جلوة بدون لطم للزهراء عليها السلام
طور ( يمة أنة زينب عدمن تخليني ) للخطيب ملا سعيد المعاتيق

يايمة يازهرة زينب تناديلچ
حضريني يمة أبساع يالوالدة وينچ
يايمة يايمة يايمة يايمة

🌼🌼🌼🌼🌼🌼🌼🌼

يمة أنة زينب ردتچ تسمعيني
مهضومة أفز بالليل گعدي وحاچيني
صار العتب وياچ وحدي تخليني
أبقى يتيمة أشلون منهو اليباريني
أغيابچ صعب يمة فرگاچ ياذيني
أتمنى دوم أوياي يالغالية وينچ
يايمة يازهرة زينب تناديلچ

دار الزچية ليش ظلّام حرگوهة
والزهرة بالحايط والباب عصروهة
والعين حمرة أشلون عالوجه ضربوهة
تبچي وتون وأتنوح ياوسفة خلوهة
بت النبي المختار الزهرة ظلموهة
يمة الجرة والصار ريت الله أيعينچ
يايمة يازهرة زينب تناديلچ

أنحب أبعالي الصوت لا ما نمت ليلي
ولمصيبتچ يمة والله أنهدم حيلي
وأعلة الزچية أمي يادمعتي سيلي
زهرة الضلع مكسور بالباب ياويلي
محسن سگط وأتصيح يافصة الحگيلي
ضليت أون وأنحب يمة على أونينچ
يايمة يازهرة زينب تناديلچ

من زغري مهضومة قاسي الزمن وياي
ضيم وقهر وأحزان هذا سهم دنياي
عگب أمي الزهرة زادن عليّ بلواي
أبقى حزينة دوم منهة أنگطع رجواي
أگضي العمر بالنوح من دم تهل عيناي
يمة القدر فارك ما بيني وبينچ
يايمة يازهرة زينب تناديلچ

🌼🌼🌼🌼🌼🌼🌼🌼

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للزهراء عليها السلام

آه يازهراء مكسورة الضلع
زينب أبعبراتهة تجري الدمع

🌸🌸🌸🌸🌸🌸🌸🌸

أتنادي أمي فاطمة ظلموهة
دارهة أبنار العدة حرگوهة
هاي بت المصطفى فجعوهة
والعدة عن الأذى ما يمتنع

من ورة الباب عصروهة عصر
نبتو بسمار ويلي بالصدر
والضلع ويلاه ياحيف أنكسر
وين صار أبيا شريعة هالوضع

سگط منهة المحسن وهاج الألم
آه واويلاه والحيل أنهدم
وهذا جرحچ فاطمة لا ما يلم
وهالرزية للأبد ما تنجرع

فجعت الأكوان والله أمصيبتچ
وهاجت الأحزان زهرة لدمعتچ
بت رسول الله تهضم حالتچ
أنتي باب المعرفة ونورچ يشع

ماكو مثل أمصيبتچ يافاطمة
من أثر كسر الضلع أمألمة
بالحزن والنوح حمّاي الحمة
كل محب ينعاچ وكل من سمع

🌸🌸🌸🌸🌸🌸🌸

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للزهراء عليها السلام

عالزهراء وين اللي تواسيني

🌺🌺🌺🌺🌺🌺🌺🌺

أنة زينب وأصيح أبصوت يايمة
گلبي زاد يمة أبلوعتچ هضمة
وعين الما تشوفچ ريتهة تعمة
أنتي الماشية وعدمن تخليني

أدك أعلة الصدر من لوعة أمصابچ
النار أشلون شبت وأحرگت بابچ
والبسمار كسّر ضلعچ وصابچ
وناديتي أعلة فضة أبساع أسنديني

للكسرو ضلعهة منهدم حيلي
أون الليل كله وما نمت ليلي
يادمعة أعيوني بالحزن سيلي
من بعدچ يزهرة من يباريني

وين أمي الحنينة الغالية شالت
عافتني يتيمة أزغيرة أشگالت
يايمة أشلون بية الفرگة لو طالت
أضل أنحب وأنوح ودم تهل عيني

ودعتچ ييمة يابعد روحي
ياأم المحنة وبلسم أجروحي
حزني أعليچ ما يبطل ولا نوحي
وأضل بحسرتي أنعاچ وونيني

