ኢትዮጵያ ቡና የሸገር ደርቢን አሸነፈ

ኢትዮጵያ ቡና ቅዱስ ጊዮርጊስን 2 ለ 0 ነዉ ያሸነፈዉ። ለቡና ግቦቹን ዲቫይን ዋቹኩዋ በ 28ኛዉ ደቂቃ እና አማኑኤል አድማሱ በ 66ኛዉ ደቂቃ አስቆጥረዋል።

ለስፖርታዊ መረጃዎችን ይፋዊ የዳጉ ጆርናል ስፖርት ቻናል https://www.tg-me.com/Dagujournalsport ን ይቀላቀሉ

#ዳጉ_ጆርናል_ስፖርት

ሰቨን ቢራ የ2025 ሞንዴ ሰሌክሽን ዓለም አቀፍ የጥራት ተሸላሚ ሆነ

የ2025 ሞንዴ ሰሌክሽን ዩናይትድ ቢቬሬጅ አክሲዮን ማህበር በሰቨን የቢራ ምርት ጥራት የወርቅ ተሸላሚ መሆኑን አስታውቋል። ተቋሙ ሽልማቱን በማስመልከት በሰጠው መግለጫ አለማቀፋዊ እውቅናን ያገኘንበት እንዲሁም የስራችንን ወጤት ያየንበት በመሆኑ ሽልማቱ ከሜዳሊያም በላይ ነው ሲል አስታውቋል። ሽልማቱ ዩናይትድ ቢቬሬጅ ለጥራት፣ ለደንበኞቹ ፍላጎት፣ እንዲሁም ታዓማኒነት እንደሚሰራ ምስክር መሆን የሚችል ሽልማት ነውም ተብሏል።

ኩባንያው " የተባበሩት ቢቬሬጅ አክስዮን ማህበር ለጥራት፣ ወጥነት ላለው ምርት እንዲሁም የደንበኞቹን እምነት ለመጠበቅ ዘወትር የሚተጋ በመሆኑ በሞንዴ ሰሌክሽን እውቅና ማግኘት መቻሉ ትልቅ ክብር ነው" ያለ ሲሆን "ይህ ሽልማት የመላው ቡድናችንን ትጋት እና ጥረት የሚያረጋግጥ ሲሆን ጥራትን ያስቀደመ የስኬት ማማ ላይ እንደሚቀመጥ ማሳያ ነው" ሲልም አክሏል።

ሞንዴ ሰሌክሽን የጥራት ሽልማት ብቻ አይደለም በዓለም አቀፍ ደረጃ እውቅና ያለው ማህተም ነው። ተጠቃሚዎች ከፍተኛውን ዓለም አቀፍ የጥራት ደረጃዎችን የሚያሟላ ምርት እንደመረጡ የሚያረጋግጥ የጥራት ምልክት ነው። ሞንዴ ሰሌክሽን ከሌሎች የሽልማት ዘርፎች  ለየት ባለ መልኩ የራሱን መመሪያዎች በማዘጋጀት በተደራጀ መልኩ አለም ዓቀፍ በሆኑ እና የረጅም ጊዜ ልምድ ባላቸው ገለልተኛ ዳኞች አሸናፊው የሚለይበት መሆኑ ልዩ ያደርገዋል።

የሞንዴ ሰሌክሽን ከሽልማትነት ባለፈ ከፍተኛ የጥራት መመዘኛዎች በማሟላት የተመረጡ ምርቶች ቡድን አንድ አካል መሆን መቻልም ነው። ይህም ተጠቃሚዎች በገለልተኛ አካል የተገመገመ እና በጥራቱ የላቀ ምርት በቀላሉ ለማግኘት ያስችላቸዋል ተብሏል። ይህ ስኬት ከተጠቃሚዎች እምነት ባሻገር ዩናይትድ  ቢቬሬጅ  አክሲዮን ማህበርም በዓለም አቀፍም ሆነ በሀገር ውስጥ ያለውን ገበያ ያጠናክራል በተጨማሪም ለአዳዲስ ስራዎች ፤ ተደራሽነቶች ፤ አጋርነቶች  እንዲሁም ስኬቶች መንገድ ይከፍታል ተብሎለታል።

ሰቨን ቢራ ይኽን ሽልማት ማሸነፉ  ዩናይትድ ቤቬሬጅ ለተዓማኒነቱ እና ለምርት ጥራቱ ተግቶ እንደሚሰራ ማረጋገጫ ነውም ተብሏል።

በሚሊዮን ሙሴ
#ዳጉ_ጆርናል

“እኔ በሕይወት እያለሁ መምህራን መኪና ኖሯቸው ከማየት በላይ የሚያስደስተኝ ነገር የለም” ጠ/ሚ ዐቢይ አሕመድ

ከመላው ኢትዮጵያ ከተውጣጡ የመምህራን ተወካዮች ጋር ውይይት ያደረጉት ጠቅላይ ሚኒስትር ዐቢይ አሕመድ

"እኔ በሕይወት እያለሁ መምህራን መኪና ኖሯቸው፣ መኪናቸውን በሚያስተምሩበት ትምህርት ቤታቸው በር ላይ አቁመው ሲያስተምሩ ከማየት በላይ ለኔ ደስታ የለም" ያሉት ጠቅላይ ሚኒስትሩ፤ ውስጥ ውስጡን እየተሠሩ ያሉት ሥራዎች ሲሳኩ የመምህራን ጥያቄዎች ምላሽ ያገኛሉ ብለዋል።

