خادم ولمصابك اتهل دمعتي
وارتجيتك يا وسيلة غايتي
رايدك تحضرني ليلة وحشتي
من يلقن جثتي دفاني


لو مسيت بحفرتي والعمر غاب
وفوك جسمي انهال يحسين التراب
وعله كبري قروا فاتحة الكتاب
والعزيز من الأهل خلاني


لو يخلوني الأهل وامسي وحيد
هناك يابو اليمه تحضرني أريد
خايف من اذنوبي تتقيد الأيد
وحطب للنار الجدم مشاني


عمري خلص خادم وعاش بعزاك
وابحماك العاش ،، بالموت بحماك
ضامي كالوا ،، جبت دمعي وكلت هاك
حسين يَ اول حزن مالك ثاني


انه الجان لحزنك يوزع ثواب
وانه الجان البلعزه لازم الباب
امحرم وبعده صفر عاش العذاب
الروحه مسبيه ويه ضعنك .. آني


يجي امحرم والحزن ويّاه جاي
و بلون ليل اهدعش البسلك رداي
حتى طعم الماي يفرق على الماي
الما رواك اشتعتقد روّاني ؟!


هذا . دمعي اعليك . أمانه ياحسين
اترجعه ليلة وحشتي مدمع العين
آنه من دونه شأرد عالملكين
دمعي سر توحيدي يا قرآني


شكد عله امصابك لطمت آنه الصدر
ترضه فوگه اتصير ضغطات الگبر
عندي ليلة عاشرك ليلة قدر
كون ليلة موتي تتلگاني


كون نعشي بالگبر تستقبله
وكون يابن فاطمه تشفع اله
بكثر خطواتي بزيارة كربله
وبكثر ما ناعيك بچّاني


وابگلب لهفان وابطول الزمان
حاضره اتدور عزاك ابكل مكان
فاطمه اسأل عني لو مجلسك حان
كلي اصيرن عين يا برهاني


لكطعت الخنصر دليلي شكثر ناح
وصيحة الحره اعله ذبحك صوتي صاح
طيحتك بوداع اخيّك دمعي طاح
وجمر حرگ اخيامك الچواني


ناركم ناري يهل بيت النبي
حزني بالدنيه چتلكم والسبي
ولو متت بالگبر رايد مطلبي
كون تبقه احزاني نفس احزاني

(سعد هادي الشمري)

أّلََّسلَأّمَ عٌلَيِّګمَ خَدّأّمَ أّلَحٌَّسيِّنِ (عٌ)
نرحٌبِ بِګمَ فی قناة الثورةالزینبیه
(خَدِمَةّ أّلَحٌَّسيِّنِ شٍرفِّ لَنِأٌّ) رابط القناة👇👇👇
تهتم بنشرالقصائد بل اضافه الی الحانکم المبارکه
👇👇👇👇
https://www.tg-me.com/joinchat-AAAAAETad_xqtaJx-17XqQ

بالحرب عنوانك
حيدري ميدانك
هذا عباس.......هذا  عباس
*******
دنكت كلها تسلم ........خوفهه ايمر الگمر
والنهر  مايه  تحزم......... راد  يتعنه  النهر
هيبة  العباس  طبهه.....سجل بصيته الدهر
رمشت اعيونه خطفهم.....ينذهل جيش
الكفر

ترتعب عدوانك
حيدري ميدانك
*******
چنه عزريل اعتناهم......والطف ابسيفه ابتله
كال بسم  الله  يمكن .....راد  يكلب  كربله
اتكترت كلها العساكر.......چفه  يقره البسمله
وشل الطف من خزرته....منهو كدها ويوصله

والفخر ذرعانك
حيدري ميدانك
*******
هزه  ارضيه  نشاهد.......وصل سبع الگنطره
والنهر  مايه  تبده..........چنه  خزرة حيدره
اصطفت اگباله الشريعه ...كلها توگف مسطره
دخنت  والطف  توقع.....موت واصل بالسره

