نعي لزينب عليها السلام مع العباس عليه السلام يوم الأربعين

¥¥¥¥¥¥¥¥¥¥¥¥¥¥¥¥¥¥¥¥

أگعد يروحي ويادليلي
أبفرگاك أنة مهدوم حيلي
شنهو الجرة خوية أحچيلي

عباس خوية ياضوة العين
وسفة غبت عني رحت وين
أخلافك أنة أصفك بالأيدين

چنت أبوجودك عالية الراس
وأمدللة وأتهابني الناس
عگبك ترة ذلوني الأرجاس

أعذرني خوية مو بدية
عفتك طريح أعلة الوطية
وية العدة أمشي سبية

تدري العدة خوية أضربوني
بالسوط وأمورمة أمتوني
ردتك تجي ياضوة أعيوني

طبيت أنة لمجلس أيزيد
مو كيفي أريدن لو ماريد
وأگبالي ضربو راس العميد

مچتوفة والأحبال بأدية
ومحد يخوية أيحن علية
وأيگول هاي أمهة الزچية

أنت اللي گلت يختي عد عيناچ
ياريت العمر ينگضي بس وياچ
آنة بالشدايد بيدچ ويمناچ

عباس خوية وين الكفالة
وين الأخو الجيت أبجالة
نرجع سوة صارت محالة

عباس راعي العلم والجود
معذور يامگطوع الأزنود
مثلك فلا بالكون موجود

أچفوفك يخوية الوفي ذني
مسحن أدموع أهواي مني
وشالن أهموم وضيم عني

أگعد وحط أيدك بدية
ونرجع سوة يبن الحمية
وننسى أهموم الغاضرية

¥¥¥¥¥¥¥¥¥¥¥¥¥¥¥¥¥¥¥¥

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

زينب أجت لكربلة والعيال وياهة

○¤○¤○¤○¤○¤○¤○

أتزور گبر الوالي
أتگلة يخوية أشحالي
چان الشمر يبرالي
وهاي الأيتام أذاهة

صدت لعد واليهة
نوح وهضم غاطيهة
وأدموعهة تجريهة
ويلي على بلواهة

تنعى وتون مهضومة
كلكم يخوتي نومة
منكم أنة محرومة
والحرم من يبراهة

يحسين أنة أتعنيتك
يوم أربعينك جيتك
تنهض ألي ياريتك
خوّتك أشمحلاهة

ياخوي شوف العايلة
دمعتهة عالخد سايلة
والعدة أيدة طايلة
وأعيالكم عاداهة

ردت تنادي أبو الفضل
أفراگكم ما ينحمل
هيهات يلتم الشمل
وأيامك أشينساهة

أشلون خوية أبرجعتي
وية العيال لديرتي
زادت علية حيرتي
بالأيتام وأبچاهة

گومو يخوتي ويانة
خل نرجع لأوطانة
زينب ترة حيرانة
بهالحرم وممشاهة

أعيونة تجري وتصب
تنعى الأعزاز وية المحب
الدار ضلت تنتحب
عاللي مشة وخلاهة

ما ضنتي الگاهم
أخوتي ما أنساهم
ياريت أموت أوياهم
والروح هاي أنعاهة

○¤○¤○¤○¤○¤○¤○

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للأربعين

ردت بت علي هاليوم جابت روس أهاليهة

■□■□■□■□■□■

اليوم أبكربلة زينب
تنعى الفاگدة وتنحب
وتصرخ والدموع أتصب
على حسين واليهة

ذبت روحهة أمن النوك
أتنادي والگلب محروك
دم حسين ضل مسفوك
أبكربلة أواديهة

هاي الروس جابتهن
وية الأجساد دفنتهن
وگعدت تنتحب يمهن
وين اللي تعازيهة

أتگلة حسين يبن أمي
عالغبرة تضل مرمي
عدمن أشتكي همي
أمن الدنيا وبلاويهة

خوية حسين يامظلوم
ياعطشان يامحروم
مسبية خذوني الگوم
زينب هاية تاليهة

وگعدت يم گبر عباس
وگامت تلطم أعلة الراس
أتگلة زمرة الأرجاس
ريت الله يجازيهة

ياعباس حاچيني
خوية وياضوة عيني
عگبك من يباريني
وروحي بيش أسليهة

ظلمة دنيتي أبلياك
والعشرة أنگضت وياك
ياعباس وين الگاك
عيني أعليك لعميهة

