*حچی گلب🚩*

یاحسین حسین حسین غریب
--------------------
سالفتی غرام. بادیهه بهیام
آنه بس الک و السلام السلام السلام
یل حضنک دفو. المثلک صرت ابو
صایر للعوام. العوام العوام العوام

خل اعیش الک محترگ
و ارد احس هوا الینعشگ
خل اصیر الک دوا الجروح
وخلنی احس وجع بل سحگ
یا حسین حسین حسین غریب
----------------------------------------
شایلک حزن. مثل ام و تون
امدوهنی ابهواک ابهواک ابهواک
اسمک منرسم دگیته وشم
وگلبی الّی اشتراک اشتراک اشتراک

یاعشگ بدایه بی هویت
بمجلسک شبابی بی گضیت
وین اروح اذا نویت اروح
الدنیه ظلمه احسهه عاینیت
یا حسین حسین حسین غریب
----------------------------------------
محسسنی بإمان. تارسنی حنان
بشنهو اشکرک یاحنین یاحنین یاحنین
بذنوبی اجیت. و مسویلی صیت
و صرتولی اهل. یا حسین یاحسین یاحسین

یاغریب اعـاین و نعیــش
فشله عاری باقی وانته لیش
ماکو مـثلک انـته بل خلـگ
تنطی کل شی ماتحسبه بیش
یا حسین حسین حسین غریب
----------------------------------------
عفت اهلی وجیت. و بیک اتیقنیت
غیرک ما شفت. ماشفت ماشفت ماشفت
کل لونی سواد. وکل عمری حداد
خادم من صرت من صرت من صرت

مِن علیه شنهو وآنه غیر!!!
ا برحمتک وصلنی کُلّ خیر
یاسلیب وانته عل تراب
وخادمک تسوی چن امیر
یا حسین حسین حسین غریب
----------------------------------------
تمت الحمدلله
یوسف الزبیدی

یم حسن شحچی وشگلچ
اشلون اغسلچ وآنه ادفنچ
فــشله من اطلــع شگلهــم
عـلی عـذری مـن سکتلــچ
یم حسن بیتی طفه و چلمة هله افگدناها
امشی غریب وبل سلف تالی الوکت سواها
لا حرب ردنی. ویاهو گابلنی. لیش
ضلعچ الهزنی. من سگط ابنی. لیش
تالی یچتفنی. العبد عد ابنی. لیش
یم حسن ویلی یم حسن ویلی یم حسن ویل
.........‌................
علی متهــودله اهــدومـه
وعلی متغیــره ارسومــه
نحـیــل ویلـزم الطــوفا
وسـنه یتعده کل یومــه
من اشوفـچ بل صلاه نَهـتـاتچ اتهز حیلی
یومی قبل یومچ ردت یم الحسن ادعیلی
فاگد احلامی. انکسرت ایامی لیش.
یاغصن عمری. ویاجنح صبری. لیش.
بیدی اوسدنچ. و احضر ابدفنچ. لیش
یم حسن ویلی یم حسن ویلی یم حسن ویل
.........‌................
الرجل متـعـود ابـیــّته
تلاگــی بیاهلـه امریته
علـی یاهــو اله بعــدچ
منو ایلبـســلهّ خاچیته
ماهی سهله وبل عرب زوجة علی ایطگونچ
شنهو ذنبچ یم حسن اطلابـة علی مو یومچ
ضلعچ اتإذه. وچفه یتعده. لیش
وآنه اعاینله تنحسب ذله. لیش
آکل بروحی. والتهی بروحی. لیش
یم حسن ویلی یم حسن ویلی یم حسن ویل
.........‌................
یزهـرة عمـری عـذریـنـی
انهژم بیتـی و. دواوینـی
الیعـانـلـی یضـیعـّنــی
الشیَبْ تارس محاسینی
صعبه مو هینـه اب محمد یحترگ بی بابی
حتی من اسلـمّ بل سلف مـحد یرد اجوابی
ونکسر ظهری. ممتحن بمری. لیش
بس ردت انتی. انتی سالفتی. لیش
لا ردت دنیه. لاردت بنـیه. لیش
یم حسن ویلی یم حسن ویلی یم حسن ویل
.........‌................
تمت الحمدلله
یوسف الزبیدی