يا  نفل  بركانك
حيدري ميدانك
*******
اتفاجئت كلها تسولف.....هذا  حيدر  بالحرب
عالرگاب يخط هويته.....ابو فاضل من يطب
ماتت   اگباله  المنايا........خلصو من الرعب
چن یميل الطف عليهم.......والعساكر  تنشطب

تنذهل  فرسانك
حيدري ميدانك
*******
سطرة الحمزه سطرته....ابو فاضل  لو يطك
چان واحد لو وصله.......يصبح اثنين ابطبك
حارت الدنيا  ابجربته......راد يترسهه عشك
والشمر بالهجمه شارد.....چان يتصور صدك
ماجت ابطوفانك
حيدري  ميدانك
******
تمت بعون الله تعالى
خادمكم .....يوسف الفتلاوي

على الصادق يادمع العين
هــل چنك تهـــل لحسين

نفس الغربه واللوعـة
وامه الزهرة مفجوعه
هل چنك تهل لحسين
ـــــــــــــــــــــــــــــــــــ

شنو معنى الحياة تعيشها بغربة
وصعبة ابلا اهل وسط الغرب صعبة
القرو قرٱن احمد غدرو القربة
وشنو ذنب الامام وسمو الگلبه

لاذل لاخضع هيهات
وابد ماهمته الصعبات

بس الونه مسموعة
وامه الزهرة مفجوعة
هل چنك تهل لحسين
ـــــــــــــــــــــــــــــــــ

خصومه ابلا شرف لادين ليش اوياه
ومابيهم زلم بس بالاسم اشباه
شلون ابن الامامه ابن النذل سماه
ومحد من هله وسط الگبر دفناه

وينك ياعظيم الشان
ياحاضر دفن سلمان

اسند بيدك اظلوعه
وامه الزهرة مفجوعة
هل چنك تهل لحسين
ــــــــــــــــــــــــــــــــــ

بتشيعه ولا واحد حضر ياناس
لابو اليمه حاضر لاحضر عباس
وماكو اعمامته ومكشفين الراس
غريب بغربته حد اخر الانفاس

بگبرة بالـبقيع الـيوم
حد هذا الوقت مظلوم

محد يشعل اشموعه
وامه الزهره مفجوعه
هل چنك تهل لحسين
ـــــــــــــــــــــــــــــــــ

گبر بس التراب وماله اي مرقد
وكل يوم اليمر بالحزن يتجدد
على الصادق اون وگلبي يتمرد
ثارك مانسيته وجمرة ماتبرد

وعلى صادق علوم الدين
لاتبرد يادمــع الــعين

حزن ودمعه مشروعه
وامه الزهرة مفجوعه
هل چنك تهل لحسين
ــــــــــــــــــــــــــــــــــ

من شاعر قصيدة وملا يقرالك
مفجوع الگلب والكل دره بحالك
مايبطل ونيني ودوم انعالك
مصيبه فاطمة والظلع تبرالك

قانون الحزن والاه
فوگ اگلوبنه اكتبناه

وانت الدين وفروعه
وامه الزهرة مفجوعه
هل چنك تهل لحسين



الشاعر فاروق الغنامي

موشح في مسير السبايا

هاي زينب مادريت شلونها
عالهزل راحت ينور عيونها
............

هاي زينب عالهزل راحت سبي
ترضه ياعباس يحديها اجنبي
خدر ماظل والستر بس بالعبي
عالهزل بت فاطمه يشوفونها
............

الچانت وياك بخدرها مدلله
هسّه طلعت عالهزل من كربله
بس عليل وياها ظل بالعايله
بلا كفاله زينب تعوفونها
............

بلا خدر تتعثّر الناگه وتميل
وبالحبل مچتوفه زينب يالكفيل
شلون لو وگعت يبن حامي الدخيل
وآل امية تدري ميّرحمونها
.........