■□■□■□■□■□■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للأربعين

زينب نادت العباس گوم أگعد تلگاني

●□●□●□●□●□●

أتگلة گوم يالوالي
شوف أشصاير أبحالي
ياعباس يالغالي
أخلافك زادت أحزاني

خوية أمن اليسر رديت
گابلت الگبر وأبچيت
گوم أنهض الي ياريت
زماني أهواي عاداني

جيتك ألطم أعلة الراس
ياخوية يبو النوماس
يالكلك وفة عباس
يل ما يوم تنساني

شو نايم على الغبرة
گوم لزينب الحرة
عندي أجروح ما تبرة
يالفرگاك أذاني

آنة أمدللة حيدر
يامهيوب بيك أفخر
بالعازات لية أحضر
بالنخوات عنواني

خذوني الگوم مسبية
ومحد ينغر أعلية
أون ونات مخفية
وأصيحن وين ولياني

تدري العدة ضربوني
سود أمورمة أمتوني
خوية وما يرحموني
آني أم الحزن آني

ياعباس حاچيني
خوية يانظر عيني
أنت اللي تباريني
گوم وردني لأوطاني

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة حماسية للأربعين

يحسين يحسين زينب أجت أتزورك

■♤■♤■♤■♤■♤■

هاي زينب جاية لطف كربلة
أتزور گبر حسين وية العايلة
تسچب الدمعات عالخد هاملة
أتگلة خوية حسين جيت أمحملة
أهموم أهموم لمن فگدت أحضورك


أتگلة هذا اليوم يوم الأربعين
وگلبي نار أعليك موجوع وحزين
خوية بالشام أحنة چنة أميسرين
وجارت أعلينة الليالي والسنين
ياحيف ياحيف غايب علينة نورك


ودارت الحرة على گبر الكفيل
جرت الونات والمدمع يسيل
أتگلة جبت الحرم آنة والعليل
عباس عباس ياما أحتميت أبسورك


وهاي رملة تنتحب وية الرباب
مرة عالمذبوح مرة عالشباب
أيصيحن الله أيعينّة بعد الغياب
من دفنّة أجسادكم تحت التراب
يحسين يحسين نرجع نوّن أبدورك

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة حماسية للرجوع للمدينة ولسان حال أم البنين عليها السلام تخاطب زينب عليها السلام

أنهد حيلي يابت حيدر

●□●□●□●□●□●

شنهي أخبار شنهي أعلوم أسمعهة
أيگلولي عليچ الوكت فاجعهة
وعالوليان ضل أيسيل مدمعهة
وذبح حسين بيد الشمر روعهة
وآنة أوياچ أصيح أبصوت ياويلي
يابت حيدر أنهد حيلي


أشلون حسين ضل مرمي على الغبرة
وأشلون الشمر گاعد على صدرة
بيده السيف أيحز ويگطع أبنحرة
وعليه أدموع منچ تجري أبعبرة
ودمعتي أوياچ أگلهة عالولي سيلي
يابت حيدر أنهد حيلي


أشلون حسين صدره الخيل رضّنة
وعلى أعيالة يون ويجذب الونة
ولذيذ الماي ياويلي أنحرم منة
ومن عنده بناته گطعن الضّنة
وبعياله يگلچ يختي باريلي
يابت حيدر أنهد حيلي


صدك عباس گطعو منه چفينة
وسهم الغدر وسفة نابت أبعينة
وضل حسين عگبة محد أيعينة
وعالمصاب ضلت تنحب أسكينة
تريد الماي تصرخ عمة الحگيلي
يابت حيدر أنهد حيلي


عفاچ أشلون شفتي وعينج التنظر
أمصاب القاسم وفوگه علي الأكبر
وعبدالله الرضيع أمن العطش فرفر
وبيد حسين دامي أمگطع المنحر
ومن أنصاب بوية أيصيح لوليلي
يابت حيدر أنهد حيلي


شنهي الحال من الخيم حرگوهة
وأشلون الروس عالأرماح شالوهة
والتصرخ أبحسرة ما يخلوهة
والأيتام بالله أشلون ضربوهة
وأنتي أشلون بيچ أشصار گليلي
يابت حيدر أنهد حيلي


