прочитать книгу "Большая книга серийных убийц"

🏛Zangiota tumani axborot-kutubxona markazi Ivan Turgenovning "Oltin kalit yoki buratinoningboshidan kechirganlari" nomli kitobni oʻqish uchun tavsiya etadi

Зангиатинский информационно-библиотечный центр предлагает прочитать книгу "Королевская аналостанка"