የመምህራን ጥያቄ በደመወዝ ጭማሪ ብቻ የማይመለስ መሆኑን አንስተው፣ የደመወዝ ጭማሪው ላይ ብቻ ትኩረት ከተደረገ ያለችው ተበልታ ታልቃለች ብሏል።

#ዳጉ_ጆርናል

በእስራኤል አራን ውጥረት ዙሪያ ትንታኔውን
ከጋዜጠኛ ሚሊዮን ሙሴ እና ስምኦን ደረጄ ይመልከቱ👇👇👇👇👇👇👇👇👇👇👇

https://youtu.be/i_3CSgNtWNM?si=xoJAepcbq2XeEI86


#ዳጉ_ጆርናል

ኢራን በፈፀመችው የአፀፋ የሚሳኤል ጥቃት ቢያንስ አስር የእስራኤል ዜጎችን ገደለች

ኢራን በሀይፋ እና ቴል አቪቭ አቅራቢያ ባሉ የእስራኤል ኢላማዎች ላይ ሚሳኤሎችን በመተኮስ ቢያንስ 10 ሰዎች መገደላቸውን የህክምና ባለሙያዎችና ሚዲያዎች ዘግበዋል። ጥቃቶቹ የተፈፀሙት የእስራኤል ሃይሎች በመላው ኢራን የሲቪል እና የኢነርጂ መሠረተ ልማቶችን በቦምብ ከመቱ በኋላ ቴህራን በሚገኘው ሻህራን የነዳጅ ተቋም ላይ የእሳት ቃጠሎ ሙድረሱን ተከትሎ ነው።

ኢራን በእስራኤል ላይ ባደረሰችው የሚሳኤል ጥቃት 10 ሰዎች መሞታቸውን ባለሥልጣናቱ አረጋግጠዋል። ከቴል አቪቭ በስተደቡብ በምትገኘው ባት ያም ከተማ ስድስት ሰዎች መገደላቸውን ፖሊስ ገልጿል፤ ከነዚህም መካከል 2 ህጻናትን ጨምሮ። ሰባት ሰዎች የጠፉ ሲሆን የአደጋ ጊዜ አገልግሎቶች በፈራረሱ ህንፃዎች ላይ ፍለጋ እያደረጉ ይገኛል።በሰሜናዊ አረብ ከተማ ታምራ በተፈፀመ የኢራን የሚሳኤል ጥቃት አራት ሰዎች መሞታቸውን የአደጋ ጊዜ አገልግሎት እና የአካባቢው ሆስፒታል ገልጸዋል።

የእስራኤል ፕሬዝዳንት አይዛክ ሄርዞግ ሀገሪቱ በማዕከላዊ እና በሰሜናዊ ክልሎቿ ኢራን ባደረሰችው ጥቃት ከምሽት ስንነቃ "በጣም አሳዛኝ እና አስቸጋሪ ጠዋት" አሳልፈናክ ሲሉ ኤክስ ለጥፈዋል። "ወንጀለኛው የኢራን ጥቃት" ገድሏል እና አቁስሏል ብለዋል። አይሁዶች እና አረቦች፣ የእስራኤል ዜጎች እና አዲስ ስደተኞች ፣ሕጻናት እና አረጋውያን ሴቶች እንዲሁም ወንዶች ጨምሮ  ተጎድተዋል ሲሉ አክለዋል። "በቤተሰባቸው ላይ ከባድ ሀዘን የደረሰባቸውን ለደረሰው አሰቃቂ ጉዳት አዝኛለሁ፤ የተጎዱትን ማገገም እና የጠፉትን እንዲያገኙ እጸልያለሁ ፤አብረን እናዝናለን,ዴ አብረን እናሸንፋለን" ሲሉ ፕሬዝዳንቱ ተደምጠዋል።

በስምኦን ደረጄ
#ዳጉ_ጆርናል

ጋዜጠኛ ደረጀ ኃይሌ የመኖሪያ ቤት ስጦታ ተበረከተለት

በትናንትናው እለት የ60ኛ ዓመት የልደት በዓሉን እያከበረ የሚገኘው አንጋፋው ጋዜጠኛ ደረጀ ኃይሌ ከጃምቦ ሪልስቴት የመኖሪያ ቤት ስጦታ ተበርክቶለታል።

በተጨማሪም ጋዜጠኛ ደረጀ ኃይሌ የጃምቦ ሪልስቴት የብራንድ አምባሳደር መሆኑ ይፋ ሆኗል።

የአንጋፋው ጋዜጠኛ ደረጀ ኃይሌ የሙያ ባልደረቦቹና ወዳጆቹ እንዲሁም ጥሪ የተደረገላቸው እንግዶች በተገኙበት የልደት በዓሉ ተከብሯል።

Via አርትስ ቴሌቪዥን
#ዳጉ_ጆርናል