#نزله

یافاطمه۲
.........
القائم اجه وعالن نصر مکتوبا رایاته
ثارچ یبت سید الرسل من اهم ثاراته
زلمه وصِلِب حیدر علی مایرد لو گاوم
و الوهگ مایفتک ابد تنشلع ذاناته!!
حیدر چان. بلوصیه وجوله
المهدی شلون. بالا شیسووله
(و الثار الثار یطب بیهه)
........‌....
ضَنّو نسه وکلشی انمحه وتاریخنه اتحرّف
ابعزمچ فزع شیخ وطلع شنهو علی اشخلّف
یم الحسن عندچ علم تدرین لو لا له!!!
الف وثلث میة سنه ایجمعّ حطب ماکف...
صار اعلان. متجهّ بصحابه
وین الزین. لحومه تصبح غابه
(وولیدچ یسبی العیاله)
..........
شیخ وفته ابینّ العرب وین الزلم ذوله
عیسی الیخطّط بلحرب والطاعه مقبوله
جبریل ناصب منتظر متشکلّ وجاهز!!!
اسرافیل و الیاس وخضر وچم نبی یهوسوله
شایل غیض. مال جد اجداده
حید وحوک. امتازی یم الساده
(والقاده یسویهه اطراده)
........
اطلابه وعلن یهل العرب کل هِدنه مرفوظه
متسرفن وجای بغضب والرایه محفوظه
ابرایة‍ علی ایشد العزم لاتبرد اجنوده!!!!
یم الحسن اسمچ سبب محمول چن عوذه
یم حسین. یالا رفعی اچفوفچ
حالف دین. التمو الیم طوفچ
(بس الله الیدری بعملاته)
.........
تمت الحمدلله

السلام علی الغریب السلیب
السلام علی المذبوح التریب
ورحمه الله وبرکاته

اخوانی واخواتی
اعتذر ع انقطاع تواصلی ومنشوراتی لسبب ظروفی
ان شالله بعون ام الحسن وفضلها
سإخدمکم بمنشوراتی

اسئلکم الدعا
#یوسف_الزبیدی

عذراً مولای...

اشگد مطلوبلک یحسین
ماملیتنی اشما طحت تسحبنی
اشگد صاحب فضل مولای
بجروحک التوجع تجی وتشبگنی...
منهو المثلک انته یصیر دلینی!!!
دلینی ابدرب بی ناس
کون اگلوبهه تعشگک؟
ماعایز سهام ادریک عذراً سیدی
بذنوبنه انلچمک...
اشگد سویتلی ازوینات ماخلیت منیه!!!
ولا سولفْت بیش یصیر گلبک مثل امی
دفو وحنیه...
اشگد انطیتنی وماعرْف شنو اجره
ولا فد یوم گتلی بداعت الزهرا
مااعرف بشنهو احسین بس ارضیک
لاترضی علیه الوادم اشأقرا!!!!


#یوسف_الزبیدی

#مولودیه_للحسن_ع

یا هله انحییله. بسم الحسن
و اشحلاة الیله. بسم الحسن مولا
حسن حسن مولا
-----------------------------------------
هلیله حلوه اتنــوّرت دنیانه
جبریل فرحان وصفگ جنحانه
والبسمه مرسومه ابوجه بیبانه
معروف چفه عَطیٰ من عنوانه

انطش ورد لعیونه. بسم الحسن
شیعته مضمونه. بسم الحسن مولا
حسن حسن مولا
--------------------------------------
لو الف حاتم بل کرم ما جامل
لفنجان گهوه الدلتّک ما واصل
رباکّ چف ماینلوی چف شایل
کلنه ابرحمتک یلحسن یاکافل

