‏فيديو من ....

جديد ٢٠٢١-١٤٤٣
الحسين والكف في كربلاء الطف ج ١
للشاعرة
ام محمد الكناني
وام روكان الشمري
وام هيثم الشمري
متوفر في مكتبة الغدير بغداد
لدينا توصيل لكافة المحافظات
للحجز واتساب ٠٧٧١١٣٩٥٥٨٠
https://www.tg-me.com/eheh10

السلام عليكم ورحمة الله وبركاتة
اكثر الملايات الخادمات محتارين ويسالوني عن التوصيل
لاتحتارون التوصيل لباب البيت
عن طريق عنوانكم ورقم تلفونكم
ولكافة المحافظات يعني ١٨ محافظة عراقية وبدون اي استثناء
بصرة - ميسان - ذي قار -واسط-بغداد - بابل-نجف - كربلاء- الديوانية- المثنى-الانبار - الموصل-صلاح الدين -اربيل - دهوك - سليمانية - كركوك - ديالى - نينوى
تحجز اليوم ثاني يوم يوصلك طلبك
اسعار التوصيل حسب نوع الطلب
للاستفسار اكثر ٠٧٧١١٣٩٥٥٨٠
مكتبة الغدير بغداد @eheh10

قصيدة للعباس عليه السلام

زينب يخوية أتصيح يابو فاضل

○▪︎○▪︎○▪︎○▪︎○▪︎○

حرگو خيمنة الگوم
أبعازتك هاليوم
وآنة بجزن وأهموم
أنحب وأنوح أعليك دمعي سايل

ياخوية ياعباس
ترضى الخدر ينداس
عالو علينة أرجاس
عالو على أختك گوم رد العايل

الحك يبو الغيرة
أختك ترة أيسيرة
من ديرة لديرة
والضعن خوية اليوم حمله مايل

للشام ودوني
ترضى يضربوني
أمورمة أمتوني
يالواعدتني گوم خوية الكافل

والسهم صاب العين
وآنة الطم الخدين
راح الأخو اللي چان همي شايل

○▪︎○▪︎○▪︎○▪︎○▪︎○

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

قصيدة شور ليلة العاشر
طور ( على الغريب واويلاه جسم سليب واويلاه )

ليلة وداع الليلة
ليلة وداع الليلة
●¤●¤●¤●¤●¤●¤●¤●

الليلة أصعب وداع
أبكربلة باچر ضياع

الليلة السبط وأعيالة
تجري الدموع همالة

صاح الحسين لعيلتة
وياهم آخر ليلتة

أيودعهم أبعبراتة
ألتمن عليه بناته

أم الحزن يمه أگعدت
وأدموعهة عالخد جرت

نادة السبط يازينب
باچر ترة نتغرب

زينب الچ أوصيتي
تتكفلين أبعيلتي

أم الحزن مهمومة
تبچي وتون مالومة

گالت يخوي أبعيني
أفديك أنة بسنيني

أبرة الك أعيالك
وروحي فدة لأطفالك

يم الأبو سكنة أجت
تشكيلة الحال وبچت

أتگلة البنت تدريهة
لو ضيعت واليهة

أفراگك صعب ياذيني
ما أحتمل تدريني

گلهة أنة أمخليكم
وأدري الدهر ياذيكم

الله المعين أوياكم
هو الذي يرعاكم

هذا الوعد لازم يمر
وأحنة أهل بيت الصبر


●¤●¤●¤●¤●¤●¤●¤●

الحاجة أم محمد الكناني
أنين الزهراء الجزء السابع

https://www.tg-me.com/ALHUSSEN_M

قصيدة حماسية لليلة الحادي عشر وليلة الوحشة


گومي زينب گومي لمي العيلة
أعظم مصاب أعليچ هاي الليلة
أعظم مصاب الگلب ذاب
أعلة الشباب الليلة

■□■□■□■□■□■□■

ريت حاضر حيدرة ويانة
أيشوف بينة اللي جرة أمن أعدانة
حسين ضل أعلة الثرة أبميدانة
وأيتام تصرخ ياعلي عطشانة
ريته علي حاضر ألي
لفگد الولي أشكيلة


