أساسيات الكيتو للمبتدئين

⚡️ شو هي الماكروز؟

في الكيتو بنركز على ثلاث عناصر غذائية رئيسية اسمها "ماكروز":

✅ الدهون الصحية (70%-75%):
المصدر الأساسي للطاقة (زيت زيتون، زبدة، أفوكادو، مكسرات).

✅ البروتين (20%-25%):
معتدل فقط (بيض، دجاج، لحم، سمك). الإكثار منه يحول جزء منه لسكر!

✅ الكاربوهيدرات (5%-10%):
منخفض جدًا (تحت 20-30 جم صافي يوميًا). نركز على خضار ورقية وكوسا وخيار.



⚡️ شو المسموح والممنوع في الكيتو؟

✅ مسموح:
بيض ،  دجاج ،، سمك ،، لحمة ،، أجبان كاملة الدسم ،، أفوكادو ،، زيت زيتون ،، زبدة ،، مكسرات نيئة ،، خضار ورقية ..

❌ ممنوع:
سكر  ، عسل  ، تمر ،، خبز ،، رز ،، معكرونة ،، بطاطا ،، ذرة ،، فواكه (إلا التوتيات بكمية بسيطة).



⚡️ قائمة تسوق كيتونية للمبتدئين:

● بيض
● جبنة كاملة الدسم
● أفوكادو
● دجاج/لحم/سمك
● زبدة وزيت زيتون
● مكسرات نيئة (لوز، جوز)
● خضار: خيار، كوسا، سبانخ، خس


🌟 نصيحة ذهبية للمبتدئين

"لا تعتمد على المنتجات التجارية المكتوب عليها (كيتو) مباشرة... اقرأ المكونات وتأكد إنها خالية من السكر والنشويات المخفية" 😉

#كيتو_ستايل
#كيتو_مبتدئين

أعراض التحول للكيتو (Keto Flu) للمبتدئين


⚡️ شو يعني كيتو فلو؟

"كيتو فلو" أو "انفلونزا الكيتو" هي أعراض مؤقتة بتحصل لما الجسم يتحول من حرق السكر لحرق الدهون، وغالبًا بتحصل بأول 3-5 أيام من الكيتو.


⚡️ أشهر الأعراض:
😵‍💫 صداع
🥴 دوخة
😴 تعب وخمول
💧 عطش شديد
🧂 تشنج عضلي أحيانًا
😠 مزاج متقلب أو عصبية خفيفة

✔️ الأعراض هاي طبيعية وما بتخوف... هي علامة إن جسمك بيتحول لمصدر طاقة جديد!



⚡️ كيف تتجنب أو تخفف الكيتو فلو؟

● اشرب 2.5-3 لتر ماء يوميًا.
● زود ملح البحر الطبيعي (نصف ملعقة صغيرة يوميًا).
● تناول مكمل مغنيسيوم (أو سبانخ/لوز).
● كل دهون صحية كفاية (لا تقلل الدهون!).
● ريح حالك أول 3 أيام (ما في داعي رياضة شديدة).

⚠️ لو استمرت الأعراض أكثر من أسبوع... ممكن فيه خطأ بالماكروز أو نقص أملاح.


🌟 نصيحة ذهبية للمبتدئين

"الكيتو فلو مش فشل... هو دليل إن جسمك عم يتعلم طريقة جديدة للحرق! خليك صبور ،، بعدها بيجي النشاط والطاقة" 💚

#كيتو_مبتدئين
#كيتو_مبتدئين

💬 سؤال تفاعلي

مين فيكم مرّ بالكيتو فلو لما بدأ الكيتو؟ وشو كانت الأعراض عنده؟ وكيف تغلبتم عليها 🤔
شاركونا بالتعليقات ..

وجودكم معنا هون مو بس بيسعدني ،، هو السبب الحقيقي ورا استمراري... كل تفاعل منكم بيعنيلي كتير ،، وبيعطيني دافع أقدم الأفضل دايمًا 🙏💚

إذا حسيتوا بأي فائدة من المحتوى... لا تبخلوا بكلمة، تفاعل ،، أو حتى إيموجي ،، لأنكم ببساطة شركاء الرحلة 💫

🔗🔗 الكيتو والصيام المتقطع للمبتدئين

⚡️ هل لازم أبدأ بالصيام مع الكيتو؟

مو ضروري تبدأ صيام متقطع من أول يوم ،، بس لما الجسم يتعود على الكيتو الصيام بيصير سهل طبيعي (لأنه الشهية بتقل والطاقة بتزيد).


⚡️ فوائد دمج الصيام مع الكيتو

● تسريع نزول الدهون.
● تحسين مقاومة الإنسولين.
● تنظيف الجسم (أوتوفاجي).
● زيادة التركيز والنشاط.



⚡️ أنواع الصيام المتقطع الشائعة

● 16/8: 16 ساعة صيام + 8 ساعات أكل.

● 18/6: 18 ساعة صيام + 6 ساعات أكل.