نظره من نظراته. بسم الحسن
انعرفه من شاراته. بسم الحسن مولا
حسن حسن مولا
--------------------------------------
اشما اقرا بسمک مایکفّی الیّله
اسمک حلاوه وطعمه طعم الهیله
حیدر یبارک لل نبی و للعیله
و زهور گل الفاطـمه طشــیله

علارض کتبوله. بسم الحسن
وبلسمه ایحیوله. بسم الحسن مولا
حسن حسن مولا
--------------------------------------
و الإسم من الله اسم ربانّی
اشماگول اذکرک مایمل السانی
من الولاده وکل وکت هذا آنی
خادم الزهرا الله من سوانی

بکل شطر کتبیته. بسم الحسن
و الگلب خلیته. بسم الحسن مولا
حسن حسن مولا
--------------------------------------

#یوسف_الزبیدی

#یاصاحب_الزمان


نعمه بیک وآمنت بیمانك
مغرم وشاعر بده بعنوانک
عاشگ و ذواق ّ و اتغزّل ارید
اسبوع ضل بس یخلْقک سبحانك
یبوصالح. یبوصالح

اهوای عازلكّ خلگ میتّ علیک
کلشی بایع ماردت بس مشتریک
راضی حتلو تقبل اخویدم اصیر
حگ الیخدمونک ابکضة ادیک
یبوصالح. یبوصالح

موش اصابع گصصوهن بل خبر!!!
یوسف وکل مصر و نخلیّ الگمر
ذنّی ماهن شی وحگ تربات ابوک
الارض والجن تسجد وکل البشر
یبوصالح. یبوصالح

الماقبل اسمک فرض من ال الا
هذا وال... خلهه دفن صایر سوا
یاعشگ معدان و انـدوّر علیک
عشگ فطره انهیم وی هبتْ الهوا
یبوصالح. یبوصالح


#یوسف_الزبیدی

یا واهسی و یا ضحچتی بذیچ اللیالی
شنهو البده بلملح البصــر ونهبو حلالی
یم الحسن من ونچ. امغربه المجابر چنچ
____________________________
اجوعدین ابیتّ چنه و چانن ایام السعد
مادریت ایمیل وکتی ویکتب اعلیچ البُعد

طحت من شفت من اسمع اولیداتی
الحــسن مـنکــسر متلفـــلف ابعباتی
ولا ضل امل متعـــوجز ابـــحالاتی

یافاطمه ویازهرتی ویاشمعة البیت
بس جابلینی و عاینی بلغربه حسیتّ
جن وانس یبچنچ امغربه المجابر چنچ
____________________________
یم حسن مو ذاک حیدر حیدر ابطگتچ ضعف
من اذیچ الــلحظه وآنه صعبه طباّت السلف

انعصر و انکسر گلبی وی حرگة بابچ
منو بیا شـرع یقبــل یهـدّم دارچ
اشتریدین اصیر عافیتچ و دلالچ

یاساعة السوده الیگلولی انتی میته
مهضوم حیدر یم حسن شوفی مشیته
و الکلفه اغرّب عنچ. امغربه المجابر چنچ
____________________________
یم حسن حاچینی مره لیش بس اتعاینین
ریت طگتچ یا حبیبه بیه و انتم سالمین

احس گمت اذل و یاذلتّی بهل وادم
انغصب بلخلگ حگی وی حگچ فاطم
انه من اشوکت یچتفنی العدنه خادم

طگت العظم لو ینکسر وجعه اشیحمله؟
موش الضلع وبکل قوه بسمار صلهّ!!!
چم واحد ایلچمنچ. امغربه المجابر چنچ
____________________________
شیلی راسچ خل اشوفچ ادری خدچ بی اثر
اثر چف طلاب چنه اتمرجل ال اسمه عمر

