فزاعية للزهراء عليها السلام

يافاطمة الزهرة يامظلومة

&&&&&&&&&&&&&&&&&

عصروچ خلف الباب
صدرچ يويلي أنصاب
تبچي عليچ أحباب
زينب وچلثومة

زينب تناديلچ
يالوالدة وينچ
يالطايح أجنينچ
وأعليه مهضومة

ياضلعچ وكسرة
وحسين شيصبرة
يبچيلچ أبعبرة
عالصدر وورومة

زينب عليچ أتنوح
عگبچ لوين أتروح
أنتي الأمل والروح
ياوسفة محرومة

يالوعة أمصابچ
ياطولت أغيابچ
فگدوچ أحبابچ
وأعليچ مالومة

بت النبي الهادي
أمصابچ فلا سادي
وياچ وأنّادي
هالعملة ميشومة

يادمعة أعيونچ
وسفة يضربونچ
وأمورمة أمتونچ
ما بيچ عالگومة

زينب تجر أونين
وية حسن وحسين
وأعليچ مهضومين
هالقسمة محتومة

&&&&&&&&&&&&&&&&&

الحاجة أم محمد الكناني
أنين الزهراء عليها الجزء الأول

https://www.tg-me.com/ALHUSSEN_M

قصيدة حماسية للزهراء عليها السلام
طور ( خدام )

زينب زينب ودعت أمهة الليلة

●¤●¤●¤●¤●¤●¤●

ويلي عالزهراء وأعلة أمصابهة
ضيعوهة للأسف أحبابهة
صعب وأيطول الزمن بغيابهة
ليش ياوسفة العدة ما هابهة
وأهناك أهناك يوم الحشر ياويلة

بقت زينب تنتحب تبچي وتلوع
عاينت للزهرة مكسورة الضلوع
ودعت أمهة وهيهات الرجوع
وعلى فرگة الوالدة تجري الدموع
آهات آهات زينب دمعهة أتسيلة

وحشة هاي الدار عگبچ فاطمة
زينب أعلة الراس تصرخ لاطمة
ليش أضلاع الزچية أمهشمة
وعلى سگط أجنينهة متألمة
لله لله هم الجرة تشكيلة

آه يفراك الزچية ونارهة
ويلي العدوان حرگو دارهة
من مشت ضلت تنوح أزغارهة
وين عنهة النبي أيشوف أخبارهة
زينب زينب همهة ياهو أيشيلة

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الأول
https://www.tg-me.com/ALHUSSEN_M

قصيدة حماسية للزهراء عليها السلام

لمن هذا النعش في الليل يسير
وعليه قد جرى دمع الأمير
إنه نعش البتول إنه نعش البتول

■□■□■□■□■□■

ليل أظلم من مشة نعش البتول
حايرة زينب وما تدري شتگول
تبچي وسط البيت حيرانة وتجول
فاگدة الزهراء والمدمع سيول

ليش هذا اللي جرة عالبتول الطاهرة
ليل أظلم من سرة والمحب بيه ما درة
إنه نعش البتول إنه نعش البتول


وصت الزهراء وگالت ياعلي
خلي نعشي بليل يمشي بالخلي
وما أريد أوياه يحضر عاذلي
ولا تضن وياه ثاري ينجلي

من كسر ضلع البتول لا حياء ولا خجول
والجرة عگب الرسول والحزن يبقى يطول
إنه نعش البتول إنه نعش البتول


آه يالزهراء آه يمصابهة
يوم حرگو نارهم يم بابهة
گام وأعصرهة العدو وما هابهة
وسگطو أجنينهة أعلة أعتابهة

گامت لفضة تصيح گلب موجوع وجريح
سگّطو محسن ذبيح منو الهمهة يزيح
إنه نعش البتول إنه نعش البتول


اليوم نعش الزهرة سار أودعوه
وبظلام الليل ياوسفة خذوه
وسفة غدروه العدة وما رعوه
وبقت زينب تنتحب من شيعوه

زينب أتنادي وتگول خل يضل دمعي سيول
وآه ياحزني اليطول آه يانعش البتول
إنه نعش البتول إنه نعش البتول