● صيام 24 ساعة مرة أسبوعيًا.


🌟 نصيحة ذهبية

"لا تضغط نفسك لصيام من أول أسبوع... لما جسمك يدخل الكيتو صح ، رح تلاقي نفسك تصوم بسهولة وراحة" 💚

#كيتو_مبتدئين
#كيتو_ستايل

"أنا أستحق الصحة ،، وأستحق الراحة بجسمي ،، وأستحق أعيش بأفضل نسخة مني" 🌿
#صباح_الحيوية

🔗🔗 نزول الوزن في الكيتو

⚡️ ليش الوزن بينزل بسرعة أول أسبوع؟

الجسم بخسر سوائل مخزنة بسبب نقص الكارب، لذلك النزول الأولي "وزن ماء"، بعدين بيبدأ نزول الدهون الحقيقي ..


⚡️ متى يثبت الوزن؟

بعد 2-4 أسابيع ممكن يصير "ثبات الوزن" ،، طبيعي والجسم بيعيد التوازن، بعدها بيرجع النزول ..


🌟 نصيحة ذهبية

"لا تعتمد عالميزان لحالك... قيس خصرك ،، ملابسك ،، نشاطك... الميزان مش دايمًا صديقك بالكيتو" 😉

#كيتو_ستايل
#كيتو_مبتدئين

مساء الخير أحبابي 🌸
بعرف إني غبت فترة مش قليلة عنكم، وكان الغياب خارج عن إرادتي بسبب الظروف الصعبة والمجاعة اللي عم نعيشها ..
الإرهاق والجوع أخدوا من طاقتي كتير ،، بس محبتكم ووجودكم دايمًا ببالي ❤️
رجعتلكم وإن شاء الله نرجع نكمل مع بعض مشوارنا الصحي بخطوات بسيطة وثابتة 🙏🏼

🔗🔗 الدعم النفسي والتحفيز للمبتدئين

⚡️ ليش مهم الدعم؟

الكيتو مش بس أكل... هو قرار تغيير حياة كاملة.. الأهل، الصحاب، القروب... كلهم بيساعدوا، عشان هيك مهم تكون بمجتمع داعم زي قروبنا 💚



⚡️ كيف أحافظ على الحماس؟

تابع تقدمك بالصور والمقاسات.

احتفل بإنجازاتك الصغيرة.

خليك مع ناس بيفهموا الكيتو (زي قروبنا).


🌟 نصيحة ذهبية

"كل خطوة صغيرة هي إنجاز... لا تقلل من نفسك ،، حتى يوم بدون سكر = نصر"👏
#كيتو_ستايل
#كيتو_مبتدئين

🔗🔗 أشهر أسئلة الكيتو

1. مسموح القهوة؟
✅ نعم... بدون سكر، مع كريمة أو زبدة.


2. شو عن الخبز؟
❌ ممنوع العادي، ✅ ممكن خبز كيتوني (طحين لوز/جوز هند).


3. الفواكه؟
❌ أغلبها ممنوعة، ✅ مسموح توتيات، فراولة، توت أزرق بكميات صغيرة.



🌟 نصيحة ذهبية:

"اسأل دايمًا لو مش متأكد... سؤال واحد ممكن يحميك من الخروج من الكيتو بدون قصد!" 😉

#كيتو_مبتدئين
#كيتو_ستايل

🚀✨ تحدي  أيلول – الكيتو كلاسيك ✨🚀

اليوم بداية شهر جديد، وبداية فرصة جديدة نغيّر فيها حياتنا للأفضل 💪💚
من 1/9 رح نبدأ تحدي الكيتو الكلاسيك 🎯
رح نمشي خطوة بخطوة مع بعض لنرجّع التوازن لأجسامنا، نكسر الإدمان على الكربوهيدرات، ونعيش حياة صحية مليانة طاقة وحيوية 🌿

✅ الهدف: نزبط عاداتنا الغذائية + نلتزم بنظام الكيتو الكلاسيك
✅ المدة: اسبوع
✅ المتابعة: يوميًا رح أنزللكم وصفات، نصائح، وأسئلة تفاعلية

🔥 التغيير الحقيقي ما بحتاج معجزات، بحتاج قرار بسيط نلتزم فيه مع بعض!

مين جاهز ينضم للتحدي ويرجع يكتشف نفسه من جديد؟ 🙋‍♀️🙋‍♂️

🌀 الكيتو كلاسيك

يعتبر أحد أنواع نظام الكيتوجينيك دايت لكن بصورة صارمة الي حد ما
يتم تطبيق الكيتو كلاسيك في حالات ثبات الوزن أو  بهدف تنشيط عملية الحرق سعيا لتحقيق النزول السريع في مدة زمنية قصيرة
ولا ينصح بتطبيقه لمدة طويلة تجنبا لأي نقص في الفيتامينات والمعادن

🌀 المسموحات في الكيتو كلاسيك

البروتين الحيواني كالاتي
_ الأسماك والمأكولات البحرية
_ الدواجن والطيور
_ اللحوم الحمراء
_ البيض

