وقصدَت بابكَ والفؤادُ يناديْ
انت الجَوادُ وانتَ بابُ مُرادي.

شكد متكدرون ادعوا لطلاب السادس
هسه وقت قيام الليل والدعاء
كل مستجاب 🤲🤎

يارب التوفيق الكم جميعاً اعرف هاي النهايه ربي ما يضيع تعبكم خلص بعد انتو سويتو الي عليكم مهما كانت النتيجه الحمدلله والشكر مو نهايه الدنيه انتو شدو حيلكم وخلصت 🫂💚.

حي على خير العمل 💚✨

ان الصلاه اخير من النوم 💚✨✨

لا تنسون المحتاجين للدعاء من دعائكم 💚✨

لا تنسون الطلاب من دعائكم

تعبك ، صبرك ، سهرك ، قلقك ، جهدك ، دموع عيونك ، خوفك ، توترك ، كلشي اتجمع بهلفتره ع مود رب العالمين بالنهايه يرضيك بشي يستحق كل هالعناء .

زواج النورين 🥹💗.

أرفعوا الهلاهل يا أهل السمة
أعظم عريسين علي وي فاطمة ❤️

1 ذو الحجة
يوم زواج النور من النورِ
فقد روي عن النبيّ صلى الله عليه وآله
أنّه قال: "إنّما أنا بشر مثلكم، أتزوج فيكم وأزوّجكم إلا فاطمة، فإنّ تزويجها نزل من السماء".

وقالَ الإمام علي بوصفِ فاطمة عليهما السلام:
وما رأيتها يومًا إلا وذهب الهَمُ الذي كان في قلبي.

مُتباركين بهذا اليوم العظيم.

"ولقد كنتُ أنظرُ إليها، فتنكشف عنّي الهموم والأحزان"

عليٌّ عن حبيبتهِ فاطِمة (عليهما السّلام). 🤍

» زهراءُ واحِدةٌ و ليس لها عدد
لولا عليٌّ لم يڪُن ڪفوًا أحد ! ✨

(وَجُمِعَ الشَّمسُ وَالقَمَرُ).❤️

كان مَهر فاطِمَة "عليها السلام" -ظاهِريًّا- دِرعُ عليًّا، لكِن -فعليًّا- عليّ الدِرع 🤍.

سلام عليكم
البارحه انطرح موضوع بيني وبين احد صديقاتي قررت احجي بي اليوم،ممكن تكون مراهقه متابعتنه وتستفاد.

الحب خلال المراهقة!

خلال المراهقة وهذي الفترة الانتقالية من حياتج، يا عمري خليج واعية 💗

- لازم تعرفين انه ب هذي المرحلة
راح يصير عندج تغيرات هرمونية، فكرية ، جسدية ونفسية وهذا الشي طبيعي !
لا تخافين منه 🤍

- ونتيجة لهذي التغيرات كذلك مشاعرج راح تتغيير وراح نبدي بشعور موجود عندج من زمان كثير بس راح يتغير توجه والي اسمه
" الحب او الإعجاب "

- هسه هذا الشعور مو غلط !
اي والله مو غلط ، لأن هذا الشعور الله خلقه
ورب العالمين مستحيل يخلق شي غلط !

انتِ بس لازم تعرفين إنه هذا الشعور بهذا الوقت راح يكون غلط !

- زين ، ليش غلط ؟

لأن يا حبيبي انتِ بهذا العمر
شخصيتج مو كاملة
تفكيرج مو ناضج
بعد ما تعرفين تقررين الشي الصح الج
انتٍ بعدج تتصرفين بمشاعرج مو عقلج


واختيارج هذا على اي اساس ؟

لأن يا اما :
شكله حلو
ابتسملج مرة
سمعتي عنه كلام حلو وانعجبتي بيه
شفتي اكثر من مره وكلتي لو هذا لو ما أريده 😂🤍


- زين ، هل تعتقدين باجر لما يصير عمرج ٣٠ او ٢٥ راح تضلين مقتنعة بيه ؟

راح تضلين بنفس التفكير والعقل ؟

- اكيد لا يا عمري انتِ ، واسئلي كل يلي حواليج واكيد راح يكون جوابهم :
لا ، مو نفس التفكير

- ما عليج بالمسلسلات والروايات الي اغلبها مو حقيقية !
هذي المسلسلات هي موجهة حتى تلعب على مشاعرج حتى تخليج تقتنعين بهذا الشي
وتحبين المسلسل وبالتالي يجيهم فلوس أكثر!



- نتيجة للكلام السابق :

-هذي المشاعر مؤقتة ومو حقيقية
-اعرفي انوا انتِ أغلى من انو تضيعين نفسج
وتضيعين عمرج ووقتج بهيج سوالف 🤍


- زين ، هسه عرفتي انه هذا التصرف غلط ،

شلون تتخلصين منه وتلتهين بسوالف وأمور احسن الج ولمستقبلج؟

المنشور الي جوا 👇

شلون ابتعد عن أي شعور غلط ؟

بداية اعرفي انه الموضوع ممكن ياخذ وقت وتفكير ، بس هو اكيد مو مستحيل !

- عقلج ممكن يهيئ الج انه مستحيل تنسيه
وانه الموضوع مستحيل وغيره

بس ، لا تسمعين منه هذي مشاعرج جاي تلعب بيج !

- بدايةً ، أمنع اي تواصل بيناتنا !

لو على النت الغي الحسابات
لو التقي بيه أمنع هذا اللقاء
لو اسمع عنه ، ما اكعد بمجلس يحجون عنه بيه !


- ثانيا ، الكه بديل !

مو تروحين ترتبطين بواحد ثاني 🙂✨

-اقصد الكي شي يملي وقتج!

شوفي مسلسل( ما بيه حبيات رجاءً 😂🤍)
اقري كتاب
اقري قرآن
ادرسي ثم ادرسي ثم ادرسي


حاولي تطورين نفسج بالمدرسة
صيري من الأوائل!

اي نعم ، لأن هذي السوالف اكيد تلهيج
وما تخليج تدرسين زين !

ف حاولي تطورين نفسج بهذا الموضوع 🤍


- الصديقات !

-لو صديقتج تشجعج
او تعرف بالموضوع وما ردتج عنه
او هي الي نصحتج بالموضوع

تسدين كل الابواب بوجه !

لأن هذي إنسانة ما تريدلج الخير !

- ويا خوفي ياخذون منج صور او شي
وبعدين يهددوج ب اهلج !

لا تصدكين إنسانة تريدلج الخير
وتخليج تفوتين بهيج طريق !!


- تابعي بنات احسن ، حاولي تكونين
صديقة مع البنات الشاطرات
شوفيهم شلون يدرسون ، شلون يحجون
حاولي تقلديهم وتاخذين شي منهم 🤍


- اذا تريدين العبي رياضة
اقري قرآن ، التزمي بصلاتج
قوي علاقتج برب العالمين
لأن صدكيني ما الج بهذي الدنيا بس الله 🤍✨


- وبالنهاية يا حبيبي
اني ما اريدلج الا الخير
والله يشهد ما أسعى الا لمصلحتج
حاولي تلتزمين ب الي كلته
والله يكتبلج الي بيه الخير 🦋💗