حسين أخوية لو تشوفة أشحالة
أمصوب ومطروح والدم سالة
فوك صدرة داست الخيالة
عگبة ضلت دمعتي همالة
ضل عالثرة عگب الجرة
محد ترة أيشيلة


وسفة مني أيروح شيال العلم
أربات حيدر يابطل يابو الشيم
أنغدر عباس وبعينة السهم
عگبة العدوان حرگوهة الخيم
يم البنين مالي معين
أبنچ طعين ونيلة


علي الأكبر ياحلات أرسومة
شبه جده المصطفی بالحومة
گوم لأمك ياعلي شهالنومة
لا تخليهة تضل مهضومة
زيدي الونين عالطيبين
راح الحنين ياليلة


جاسم العريس دم أخضابة
نار تسعر بالگلب لهابة
رملة تصرخ ياعظيم أمصابة
هذا يومك ما حسبت أحسابة
رملة تصيح گلبي جريح
أبني ذبيح وأبچيلة


والفجيعة الصارت بطف كربلة
يوم ذبحو الرضيع وكل هلة
الله يلعن بني مية وحرملة
سبو زينب والحرم والعايلة
وين الرباب أبنچ مصاب
ضل عالتراب لوليلة

■□■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة لدفن الأجساد الطاهرة

يالدفنت حسين ما رويته
شربيته الماي لو خليته
خليته خليته خليته ياحسين
□¤□¤□¤□¤□¤□¤□¤□

عمة يالسجاد سولفي الجرة
تدري عمتك باليتامة أمحيرة
أحرس الأيتام ليلي أمساهرة
وجرح أبو السجاد ما شديته
شديته شديته ياحسين

أشلون ياعمة دفنته أبلايا راس
وگطعوهة جثته زمرة أرجاس
أبد ما عدهم أمروة ولا أحساس
ويا ذنب تدري شمر سويته
سويته سويته ياحسين

هم أجة جدي رسول الله وحضر
على دفن حسين مذبوح النحر
شاف جسمه أشلون أمگطع وذر
وأنت ياعمة الدمع صبيته
صبيته صبيته ياحسين

خاف عاتبني أخوية من أجيت
بالغصب وية الشمر عنه مشيت
عالثرة مطروح عفته وأنسبيت
لا يضن لحضة أنة ناسيته
ناسيته ناسيته ياحسين

آه يمصابك يخوية يالذبيح
عفتك أموذر وعالغبرة جريح
وهاي أيتامك تناديك وتصيح
وصوتهم ياخوية ما سمعيته
سمعيته سمعيته ياحسين

□¤□¤□¤□¤□¤□¤□¤□

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

قصيدة للعباس ( عليه السلام )
طور ( ما يمر بينة وين مهدينة ) ملا باسم الكربلائي


تنحب أسكــينة الــــولـي وينــــة

■♤■♤■♤■♤■♤■

يبو فاضل نخيتك يعمي الحك علية
عطاشى ونطلب الماي بأرض الغاضرية
أنت الأمل يسقاي وحماي الحمية
هذا الصار بينة من جور آل أمية
مــا يخــــلينة الــــولـي وينـــــة


يعمي هاي الأطفال تنتضرك تجيهة
وزينب صاحت أعليك أحضر ياوليهة
مـــا تگـــدر بليــــاك حط عينك عليهة
وتدري أمـن المـدينة أجت أيدك بديـهة
حــــامي الضعينة الــــولـي وينـــــة


يعمي وحالي مكسور مرعوبة وأجيتك
شمر يضربني بالسوط جيت أطلب حميتك
شهم بالشدة معروف أدري لو نخيتك
ولا واحــــد يجازف ولا يوصل ثنيتك
ينغــــر أعلــــينة الــــولـي ويــنـة


هجمو علينة عدوان الأخيام أحرگوهة
ظليمة تنحب أيتام بالسوط أضربوهة
رقية أتريد أبوهة مسبية خذوهة
تبچي بخربة الشام بالراس أفجعوهة
خــــل يجي لـينة الــــولـي ويــنـة


أناشد وين عباس زينب جاوبتني
يعــمة لا تسألين دارت وأحضنتني
تگلي راح عباس صرخت وألمتني
گطعو يسارة ويمناه هالحالة أفجعتني
وســـهم البعـينـة الـــولــي ويــنـة
■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