راسك براس الرمح يبره الظعن
وزينب تصدلك يعباس بشجن
اتعاتبت ويّاك بالمدمع اظن
وتنظر شلون العده يأذّونها
...........

ترضه ياعباس ياليث الحرب
بيها يتشمّت شمر طول الدرب
زينب ابين الزلم موقف صعب
ولو نخت بسمك تره يسبونها
...........

شلون لو بالسوگ مرّوها العده
عليها تتفرج الناس الحاقده
نظرة الشامت سهام امحدّده
والكلام الجارح يسمعونها
..........

والاشد من هاي بنت المصطفه
تدخل لديوان امية مچتّفه
يابوفاضل والعدو بيها اشتفه
حاولوا  ما  گدروا  يذلّونها

سيد زيد الفحام
___


https://www.tg-me.com/joinchat-AAAAAETad_xqtaJx-17XqQ

اسم القصيدة : حسين خويه

🏴🏴🏴🏴🏴🏴🏴🏴🏴

حسين خويه طوليت النومه
امنين اجيلك والطرق ملزومه

حسين خويه حيرتني طيحتك
اشلون اجيك اشلون اعوفن عيلتك
گطعت گلبي يخويه نومتك
منين اجيك انمنع درب الحومه

حسين خويه الخيم نار اموجره
لابقى عدنه كفيل ولا ذرى
چم يتيمه أجمع وچم أمخدره
سلبوها الحرم ياجيدومه

حسين خويه اطفالكم عرض الفلا
تدري ضرب السوط ماتتحمله
شرد اشاجف خويه عن العايله
أمتوني خويه امدممه ومالومه

بگت زينب تشكي من عظم المصاب
ولمت العيله عگب حرگ الاطناب
اشما تصيح حسين ماتسمع جواب
وعالثرى حسين وصحبته وگومه

آ يلوعة ليلة الحادي عشر
ابعين تحمي العيله من ذاك الخطر
وعين للميدان مشبوح النظر
والسمه تمطر ادموم اغيومه

لنها تسمع صوت وي طرة الفجر
حضروا نوگ الهزل شان اليسر
ورخصوا العيله إعله ولياها تمر
وكل فگيده بولي ترد اعلومه

هاي گدامك تگع نوبه وتگوم
وذيچ بالحومه مثل طير اليحوم
ايدورن وليانهن بين الجسوم
وكل بدر غير الحر ارسومه

وصلن الجسمه ربيبات الدلال
بس جسد من غير راس إعله الرمال
اليهز جبرائيل مهده ~ ابلا ظلال
بالشمس والحر هجير ارسومه

و آه من شافنه جسمه إعله الثرى
ودمه يشحط من اجروحه ومنحره
حجة الباري وابن خير الورى
عاري حتى امسلبين اهدومه

اتگله زينب خويه اجينه انودعك
ولو بدينه انغسلك وإنشيعك
غصباََ اعلينه نخلي مصرعك
ونمشي للشام او تجيك اعلومه

اتوادعت زينب من حسين الضمد
وكل فكيده اتوادعت من الولد
صاحت آنه اوداع ظل عندي بعد
العالشريعه هامته مگسومه

ومن الحومه اتمشت ابذاك الخطر
امدوهنه وتنشد عله درب النهر
اتصيح يا هالناس ما شفتوا گمر
طاح من سابع سمه اويه اغيومه