■□■□■□■□■□■

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة حماسية للزهراء عليها السلام

على ضلع الزچية وعصرة المحسن
خل العين تبچي والگلب يحزن
واويلاه يزهراء واويلاه يزهراء

■□■□■□■□■□■

شنو ذنب الزچية وهيچي حالتهة
يذوب الصخر والله لجل ونتهة
الضلع مكسور ويلي أثر عصرتهة
وبنات الزهرة مهضومات وأيونن
واويلاه يزهراء واويلاه يزهراء

غفت عين الرسول وعادو الزهرة
بالباب أعصروهة وبالوجه سطرة
ومحسن سگطوهة وهاجت العبرة
دموع الزهرة سالن من دمة هلن
واويلاه يزهراء واويلاه يزهراء

حرگو دارهة بت النبي المختار
وعليهة الگوم فزعت زمرة الأشرار
تعدو عالزچية وگادو الكرار
وزينب عالمصيبة أدموعهة يجرن
واويلاه يزهراء واويلاه يزهراء

ليش أبليل الأظلم وسفة دفنوهة
وغاب الگبر ويلي عاليحبوهة
فجيعة وللقيامة أشلون ينسوهة
ثارك يبو صالح گوم بيه أعلن
واويلاه يزهراء واويلاه يزهراء

أحباب الزچية كلهة مالومة
تصيح أبصوت عالي الزهرة مظلومة
تون لهل مصاب أبحرگة مهضومة
والعيون لمصاب الزهرة خل يعمن
واويلاه يزهراء واويلاه يزهراء

■□■□■□■□■□■

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة للزهراء عليها السلام
طور ملا باسم ( على العباس آهاتي )

على الزهراء تعازينة على الزهراء
على الزهراء بواچينة على الزهراء
بمصيبة فاطمة الزهرة
ننوح ونبچي بالعبرة

□■□■□■□■□■□

ننوح اليوم عالزهرة ومصيبتهة
أبد بالكون ما صارت هضيمتهة
تهد أجبال واويلاه ونتهة
يون وأينوح كلمن شاف حالتهة
تنوح اليوم أحبابچ تنوح اليوم
تنوح اليوم لمصابچ تنوح اليوم
وضلت بالگلب جمرة ننوح ونبچي بالعبرة

يم دار الزچية أشلون شبت نار
عالباب أدفعوهة وبالصدر بسمار
هاي الزهرة والدهة النبي المختار
هاي أم الحسن زوجة علي الكرار
ألم وأحزان خل ننحب ألم وأحزان
ألم وأحزان وي زينب ألم وأحزان
نون للباب والعصرة ننوح ونبچي بالعبرة

بين الباب والحايط يعصروهة
هضيمة أعلة الزچية من يسگطوهة
محسن طاح منهة وبيه فجعوهة
حمرة العين تهل ياوسفة ضربوهة
ضلع مكسور ياذيهة ضلع مكسور
ضلع مكسور چاويهة ضلع مكسور
لضلعچ فاطمة وكسرة ننوح ونبچي بالعبرة

مصابچ فاطمة طول العمر ننعاه
محسن والضلع هيهات ما ننساه
نضل نصرخ على أحزانچ واويلاه
بقى حتى الگبر ضايع ولا زرناه
نون أعليچ مظلومة نون أعليچ
نون أعليچ مهضومة نون أعليچ
عزائچ دوماً أنحضرة ننوح ونبچي بالعبرة

□■□■□■□■□■□

الحاجة أم محمد الكناني
أنين الزهراء عليها السلام الجزء السادس
https://www.tg-me.com/ALHUSSEN_M

قصيدة للزهراء عليها السلام

دگي أعلة الصدر هاي أم الحسين
على الزهرة الزچية من تونين

♤♤♤♤♤♤♤♤♤♤♤

خل ننصب عزة للحاربوهة
بالبسمار والباب أعصروهة
شبو نار والدار أحرگوهة
ضربوهة أعلة خدهة وتهمل العين

محسن سگط منهة وطاح بالگاع
زهرة أشلون حالچ يم الأسباع
گبرچ وين نلگاه للأسف ضاع
لو رادو يزورونچ محبين