🌺🌺🌺🌺🌺🌺🌺🌺

الحاجة أم محمد الكناني
أنين الزهراء عليها السلام الجزء الثالث


https://www.tg-me.com/ALHUSSEN_M

قصيدة للزهراء عليها السلام
طور ( دنيا ما بيهة بس هم وقهر ) ملا باسم

يمة زينب تون يافاطمة يمة
الضلع ضل ينزف دمة يمة
هاجت أجروح أمألمة يمة

■■■■■■■■■■■

أبدارچ النيران شبت يازچية
أگبال عيني وأنظر الهة

آه يالوعة الباب وياهضيمة
ودمعة أمي دم تهلهة

محسن بالعصرة من أمي سگط محسن
تصرخ وآه ومحد الهة أيحن
وأطفالچ أحنة بالهضم يمة


أشلون يايمة مشيتي ورحتي عني
صعب فرگاچ ياحنينة

أذكر أمصابچ وأنوحن يازچية
وأحن وأشتاك ياحزينة

بالباب ضلعچ تكسّر فاطمة بالباب
بسمار ياوسفة الصدر ينصاب
وأشلون هذا اللي جرة يمة


شيعو نعشچ ييمة بليل أظلم
ودعيناه أبدمع جاري

يصعب أفراگچ علينةوأبقى أنعاچ
ليلي كله وي نهاري

بدموع شيعنة نعشچ فاطمة بدموع
والگلب والله لفرگتچ مفجوع
هيهات ننسى أمصيبتچ يمة


أشگد ليالي أتمر علينة يمة صعبة
عگب عيناچ سهرتني

وأحمل أهموم أبأثرهة وأذكر أرباچ‌
والمصايب لوعتني

خالي يمة مكانچ للأسف خالي
بالحزن آنة ومنهضم حالي
هيهات يجمعنة الشمل يمة


■■■■■■■■■■■

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للزهراء عليها السلام

يمة يازهراء يا أم الحسن
هدمت حيلي الرزايا والمحن
يمة يزهراء يمة يزهراء

🌺🌺🌺🌺🌺🌺🌺🌺

يمة يازهرة عظيم أمصابچ
شفت بعيوني حرگو بابچ
أشلون يايمة النذل ما هابچ
الضلوع أمن العصر أتكسرن
يمة يزهراء يمة يزهراء

أذكر أمصابچ ييمة فاطمة
العين حمرة والوجه ينزف دمة
أبدارچ النيران شبت حاطمة
وأحنة أطفالچ على أمصابچ نون
يمة يزهراء يمة يزهراء

يمة بسمار الضلع ياويلي
أسمع أونينچ يهدم حيلي
صحتي فضة بالعجل لحگيلي
هالمصايب والرزايا ما جرن
يمة يزهراء يمة يزهراء

بليل أظلم يمة نعشچ شيعوه
أتنوح أحبابچ أبحسرة ودعوه
وسفة طولچ غاب يمة وما لگوه
أعيوني يمة لغيبتچ يتهاملن
يمة يزهراء يمة يزهراء

عيني يايمة أبجفاچ أمساهرة
وأبقى طول العمر آنة أمرمرة
وآه يايمة الزچية الطاهرة
من بعد عيناچ صرت أم الحزن
يمة يزهراء يمة يزهراء

🌺🌺🌺🌺🌺🌺🌺🌺

الحاجة أم محمد الكناني
أنين الزهراء عليها السلام الجزء الثالث


https://www.tg-me.com/ALHUSSEN_M

قصيدة للزهراء عليها السلام

الدار ظلمة وموحشة يمة علية
خالي مكانچ ياحنينة يازچية

■■■■■■■■■■■

جيت لمكانچ ياحنينة ولنة خالي
أنحب وأنوح لفرگتچ والدمع هالي
وأبصوت گمت أصرخ يالحبيبة تعالي
منهو عگب عينچ ييمة أيضل ألية

ضلت مظلمة وموحشة يايمة الدار
ويلاه يمصاب الجرى وأشتعلت النار
بالباب عصروچ ونبت صدرچ البسمار
وصحتي يفضة بالعجل لحگي علينة

أنحب وأنوح وما نمت يايمة ليلي
رحتي ييمة أبغيبتچ هديتي حيلي
ضليت مهضومة ويتيمة يمة ويلي
الدار يمة أبغيبتچ وحشة وخلية

طالت ييمة غيبتچ وآنة وحيدة
مهضومة وأبعبرة أون وأنتي بعيدة
أذكر أيام اللي گضت والهم أزيدة
هيهات لمتنة ترد يمة سوية