🏴🏴🏴🏴🏴🏴🏴🏴🏴
الشاعر// عزيز الفيصلي

🚩نعي...حوار بين زينب والعباس والحسين عليهم السلام🚩
...............
عباس ياحامي الظعينه
زينب اخيًّتنه الحنينه
عدهه طلب گبلت علينه
هاذي الوديعه من علينه
ناشدهه شنهو التريدينه
وطمًّن گلبها اتحصًّلينه
..............
عباس گام استقبل اخته
ويمهه ابخجل ثنه ركبته
ناشدها شنهو الرايدته
صبت دمعها وعاتبته
هالًّي اشوفه ماحسبته
عبدالله ظامي وساكت انته؟
.............
گلهه يخويه لاتعتبين
اتهيجين گلبي من تلومين
آنه الموصًّه من ام الِبنين
مايوم اتركنچ تهمين
وراسچ اذا يرخصني لحسين
الماي اجيبه وارجع الحين
...............
عاود ابوالغيره العضيده
مستهظم اهظيمه شديده
عالمتن جوده وسيفه بيده
ارخصني ياذخر الصميده
الماي اخيًّتنه تريده
ظامي الطفل يابس وريده
...........
لحسين حن اوسال دمعه
واهوه على اعضيده يودعه
عباس انته البيتي شمعه
فراگك صعب مگدر اجرعه
شال ايده للمعبود وادعه
ربي الشمل بعضيدي جمعه
..............
لاچن بچه وحن الشفيه
لمًّن بطه ابجيته اخيًّه
ناداها يابنت الزچيه
الكافل بعد ما منًّه جيه
عالشاطي اظن طايح رميه
لمي النسه ونصبن عزيه
ـــــــــــــــــــــــــ
سيدناصرالموسوي



https://www.tg-me.com/plkfc

شلون اعوفك عالنهر
ورجع ابگـسر الضهر
اخيـامي مابيها گمر  ... يابو فاضل
__
واگف اباب المخيم منتضر جيتك جنت
عالنهر عيني تباوع طاحت الرايه شفت
برگضة المحروك اجيتك وبرگضتي اتعثرت
وبيه مابيه وصلتك يم سهم عينك طحت

شفتك وحيلي انهدم
الحافر ابجسمك رسم
لوحه جانت كلها دم .. يابو فاضل
__
جيت اضمدلك جروحك حرت شبدي بياجرح
منين ماحط ايدي تنزف من كثر طعن الرمح
ويا ضماد الي يداوي الي نحره منذبح
وشيلمه الباب صدره بالحوافر منفتح

باب صدرك منكسر
وخيل من فوكه تمر
ابكاع مطشر شذر .. يابو فاضل
__
الخويه طلعت من وريدك سولفتها من النحر
ابكثر ماعطشانه جانت كل حرف منها انفطر
هيه هاي الكلمه گسرت كلبي وحزام الضهر
ابيانهر ترتوي اشفافه الفكد للخوه نهر

الجف اخو مايلزمه
سنينه تخلص بالضمه
الكمر لمحلي السمه .. يابو فاضل
__
ريت اضم صدرك وموتن بلكي اشيل من الالم
وتسحك بضهري الحوافر والك مايوصل سهم
بس خفت لو ابقه يمك الناس تركض عالخيم
وبقت بس نسوان بيها تنتضر جود اوعلم

الحرم منتضره تعود
وعله زنودك غافي جود
بس غفه براسك عمود .. يابو فاضل
__
من اجيتك جان ضني دكوم وياي وترد
للخيم نرجع سويه زند ومكاود زند
راح ارد لخيامي وحدي وبدمعتي منفرد
ياحسرتي شراح اجاوب لمن اعليك انشد

ارجع ومحني الضلع
اسكت ويحجي الدمع
عفته طايح منصرع .. يابو فاضل
__
رزق مولاي الكفيل ع
احمد عباس المياحي

https://www.tg-me.com/asaadshaker

ــــــــــــــــ✧○•○•○•○•○•○✧ــــــــــــــــ

((((((((ابو ذيات)))))))

