فزاعية للأربعين


زينب جاية أمن الشام يوم الأربعينية

■♤■♤■♤■♤■♤■♤■

أجت أتزور ولياهة
وهاي الروس وياهة
منهو اللي تلگاهة
من الضيم محنية

جابت روس أهاليهة
أجت الضيم غاطيهة
گوم أگعد يواليهة
لزينبكم المسبية

أتصيح حسين يبن أمي
ياشيال كل همي
أجيتك والدمع يدمي
عيني صفت معمية

أتگلة حسين حاچيني
ياروحي ونضر عيني
أنة بلياك تدريني
على فرگاك ما بية

أرجع للمدينة وياي
ساعدني على بلواي
ياخوية وبعد عيناي
كلك وفة وحنية

■♤■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة للأربعين
طور ( آني رايح للبقيع أشعل شمع ) ملا أياد النصراوي


آني جيتك يبو فاضل يالولي
وأعتنيتك خوية گوم أنهض الي
خوية چنة أميسرين گوم لية يالحنين

●¤●¤●¤●¤●¤●

جيت خوية زينب آنة الهاشمية
جيت من رحلة عذاب الغاضرية
يبو فاضل تدري چنت آنة سبية
أتحملت خوية المصايب والأذية
أمن المصايب حيلي ياخوية أنهدم
گلبي ذايب ودمعتي من عيني دم
حسرتي نوح وأنين گوم لية يالحنين

تدري خوية وياك محلاته العمر
وتدري خوية أبشوفتك يحلة النظر
شوف تالي أشسوة وياي القدر
أخلاف عينك خوية يسبيني الشمر
ظلمة صارت عگب عينك دنيتي
دنيا جارت وحدي آنة أبغربتي
گلبي مهموم وحزين گوم لية يالحنين

ريت خوية وياك أرجع من جديد
وهذا گلبي أمن الألم بلكت يهيد
وأنسى لوعة كربلة ولوعة يزيد
وأنسى گيدي بالسلاسل والحديد
أگعد وياك حلم هذا مستحيل
نار فرگاك تسعر ودمي يسيل
ياكفيلي والمعين گوم لية يالحنين

گوم خوية وياي ردني للوطن
تدري بية هدمت حيلي المحن
يبو فاضل گوم باريلي الضعن
ونرجع آنة وياك وأنعيد الزمن
ياكفيلي مني أبد لا تعتذر
يادليلي أتحملت ياما صبر
گوم وأنطيني الأدين گوم لية يالحنين