الدهون الصحية كالاتي
_ الزبدة والسمن الحيواني
_ زيت الزيتون
_ زيت جوز الهند العضوي

الخضراوات كالاتي
_ جميع الخضراوات الورقية ( سبانخ.. ملوخية .. نعناع .. بقدونس .. كزبرة خضراء .. جرجير .. شبت .. خس .. كيل )
_ الخضراوات الصليبية بكميات محدودة ( البروكلي .. القرنبيط .. الملفوف )

المشروبات كالاتي
_ مشروب الليمون
_ المحلول الكيتوني
_ الشاي
_ القهوة الكيتونية
جميع المشروبات من دون إضافة المحليات الكيتونية

كما يسمح بإضافة التوابل لمنح المأكولات الطعم والرائحة الجميلة 


🌀 الممنوعات في الكيتو كلاسيك

_ الفواكه المسموحة في الكيتو العادي
_ جميع الاجبان والكريمة ومشتقات الحليب النباتي
_ المكسرات والبذور الصحية
_ الخضراوات الصلبة ( البصل .. الطماطم .. الخيار .. الكوسا .. الباذنجان .. الباميا.. الفلفل الرومي )
_ الحلويات والسناكات الكيتونية
_ المخبوزات الكيتونية
_ المحليات الكيتونية

الفرق بين الكيتو كلاسيك والكيتو العادي


للانضمام معنا في تحدي الكيتو كلاسيك 👇

https://www.tg-me.com/keto_styl

🚀✨ أول يوم بتحدي الكيتو كلاسيك
اليوم بنبلش الرحلة سوا 🥑🥓
مشوارنا مش بس نزول وزن، هو عادات جديدة وصحة وطاقة أحلى 🌸

شدوا حالكم، وإحنا كلنا فريق واحد 🙌
كيف حاسّين بأول يوم؟

💡 تذكّروا: النتائج العظيمة بتبدأ بخطوة صغيرة ✨

📌 روتين اليوم الأول – تحدي الكيتو كلاسيك

✨ اليوم ركّزوا على:

3 وجبات أساسية (فطور – غداء – عشاء) 🍳🥗🥩

الأكل يكون بروتين + دهون صحية + خضار ورقية 🥑

ابتعدوا تمامًا عن ممنوعات الكيتو كلاسيك 🚫

اشربوا مي كفاية طول اليوم 💧

لو حسيتوا جوع بين الوجبات: خذوا سناك خفيف (ضمن المسموحات)

⚡ تذكّروا: الهدف من أول يوم إننا ندخل الجسم على وضع الكيتو، مش نضغط حالنا.

📌 روتين اليوم الثاني – تحدي الكيتو كلاسيك

✨ اليوم ركّزوا على:

المحافظة على 3 وجبات أساسية (فطور – غداء – عشاء) 🍳🥩🥬

إدخال خضار ورقية أكثر مع كل وجبة 🥗

التنويع بين مصادر البروتين (بيض – دجاج – سمك/تونة) 🐓🐟

استخدام زيت الزيتون أو زيت جوز الهند كدهون أساسية 🥥


💧 استمروا بشرب 2–3 لتر مي خلال اليوم + رشة ملح بسيطة إذا حسيتوا دوخة أو تعب.

لو حسيتوا جوع بين الوجبات: خذوا سناك ضمن المسموح

⚡ تذكّروا: اليوم الثاني بيكون الجسم لسه عم يتأقلم، ممكن يصير صداع خفيف أو تعب، وهذا طبيعي وبيخف مع الترطيب وزيادة الأملاح.

🔥 التحدي بلش ..
مين جاهز يلتزم ويكمل معنا؟ 💪
حتى لو بدا صعب بالبداية ،، خطوة خطوة راح نوصل ونحقق نتائج رائعة 💚
شاركوا حماسكوا وقولوا لنا مين بلش اليوم 🙌

📌 روتين اليوم الثالث – تحدي الكيتو كلاسيك

✨ اليوم ركّزوا على:

زيادة كمية الخضار الورقية أكثر من اليومين السابقين (خس، جرجير، سبانخ) 🥬🥒

إدخال مصدر دهون صحية إضافي مع وجبة الغداء أو العشاء (مثل زيت جوز الهند العضوي).

المحافظة على البروتين: بيض على الفطور 🍳 + دجاج/لحم/سمك في الغداء والعشاء. 🥩🐟

شوربة خفيفة بالكيتو (مثل شوربة البروكلي أو الملفوف) لتساعدكم على الترطيب والهضم 🍲.


💧 استمروا على 2–3 لتر مي + رشة ملح عند اللزوم.

⚡ تنويه مهم: اليوم الثالث ممكن تبلشوا تحسّوا بدخول أعمق بالكيتو (تعب أكثر، نُعاس، أو شوية تقلب مزاجي). هذا طبيعي ومؤقت. لا تنسوا النوم الكافي 💤 لأنه بيساعد الجسم يتأقلم أسرع.