ويلي أعلة الزچیة وياهضمهة
طول الليل ما هوّد ألمهة
ما صار وسدة هذا ظلمهة
لمصاب الزچية أحنة محزنين

الله أيعين زينب رحتي عنهة
ولفرگاچ زاد أعليچ ونهة
أزغيرة والمصايب لوعنّهة
من يبرة اليتامى من تبعدين

زينب حايرة عگب الزجية
ضلت دارهة وحشة وخلية
تنعى أمهة المشت صبح ومسية
تبچي وصارخة أمي مشت وين

زيدي النوح للكسرو ضلعهة
بعدهة عالولي ما جف دمعهة
هاي الزاچية الحلوة طبعهة
تنطي أبساع لو منهة تطلبين

♤♤♤♤♤♤♤♤♤♤♤

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للزهراء عليها السلام
طور ( وين زواري ) ملا حيدر الصغير

وين أحبابي تسمع أعتابي
مظلومة آنة فاطمة ذكرو أمصابي

¥*¥*¥*¥*¥*¥*¥*¥*¥*¥*¥*¥

ذكرو أمصابي نصبولي عزية
وصيحو آه يمصاب الزجية
أون ونات مفجوعة وخفية
من يوم العدة هجمو علية
أتعدو العدوان شبو النيران
النار ويلي مضرمة وأحركو بابي

أنة بضعة نبي الله محمد
خلوني العدة دمعي على الخد
مصايب ما جرت بالكون لأحد
علي صبن خلن حيلي أنهد
عدواني ظلموني بالباب عصروني
أمن العصرة آنة أمألمة أبدمي وأخضابي

من هجمو علية وبابي حركوه
بالباب أعصروني وضلعي كسروه
المحسن جنيني ويلي سكطوه
ومن شوفة أمه الزهرة حرموه
النبي وينة من عكب عينة
ضليت أنوح ومهضمة وينعى محرابي

ضليت أبمناحة ودمعي جاري
من يوم العدة حركولي داري
ونيني ما بطل ليلي ونهاري
تلهب بالكلب مستعرة ناري
آخر أيامي أودع أيتامي
الفركة الهم هاضمة ويهضم أغيابي

¥*¥*¥*¥*¥*¥*¥*¥*¥*¥*¥*¥

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

قصيدة للزهراء عليها السلام

للزهرة العزة شدي اللطمية
أكعدي وكابلي زينب يشيعية

¥*¥¥*¥¥*¥¥*¥¥*¥¥*¥¥*¥

هاي اللطمة كون اليوم شديهة
للكسرو ضلعهة الصرخة عليهة
وأحضري للعزة وللدوم أذكريهة
( عوانة وي زينب نلطم )

اللطمي عالزجية وعاوني بتهة
واليوم اليتيمة أتسيل دمعتهة
ياويلي عليهة أزغيرة خلتهة
( أنواسيهة زينب هاليوم )

اليوم أشحال زينب فاركت أمهة
وأفراك الزجية حيل آلمهة
يايوم الوداع أهواي يهضمهة
( مهضومة زينب عالزهرة )

الله أيعين زينب وي مصايبهة
نواسيهة أجينة أحنة حبايبهة
وللزهرة عزية اليوم ننصبهة
( أنعازيهة بت حيدر كلنة )

وني لبضعة الهادي المظلومة
من يوم المصاب أصبحت مهضومة
يوداع الزجية يكتل ويومة
( المظلومة ما ننسى أمصاب )