سبية أشلون وية العدة وأمشيتي
وأشلون أجساد على الغبرة خليتي
ولمجلس يزيد أشلون طبيتي
وأبعالي الصوت ياكرار ناديتي
بوية أنهاري أظلم وأشبه أبليلي
يابت حيدر أنهد حيلي


رقية أشلون بالغربة تركتيهة
وبرض الشام هالطفلة دفنتيهة
وحسين أيگول بتي وين عفتيهة
والله أيعين گلبچ يوم شفتيهة
وگلتي أمصاب چوة وذوب أدليلي
يابت حيدر أنهد حيلي

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للحسن العسكري عليه السلام

مآتم بالحزن بيهة تعازينة
نون للعسكري وأنعازي مهدينة

¥*¥*¥*¥*¥*¥*¥*¥*¥*¥*¥*¥

أجينة بالحزن للمأتم أنحضرة
وأنعازي أبو صالح وأمه الزهرة
نون للعسكري ونبچي أبعبرة
اليوم العسكري أهله أمشيعينة

ياوسفة ولينة العسكري سموه
وأحفاد السقيفة اليوم ما رحموه
أحبابه أبنوايح طلعو أيشيعوه
وأبنه المنتظر من دم تهل عينة

نعزي المنتظر وأنواسي أمصابة
تنحب شيعتة كلهة على أغيابة
تلطم عالصدر حزنانة أحبابة
بأحزان وهضم ودعنة والينة

الله أيعين حاله المنتظر مالوم
على أوداع وهضيمة والده المسموم
وينك يبو صالح أخذ ثارك گوم
گبر العسكري أعداكم أمهدمينة

تنتظرك الزهرة تاخذ أبثارك
أنهض يبو صالح أنت وأنصارك
أنشرهة العدالة وأكشف أسرارك
يبن العسكري ويالمهدي والينة

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء السادس


https://www.tg-me.com/ALHUSSEN_M

فزاعية للحسن العسكري عليه السلام

نوحو يشيعة اليوم شال العسكري

¥*¥*¥*¥*¥*¥*¥*¥*¥*¥*¥*¥

سمو چبدته أعداه
يالعسكري ويلاه
ننحب على بلواه
ننصب عزة وننعاه

العسكري مسموم
والمنتضر مهموم
گلبه أبحزن مالوم
هذا الخبر ميشوم

ونو على أمصابة
العدة ما هابة
أمفارك أحبابة
وسفة يسد بابة

أنعازي الزهرة
مهضومة وأبحسرة
والگلب شيصبرة
خل نبچي أبعبرة

الزهرة واسوهة
اليوم عازوهة
بالحسن فجعوهة
محزونة خلوهة

العسكري مفگود
بحر العلم والجود
اليوم ما موجود
ننتظر الموعود

¥*¥*¥*¥*¥*¥*¥*¥*¥*¥*¥*¥

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M

قصيدة للحسن العسكري عليه السلام

شايل اليوم العسكري وأبعد علينة
أينوح لجل أمصيبتة المهدي ولينة

&&&&&&&&&&&&&&&&&

أيعالج المسموم وناته خفية
أينادي أبنه المنتظر ألحك علية
أتوادعو بأحزان والدمعة جرية
المهدي وأمصاب الجرى الله يعينة

ليش الإمام العسكري سمو چبدته
تمرد الروح وية الگلب ياويلي ونته
أشلون بعد الحسن لو طالت فرگته
هذا الوداع وية الحسن أمفارگينة

أبن الزچية الطاهرة الحسن سموه
باب العلم والدين ياوسفة يغدروه
وين أهله عنه وشيعتة خلهم يحضروه
أحزان وأهموم وألم أمودعينة

الدنيا ظلمة ومغبرة من ودعيناه
بهموم وأحزان وقهر مولانة ننعاه
ياوسفة مولانة الحسن ما بعد نلگاه
والفرگة طالت ما أضن يرجع يجينة

نوحو يشيعة اليوم ولهاي المصيبة
شال الإمام العسكري وطالت الغيبة
عازو الزچية فاطمة وأبنه الهيبة
نصبو المآتم والعزة بدمعة حزينة