نعي لأستشهاد رقية ( عليها السلام )

■□■□■□■□■□■□■

تعوفني بوية يتيمة
ومنك صفيت آنة حريمة
ترضى أعيش آنة بهزيمة

أبچي وأهل دمعة أعيوني
وأصرخ يبوية وما تجوني
سوط العدة ورم أمتوني

من عگب عينك ياولينة
اليوم أجت هجمت علينة
ومن الخوف بالهيمة جرينة

النار وجوهة بالخيام
وهجمو علينة گوم ظلام
ضربونة بسيوف وسهام

بناتك يالولي أمن الضيم فرن
وسط الجثث بالگاع طرن
وعلى أجسادكم يابوي مرن

ياحالنة من چلچل الليل
نبچي ونون عالراح ياويل

طر الصبح وأحنة سبونة
نصرخ يعمنة ويا أبونة
وية العدة لا تتركونة

هذا الجرة عالبال ما چان
زينب غريبة تطب ديوان
وتسمع شتم زمرة العدوان

ضيم العلينة أبد ما صار
وگلوبنة أموجرة بنار
ريت الوكت وياك يندار

**************************

نعي زينب ( ع ) مع الحسين ( ع ) لوفاة رقية ( ع )

بقيت رقية ( ع ) منحنية على رأس أبيها الحسين ( ع ) وبعد لحضات صاح الإمام زين العابدين ( ع ) مناديا عمته زينب ( ع ) أرفعي أختي عن رأس أبي الحسين فقد فارقت الحياة
فصرخت زينب ( ع ) تخاطب أخيها الحسين ( ع )


أشبيدي يخوية راحت أمن أيدي رقية
راسك يخوية شافته وجتهة المنية
ماتت يخوية وما حصل كلشي بدية


أمصابك يخوية حسين هو اللي هضمهة
راسك يخوية والنحر زيد المهة
والعدو خوية ظالم ومحد رحمهة



■□■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة لرقية ( عليها السلام )

حزنانة رقية أتريد واليهة
ويلي أعلة اليتيمة الضيم غاطيهة

■□■□■□■□■□■□■

تسأل عن أبوهة وينة ياعمة
محلاه لو گعد وياهة باللمة
تحس ترتاح لو جت وأگعدت يمة
حارت بيهة زينب بيش ترضيهة

عفة گلبچ رقية وحالتچ حالة
تگول أشلون أبوية النوم يهنالة
يرتاح الأبو لو گعدت أگبالة
هية بهالوضع وأشلون تسليهة

طفلة وبالسياط الگوم ضربوهة
شنهي أبيا ذنب هالطفلة عادوهة
تبچي أمن الألم والضيم خلوهة
تريد حسين أبوهة أيعود أعليهة

تاهت بالسبي من ألم حسرتهة
راس حسين وگف لجل ونتهة
ضل أيدير عينة صوب مشيتهة
ردت بيهة زينب لعد أهاليهة

فزت من حلمهة أتصيح يايابة
والله أفراك أبوهة نار لهابة
شافت نحر أبوهة وشافت أمصابة
گامت تنتحب وتنعى واليهة

لزمت راس أبوهة وتشكي لوعتهة
تشكي هضم أهلهة وهضم عمتهة
نامت عالنحر وأتبچي حالتهة
على راس الأبو أتموت تاليهة

■□■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

أيعينهة الله بت علي من ردت لولياهة

●¤●¤●¤●¤●¤●¤●¤●

من ردت أبيا حالة
العين دم همالة
جابت لأخوهة أعيالة
وجابت الروس وياهة

نادت حسين الوالي
زينب أنة وأشحالي
ضيم وقهر يبرالي
أختك شمر أذاهة

صاحت يخوية يالحنين
اليوم يوم الأربعين
جبت اليتامة أملوعين
أعداكم أتولاهة

أتصيح زينب بت علي
عباس جيتك يالولي
ياخوي گوم أگعد الي
ولزينب أتلگاهة

عباس خوية يالكفيل
أعداك ضل بية يعيل
والحمل كل ساعة يميل
زينب شمر يبراهة

گعدت تون مالومة
من السبي مهضومة
يزينب المظلومة
نوح وهضم غطاهة

●¤●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M