¥*¥¥*¥¥*¥¥*¥¥*¥¥*¥¥ *¥

الحاجة أم محمد الكناني
أنين الزهراء عليها السلام الجزء السابع


https://www.tg-me.com/ALHUSSEN_M

قصيدة للزهراء عليها السلام

حرمتيني يدنية جلمة اليمة
عكب أمي الحنينة دنيتي ظلمة
&&&&&&&&&&&&&&&&&
يدنيا ليش من أمي حرمتيني
مالي حيل فركاهة تدريني
سطراتج يدنيا حيل تاذيني
ضاعت من حياتي وسفة هالجلمة
&&&&&&&&&&&&&&&&&
كسر ضلعج ييمة أثر أبحالي
وبقيت أبجي لمصابج والدمع هالي
صار النوح لجلج والله يحلالي
صدرج جان يحضنة وأنشمة
&&&&&&&&&&&&&&&&&
زهرة الغالية شالت فرد شيلة
بقيت آنة وأخوتي المدمع أنسيلة
أشلون أتنام عيني وتغمض الليلة
ألمن أشكي حاليلو كثر همة
&&&&&&&&&&&&&&&&&
منهو أيسد مكانج يالحنينة أمي
لفراكج أنوح وزاد كل همي
الدنيا وياي كام أسهامهة ترمي
بهالدنيا النوايب كلمن وسهمة
&&&&&&&&&&&&&&&&&
زهرة يالمثلهة وين نلكاهة
يرتاح الكلب والله لحجاياهة
حلوة كعدتج يمي فكدناهة
يمة وياج تحلة الكعدة واللمة
&&&&&&&&&&&&&&&&&
وين أيامنة من جانت وية أمنة
ضاعت للأسف من حملت عنة
راحت ما ترد خل أكطع الضنة
وأبقى العمر كله أعليهة متألمة


&&&&&&&&&&&&&&&&&
الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة للزهراء عليها السلام طور ( الما يلطم على حسين مو شيعي يسمونة )


وينك ياعلي الكرار دار الزهرة حركوهة
*************

هجمو عالبتول علي
والمدمع سيول علي
بين الباب والحايط هاي الزهرة عصروهة
*************
ضربو فاطمة علي
يحماي الحمة علي
ذولة زمرة الأشرار هاي الزهرة ضربوهة
*************
الخد الطموه علي
وسفة ما رعوه علي
عين الزهرة حمرة وآه تصرخ ما يرحموهة
*************
الضلع أنكسر علي
بالباب أنعصر علي
نابت بالضلع بسمار تبجي الزهرة خلوهة
*************
المحسن سكط علي
الحيل أنهبط علي
صاحت فضة الحكيلي العدوان أذوهة
*************
ساكت يالولي علي
الزهرة تنولي علي
أمجتف بالوصية أيكول الكرار أعرفوهة
*************

الحاجة أم محمد الكناني
أنين الزهراء عليها السلام الجزء الثالث


https://www.tg-me.com/ALHUSSEN_M

قصيدة للزهراء عليها السلام لقضاء الحوائج

أريد أنخاچ يالزهرة وأسمعيني
مهمومة وحزينة لا تخليني

☆▪︎☆▪︎☆▪︎☆▪︎☆

أريد أنخاچ أجيت اليوم تعبانة
وأبوجهي الفرح مسدودة بيبانة
تعنيت وأجيت وحيل حزنانة
متقصرين وأدري ما ترديني

مهمومة وحزينة وجيت أدك بابچ
وآنة اللي أنوح وأبچي لمصابچ
آه يالوعة البسمار من صابچ
أنصبلچ عزة وأيهل دمع عيني

جيت أقسم عليچ أبدمعة سچابة
بحسين الذبيح ولوعة أمصابة
بالطفلة رقية أتصيح يايابة
يابوية حسين ضرب السوط ياذيني

أريد أقسم عليچ بزينب الحرة
وأمصاب الضلع يازهرة والسطرة
وعبدالله الرضيع المنذبح نحرة
بالشدات أنتي اللي تحضريني

متقصرين وأدري الحاجة تگضيهة
وآنة حاجتي يمچ أخليهة
ألصرخة اليوم بابچ أعليهة
وعلى أمصابچ أون ما يبطل أونيني