ام حسن اعتذر بس صدرچ ایهز حیلی
اشوکت ابتشر اترجعیلی و تگلیلی
صرت یاعلی بصحه و سلامه احچیلی

بیتی انهژم کف وانتهه ویا سطرة البین
ماادری وین انطی الوجه یم حسن وحسین
ماصدگّ احظر دفنچ امغربه المجابر چنچ
____________________________

#یوسف_الزبیدی

#شور

اجیت اویاکم تعزیة امی اقراها
انا صاحب ثار وکل وکتی انعاها
عشت کل عمری وحدی مامش ناصر
مجالس امی بکل صفحه اتعناها
ییمه ادخیلچ. غریب ابچیلچ
وحید ادعیلی. بفرج شیلی ایدچ
یازهرا یایمه
____________________
اجیت اویاکم شایل هم اجروحی
شرید اطلب چم ثار ابثار ابروحی
عله الماراعو شرع الله و حرموها
ادگ و الطملچ مایستکن نوحی
اتعبت شوفینی. دمعتی بعینی
نحیل ومهضوم. ابمدد عینینی
یازهرا یایمه
____________________
احیت اویاکم شوفونی بیا حاله
مصاب امی شالع گلبی و دلاله
و مصاب الراحت مسبیه اعله الناگه
ومصاب العاری الطحنته ال خیاله
وحگ الضامی. بچی کل عامی
ولو لو تدرون. اشتمر ایامی
یازهرا یایمه
____________________
اجیت اویاکم یاخدام الزهراء
ندگ ویهوا اعله الچوتّه الجمره
منو العند ام انطگ انطگ محد جاها
ولا واحد طالب بیهه المسطورا
الضلع ماهوّد. ولا ضن یبرد
یهل لطامه. عزانه یشهد
یازهرا یایمه
____________________

#یوسف_الزبیدی

♦️هروله: صاحب ثار
👤الرادود حاج محمد الساعدي
#الشاعر_یوسف_الزبیدی

⚫لیلة السابعة من عزاء ليالي الفاطميه ١٤٤٣ه‍

🔹هيئة رایة الزهراء علیها السلام🔹

ابدمعه خرسه
حسین راید خدمه متوضیه بخیام
النیته بیضه ایفوت بیهه
حسین ماناگص سهام...

حسین
من گد ما اجوله و مثلّو
و بلظواهر طلعو و صار اهتمام
حسین
جرح الما تضمد
حسین ثوره و ثار ابد مامثّله احد
لا نهوس
لا نمثّل
لا نفرقّ
لا ندور صیت کافی
کاااافی مایقبل محمد...


#یوسف_الزبیدی

#حلمی_الخدمه


خیمه و سبیه حد المنیه
ب ابسط خدمتی. یم الزچیه

عین الماتبچیلك کون. لا شافت نور الله اشلون
یاقربان الله المذبوح ورده و اذوهّا الیسگون

حسسنیّ عطشان اببرّ یحسین انته و لا اکثر
وین الله و تحسبنی اغلام. بلکت اجبر یموذر

تشهد حالاتی
الماضی وال آتی
شی واحد راید
تقبل دمعاتی
(مولانا اباعبدالله)
•••••••••••
یاسر حیاتی. اللحظة وفاتی
هیچ آنه گایل. لمی بمناتی

لویوم الگالو بی مات. کفو من تغسیلی ودار
فضلی من اهلی وربعی کون. ایشیعونی بمجلس لو صار

یقرون اعلیه الآهات. بیهه وَنةْ المسبیات
لاینسون الرایه ویای. هم بلدنیه وهم من مات
یحسین انعومک
یلمنطی اهدومک
ضایع ومتانی.
بس رحمة روحک
•••••••••••
بیوم الفطننه. بفطرة عشگنه
قصة محرم. وقصة لطمنه

