جلوة أو نعي لوفاة زينب عليها السلام
طور ( يمة أنة زينب عدمن تخليني ) للشيخ هاني شعبان

زينب غريبة اليوم بآخر مصيبتهة
أتنادي أخوهة حسين گربت منيتهة
يحسين ياخوية يحسين ياخوية

●○●○●○●○●○●

وحدي غريبة اليوم حال الهضم حالي
موحش علية الكون أتمنيتك أگبالي
وأتشوفك أعيوني ويرتاح ألي بالي
تدري الأخت بالضيج صعبة بلا والي
محتاجة أنة أوجودك ياخوية يالغالي
والولي أخته أتريد يوگف أبمحنتهة
زينب غريبة اليوم بآخر مصيبتهة
يحسين ياخوية يحسين ياخوية

حان الأجل لية ريتك چنت موجود
دمعي على أفراگك ينزل على الأخدود
أتمنى كون أوياي لية الزمان أيعود
أنت وأبو فاضل راعي العلم والجود
ويصحى ويشد حيلة من ضربة العامود
وبچفوفة لأخته أيگوم يمسح أبدمعتهة
زينب غريبة اليوم بآخر مصيبتهة
يحسين ياخوية يحسين ياخوية

ياخوية يبن أمي ياگرة أعيوني
أنت وأبو فاضل لا لا تخلوني
بآخر نفس هالساع غمضولي أعيوني
بالحزن والآهات حتى تشيعوني
أشمحلاهة أخوتي لو حضرو يدفنوني
لكن أسف ياحيف زينب أبغربتهة
زينب غريبة اليوم بآخر مصيبتهة
يحسين ياخوية يحسين ياخوية

تدري النعش ياخوي أيريد شيالة
تمشي وراه الناس وأيشدلة أحبالة
ويبچي على المفگود وأبدمعة همالة
وأيواسي أحبابة ولو صرخو أعيالة
صعبة على الفاگد ويلاه من حالة
لو ودع أخته اليوم ما يضن رجعتهة
زينب غريبة اليوم بآخر مصيبتهة
يحسين ياخوية يحسين ياخوية

●○●○●○●○●○●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة لوفاة زينب عليها السلام

زينب تحتضر وأتريد عباس
اليوم وية المنية وگطع الأنفاس

●•●•●•●•●•●•●•●

زينب تحتضر وأتريد أبو فاضل
اليوم وية المنية والدمع سايل
تتأمل أخوهة لكل حمل شايل
تبقى ترتجيه لو تگطع الياس

ضلت بالمناحة وتجذب الونة
وأتصيح الحنين أمنين أجيبنة
وسفة أبو فاضل أيست منة
غدروه الأعادي وگوم الأرجاس

وبآخر نفس اليوم محزونة
وأتريد النعش أخوة يشيلونة
أشلون أيشيلة أبو فاضل على أمتونة
مگطوعة أديه وگطعو الراس

ياويلي الوداع اليوم وياهة
زينب حاربتهة أهواي دنياهة
ون حتى الصخر والله أعلة بلواهة
من يوم أنسبت والخدر أنداس

اليوم أم الحزن ضلت تجر أونين
لا عباس يمهة ولا حضرهة حسين
وحيدة وبالغرب من دم تهل العين
ويا نعش الغريبة أتشّيعة الناس
( أمودعيهة زينب هاليوم )

●•●•●•●•●•●•●•●

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

قصيدة لوفاة زينب عليها السلام

وين أخوان زينب خل يحضروهة
أتريد الجنازة اللي يشيعوهة

●□●□●□●□●□●

وين حسين عنهة والبطل عباس
يحضرون العقيلة بآخر الأنفاس
غريبة أبلا ولي ضلت تدير الراس
أمنين أتجيب خوان اليودعوهة

صور من كربلة أتذكرت بيهة
مواقف بالمآسي أنعرضت أعليهة
وأصعبهن وداع حسين واليهة
وشافت جثته بالخيل داسوهة

تتمنى العقيلة يحضر الوالي
اليوم أبهضيمة والدمع هالي
ياوسفة مكانه اليوم ضل خالي
ونتهة أبگلبهة وما يسمعوهة

حضرتهة المنية وسال مدمعهة
ونتهة خفية ومنهو يسمعهة
والوليان غابو من يشيعهة
وحيدة وية المنية اليوم خلوهة

اليوم المناحة لزينب الحرة
نون لمصابهة وأنعازي الزهرة
من شيع نعشهة ومنهو أيحضرة
بالشام الغريبة اليوم دفنوهة