ياريت يندار القدر وأيردچ النة
ونرجع بگعدتنة سوة وننسى الونة
ما ينشبع من شوفتچ يم المحنة
الوالدة وية البنت گعدة هنية

■■■■■■■■■■■

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

قصيدة ثگيلة للزهراء عليها السلام

ريض بالنعش خليني أودعنة
وأعلة الوالدة الحسرة والونة

●▪︎●▪︎●▪︎●▪︎●▪︎●

ريض بالنعش يالشايلة بهالليل
أنحب يالحنينة والدموع أتسيل
أفراك الوالدة يعمي ويهد الحيل
وين أتريد أمنة حملت عنة

يالشلت النعش خليني أحاچيهة
هاي الوالدة ياويلي أعليهة
أصيح أبصوت أمي وين ألاگيهة
حنان الوالدة ما ينشبع منة

أريد أگعد وية أمي وأرد أعاتبهة
أشلون أحمل هضمهة وكل مصايبهة
آنة بالشدايد أمي أندبهة
وحضن أمي الحنينة اليوم أريدنة

أودعچ يالحنينة وحالتي حالة
والدمعة لمصابچ دوم سيالة
أشلون اليفگد أمه النوم يهنالة
ما يسوة العمر ما بعد يتهنة

مكسورة ضلع راحت تون زهرة
الله ياهضيمة حيدر وصبرة
ينحب عالزچية ويبچي أبعبرة
اليوم أمن الزچية نگطع الضنة

●▪︎●▪︎●▪︎●▪︎●▪︎●

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

فزاعية للكاظم عليه السلام

ياويلي يالمسموم تفجع ونته

&&&&&&&&&&&&&&&&&

ظلمة السجن ياويل
أمگيد بزنجيل
منه الدمه أيسيل
أنهدم منه الحيل

يالكاظم المسجون
يهتز أله الكون
أبنه الرضا محزون
أتهل دمه العيون

يالكاظم أشحاله
عالجسر من شاله
ومنهو التدناله
أمفارك أعياله

أتنوح معصومة
ياوالدي ويومه
لمصابه مهضومة
من جابو أعلومة

وين اليشيعونة
وأهله يحضرونة
بالحزن ينعونة
بالهم يودعونة

أحبابه خل تنعاه
بالسم گضه ويلاه
ياوسفة فارگناه
المثله ما نلگاه

&&&&&&&&&&&&&&&&&

الحاجة أم محمد الكناني
أنين الزهراء عليها الجزء السابع

https://www.tg-me.com/ALHUSSEN_M

فزاعية للكاظم عليه السلام

متعنية جيت أنخاك موسى الكاظم

■■■■■■■■■■■

من أوصل الحضرة
أشكيلك أبعبرة
أبجاه أمك الزهرة
نار الگلب تبرة

اللطم على أمصابك
من أوصل لبابك
ما خاب طلابك
يالتكرم أحبابك

ياويلي يالمسموم
أيگصدك المهموم
منك يريد اليوم
يسمع خبر معلوم

أنخاك مهضومة
وأبعلتي مالومة
أبجاه معصومة
وحك الرضا ويومه

أنخاك يامولاي
أشكي هضم دنياي
من علتي وبلواي
أنت أمل رجواي

بالشدة أندبنك
بالزهرة أحلفنك
تكرم وأعرفنك
كل حاجتي منك
( تگضيهة حاجات أحبابك )

■■■■■■■■■■■

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

فزاعية للكاظم عليه السلام

الكاظم يحضر ويانة بالشدات

■□■□■□■□■□■

الكاظم تعرفونة
يحضر لليندبونة
أحبابه أيتعنونة
هو لكل محب عونة

أتعرفونة أبو الكلفة
بأمه الزهرة أنحلفة
يحضر والله أنعرفة
مرهم للصدر يشفة

ينطي أمراد من أيدة
يكرم والعطا أيزيدة
وحك حسين وأعضيدة
دوم ويانة أنريدة

نبچي ونذكر أمصابه
نمشي ونوصل لبابه
أبلوعة أنقبل أعتابه
تنحب لجله أحبابه

أنون أعلة الگضة مسموم
من أهله بسجن محروم
فارك دنيته مظلوم
ضل أبنه الرضا مالوم

أحاه يالكاظم ويومه
وضلت بته مهضومة
الله أيعين معصومة
أعلة الوالي مالومة
( أيهد الحيل أمصابك يمسموم )

