ترى الما جارحك و مغرب بعيد
چنة مگابلك وايدة اعله الزناد

للكبير سمير صبيح

وجه المخدة هموم ما اضن گطن بيه
للصبح ما مش نوم راسي من اخليه

لـِ هشام القيسي

و گالولي عنك كملت قصة حياتك بعدي
وگالولي حيل اتشابهن حلمك وخدك وردي
بچوني واني الي چنت
ما اقبل اتمشى بمطر ويصير مي بخدي
گد ما شفت بعدك حزن
منا لحد يوم الدفن راح ابقى عايش وحدي

لـ مهند العزاوي

احنا معدان ولمن نعشگ نموت
يطگ بينا خبال مالت سادة
خلي نلزم خصرك بوكت الشباب
ومن نشيب نلزم السجادة
رگبتك مو للگلايد لا حرام
عدنه شفة تصير خوش گلادة
احنا اجينه بحضرتك ندعي ونتوب
شو رجعنا ويانا تمشي ذنوبنة
هي شامة ويندل الله يحطها وين
بالمكان البي يعذب گلوبنة

لـ زيد السومري

مو حلوة چانت عشرتك
بس اني گتلك حلوة

لـ مهند العزاوي

ما شفتك اليوم استعجل تنام
انا گبلك نمت نتشاوف طيوف
ما نوى گلبك عليه لو مرة گلبك نوى
بس چي لانك تمر
عود انه جسمي صفى عزفت عليه شفتك
وبأذني صوتك غفى
وأتقدم ليورى واوصل الحد السكر اتطوطح بشوفتك
حرموك مني شعجب شنهي انت قابل خمر
تهديد دزينه الك موتنا كافي الصبر
نص ساعة اذا ما تجي ما عدنا شي ننتظر
عدنه احنا غيرك فرح بسمة اعلى شفة طفل
يا گعدة واخر عشگ
يا نوم وكت الأرق
بوسة توزع چنت لاي طفل واگف عدل
وانه اسفط گمت بحجة اركد ولك صرت انه ثالث طفل

لـ يوسف الدراجي

الليل رب العطش وانه ارتوي بصوته
والعاشگالمنتظر بالساعة بالك يضل
والميل تابوته
لو هو مثلك اكو جا ما عشت وحدي
بليل الشتا البارد
بس هوة هيچ العشگ
مثل الله بس واحد

لـ حسين المرياني

من أول نظرة حيل تعلقت بيك
عشگتك ما سألتك حاب ما حاب
خصة البيتكم لمن تعنيت
بديت اصرف شبابي بعتبت الباب
يبو نظرة الغميجة التاخذ الروح
ينكهة دارمي وبحلوگ شياب

لـ مالك السلطاني

طاحتلك الفرگة موردة الخدود
وانا طاحتلي كلش دمعة العين
واشو طالع تخبل من الفراگ
وانا طالع مخبل بالدرابين
كل هذا واگول مقصر وياك
وانت الباچي بچي يسواله شطين
ما تبچي واعذرك حقك بهاي
دمعك ما يعرف خدودك منين

لـ علي نجم

عشرة بتعبها وضيمها بزلة تفض
هسة اني خليني الملح ما يعرض
بأول زعلنا و لحگت تعشگ ليش
لليوم داعيك اتصارح وارفض
وهسة اعلة كيفك جاي تمشي ومرتاح
غير اليطفي النار لازم يركض
شليت حالي و گتلي الله يعوض

لـ سعد شميل

يل مبتعد عني ابتعد مني
شثگلهن ذكرياتك تعبني
كلشي يشبهك يبچيني مرات
بحيث هدومي بعدك يوجعني
عفتك و القصايد رجعني
ما معقولة صفناتك نسني
چنتلك زين وانتَ بكلشي بكلشي مو زيين
مليت عيونك و مليت مني
شيبين بيك شو ما شاء الله بخير
يومية اعله عشك يستقر طير
هضيمة اتعب وربي الخاطر الغير

لـ محمد الطالقاني

عفت كلشي وبديت اتذكر شگلتي
اتذكر حچيتي هواي
غيرك ما يحط حنتي
ولحيتك كافي خلها تطول
اريد تزين بزفتي

واجت زفتچ شفت وياچ اليرگصون
لا صحباني لا اهلي .. وانه اكبالج اتبديت ماشفتي ؟
اجو خطبوج وانه وياج وانتي بسرعة وافقتي

الحرام البي وعد ينكال يسوة الزفة والحنه
الحلال البي عشك مبيوك تالي ابنار ينسى اسوالف الجنه
حتى الغيمة صارت كاع وانه وياج ماصرنة

لـ علي البديري

ياعلي
صورة اباوع بيك واتخيلك تباوع
واجي الايدك ارد احبها
اتجرها احسك يا اخي شنو هل تواضع

لـ عباس الذهبي

اجيت الليلة اودعكم ماظن للصبح باقي

هذا المنحني عودي وهاي الذابلة أوراقي

الراحل الكبير كاظم إسماعيل الكاطع

يَل جنت احبك مِن صدك
هسه انتَ ما تعنيلي
هو انتَ هم مثل الوطن
منطيك كُلشي بلا عقل
بَس كلشي ما منطينّي
اتمنّى ارجعَ مِن چنت
ماريدك تلاكينِي.

لـ حسين جبار

تباً للثقافة و تسقط الآراء
مو تطبير كون نموت بالعاشر

لـ عباس الذهبي

عظم الله اجرك يا مولاي يا صاحب الزمان باستشهاد جدك الحسين و عظم الله لنا ولكم الآجر و الثواب و احسن العزاء باستشهاد سيدنا ومولانا ابا عبدالله الحسين عليه السلام
السلام على الحسين
وعلى علي ابن الحسين
وعلى اولاد الحسين
وعلى اصحاب الحسين
وعلى اخيه قهر العشيرة ابا الفضل العباس
وعلى اخته الحوراء زينب جبل الصبر
اللهم عجل لوليك الفرج و اجعلنا من انصاره و اعوانه و المستشهدين بين يديه

لگيتك راحتي وحلي وضوه العين
والباب البوجه الريح ينسد
صح حبيتك من بعيد لبعيد
بس جانت صفنتي بوجهك ابعد
جنت حاير شلون الكمر سوه
ومن شفتك عرفت اصل الكمر خد
من شفتك تغير موعد النوم
بديت اسهر واحن واشتاك وابرد
وأغار وترجف ايدي وابچي واحتار
وأشوفك وارتبك وابنيك وانهد
مجرد حب كسر كل القوانين
وخرج عن سيطرة گلبي وتمرد
على حكم المذاهب والتقاليد
احبك يالعيونك مالهن حد
احبك اكثر من العني يحجون
واكثر من صراع الروج والسد

لـ احمد عاشور