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزءالسادس


https://www.tg-me.com/ALHUSSEN_M

فزاعية للأربعين

زينب أجت لكربلة والعيال وياهة

○¤○¤○¤○¤○¤○¤○

أتزور گبر الوالي
أتگلة يخوية أشحالي
چان الشمر يبرالي
وهاي الأيتام أذاهة

صدت لعد واليهة
نوح وهضم غاطيهة
وأدموعهة تجريهة
ويلي على بلواهة

تنعى وتون مهضومة
كلكم يخوتي نومة
منكم أنة محرومة
والحرم من يبراهة

يحسين أنة أتعنيتك
يوم أربعينك جيتك
تنهض ألي ياريتك
خوّتك أشمحلاهة

ياخوي شوف العايلة
دمعتهة عالخد سايلة
والعدة أيدة طايلة
وأعيالكم عاداهة

ردت تنادي أبو الفضل
أفراگكم ما ينحمل
هيهات يلتم الشمل
وأيامك أشينساهة

أشلون خوية أبرجعتي
وية العيال لديرتي
زادت علية حيرتي
بالأيتام وأبچاهة

گومو يخوتي ويانة
خل نرجع لأوطانة
زينب ترة حيرانة
بهالحرم وممشاهة

أعيونة تجري وتصب
تنعى الأعزاز وية المحب
الدار ضلت تنتحب
عاللي مشة وخلاهة

ما ضنتي الگاهم
أخوتي ما أنساهم
ياريت أموت أوياهم
والروح هاي أنعاهة

○¤○¤○¤○¤○¤○¤○

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

ردت بت علي هاليوم جابت روس أهاليهة

■□■□■□■□■□■

اليوم أبكربلة زينب
تنعى الفاگدة وتنحب
وتصرخ والدموع أتصب
على حسين واليهة

ذبت روحهة أمن النوك
أتنادي والگلب محروك
دم حسين ضل مسفوك
أبكربلة أواديهة

هاي الروس جابتهن
وية الأجساد دفنتهن
وگعدت تنتحب يمهن
وين اللي تعازيهة

أتگلة حسين يبن أمي
عالغبرة تضل مرمي
عدمن أشتكي همي
أمن الدنيا وبلاويهة

خوية حسين يامظلوم
ياعطشان يامحروم
مسبية خذوني الگوم
زينب هاية تاليهة

وگعدت يم گبر عباس
وگامت تلطم أعلة الراس
أتگلة زمرة الأرجاس
ريت الله يجازيهة

ياعباس حاچيني
خوية وياضوة عيني
عگبك من يباريني
وروحي بيش أسليهة

ظلمة دنيتي أبلياك
والعشرة أنگضت وياك
ياعباس وين الگاك
عيني أعليك لعميهة

■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للأربعين

زينب نادت العباس گوم أگعد تلگاني

●□●□●□●□●□●

أتگلة گوم يالوالي
شوف أشصاير أبحالي
ياعباس يالغالي
أخلافك زادت أحزاني

خوية أمن اليسر رديت
گابلت الگبر وأبچيت
گوم أنهض الي ياريت
زماني أهواي عاداني

جيتك ألطم أعلة الراس
ياخوية يبو النوماس
يالكلك وفة عباس
يل ما يوم تنساني

شو نايم على الغبرة
گوم لزينب الحرة
عندي أجروح ما تبرة
يالفرگاك أذاني

آنة أمدللة حيدر
يامهيوب بيك أفخر
بالعازات لية أحضر
بالنخوات عنواني

خذوني الگوم مسبية
ومحد ينغر أعلية
أون ونات مخفية
وأصيحن وين ولياني

تدري العدة ضربوني
سود أمورمة أمتوني
خوية وما يرحموني
آني أم الحزن آني

ياعباس حاچيني
خوية يانظر عيني
أنت اللي تباريني
گوم وردني لأوطاني

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة حماسية للأربعين

يحسين يحسين زينب أجت أتزورك

■♤■♤■♤■♤■♤■

هاي زينب جاية لطف كربلة
أتزور گبر حسين وية العايلة
تسچب الدمعات عالخد هاملة
أتگلة خوية حسين جيت أمحملة
أهموم أهموم لمن فگدت أحضورك


أتگلة هذا اليوم يوم الأربعين
وگلبي نار أعليك موجوع وحزين
خوية بالشام أحنة چنة أميسرين
وجارت أعلينة الليالي والسنين
ياحيف ياحيف غايب علينة نورك


ودارت الحرة على گبر الكفيل
جرت الونات والمدمع يسيل
أتگلة جبت الحرم آنة والعليل
عباس عباس ياما أحتميت أبسورك


وهاي رملة تنتحب وية الرباب
مرة عالمذبوح مرة عالشباب
أيصيحن الله أيعينّة بعد الغياب
من دفنّة أجسادكم تحت التراب
يحسين يحسين نرجع نوّن أبدورك

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

نعي لوفاة الرسول ( صلى الله عليه وآله وسلم )

&&&&&&&&&&&&&&&&&

شايل يبوية بعيد عني
وآنة المصايب لوعني
شال الفرح من رحت مني

بعدك أنة بالضيم ضليت
نوح وهضم وأحزان ونيت
ترجع الي بوية تمنيت

ضليت أنة بالضيم حالي
وصارن علي سود الليالي
والنوم بوية ما هنالي

من رحت بوية أتهدم الحيل
والحزن صاير سلوة بالليل
ودمعي أبد ما يبطل أيسيل

أوديعتك بوية أضربوهة
وگومك يبوية حاربوهة
وما گالو الزهرة ورعوهة

ضلعي أنكسر يابوية بالباب
بالعصرة والبسمار أنصاب
بوية العدة مني ولا هاب

&&&&&&&&&&&&&&&&&

الحاجة أم محمد الكناني
أنين الزهراء عليها السلام الثالث

https://www.tg-me.com/ALHUSSEN_M

قصيدة لوفاة الرسول ( صلى الله عليه وآله وسلم )

صارخة الزهراء شايل يالولي
بوية لو عني رحت ياهو الي

■♤■♤■♤■♤■♤■

أشلون بوية تعوفني وآنة البتول
بوية حزني أعليك دايم ما يزول
أنحب لفرگاك والمدمع سيول
ضيعت ملگاك ياعزي وهلي