●□●□●□●□●□●

الحاجة أم محمد الكناني
أنين الزهراء عليها السلام الجزء الثامن

https://www.tg-me.com/ALHUSSEN_M

قصيدة لوفاة زينب عليها السلام

اليوم زينب والمنية حالهة أشلونة
والنعش أيريد والي اللي يشيعونة
أتنادي يخوي أحضر ألي خوية

■□■□■□■□■□■
أتگلة خوية حسين آنة اليوم محتارة
والگلب مفجوع عگبك ملتهب نارة
رحت أنت وآنة دمعي أعليك يتجارة
والعمر لا طال صرت الموت أختارة
روحي گضت ماكو هلي خوية

بقت زينب بالدموع أتنادي يبن أمي
منهو أيداوي جروحي لو كثر همي
وحدي وسهام المنية بالصدر ترمي
أعيوني منهة البصر ضاع والدمع يعمي
أعلة الصدر هم يعتلي خوية

آه يازينب حزينة عگب واليهة
والمنية اليوم أجتهة أبغربة تاليهة
وين غاب حسين عنهة الهضم غاطيهة
بالغرب وية المنية الفرگة تاذيهة
تنحب بقت وين الولي خوية

أتحملت ياما مصايب هدّمن حيلهة
أحزان وأهموم وبواچي خلصت ليلهة
والمنية گربت بالغربة ياويلهة
والجنازة أبغير والي منهو أيشيلهة
وين المعين لبت علي خوية

■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة لوفاة زينب عليها السلام

أوداع يا أم الحزن
أحباب لفراگچ تون
يازينب يازينب

☆▪︎☆▪︎☆▪︎☆▪︎☆▪︎☆

اليوم زينب بالغرب مهضومة
أمحيرة ومن الولي محرومة
أشلون لو جاهة الأجل ويومة
أدموعهة عالخد جرن
يازينب يازينب

أشحالهة ضلت تجر بأونينهة
رادت ابهاليوم يمهة حسينهة
ريت بيده الأخو أيغمض عينهة
يبچي وأبحسرة يون
يازينب يازينب

آه واويلاه ماتت بالغرب
لا حضرهة حسين لا يمهة محب
سلهمت العين والمدمع يصب
وغمض ياويلي الجفن
يازينب يازينب

وين عنهة أخوانهة أيشيعونهة
وبالحزن والنوح أيدفنونهة
وهية محتاجة الأخو يدرونهة
ويوگف الهة بهالمحن
يازينب يازينب

أشكثر لوعات مرّن بيهة
من زغرهة والدهر ماذيهة
والمنية بالغرب تاليهة
آه من غدر الزمن
يازينب يازينب

☆▪︎☆▪︎☆▪︎☆▪︎☆▪︎☆

الحاجة أم محمد الكناني
أنين الزهراء عليها السلام الجزء الثاني


https://www.tg-me.com/ALHUSSEN_M

قصيدة لوفاة زينب عليها السلام

زينب تحتضر وأتريد عباس
اليوم وية المنية وگطع الأنفاس

●•●•●•●•●•●•●•●

زينب تحتضر وأتريد أبو فاضل
اليوم وية المنية والدمع سايل
تتأمل أخوهة لكل حمل شايل
تبقى ترتجيه لو تگطع الياس

ضلت بالمناحة وتجذب الونة
وأتصيح الحنين أمنين أجيبنة
وسفة أبو فاضل أيست منة
غدروه الأعادي وگوم الأرجاس

وبآخر نفس اليوم محزونة
وأتريد النعش أخوة يشيلونة
أشلون أيشيلة أبو فاضل على أمتونة
مگطوعة أديه وگطعو الراس

ياويلي الوداع اليوم وياهة
زينب حاربتهة أهواي دنياهة
ون حتى الصخر والله أعلة بلواهة
من يوم أنسبت والخدر أنداس

اليوم أم الحزن ضلت تجر أونين
لا عباس يمهة ولا حضرهة حسين
وحيدة وبالغرب من دم تهل العين
ويا نعش الغريبة أتشّيعة الناس
( أمودعيهة زينب هاليوم )

●•●•●•●•●•●•●•●

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

قصيدة لوفاة زينب عليها السلام

أويلاه يزينب المهضومة

●▪︎●▪︎●▪︎●▪︎●▪︎●

اليوم زينب ودعت
عن الدنيا وأرحلت
ويلاه ياما أتعذبت
ويلاه ياما أتمرمرت
وياما بقت مهمومة

ضلت تنادي ياحسين
وين أنت يالحنين
العمر خلّص بالونين
وما بقالي أحد معين
وعگبك أضل مندومة