■□■□■□■□■□■

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

قصيدة للعباس عليه السلام
طور ( ليلة وحدة لو تضل ليلة وحدة ) ملا باسم

يابو فاضل يالولي يابو فاضل
أنت كافل بت علي أنت كافل
آنة أمك يبني أگلك أبد لا تنسى الوعد

●□●□●□●○●○●

يبني أبوك أبيوم رادك ضمك لهالساعة
يللي تحمل كل صفاته ويللي بيك أطباعة
آنة رضٌعتك وفة وأنت كلك طاعة
هذا يوم الطف أجانة وگوم شيل أوجاعة
يا أملنة ياشهم يا أملنة
يافخرنة والعزم يافخرنة
أنت كافل يابو فاضل يا أملنة والسند
أنة أمك يبني أگلك أبد لا تنسى الوعد


يبو فاضل هاي زينب أختك وأنت كفيل
يبني حط عينك عليهة ولا تخلي أحد يعيل
كربلة كلهة مصايب والدمع بيهة يسيل
أنت يبني سند زينب وأنت للتايه دليل
يبني أختك والخدر يبني أختك
آنة ردتك للذخر آنة ردتك
هاي أختك على بختك عنهة أبد لا تبتعد
آنة أمك يبني أگلك أبد لا تنسى الوعد


لا تخلي أختك غريبة ولا تضل أبحيرة
صعبة يبني أبغير والي من تروح أيسيرة
أشلون يبني وبضعنهة من تروح أيسيرة
ما أضن تقبل أبهاي وأنت كلك غيرة
أفدي روحك للأهل أفدي روحك
ضم جروحك يابطل ضم جروحك
أخذ ثارك طفي نارك أمرد أعداكم مرد
أنة أمك يبني أگلك أبد لا تنسى الوعد


أحضر لزينب يخوهة من تنادي وتندبك
عالعهد وياهة أبقى من تريد وتطلبك
شهم وأدري أتغير يبني بالشدايد أعرفك
قدم أچفوفك وعينك لا تقصر عن هلك
للزچية خدمتك للزچية
مو الية رجعتك مو الية
هذا دربك أرضي ربك أبد لا ترجع بعد
آنة أمك يبني أگلك أبد لا تنسى الوعد

●□●□●□●□●□●

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة ليوم العاشر
طور ( أمودع الله وبالسلام ) قصائد للرادود عمار الكناني لإستشهاد محمد بن علي الهادي سبع الدجيل ( ع )

يامصايب كربلة يافجيعة ويا بلة
آه ينبلة حرملة وأشحال زينب

■♤■♤■♤■♤■♤■

كربلة يم المصايب چم فجيعة اللي جرت
حرملة چم نبلة بيده بالگلب نار أسعرت
حرملة أول أصوابه أبعين عباس وطفت
لطمت الخدين زينب على أخوهة من درت
هالمصاب أشگد صعب زينب المدمع يصب
آه ينبلة حرملة وأشحال زينب


وهذا عبدالله الرضيع حسين جابه ولأمر
صاح هذا الطفل ضامي أمن العطش ما ضل صبر
حرملة أبنبلة سگاه وحز وريده أمن النحر
شافته زينب وصاحت الطفل هذا أنغدر
شنو ذنبه هالطفل ينگطع نحره أبنبل
آه ينبلة حرملة وأشحال زينب


حرملة رديت تالي وآه ياعظم المصاب
صوبت أبن الزچية ينزف ودمه خضاب
سهم المثلث أبصدره حسين مرمي عالتراب
يافجيعة حال زينب حرملة وياك العتاب
ياجرم تدري جنيت جائزة شنهي خذيت
آه ينبلة حرملة وأشحال زينب