یامولای آنه المملوک مریت ابابک بی ناس
بس دمعاتی العدی ویای. اقبلنی اعلیك العباس

نسّینی العالم والکون. حسسّنی خل وحسینه
طشرنی مای بکل نار. وخلینی امداس اسکینه
ماچاچی الغیرک
واصلنی ابخیرك
یحسین الظامی
حرت ابتفسیرك
••••••••••••••••••
انته الهویته. وتنطریته
انته الاحبه. بشعری حچیته

ما ادری اشیاصوره اکتب. ویاوَزن الی اعلیك ایلوگ
محتار و مشدوه البال. وجدان اکتب لو مسحوگ

شترید اصبح یامنحور. أءمر وآنه اتقبلّ صار
رادود ویقرالك شوگ. لو ناعی انعی اعله النار

یامای اعذیبی
یا حرگة شیبی
سودنت العالم
و عذبت اگلیبی
••••••|•••••

#یوسف_الزبیدی

یا. صاحب الزمان
ابهدو الیل. راید حیل. ایعین السهر
یا. صاحب الزمان
حچی افراگ. للیشتاگ. وصفنة قهر

حد یمته!!! ابسد بابی اتنطرّ. لیلیـه
تسکین النفسیتی و ایامی. التعزیــه
شوف الشیب ابراسی واللحیه. و ایدیـه

مولانا. یاغریب این استقْرت
•••••••••••••••••••••••••
یا. صاحب الزمان
هاک الروح. کلهه اجروح. ماجر نفس
یا. صاحب الزمان
امفرفح بیك. وین ادعیک! خاطری انحبس

اعلم بیك و ادری بکل مجلس. تدعینی
الف الحمدو لله للزهرا. اتبچینی
عشرة شاب و شیّب هیچ آنه. مخلینی

مولانا. یاغریب این استقْرت بك النوی
••••••••••••••••••••••••
یا. صاحب الزمان
کلنه اذنوب. یمته انتوب. وینك تعال
یا. صاحب الزمان
بیك اشلون. صعبه اتهون. اسئل سوال

شایل غربت یومك لو هم اهل. الدنیه
جروحک ماهن سواّ ابسطهن مسبیه
یمکن حیلک یوصل تتچهّ ابعوچیه

مولانا. یاغریب این استقْرت بك النوی
•••••••••••••••••••••
یا. صاحب الزمان
مغرم بیک ارد احچیك. ورد ارسمک
یا صاحب الزمان
بحال اینوح. للمذبوح. اتخیلک

هسه و یوم و عامی ابعثلك مرسالی
یا بن فاطم خدمة عاشور. التحلالی
حزمنه و لانبرد نخدم عطشان الغالی

مولانا. یاغریب این استقْرت بك النوی
••••••••••••••••••••••••••

#یوسف_الزبیدی

#شور

احسبنی خادم جونک. یاحسین شلونک
الله خالق آدم. و حوا بس لعیونک

یاحسین اشلون ارسمک صوره وانته امطبر
یاحسین. اشلون الم الجثه اذا تتوذر
یاحسین. یامسیة العافيه بذاك الحر

ياحسين يااباعبدالله
----------------------
ياحلاة الدنیه. اتکف بلحسینیه
و الخلگ و العالم. تنوی بس هل نیه

یاغریب احنه غربه و ماکو شی یلهینه
یاغریب. بهیئة الزهرا اذا طبینه
یاغریب. دعوة اللهم بس خلینه

ياحسين يااباعبدالله
----------------------
یاطریح الغبره. یا اولید الزهرا
حرمیتّ ایامی. لجل های العبره

یاحسین. بس اریدن ترضا امک بیه
یاحسین. کون اموت وعلَی هل تسمیه
یاحسین. ایرحمه الله الچان کل تعزیه

ياحسين يااباعبدالله
----------------------
بکل عطش تروینی. اسمک ایحیینی
اشما اجیک ابحیره. اتفکهه الی یحسینی