فكدت الراي ياعباس والحيل
دبيج الخيل هز الكاع والحيل
بقيت ابلا خيم عباس والحل
لون اتكوم هسه انطيك اديه
...........
ثكيله اجروح البكلبي وخيمات
اليه اطفال محتركه وخي مات
فكدت اولادي يادنيه واخي مات
عليهم دمعي يجري بكل مسيه
..............
انوله العباس زينب وليت امه
نقص بمخيمج باقي وليتمه
الحسين اصيح ياظهري واليتامه واليتمه
تنادي يابوفاظل مامش اميه
..........
اصب الدمع كل مصباح..وليياي
جفو عني شجاهم ليش ..وليياي
بعد شتاامل من الراح والياي
وانه جرحي الجبير الغاظريه
.............
تفز اجروحي عالخوان  والماي
ثوب الحزن صار اكدار  والماي
كرهت المشرعه والشام  والماي
منهد طيحت جفيلي اعله الثريه
.............
كبرت وكمت ازامط بيك  يرباي
رحت للنهر شوفي عليك  يرباي
الشمر وسفه بحبل عباس يرباي
وترس اذني يكلي ياسبيه
.............
علاء ا لزيدي


قناة أّئمًةّ أّلَبًقُيِّعٌ
یوسف الزهراءع 💔

ابوذيه

بزينب من اذكرج يم الحسين
دخيلج من ذنوبي يم الحسين.
اريد العمر يخلص يم الحسين
واديم النوح كل صبح ومسيه
.........

الدموع عليك من عيني سبلها
بسجن روحي الك أطلق سبلها
واحلفك بالمشت تدري سبلها
ألاميرة ام الخدر عمتك سبيه
........
الشاعر
اياد الفرح التميمي

منشور:ريحانة المصطفى

ابوذيه

بزينب من اذكرج يم الحسين
دخيلج من ذنوبي يم الحسين.
اريد العمر يخلص يم الحسين
واديم النوح كل صبح ومسيه
.........

الدموع عليك من عيني سبلها
بسجن روحي الك أطلق سبلها
واحلفك بالمشت تدري سبلها
ألاميرة ام الخدر عمتك سبيه
........
الشاعر
اياد الفرح التميمي

منشور:ريحانة المصطفى

نعي مجرد بحق الوالد


بدار الابو ضليت  احومي
تفرهد الحيل وطار نومي
شال الابو وكثرت همومي



كعدنه و  بجينه بدار ابونه
ذكرنه الربه وروحه الحنونه
الحمل  وشال  وياه   عونه



عونه اليحمل كون ويشيل
ويه  العزيز  بهدوت  الليل
يفراك ابونه   يهدم  الحيل



عزيز  ما   ينراد    فركاه
شحلات لو  بالبيت نلكاه
نكعد سويه  هناه و هناه


الوالد عزيز ومحله طاريه
ينسام كون واحنه نشريه
من العمر والعافيه  انطيه



ياهو  اليسومه و انه شراي
ونطي العمر والراح والجاي
وعيوني  ارخصهن  الملفاي



يا   مكسر  الفيه  و ذخرنه
ياهو العكب  عينه    يمرنه
للموت  ما    يطفه   جمرنه




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي

نعي مجرد بحق الوالد


بدار الابو ضليت  احومي
تفرهد الحيل وطار نومي
شال الابو وكثرت همومي



كعدنه و  بجينه بدار ابونه
ذكرنه الربه وروحه الحنونه
الحمل  وشال  وياه   عونه



عونه اليحمل كون ويشيل
ويه  العزيز  بهدوت  الليل
يفراك ابونه   يهدم  الحيل



عزيز  ما   ينراد    فركاه
شحلات لو  بالبيت نلكاه
نكعد سويه  هناه و هناه


الوالد عزيز ومحله طاريه
ينسام كون واحنه نشريه
من العمر والعافيه  انطيه



ياهو  اليسومه و انه شراي
ونطي العمر والراح والجاي
وعيوني  ارخصهن  الملفاي



يا   مكسر  الفيه  و ذخرنه
ياهو العكب  عينه    يمرنه
للموت  ما    يطفه   جمرنه




💫قناة 💫خطيبة المنبر الحسيني🎤
✍ الشاعرة الحسينية ام كرار الساعدي

طكني الدهر دولابه ولي ناب
كسرني وبجه كل اهلي ولي ناب
انوحن والصدر يردلي ولي ناب
يهل تنشد هلك تحت الوطيه