بوية من عگبك أنة ظلموني
بوية وأسطرني العدة أعلة أعيوني
أبحسرة وبآهات أون خلوني
وهمي يابوية أبد ما ينجلي

من رحت عني عفتني أمگدرة
وگلبي بوية لفرگتك شيصبرة
ومن بعد عينك تراني حايرة
وراحت أيام التگول أدللي

آه من لوعة مصابك يالحبيب
والجرح بچفاك بوية ما يطيب
وسفة شخصك يارسول الله يغيب
أينوح لجل أمصيبتك حيدر علي

ياهضيمة ومنبرك ضل خالي
من أشوفة ينمرد دلالي
وراسي يابوية بوجودك عالي
حيف مني أتروح يانعم الولي

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة لوفاة الرسول ( صلى الله عليه وآله وسلم )

اليوم يم الزهرة أنعازيهة
شال عنهة المصطفى واليهة
آه ويلاه أبصوت ننعاه
أوداع ياسيد البرية

●□●□●□●□●□●

ضلت الزهرة تون لمصابه
أفراگه يصعب عالأهل وأحبابه
أينوح لجله مسجده ومحرابه
وللرسول أدموعنة نجريهة
آه ويلاه أبصوت ننعاه
أوداع ياسيد البرية

فاگدين المصطفى سيد الرسل
والدمع لفراگه من دم يهل
يانبي الله ياخير العمل
يانجاة الأمة وهاديهة
آه ويلاه أبصوت ننعاه
أوداع ياسيد البرية

يارسول الله سيد المرسلين
رحمة أنت ونور هاي العالمين
ناصر المظلوم دوم أنت ومعين
بالشفاعة أمتك تحميهة
آه ويلاه أبصوت ننعاه
أوداع ياسيد البرية

تبچي والله لفرگتك أرض وسمة
بالحزن ينعاك حماي الحمة
بالهضم والنوح بتك فاطمة
أشلون عنهة أتروح وأتخليهة
آه ويلاه أبصوت ننعاه
أوداع ياسيد البرية

فاطمة عگب النبي أذوهة
ودارهة أبنار العدة حرگوهة
ورة الباب الطاهرة عصروهة
وهذا بسمار الضلع ياذيهة
آه ويلاه أبصوت ننعاه
أوداع ياسيد البرية

●□●□●□●□●□●

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

#اهل_الله (ح1)

هو العليم ...

واحدة من ابرز صفات الارواح الطاهرة والنفوس الكريمة هي اشتغالها بتحصيل العلم ✍📚( فتشوفهم يخلصون هواي من وقتهم بالدرس والمباحثة والحفظ والمطالعة والتأليف والنقاش )

لا يخفى عليكم ان عشق الهدف 💛والشغف بالعلم احد اسباب النجاح بالحياة بينما يعيش الكسول😴🥱 ناقما على نفسه ما مقتنع بروحه😑

لذلك من صفات اهل الله [ صرف الوقت بطلب العلم🕯]

ــ العارف آية الله بهاء الديني كان يقرأ (16) ساعة باليوم📖

وبعضهم لا يفارق الكتاب حتى في حال مرضه (كان يخلي الكتاب ــ وهو كتاب 📖 كبير ــ على صدره وهو على فراش المرض😷 حتى اثر ذلك على صدره )

ومع ان بعضهم كان ما يملك فلوس 💵اضاءة ــ في العصور المتقدمة ــ فيقرأ على ضوء القمر🌕 حتى ذهب بصره👀❌ ثلاث مرات وتكحل بتربة مولانا ساكن كربلاء وسيد الشهداء (عليه السلام) فارجع الله بصره☺️) وهو المرحوم العلامة نعمة الله الجزائري (قدس سره)

ولشدة شغفهم بالعلم ومباحثته كان بعضهم ينسى الالام التي تحيط بهم فيلجأوا الى القراءة📚📝

يكولون : ان الميرزا الشيرازي الكبير لدغته افعى🐍 ومع انه اخذ العلاج💊💉 لكن كان يتلوى من الالم😥 والوجع فقال لهم : افتحوا موضوع فقهي خلي نتناقش 💬، وفعلا بدأت المباحثة فنسي الالم😔 ثلاث ساعات⏰