یاحیاة. انته منطيني و نطيت الوادم
ياحياة. موته بسمك حيه كل ابنادم
ياحياة. یاکریم الدللّت کل خادم

ياحسين يااباعبدالله
----------------------

الحمدلله تعالی
#يوسف_الزبيدي

#خطاب_ابوفاضل_مع_المشای



هله بلشَد حیله. زینب اتگویّله
هله ابزوار ابو الاکبر. ماتردهم عیله
هله بلمشایه
■■■■■■■■■
یالا یل تمشی بجِدِم حفایه
بکل سنه اتعازینی بل مشایه
خطوه خطوه اتسجلّت محفوظه
ابد ما عوفک و حگ الرایه


یالله راوو افعالکم. وبرَفع رایاتکم
اعیونی اقدمّهه یزایر. وجی امشی ویاکم
هله بلمشایه
■■■■■■■■■
انته عفت الدنیه و الما بیهه
و جیت من بلد البلد تمشیهه
جبل واگف مایهزّک عاذل
الثایه مدگوگه بوسط وادیهه

لو عطشتو ارویکم. زینب اتلاگیکم
وام حسن مادامکم. بلمشی اتحییکم
هله بلمشایه
■■■■■■■■■
انته خطار و چلمتک آمر
اچفوفی اقَدِمّهه و اذا هم قاصر
عینی و الجربه و بعد تدلل
حته اجیب الطیر اذا هم طایر

آنه اخو الماطاحت. زینب اختی الگالت
آل حیدر دایم. یبقی و شما دارت
هله بلمشایه
■■■■■■■■■
یالا یا خدام اخوی الهیبه
زلم خشنه و انتم اهل النیبه
الرایه شلتوها و صَداکُم واصل
اعله المنایه و رافضین الخیبه

چف علی یرعاکم. دعوة امي ویاکم
والکفل زینب شفیع. و ابد ماانساکم
هله بلمشایه
■■■■■■■■■

تمت الحمدلله
#یوسف_الزبیدی

*#حلم_الطفوف*

سلمّت روحی و عشت بلذکریات
عَجدت العباس بینی وبینک
ما اگلّک انه شیخ و آنه حوک
روحی ردّت من لزمت ایدینک
المای یمک ماله قیمه اشما یروژ
ماله لذّه الضل حسرته ابعینک

حسسّنی همک. یاغریب ابکل وکت
یاخذنی حلمک. بیاوجود اتحسسّت
عشره وی اسمک. اشما اذکره اتنسّمت

مولانا مولا یااباعبدالله
____
سادیه اعلیمن المرّن البلطفوف
من اعدهن وحده وحده اهوایه
یانبی الذبحو اخوته و سلبّوا
و راسه من اولایه طب لولایه
ویاوصی القدّم اولیده وگطعّوا
ایباوع اخته ابدمهم امحنایهّ

اشماردت المّک. صورتک کلهه وذر
بلصوره ارسمک. وصله وصله بکل حذر
عذبنی حلمک. ریت واقع بی اثر

مولانا مولا یااباعبدالله
____
رَخصّت کل غالی عندی وبیهه لوم
مای وجهی الما اذبّه الکل بشر
انته یمک یرخص الکلشی ثمین
کل سلاطین الارض قیمة حجر
بس وحید الواحد الماله امتثال
انته و العباس ترکیبة گمر

ساجینی چفک. یاحلو یروی الضمه
عافیتی یمک. انته یابن فاطمه
المنطینی دمک. و الضلوع امهشمه

مولانا مولا یااباعبدالله
____
عیسی ابن مریم المیّت من حیا
ماهی اول معجزه ابیّن الرُسُل
لو احسین ورایته ابذاک الزمان
الحوار و معبدتهم تنگفل
مادرَو انته الحییت الخلقه راس
و مادرَو بینک و بین الله وصل