&&&&&&&&&&&&&&&&&

الحاجة أم محمد الكناني
أنين الزهراء عليها السلام الجزء الثالث

https://www.tg-me.com/ALHUSSEN_M

قصيدة حماسية للحسن العسكري عليه السلام

واويلاه يالعسكري واويلاه يالعسكري

■□■□■□■□■□■

اليوم نعشك سيدي أمشيعينة
أوداعة الله يالحسن والينة
عظم الله أجرك يامهدينة
ويون لمصاب الحسن كل جعفري


آه واويلاه سمّو چبدته
بالحزن والنوح زادت لوعته
حاضرة الزهراء تسمع ونته
أتصيح عالويلات روحي أتصبري


فاگدينك سيدي بحر العلم
وأنت لجل الدين عانيت الظلم
قدمت للناس كل معنى القيم
ياشبل كرار أصلك حيدري


أحنة نمشي وياك نبقى عالعهد
ننطر الموعود وأنتاني الوعد
ينصر المظلوم في يوم السعد
ويبقى صوت حسين هل من ناصري

■□■□■□■□■□■

الحاجة أم محمد الكناني
أنين الزهراء عليها الجزءالثاني

https://www.tg-me.com/ALHUSSEN_M

سريعة ختامية مجلس للحسن العسكري عليه السلام

ياويلي على المسموم

●¤●¤●¤●¤●¤●¤●

سمو چبدته المظلوم
ودع عيلته هاليوم
أبنه المنتظر مهموم
گلبه أمن الحزن مالوم
گبر العسكري مهدوم

●¤●¤●¤●¤●¤●¤●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

فزاعية للحسن العسكري عليه السلام

شال العسكري هاليوم خل أهله يحضرونة

■♤■♤■♤■♤■♤■

يابحر العلم والجود
والينة صبح مفگود
ديوانه بقى مسدود
كلهة الناس يردونة

ودع عيلته هاليوم
ياوسفة الولي مسموم
وأعليه الگلب مالوم
والأحباب ينعونة

وأعياله تضل أتنوح
غايب ياعزيز الروح
خليت الگلب مجروح
صعبة أشلون ينسونة

أتصيح الناس حزنانة
عگبك وين ملفانة
أنت الدين وأركانة
أشلون العدة أيهدمونة

ضلت تنحب أعياله
كلهة الحرم وأطفاله
تجري أدموع سياله
اليوم الولي أيفگدونة

يمّة حضرت الزهرة
تبچي وتنحب أبعبرة
آه يالشامت وغدرة
لجل الدين عادونة

أحضر ياعلي الهادي
شوف أشصاير وسادي
أعيال العسكري أتنادي
بيش العدة أيطلبونة

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

قصيدة للحسن العسكري عليه السلام

اليوم نعش العسكري أمشيعينة
خل نعزي المنتظر مهدينة
وإماماه واشهيداه

●□●□●□●□●□●

اليوم مفگود الإمام العسكري
خل يون لمصيبته كل جعفري
وعلى أغيابه آه يروحي أتصبري
وخلي يحضر علي جده أمن الغري
وإماماه واشهيداه


منهو المسموم نعشه أيشيلة
تبچي لفرگاه هاي العيلة
وأبنه ياويلاه دمعه أيسيلة
بالحزن والنوح خلص ليلة
وإماماه واشهيداه


بالألم والآه نعشك شيعوه
وسفة يامولاي شخصك ضيعوه
تلطم الشيعة الوالي ودعوه
سمته العدوان أبدا ما رعوه
وإماماه واشهيداه

الله أكبر يامصابك يالحسن
مثل جدك بالرزايا والمحن
يالگضيت أيام صعبة بالسجن
وضلت أعيالك أبلوعة وبحزن
وإماماه واشهيداه


سيدي مولاي يالكلك عطاء
قدمت للدين كل عمرك فداء
سيدي ننخاك ياباب الرجاء
للثبات أوياك في يوم الجزاء
وإماماه واشهيداه