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الرابع


https://www.tg-me.com/ALHUSSEN_M

قصيدة لزيد بن علي عليه السلام
طور (سمعي يمة فاطمة سمعي يامظلومة) ملا أحمد الباوي



نوحو ياشيعة علي واسو أمه فاطمة
عالنخل مصلوب زيد وراسه مكطوع
_______________
هذا زيد أبن علي أبن سيد المرسلين
قاد ثورة وفاز بيهة مثل جده الحسين
ثار في وجه الطغاة وهذا صوت الثائرين
أبد ما خاف العدة نهجه نهج الناصرين
ينصر الحق والعدل يدحر الطاغي النذل
فده دمه بالشهادة وراسه مرفوع
_______________
رفع راية علي بأيده وسيفه الصارم
للظلم هيهات يخضع حارب وقاوم
صرخة الحق ثار بيهة بوجه كل ظالم
أبد مايرضى الهزيمة ولا رضى أيساوم
هذا زيد أبن علي صرخة للحق يعتلي
يبقى ثورة للنداء وصوته مسموع
_______________
ماخذ القوة وعزيمة من عزم حيدر
وهذا درس حسين عنده للظلم يثأر
سهلة عنده لجل دينه أيقدم المنحر
المهم راية محمد بالعدل تنشر
أنطه بالثورة دروس على كل طاغي ندوس
على درب حسين ساير ماكو مرجوع
_______________
أنصلب عالنخلة تالي وأنكتب زيد الشهيد
مثل جده بصوت صاح لا ولا نبقى عبيد
أنفصل عن جسمه راسه مثل ما يفعل يزيد
ثبت أبدمه الشهادة وينتضر يوم الوعيد
هو عنوان الصبر ثورة ضد أهل الغدر
التضحية لجل العقيدة نهج مشروع


_______________
الحاجة أم محمد الكناني
أنين الزهراء (عليها السلام)
الجزء الرابع

https://www.tg-me.com/ALHUSSEN_M

قصيدة للأربعين
طور ( آني رايح للبقيع أشعل شمع ) ملا أياد النصراوي


آني جيتك يبو فاضل يالولي
وأعتنيتك خوية گوم أنهض الي
خوية چنة أميسرين گوم لية يالحنين

●¤●¤●¤●¤●¤●

جيت خوية زينب آنة الهاشمية
جيت من رحلة عذاب الغاضرية
يبو فاضل تدري چنت آنة سبية
أتحملت خوية المصايب والأذية
أمن المصايب حيلي ياخوية أنهدم
گلبي ذايب ودمعتي من عيني دم
حسرتي نوح وأنين گوم لية يالحنين

تدري خوية وياك محلاته العمر
وتدري خوية أبشوفتك يحلة النظر
شوف تالي أشسوة وياي القدر
أخلاف عينك خوية يسبيني الشمر
ظلمة صارت عگب عينك دنيتي
دنيا جارت وحدي آنة أبغربتي
گلبي مهموم وحزين گوم لية يالحنين

ريت خوية وياك أرجع من جديد
وهذا گلبي أمن الألم بلكت يهيد
وأنسى لوعة كربلة ولوعة يزيد
وأنسى گيدي بالسلاسل والحديد
أگعد وياك حلم هذا مستحيل
نار فرگاك تسعر ودمي يسيل
ياكفيلي والمعين گوم لية يالحنين

گوم خوية وياي ردني للوطن
تدري بية هدمت حيلي المحن
يبو فاضل گوم باريلي الضعن
ونرجع آنة وياك وأنعيد الزمن
ياكفيلي مني أبد لا تعتذر
يادليلي أتحملت ياما صبر
گوم وأنطيني الأدين گوم لية يالحنين

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزءالسادس


https://www.tg-me.com/ALHUSSEN_M

طور سيد فاقد تلكيني يزينب حيل ما بية

لسان حال أم البنين (ع) توصي أبنها العباس (ع)

عباس عباس لا تنساهة يبني هاي الوصية
عباس عباس كبل حسين لا لا تشرب أمية
عباس عباس يبني كون أريدك لا ترد لية
أعيونك وأديك كون تنطيهن كون تنطيهن
لأبن الزجية يبني أهديهن يبني أهديهن
يبو فاضل يبو فاضل
يبو فاضل يبو فاضل

يبني يبني هذا حسين وأمه فاطمة الزهرة
يبني يبني أريدك بالشدايد عندة وأتحضرة
يبني يبني لحضة لا تقصر عنه بالنضرة
من يلتفت أنت أكبالة أنت أكبالة
وأبشوفتك يبتشر حالة يبتشر حالة
يبو فاضل يبو فاضل
يبو فاضل يبو فاضل

تدري تدري يبني لكربلة وهاليوم ذاخرتك
تدري تدري رفعة راس يبني آنة رايدتك
تدري تدري خادم للحسين وللعقيلة أختك
أختك ييمة عينك أعليهة عينك أعليهة
كافلهة أنت أبروحك أفديهة أبروحك أفديهة
بيو فاضل يبو فاضل
يبو فاضل يبو فاضل