طلب العلم والاشتغال بتحصيله وحدة من اهم صفات اهل الله📚❤️

«فلا تقصروا في ذلك»🌺

🖊 الشيخ علي المياحي

https://www.tg-me.com/ali11041

نعي للزهراء عليها السلام

☆▪︎☆▪︎☆▪︎☆▪︎☆▪︎☆

نعش الزچية اليوم شالوه
وزينب تنادي وين ودوه
وعن ناضري ياوسفة بعدوه

ريضو النعش يالشايلينة
بلكت ترد أمنة الحنينة
وتذكر يتاماهة وتجينة

يشيال نعش أمي الزچية
ريض أريد أتردهة لية
أمي وأريد أحضنهة بدية

خلي النعش وأعاتب أمي
وأخبرهة ضيمي وكثر همي
وأعلة الحنينة أعيوني تعمي

يالوالدة ريضي أرد أودعچ
آخر كلام وياچ أگلچ
ياوسفة عني أيغيب ضلچ

أمي الحنينة أبعدت عني
وأعليهة زاد اليوم وني
ومن الزچية أنگطع ضني

جيت لمكانچ لنة خالي
أسولفلچ گلت عاللي جرالي
وأشكي هضمتي وسود الليالي

☆▪︎☆▪︎☆▪︎☆▪︎☆▪︎☆

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة للإمام علي ( عليه السلام )

شايل الكرار وأمودعينة
كل موالي اليوم أتهل عينة

■□■□■□■□■□■□■

شايل الكرار وأحبابة تون
اليوم يوم الفاجعة ويوم الحزن
أمودعينة اليوم وسفة أبو الحسن
وبالمناحة صوتنة أمعلينة

صاح جبريل ونعى صوته صدى
أتهدمت والله أركان الهدى
أنغدر حامي الحمة أبسيف العدى
اليوم ركن الدين أمهدمينة

أتنوح أيتامة وتون لمصابه
حيدر الكرار صعب أغيابه
بالحزن كل شيعته وأحبابه
وين رايح يالولي أمخلينة

الدين والأسلام يصرخ ياعلي
ياولي الله يانعم الولي
للفرج حيدر رجة لكل مبتلي
اليندبة بالمعضلة أيعينة

بقت مهضومة عليه حتى الصلاة
أبغير حيدر مالهة طعم الحياة
هو دنيا وآخرة باب النجاة
بالولاية صكنة أموقعينة

■□■□■□■□■□■□■

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

فزاعية للإمام علي ( عليه السلام )

شايل أبو الحسنين وتبچي أيتامة

■□■□■□■□■□■□■

تنحب على أمصابه
وگفو على بابه
يهضمهم أغيابه
ما تمم أصيامه

يكسوهم أبعطفة
وأچفوفة الترفة
يالشوفتة تشفة
ضلو بالملامة

صعبة يودعونة
لمن يشيعونة
أبحزن ينعونة
لطمو على الهامة

أيصيحون يالوالي
أبحرگة ودمع هالي
ودعنة الغالي
وخلصت أيامة

لمصيبة الكرار
الگلب يلهب نار
تبچي وتنوح أزغار
والليل متنامة

الأيتام أجاهة العيد
تبچي وأبد متهيد
غايب علي الصنديد
ياأبو اليتامة
( أيعيدونة وأشلون العيد )

■□■□■□■□■□■□■

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

فزاعية للإمام علي ( عليه السلام )

ياعيد التمر عالناس زينب ليش چاويهة

●¤●¤●¤●¤●¤●¤●¤●

بيك الناس تفرح دوم
وزينب حملتهة أهموم
غاطيهة الحزن هاليوم
شايل عنهة واليهة

أنصاب بسيف المرادي
وزينب صارخة أتنادي
أحضر جدي الهادي
تون والدمعة تجريهة

فگدت زينب الوالي
وصاحت بوية يالغالي
فرگة هاي للتالي
وأيتامك أمخليهة

زينب حالهة أشلونة
والوالي يودعونة
بعد هيهات يلگونة
زينب ويلي أعليهة

أتنوح اليوم حزنانة
حيدر خالي ديوانة
غبرة وظلمة دنيانة
حيدر چان ضاويهة

مهضومة بقت زينب
تنعى عالولي وتنحب
تصرخ والدموع أتصب
أتريد اللي يواسيهة

●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M