أحباب لجلچ نايحة
مهضومة تصرخ صايحة
ياوسفة زينب رايحة
والعين تدمع سايحة
ومنچ تضل محرومة

ويلاه ماتت بالغرب
وما بقى يمهة محب
الناس كلهة تنتحب
ويلاه يوم أشگد صعب
مثل الحسين ويومة

تتمنى يمهة حسينهة
وأعلة المصاب أيعينهة
وبيدة يغمض عينهة
ويمشي وية المشيعينهة
ويبچي على المالومة

وفاطمة أنعزيهة
وبزينب أنواسيهة
وأدموعنة نجريهة
متألمين أعليهة
عاللي مشت مظلومة

●▪︎●▪︎●▪︎●▪︎●▪︎●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

نعي لوفاة زينب عليها السلام

●¤●¤●¤●¤●¤●¤●

يلّي على حالي تنشدين
آنة أبغربتي وأهلي بعيدين
همي ثگل بفراك الحسين

ياحالة التفكد وليهة
أتنادي ولا أحد يجيهة
ومن الألم تصفك بديهة

وحدي صفيت أبغير وليان
يافگدتي لعشرة الأحنان
ومحلاهة ياعشرة الخوان

ضليت أون من غير والي
وزادت أحزاني وية الليالي
وبس القهر والهم صفالي

عمري گضيتة بقهر وأهموم
زايد علية الحزن كل يوم
هيهات وينة الفرح وأيدوم

شال الفرح هيهات مني
يوم المشو أحبابي عني
آيا هلي الزيدو ونّي

لفراك الحنين اليوم ونيت
ياهيبتي وياشمعة البيت
والموت ياخذني تمنيت

واليوم آنة وية المنية
ردت الولي يوگف علية
ومحلاه لو أيدة بدية

أتمنيت أخوي اليوم موجود
خالي مكانة وحيف مفگود
قاسي الدمع جرّح الأخدود

أنحب وأنادي خوية يحسين
عن أختك الحرة غبت وين
وأتمنى أشوفك وأغمض العين

أعذرني خوية لو ندبتك
ياغربتي تشبه غربتك
وللموت أذتني نحبتك

بآخر نفس وبهالمصيبة
وحسين أخوي أمنين أجيبة
زينب عگب عزهة غريبة

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

نعي لوفاة زينب عليها السلام

♧▪︎♧▪︎♧▪︎♧▪︎♧▪︎♧

أحضر يخوي وشوف حالي
جارن عليّ سود الليالي
عگبك فلا يرتاح بالي

ريتك يخوية حاضر أوياي
أتشوف أشكثر همي وبلواي
وبيدك تنشف دمع عيناي

أعيوني جرن وأعليك تدمع
وكون العمر وياك يرجع
أخلافك أبد ما عاد ينفع

العمر دونك ريت لا طال
ولحضة أبغيابك هدّت أجبال
والفرح دونك حمّل وشال

آنة الفرح ما مر علية
يوم الولي راح أمن أدية
يالفرگتة وحشة وخلية

فرگة حسين الألمتني
هاجت على أعيوني وعمتني
وحد المنية اليوم أجتني

ردتك يخوية أتشيل نعشي
وأتشيّعة ويالناس تمشي
غابت الروح وغمض رمشي

أتوادع آنة وية المنية
كون الأخو يحضر ألية
بآخر نفس وأحنة سوية

ردتك تنزلني لحفرتي
وأتگلي الله أوياچ يختي
وشال الفرح من يوم شلتي

♧▪︎♧▪︎♧▪︎♧▪︎♧▪︎♧

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

كتبت هذه القصيدة وأنا في طريقي لزيارة مرقد السيدة زينب عليها السلام

قصيدة لزيارة مرقد السيدة زينب عليها السلام

أمانة أوياي جيت وبيدي شايل
سلام وللعقيلة أمن أبو فاضل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سلام وللعقيلة أوياي حاملتة
أمن أبو فاضل الكافل للعقيلة أختة
دز بيدي السلام وآني شايلتة
جبتة أبكل أمانة ودمعي سايل

يسلم عالعقيلة ويعتذر منهة
أخافن قصرت يم الخدر عنهة
تعيش أوياي كل لحضة أشوفنهة
آني أبعهدي باقي وألهة كافل

يرسلچ سلام ويعتذر عباس
أبو الغيرة يزينب هذا أبو النوماس
حماي الخدر بأوجوده ما ينداس
أربات أم البنين أم الأصايل