أوصيك أوصيك زينب الغريبة لا أتخليهة
أوصيك أوصيك بين الغرب والظلام توليهة
أوصيك أوصيك أذكر وأمك آنة أشوصت أعليهة
زينب أمانة وياك يوليدي وياك يوليدي
يهلال عمري وياكمر عيدي ياكمر عيدي
يبو فاضل يبو فاضل
يبو فاضل يبو فاضل

&&&&&&&&&&&&&&&&&
الحاجة أم محمد الكناني
وأم روكان الشمري
ديوان مآسي العترة الجزء الثاني

قناة الشاعرة الحاجة أم محمد الكناني
قناة لنشر القصائد الحسينية
https://www.tg-me.com/ALHUSSEN_M

قصيدة للعباس عليه السلام
طور ( دخيلك يمسلم ) ملا نصير الكربلائي

يعباس يعباس
الك يوم أبكربلة

●▪︎● ▪︎●▪︎●▪︎●▪︎●

يبني ياعباس أگعد أرد أسولف وأستمع
وأكتب أوصيتي ييمة كون أريدك بالدمع
ياشهم يالبيك نخوة شبل كرار السبع
كون أريدك لبو اليمة تحترك مثل الشمع
يعباس يعباس يبني راعي المرجلة
يعباس يعباس الك يوم أبكربلة


كربلة يبني أتاني بيهة شد أحزامك
أقرة عالدنيا السلام وبيهة ودع أيامك
نضرة أعيونك تحارب من يگف جدامك
تحصد أجيوش الأعادي يبني أبصمصامك
يعباس يعباس أمجرب وبالمعضلة
يعباس يعباس الك يوم أبكربلة


أبكربلة يبني أريدك لو نزلت الحومة
أتصيح يبني أبعلو صوتك هذا وعدي ويومه
لا تخلي أختك حزينة ولا تضل مالومة
من تشوفك سند الهة ما تضل مهمومة
يعباس يعباس ياكفيل العايلة
يعباس يعباس الك يوم أبكربلة


حسين أريدة من يشوفك يفتخر بأفعالك
ويرتفع راس العقيلة بغيرتك هنيالك
مثل حيدر بالشدايد للعدة زلزالك
من تغير الريح توگف لو عبر خيالك
يعباس يعباس رهبة أنت وزلزلة
يعباس يعباس الك يوم أبكربلة


أنت ياضرغام يمة للعقيلة أنت سند
التزم هاي الوصية والتزم هذا الوعد
لا تضوك الماي يبني وأبقى ضامي للأبد
حتى لو گطعو أزنودك وأضربو راسك عمد
يعباس يعباس أمقدر أعلينة البلة
يعباس يعباس الك يوم أبكربلة

●▪︎●▪︎●▪︎●▪︎●▪︎●

الحاجة أم محمد الكناني أنين الزهراء عليها السلام الجزء الثامن

https://www.tg-me.com/ALHUSSEN_M

قصيدة للقاسم أبن الكاظم عليه السلام
طور ( أشوفنك المهدي وطال الغياب ) ملا عمار الكناني

على أمصاب الغريب أتهل العيون العيون
لأبن الكاظم أحبابه ينوحون ينوحون
نواسيهة الزچية ننصبهة عزية

●□●□●□●□●□●

نواسيهة الزچية أبهذا المصاب
لوداع الغريب أتنوح الأحباب
ما حضرو هلة وأتشيعة الأغراب
هذا أبن النبي ونسل الأطياب
مناحة وية الزچية نحضر اليوم اليوم
نون أعلة الغريب العاش محروم محروم
نواسيهة الزچية ننصبهة عزية


عاش أبغربة وأهله عنه أبعاد
ما يحلاله نوم ولا هني الزاد
أبن موسى بن جعفر باب المراد
عزاه يتجدد وكل عام ينعاد
بتّه فاطمة أتنوح لمصابه لمصابه
مهضومة عليه يهضم غيابه غيابه
نواسيهة الزچية ننصبهة عزية


ضلت بتّه من بعده أبحيرة
تناشد عن أبوهة اليا عشيرة
أبوهة الهاشمي وهية أميرة
حسرتهة بقت ويلي چبيرة
ردت فاطمة لبيت الأحزان الأحزان
لدار الزچية أبگلب حزنان حزنان
نواسيهة الزچية ننصبهة عزية