صعبه الیفسرک. نبی ایفسرک مو عبد
گلی انته شنهو. راسک الصبحّ مجد
یارحمة الله شابع الدنیه برد
مولانا مولا یااباعبدالله
____

#یوسف الزبیدی

#یاصاحب الزمان

وین انت دمعة فاطمه ودمعة رقيه
وين. چاضلوع حسین وضلوع الزچیه
وین. محد الداعه و خذه بثار السبیه

خیام. تحترگ خیام وینذبح امام. اتصلی بی خیول
فرق؟ ماکو ای فرق. تندفع حرم ویرفس البتول
العجل مابقی العجل یوسف الزمان لیمتی نگول

امان. (صاحب الزمان۳)
___
وین. انت نشقت فاطمه بیوم العصرهه
وین. انت صرخت زینب الذلهه وکتهه
وین. وین دارک یاغریب اویّن اهلهه

سلام. منی الک سلام. عاشگ الخیام وانتحب علیک
غریب بکل وکت غریب. هذا موعجیب منهو یدری بیک
طفوف وصعب الطفوف. تحترگ تشوف وانته مو بدیک

امان. (صاحب الزمان۳)
___
یا. یابوصالح جرح واحد بیک خزّن
یا. من سمعت ام الحسن یدفعهه ابن من؟
یا. اجروح من الباب حد الشام یمشن

حطب کَومَّو حطب بس علی الطلب والذنب شنو؟
و إن من سمع و إن مارجع ولا ابحیله اجه العدو
بدت من هان وبدت للطف وَصِّلَت احسین و سلبّوا

امان. (صاحب الزمان۳)
___

سلام. یاسلام الله عله ادموعه الغریبه
سلام. یاحبیب الفاگد احبابه وحبیبه
سلام. وین اسلّم وانت کل لیلک مصیبه

جرح مااضن جرح. صورة الرمح ماکمّل بعد
خیول. فَزعَت الخیول. وحشنه وتصول. ویاکثر العدد
ذبیح نایم وسلیب. منهو المجیب. یامهدی المدد

امان. (صاحب الزمان۳)
___

الحمدلله تعالی

یمه یلاکبر یاعلی. عمک ابوفاضل
ناغیتک بسیف و فرس عمک ابوفاضل
ربیّتلی سید شباب ابکربله نازل
ذِب چاینه بطف کربله عمک ابوفاضل

طف الخصم لِمهِ. عدی علی زلمه
طلابه ویجی العایل. رِده شلل لُمَّهَ

یمه شرهم هوا الگُبَل وانته گدهه وکفو
انته ابن شیخ المشایخ و اهما کلهم لُفوُ
عمک امنچل الطلایب و هما بیهم منو؟؟
*یلاکبر یولیدی*
___
یمه یلیله اتهلهلی احنه بنی هاشم
آنه علی وجدی علی. احنه بنی هاشم
جدی سهم مرحب اله. وانه ابن غانم
الیعلگهه ویانه خسر. احنه بنی هاشم

هاذ وکت ذخرچ حدهه وصل ببنچ
یمه العلم بیه اتبختر ابعزمچ

اتبیّن ارچاب الزمجرا من انزل و ارتعد
مو شمر لومیت شمر اخزیهم و ارد
آنه شایل حمگت علی جدی اوی بن ود
*یایمه یالیله*
______
یا آل هاشم یل فحل یبنی علی الاکبر
الیوم ذکرهم جَمَل یبنی علی الاکبر
والیوم ردهم حگ عبادت هُبَل و اتکتر
ومشرادهم خله ابعجل. یبنی علی الاکبر
ذکرهم ابحیدر. طر بیهم العسکر
والحومه بس لهلک. رکضهم بهل حر

یلا سل سیفک بلرگب یاچلمه وبخت
خلی گاع الله و انسهه ابزودک اتطشرت
و طشر اطلابه التغثَّک و امک اتنومست

*یالاکبر یولیدی*