يگلچ يالعقيلة يختي أعذريني
أنة لخدرچ يحرة أنطيت چفيني
أنة أفديلچ حياتي يختي تدريني
وعلم حيدر يزينب آني حامل

أنة أچفوفي يزينب يختي تفدالچ
وأنة موجود منهو اللي أيتدنالچ
راسي عالرمح وأعيوني تبرالچ
وأباري بالضعن لو چان مايل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

الحاجة أم محمد الكناني
أنين الزهراء عليها السلام الجزء السابع


https://www.tg-me.com/ALHUSSEN_M

كتبت هذه القصيدة وأنا بجوار مرقد السيدة زينب عليها السلام

قصيدة لوداع حضرة ومرقد السيدة زينب عليها السلام

يازينب يازينب يازينب

□¤□¤□¤□¤□¤□¤□

ما نريد أوياچ مولاتي الوداع
أحنة نتأمل نريد العودة

أنريد نرجع يالعقيلة لحضرتچ
أنحلفچ أبجاه الحسن وجودة

أبد ما ننساهة هاي أزيارتچ
نبقى نذكرهة وتضل مشهودة

لأن هاي أزيارتچ تشفي الصدور
وتضل مولاتي ألچ مگصودة

ندري كل هاي الحوائج تنگضي
أبجاه عباس البطل وأزنودة

بالأجابة نلتمس منچ وعد
واليواعد يوفي أبموعودة

حاشى للينخاچ ما يلگة جواب
وندري أدينة ما ترد مردودة

الوداع الوداع يازينب
الوداع الوداع يازينب

□¤□¤□¤□¤□¤□¤□

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

نعي للكاظم عليه السلام
لسان حال معصومة عليها السلام

■♤■♤■♤■♤■♤■

تعبانة جيت وحيلي مهدوم
گالولي أبوچ اليوم مسموم
والگلب ذاب وحمّل أهموم

أسأل أبوية وين ودوه
أحد أجاه لو وحده خلوه
أبيا ذنب الوالي سمّوه

سمّو چبدته الما يهابون
لمصيبته خل تجري العيون
عاللي جرة من ظلم هارون

أبغربته عالجسر مطروح
السم گضاه وغابت الروح
وين اليجي ينعاه وأينوح

جنازة الوالد رمية
فوك الجسر أبن الزچية
همي كثر ويلاه علية

وين أهلي عنة أيشيعونة
راح الولي وسلهم أعيونة
وآخر وداع أيودعونة

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

نعي للكاظم عليه السلام

●□●□●□●□●□●

ليش الإمام أيگّيدونة
وسط السجن وأيعذبونة
ومن الألم ورمت أمتونة

ضل بالسجن وأمزنجلينة
وأبعبرة ضل يجهر ونينة
وحده ولا أحد يعينة

وحده الغريب بهالمصايب
ومن المصايب گلبة ذايب
وعن عيلتة ياوسفة غايب

للباري ضل يشكي أبهمة
من لوعته ومن كثر سمّة
وحده ولا أحباب يمة

حال الغريب أيهدم الحيل
وأعلة مصابة المدمع أيسيل
يادنيتة كلهة صفت ليل

ويلي على حالك يمظلوم
يالخلصت عمرك بالأهموم
تاليهة ويلي أتموت مهضوم

اليوم الإمام أيودعونة
ودّو على أحبابه يجونة
غاب الولي وسلهم أعيونة

ضل عالجسر مطروح وحده
خلي هلة أيحضرون عنده
وينة علي والهادي جده

موسى بن جعفر شايلينة
وسط النعش وأمشيعينة
وين أهلة عنة الرايدينة

هاي الجنازة أتريد أهلهة
وأتريد شيالة حملهة
ومنهو عليه دمعته أيهلهة

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للكاظم عليه السلام

اليوم العزة للكاظم ويومة
نلطم عالصدر وياچ معصومة

■□■□■□■□■□■

شال وحمّل الوالي يودعونة
عاف أهله وبناتة ومن يحبونة
هذا لكل قضية الكل يندبونة
ينحب كل محب من جابو أعلومة

الله أيعين حالچ والولي شايل
مهضومة بقيتي والدمع سايل
ما نگطع عزة المظلوم وأنواصل
أحبابة تنوح أعليه مالومة

بتّك يابطل جينة نواسيهة
مهضومة أعلة فگدك ويلي أعليهة
أتنوح وتنحب أبعبرة ياواليهة
من بعدك تعيش العمر مهمومة

مسموم الإمام أصوابة أبچبده
منهو العالجة ومنهو الگعد عنده
معصومة أبهضيمة ويلي من بعده
گضاهة بالسجن من عنده محرومة