☆▪︎☆▪︎☆▪︎☆▪︎☆

الحاجة أم محمد الكناني
مآسي العترة الجزء الأول

https://www.tg-me.com/ALHUSSEN_M

قصيدة للزهراء عليها السلام

أويلاه عالوالدة وفركاهة
زينب تنادي أمي وين الكاهة
_______________
أويلاه زينب بجت مهضومة
ويلي أعلة زهرة اللي مشت مهضومة
وآنة بقيت أمكدرة ومهضومة
ياوسفة أمي ضيعت ملكاهة
_______________
زغيرة ويتيمة وبالحزن خلوني
أعظم مصاب الزهرة بيه فجعوني
نعش أمي يمشي ليش بيه ياذوني
وزينب أسيرة للحزن خلاهة
_______________
شنهو ذنبهة الزهرة وأيعادوهة
مهضومة خلف الباب وأيعصروهة
بسمار نابت بالصدر فجعوهة
وأشلون بية ضيعيت أدواهة
_______________
أبلا رحم ذول العدة أمروعينهة
أمن الألم ضلت تجر بأونينهة
كسرو ضلعهة وسكطو أجنينهة
وينة أبوهة لو حضر واساهة
_______________
آنة وأخوتي اليوم منهو أيعينة
أفراك وهضيمة والحزن ضلينة
عكب الزجية منهو اليبارينة
عشرتنة ضاعت جانت أشمحلاهة
_______________
سهرانة ليلي وأجري دمعة عيني
ما جنت أضن الوالدة أتخليني
يوم الزجية ريت لا يلفيني
وأشلون أصبر وأكدر آنة أنساهة


_______________
الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة حماسية للزهراء عليها السلام

سرى نعش الزچية بضعة الهادي
مشت عنة الحنينة زينب أتنادي
واويلاه يفاطمة واويلاه يفاطمة
■♤■♤■♤■♤■♤■

نعشچ يالزچية من مشة بهالليل
بقت زينب حزينة والدموع أتسيل
وحسين وحسن همهم كثر ياويل
وچن صوتچ ينادي الرحمة بأولادي
واويلاه يفاطمة واويلاه يفاطمة

ليش أبليل الأظلم زهرة دفنوهة
ماكو أحباب يمهة اللي يشيعوهة
الوديعة أبيا ذنب ظلّام عادوهة
مصاب الزهرة مثله أبد ما سادي
واويلاه يفاطمة واويلاه يفاطمة

حرگو دارهة من عگب واليهة
بالباب أعصروهة العدة أمروعيهة
تون أمن المصاب الدمعة تجريهة
أتنادي طاح محسن لبّة أفّادي
واويلاه يفاطمة واويلاه يفاطمة

فجيعة الله أكبر ياإلهي أشهد
خفة گبر الزچية وصلت لهالحد
تمنينة نزورة وعامر المرقد
ومن عدهة الشفاعة أطلب أمرادي
واويلاه يفاطمة واويلاه يفاطمة

مأتم للقيامة لفاطمة الزهرة
ما ننسى المصيبة ولوعة العصرة
نوّن أعلة البتول ونبچي أبعبرة
ونلعن من ظلمهة وكلمن أيعادي
واويلاه يفاطمة واويلاه يفاطمة

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

قصيدة حماسية للزهراء عليها السلام
طور ( خدام )

ويلاه ويلاه حرگوهة دارچ فاطمة

●▪︎●▪︎●▪︎●▪︎●▪︎●

أشلون دارچ فاطمة حرگوهة
أشلون بتّك يالنبي ضربوهة
آه وضلوع الصدر كسروهة
وزينب أعلة أمهة تون خلوهة
بالباب بالباب النار وجّت حاطمة

يوم حرگو للزچية دارهة
لاذت الزهرة بدون أخمارهة
أتصيح من هول المصيبة أزغارهة
أشلون أبوهة لو درة بأخبارهة
زينب زينب عالراس تصرخ لاطمة

آه يالزهرة تجر بأونينهة
سگطو منهة يويلي أجنينهة
وعالمصاب الصار منهو أيعينهة
هاي بت المصطفى أملوعينهة
حسرات حسرات بتّك يطه أمألمة

أشحالهة الزهرة گلبهة منفجع
نبّتو بسمار ويلي بالضلع
ومحسن أمن العصرة طايح منصرع
أبيا شريعة ودين هالهم ينجرع
زهراء زهراء تبچيچ كل أرض وسمة

●▪︎●▪︎●▪︎●▪︎●▪︎●

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M

‏صورة من ....