اليوم الغريب أبگبته أنطوف
ضريحة صار تتعناه الضيوف
اليطلب حاجته وأبگلب ملهوف
القاسم كريم أبجودة معروف
ميرد الطلب كلمن تعناه تعناه
أبن الكاظم أيجود أبعطاياه أبعطاياه
نواسيهة الزچية ننصبهة عزية

●□●□●□●□●□●

الحاجة أم محمد الكناني
أنين الزهراء عليها السلام الجزء الثامن

https://www.tg-me.com/ALHUSSEN_M

قصيدة للحسن الزكي عليه السلام
طور ( فارگتنة ياعلي ) ملا باسم

آه يايوم الحسن وأمصابه
أتنوح ضلت شيعته وأحبابه
مسموم آه يالحسن
مظلوم آه يالحسن

●□●□●□●□●□●

اليوم مسموم الحسن والينة
شيعوهة أجنازتهة أمودعينة
كل محب ينعاه وتدمع عينة
أفراگه يصعب عالمحب وأغيابه
مسموم آه بالحسن
مظلوم آه يالحسن

الحسن ياناس سمو چبدته
ياكريم البيت تفجع ونته
هدمت كل حيل والله أمصيبته
ونار تسعر بالگلب لهابة
مسموم آه بالحسن
مظلوم آه بالحسن

بالطشت چبدته ويلي أمگطعة
الحسن مسموم أكبر فاجعة
وين اليعازيه ويهمل مدمعة
أبن الزچية والعدة ما هابه
مسموم آه يالحسن
مظلوم آه يالحسن

ياكريم البيت يابحر العلم
نعشه واويلاه ينصاب أبسهم
نبقى ننعى أمصيبته نوح وألم
يبچي والله لفرگته محرابة
مسموم آه بالحسن
مظلوم آه بالحسن

بالمناحة زينب ومهضومة
عاللمصاب اللي جرة مالومة
أتنوح خوية يالحسن يايومه
والكريم أشلون أيسد بابه
مسموم آه بالحسن
مظلوم آه بالحسن

●□●□●□●□●□●

الحاجة أم محمد الكناني
أنين الزهراء عليها السلام الجزء السابع


https://www.tg-me.com/ALHUSSEN_M

ندبة للمهدي عجل الله فرجه الشريف لحفظ مرقد السيدة زينب عليها السلام
طور ( لا لا تطفوهة ناري ونار الوداع ) ملا باسم

وينك يبو صالح تدري أبهاي الأوضاع
زينب أخت عباس منك تطلب الثار
وينك شوف اللي جرة
أنهض يابن حيدرة تطلب الثار

■♧■♧■♧■♧■♧■

آه يازينب وحالتهة وهضمهة
الهسة تصرخ يبو صالح من المهة
حتى حضرتهة أعداكم ما رحمهة
أيريد محد يوصل الهة ويشكي يمهة

بالمرقد وزينب تدري حاربوهة
رجعو عليهة أبسوط گامو يضربوهة
زينب هاي أمخدرة
أنهض يابن حيدرة تطلب الثار


تدري بأحقاد النواصب ما يبطلون
ذولة أحفاد السقيفة وما يرحمون
وهذا ومرقد بت علي رادو يفجرون
لأن زينب روت حسين أمن العيون

زينب سهم صارت بگلوب النواصب
ضلت أخت عباس بأعداكم تحارب
تدري بزينب صابرة
أنهض يابن حيدرة تطلب الثار


بقت زينب صابرة عالصار بيهة
ما تطخ الراس لو شامت يجيهة
ضل علم عباس مرفوع بأديهة
وهذا خلة الناصبي حاقد عليهة

ضلت أخت عباس بلسم هاي الجروح
لمن بقت أطفال تصرخ يمهة وأتنوح
الليل كله أمساهرة
أنهض يابن حيدرة تطلب الثار


صبر زينب يبو صالح النة عنوان
أبيوتنة أمن الحزن صارت بيت الأحزان
حبنة الكم للنواصب صار بركان
أشما يفجر بالنتيجة هو خسران

وي زينب أحنة أنصير نصبر عالنوايب
واللي يعادينة طول العمر خايب
أحباب كلهة أمناصرة
أنهض يابن حيدرة تطلب الثار

■♧■♧■♧■♧■♧■

الحاجة أم محمد الكناني
أنين الزهراء عليها السلام الجزء الثالث


https://www.tg-me.com/ALHUSSEN_M