ويلي أعلة الغريب وحالتة حالة
منهو الشيّعة وعن الجسر شالة
كل شيعي عليه أعيونة همّالة
أمزنجل بالحديد وضاعت أرسومة

■□■□■□■□■□■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

فزاعية مع هوسات للكاظم عليه السلام

جينة أمحزمين أحزام نلطم وية معصومة

●¤●¤●¤●¤●¤●¤●

عنهة شال واليهة
هاي الدمعة نجريهة
عالوالد نعازيهة
( ويايومة / أحاه يالوالي )

ضل عالجسر جثمانة
أهلة وين وأخوانة
كلهة الناس حزنانة
( أمضيعينة / مفتاح الدين )

ننعى الكاظم أبعبرة
تلهب بالگلب جمرة
ويانة حضرت الزهرة
( أيفجعوهة / كل يوم الزهرة )

نلطم وأبگلب محزون
للكاظم تهل أعيون
سمّم چبدته هارون
( هد حيلي / وأصوابه أبچبدة )

واويلاه على أمصابة
ضل أينوح محرابة
كلهة تنحب أحبابة
( أيفگدونة / والكاظم وسفة )

تكتل ونة المسموم
يالگضّة العمر محروم
أحاه يالكاظم المظلوم
( أمشيعينة / أحبابة اليوم )

●¤●¤●¤●¤●¤●¤●

https://www.tg-me.com/ALHUSSEN_M

فزاعية للكاظم عليه السلام

عالمسجون الزهرة أجت حزنانة

■♤■♤■♤■♤■♤■

الزهرة أجت أتنادي
هذا ظلم ما سادي
أحضر يبوي الهادي
للمات بالزنزانة

أجت أتنادي ياهلي
أحضر أويانة ياعلي
ويلاه يمصاب الولي
ريت أظلمت دنيانة

أمصاب هذا ما جرة
وين عنة حيدرة
الزهرة هاي أمكدّرة
نوحو يشيعة أويانة

ويلاه حالة ما يسر
ليش مرمي عالجسر
الهادي گلبة منفطر
هذا الجرة أمن أعدانة

والله چبيرة علّتة
ليش سمّو چبدتة
وين راحت شيعتة
وأتصيح يامولانة

يالكاظم وياحالة
وين عنّة أعيالة
تبجي أبدمع همّالة
أمصاب حيل أذانة

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للإمام علي عليه السلام

ويلي المرتضى ما تمم أصيامه
مصيوب الإمام أصوابه بالهامة

&&&&&&&&&&&&&&&&&

ودع عيلته وغارت أعيونه
كل أحبابه هذا اليوم ينعونه
وزينب بت علي أتنوح محزونة
شايل يالولي وراحت أيامه

ملعون أبن ملجم صوبه أبراسه
ضل يومين وسفة وغابت أنفاسه
مفتاح العلم حيدر ونبراسه
بأحزان ونوايب ضلت أيتامه

أشلون أتعوف أيتامك يواليهة
أجاهة العيد منهو أيعاين أعليهة
وهاي أجروحهم أنت التداويهة
گوم الهم يحيدر شد العمامة

تنوح أعليك كلهة الناس حزنانة
هذا اليوم حيدر خالي ديوانه
تغدر بيك وسفة أشلون دنيانة
اليلزم الدنيا أتضيع أحلامه

أحبابك يحيدر تنحب وتنعاك
أنت البشدايد حاضر ونلگاك
خسران اليعوفك ما يسير أوياك
بيك أنت التايه يعلن أسلامه

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

فزاعية للإمام علي عليه السلام

زينب تون وأتصيح شال الوالي

♧♧♧♧♧♧♧♧♧♧♧

صابوه بالهامة
من فوك العمامة
ما تمم أصيامه
ما چانت أبالي

ياحيدر الكرار
گلبي أشتعل بالنار
ظلمك أبد ما صار
يابوي يالغالي

شال الفرح عني
راح الأبو مني
صار الحزن فني
ياراسي العالي

گرب علينة العيد
نار الگلب متهيد
بعده العمر ماريد
ضل بالحزن حالي

وسفة يضربونة
وما يهابونة
تنعاه المحزونة
محرابة ضل خالي

أگعد يواليهة
لزينب وحاچيهة
وصيتمن بيهة
أعليك الدمع هالي

♧♧♧♧♧♧♧♧♧♧♧

الحاجة أم محمد الكناني
أنين الزهراء عليها الجزء الرابع

https://www.tg-me.com/ALHUSSEN_M