فزاعية للزهراء عليها السلام

شالت الزهرة أم الحسن هذا الوداع أوياهة

*****************

زينب تون مهضومة
أمي مشت مظلومة
أكضي العمر مهمومة
الوالدة أشينساهة

آيا ضلعهة وكسرة
آيالباب والعصرة
هذا الجرح ما يبرة
يوم العدة أذاهة

ليش الزجية أتمرمرت
أضلوع منهة أتكسرت
أدموعهة عالخد جرت
يفاطمة وبلواهة

يازهرة أيتامج تون
يبجي الحسين وية الحسن
زينب كلبهة ممتحن
عالوالدة وفركاهة

بت النبي الهادي
ظلمهة أبد ما سادي
زينب حزينة أتنادي
الزهرة وين الكاهة

الزهرة أمودعينهة
من بعد ذاك أونينهة
وزينب الله أيعينهة
الزهرة خل ننعاهة

*****************

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة للزهراء عليها السلام

يا ضلع الزحية وصدرك حسين
صارن بالكلب خوية أصوابين

¥*¥*¥*¥*¥*¥*¥*¥*¥*¥*¥*¥

أونن والكلب ياخوي حزنان
من أمصيبة أمي الجسم نحلان
أذكر دارهة وأذكر النيران
وي نار المخيم صارن أثنين

ضلع أمي يخوية أيهدم الحيل
وصدرك بالحوافر داسته الخيل
وجسمك عالثرى من غير تغسيل
وآنة أنحب وأون وتدمع العين

الضلع أنكسر من دفعة الباب
نبت بسمار فوك الضلع وأنصاب
من بت النبي العدة ولا هاب
وأعلة أمصابهة أحنة محزنين

أصواب الزجية حيل ياذيني
وأنت الضامي المحروم ياعيني
ما أحمل هضمكم خوية تدريني
رحتو يا هلي مني يطيبين

مكسورة الخاطر من بعدكم
حيلي راح لمن فاركتكم
المنية حيف من عندي خذتكم
يبن أمي الزجية خوية يحسين

¥*¥*¥*¥*¥*¥*¥*¥*¥*¥*¥*¥

الحاجة أم محمد الكناني
أنين الزهراء عليها السلام الجزء الثامن

https://www.tg-me.com/ALHUSSEN_M

حيدرية حماسية للزهراء عليها السلام

يا حيدر علي علي
ياحيدر علي علي

¥*¥*¥*¥*¥*¥*¥*¥*¥*¥*¥*¥

دار الزهرة حركوهة ياحيدر
أم الحسن ضربوهة ياحيدر
بت النبي أذوهة ياحيدر
يم الباب عصروهة ياحيدر
ومن محسن يسكطوهة ياحيدر
تصرخ ما يرحموهة ياحيدر
على العين سطروهة ياحيدر
تنزف دمة خلوهة ياحيدر
ياحيدر علي علي
ياحيدر علي علي

يالزهرة ومصيبتهة ياحيدر
تدري أعداك غدرتهة ياحيدر
تهد الحيل ونتهة ياحيدر
تهمل دمة دمعتهة ياحيدر
صاحت فضة سندتهة ياحيدر
صعبة هاي موتتهة ياحيدر
سر أتصير دفنتهة ياحيدر
وزينب طفلة خلتهة ياحيدر
ياحيدر علي علي
ياحيدر علي علي

الزهرة تهمل المدمع ياحيدر
تصرخ ماكو اليسمع ياحيدر
هاي أعداك ما ترجع ياحيدر
ساكت ليش ما تفزع ياحيدر
وأنت البشدد تنفع ياحيدر
ندري ضربتك توجع ياحيدر
عالعايل أثر تطبع ياحيدر
زلزالك غضب يصدع ياحيدر
ياحيدر علي علي
ياحيدر علي علي

أمصاب أشلون ما شفتة ياحيدر
أبيا صبر تحملتة ياحيدر
وضعك هذا مو سكتة ياحيدر
وصاك النبي وطعتة ياحيدر
أكبالك تنضرب بتة ياحيدر
أمكيد بالوصية أنتة ياحيدر
وهذا الأمر نفذتة ياحيدر
لجل الدين حققتة ياحيدر
ياحيدر علي علي
ياحيدر علي علي