●□●□●□●□●□●

الحاجة أم محمد الكناني
أنين الزهراء عليها السلام الجزء الثاني

https://www.tg-me.com/ALHUSSEN_M

❤ إعلان المبايعة لصاحب الزمان عليه السلام..
بعد تعزية الإمام المهدي عليه السلام بيوم إستشهاد والده الإمام الحسن العسكري عليه السلام 🍃
توجة إلى القبلة وردد ..
🌹أعلن أنا وبالنيابة عن اهلي وأبنائي وذراريّ ووالدي وأخواني وأخواتي وعيالهم وكل أقربائي الأحياء منهم والأموات🌹
✋بالمبايعة للإمام المهدي عج ✋
وأنه خليفة الله تعالى في أرضه والقائم بأمره .
(( اللهمَّ إني أُجدد له في هذا اليوم عهدا وعقدا وبيعة له في عنقي لا أحول عنها ولا أزول أبدا . اللهمَّ إن حال بيني وبينه الموت فأخرجني من قبري شاهرا سيفي مجردا قناتي ملبيا دعوة الداعي في الحاضر والبادي ))
((اللهمَّ اكشف هذة الغمة عن هذة الأمة بحضوره وعجل لنا ظهوره إنهم يرونه بعيداً ونراه قريباً برحمتك يا أرحم الرحمين ))🌹
العجل العجل العجل يامولاي ✋
الغوث الغوث الغوث يامولاي ✋
الساعه الساعه الساعه يامولاي ✋

🌺اللهمَّ صَلِّ عَلَى مُحَمَّدٍ وآل مُحَمَّد وَعَجِّل فَرَجَهُمْ🌺

🌹كل عام وانتم للمهدي من آل محمد أقرب 🎊

↝ *

*🤍💓 فرحة الزهراء (عليها السلام) 💕🤍*

*🎉🎊 نبارك لكم ​عيد الغدير الثاني​*
*فرحة الصديقة الطاهرة صلوات الله عليها.. بمقتل عدوها عدو الله..*

*👐 ​اللهم العن الجبت والطاغوت​*

*🤍 من اسماء يوم التاسع من ربيع الأول:*

*▫️​يوم تنفيس الكربة​*
*▫️​يوم تحطيط الاوزار​*
*▫️​يوم العافية​*
*▫️​يوم البركة​*
*▫️​يوم عيد الله الاكبر​*
*▫️​يوم يستجاب فيه الدعاء​*
*▫️​يوم نزع السواد​*
*▫️​يوم ندامة الظالم​*
*▫️​يوم نفي الهموم​*

*▫️​يوم فرج الشيعة​*
*▫️​يوم التوبة​*
*▫️​يوم الانابة​*
*▫️​يوم الغدير الثاني​*
*▫️​يوم الفطر الثاني​*
*▫️​يوم عيد اهل البيت​*
*▫️​يوم الزيارة​*
*▫️​يوم قتل المنافق​*
*▫️​يوم سرور اهل البيت​*
*▫️​يوم هدم الضلالة​*
*▫️​يوم التودد​*
*▫️​يوم التحبب​*
*▫️​يوم التزاور​*

*📚 بحار الأنوار: ج31 ص127 و128*.
*والبحار: ج95 ص354 ب13 ح1*
*باب فضل اليوم التاسع من شهر ربيع الأول وأعماله* .


🌸🍃🌸🍃🌸🍃

فزاعية للزهراء عليها السلام

زينب صارخة وأتصيح أمنة ودعيناهة

♧♧♧♧♧♧♧♧♧♧♧

يابت النبي المختار
أبضلعچ نابت البسمار
هذا أمصاب أبد ما صار
قسمتنة عرفناهة

ليش العدة ما هابچ
وجّو نار يم بابچ
آه يالوعة أمصابچ
أگبال العين شفناهة

أمي الغالية شالت
أيتام أزغارهة عافت
الفرگة أشلون لو طالت
أمي بعد عيناهة

أمي يابعد روحي
أنتي بلسم أجروحي
لجلچ زاد كل نوحي
عالعشرة الفگدناهة

وين الگاچ يايمة
جرحي بعد شيلمة
گلبي زاد كل همة
زهرة ضيعيناهة

ييمة البيت ماريدة
وأنتي عني أبعيدة
يمة حسين شيهيدة
والعشرة ذكرناهة

حلوة گعدتچ بالبيت
يازهرة أنة ناديت
شيعودچ الي ياريت
العشرة ما نسيناهة

ويلي أم الحزن آني
وأمي أشلون تنساني
يالضليت بأحزاني
يازينب وبلواهة

♧♧♧♧♧♧♧♧♧♧♧

الحاجة أم محمد الكناني
أنين الزهراء عليها السلام الجزء الأول

https://www.tg-me.com/ALHUSSEN_M