♥️.

عيونك وشامه رگبتك
خلن گليبي رچيچ
عطرك أتبده أعله ثوبي
من أثر شبگتنه ذيچ .

لِمي تعبي
و ضمي بين اثيابچ من الناس سري
و غني حدر اضلوعي غني
غني كل الياسمين الجوه صدري .

- يا بعَدهم كِلهم ، يا سراجيّ بينهِم ♥️ .

ضليت اگلب بالنجم ياهي الگبالك بايته
مسودن وادور بالهوه نسمه ع شعرك فايته
الماشاف من عينك صبح تكفر بوجهه مرايته .

انتَ باجر
والخَلك كلهم أمس
انتَ رب الصوت
والوادم همس .

وياك اخذني روحي ما بيها صبح
وياك اخذني راسي يبجي عله الرمح
وياك اخذني
لا يشدني مغازل عيونك واعبدك وانفضح .

♥️.

يا نكهة الحب‌ الصدگ .

يَـ أَول إبن آدم چانت عيوُنه شعب .

دريت الجنة سمرة لون مِن وجهك تدنالي ..

♥️..

جبناها سوه من الماكو للنعمة
نحچي بوكت بي چان الحچي زحمة
نتباعد جروف ونلتقي جفنين
تلمنا وسادة وحده وطيفنا نقسمه .

أنتَ حنين
أنتَ من أهلنه
وإحنه فقره ودوم نهوى البي محنّة .

ماگو بگلبي بس انت
انت الغالي والتسوه ♥️.

___

بعدنا زغار حَيل زغار
و نِعثَر عَثرة الشياب .

وتمر بية طوايف شوگ
‏وأتذكر ضحكتك وأنسى كل حزني ♥️.