نعش الطاهرة أتشيعة ياحيدر
بالأحزان أتودعة ياحيدر
راحت ما بعد رجعة ياحيدر
سراً تدفن البضعة ياحيدر
وكبر الزهرة أتضيعة ياحيدر
وداع أم الحسن فجعة ياحيدر
زينب تهمل الدمعة ياحيدر
وأنت أصوابهة أتسمعة ياحيدر
ياحيدر علي علي
ياحيدر علي علي

أنعازي زينب الحرة ياحيدر
على أمصيبة الزهرة ياحيدر
أنون ونسجب العبرة ياحيدر
ونذكر لوعة السطرة ياحيدر
وضلع الزهرة وكسرة ياحيدر
كسر الضلع شيجبرة ياحيدر
كلب زينب شيصبرة ياحيدر
هاي أجروح ما تبرة ياحيدر
( أنعازيهة زينب بالزهرة )

¥*¥*¥*¥*¥*¥*¥*¥*¥*¥*¥*¥

الحاجة أم محمد الكناني
أنين الزهراء عليها السلام الجزء الثامن

https://www.tg-me.com/ALHUSSEN_M

نعي للزهراء عليها السلام

&&&&&&&&&&&&&&&&&

الضعن حمل وين تردين
يالماشية وعني تبعدين
ودعتچ آنة وتهمل العين

الضعن سار بظلمة الليل
أبچي وراه ومدمعي أيسيل
فرگاچ يمة أيهدم الحيل

يمة بغيابچ زاد نوحي
ياسلوتي وبلسم جروحي
عگبچ أنة بالضيم روحي

رحتي ومشيتي أشلون عني
ولفرگتچ أيزيد وني
يمة المصايب لوعني

أذكر مصابچ وأذكر الباب
صدرچ وبالبسمار ينعاب
وآنة لمصابچ دمعي سچاب

راحت أيامچ يالحنينة
من بعدچ أحنة أتيتمينة
زينب عگب عينچ حزينة

يمة مكانچ خالي بالبيت
ولگعدتچ يمة أنة حنيت
أترجعيلي يمة تمنيت

ضليت أنة بالضيم حالي
والنوم عگبچ ما هنالي
ودمعي يهل طول الليالي

ريت العمر أگضيه وياچ
ياوالدة وياحلو ملگاچ
ما تنحمل يانار فرگاچ

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

تحصين الدخول في السنه الجديده انتم في أمانة موسئ بن جعفر عليه السلام.

حصنت نفسي وأهلي وأحبتي وكل شيعي وموالي لعلي ع بمدينة لا إله إلا الله ومحمد سقفها وعلي بابها والحسن والحسين جدرانها وفاطمة قفلها وجبرائيل مفتاحها
الَلَھـﻤ حَصَنْ عـائلَتَيَ وَنْفَسَيَ وَأْحِبَتِيْ والشيعة والموالين لعلي ع
بَحَصَنْڳ آلَحَصَيَنْ وَحَبَلَڳ الَمِتَيَنْ
ﻤنْ ڳيَدَ آلَڳائدَيَنْ وَحَـسَدَ آلَحَاسََـدَيَنْ وَ سََحَـرَ الَسَاحَرَيَنْ وَ ظَلَـم آلَظَالَمِيَنْ وَعـبَثَ آلَـعـابَثَيَـنْ وَتَسََلَـطَ وَتَلَبَسََ آلَجَنْ
وَآلَشَيَاطَيَـن .ْ
🚩تحصينة الاحاطة :
" بسم الله الرحمن الرحيم لا إله إلا الله بيني وبين أعدائنا، لا إله إلا الله بيننا وبين خصمائنا جبلاً حائلاً وسداً مانعاً وستراً محجوباً وسيفاً قاطعاً وناراً محرقة وبحرأً عميقاً لا يصلون اليناّ لا بقول ولا بفعل ولا بسوء من هذا اليوم الى غد ، والى الأبد ، (فَسَيَكْفِيكَهُمُ اللّهُ وَهُوَ السّمِيعُ العَلِيمُ ) ✋أرجو منكم أن تنشروها على حب محمد واله وقربة لله تعالى لحفظ شيعة علي بن ابي طالب (ع)

⭕كل واحد يقرأه مره واحده ويرسلها لمن يحب..
لحفظ وسلامة الجميع لهذا السنة..