فزاعية للإمام علي عليه السلام

ويلاه بوية ياعلي بهامته أمصوبينة

¤▪︎¤▪︎¤▪︎¤▪︎¤▪︎¤▪︎¤

زينب تون مهضومة
أحا يبوية ويومة
أگضي العمر مهمومة
بالأحزان ضلينة

أشلون أبن ملجم صابه
ساجد أبمحرابه
وسفة أبد ما هابه
ضحة علي لدينه

ياضربته بالهامة
أمخضبة العمامة
ضلت تنوح أيتامة
الهم يدير أبعينه

جبريل ناده بالسمة
مصيوب حماي الحمة
عالراس زينب لاطمة
يكتل أبوي أونينة

أتنوح زينب بت علي
أتعوفني وأنت الولي
أهموم عندك تنجلي
والحاير أنت أتعينة

زينب تون يالوالي
وسفة مكانك خالي
نوح وهضم ياحالي
راح الأبو أمودعينة
¤▪︎¤▪︎¤▪︎¤▪︎¤▪︎¤▪︎¤

الحاجة أم محمد الكناني
أنين الزهراء عليها الجزء الرابع

https://www.tg-me.com/ALHUSSEN_M

قصيدة للإمام علي عليه السلام

وي زينب نزيد النوح هالليلة
على الكرار نبچي ومدمع أنسيلة
وإماماه واعلياه

■□■□■□■□■□■

وي زينب نساعدهة على اللي صار
هذا اليوم شايل حيدر الكرار
دنيانة تجازيه بسهم غدار
جبريل لمصابه نزل ينعيلة
وإماماه واعلياه

يطبر هامته ما هابه أبن ملجم
وبمسجد الكوفة وخضبه بالدم
بالمحراب ساجد راسه أتهشم
أبن ملجم أبيوم الحشر ياويلة
وإماماه واعلياه

أركان الهدى أتهدمت هاليوم
وأعمامة علي أمخضبة بدموم
وهاي أحبابه تنحب والگلب مالوم
وزينب تنعى أبوهة هية والعيلة
وإماماه واعلياه

أبو الأيتام وينك ياأبو الحسنين
الأيتام لمصابك بس تجر أونين
أجاهة العيد وأتريد اليحن وأيعين
وأنت لكل يتيم البسمة تهديلة
وإماماه واعلياه

وين الينعى حيدر خل يجي ويانة
على الكرار كلهة أحبابه حزنانة
أحنة أبعازنه وما أضن ينسانة
هو بالشدايد همنة نشكيلة
وإماماه واعلياه

■□■□■□■□■□■

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة للإمام علي عليه السلام

يبقى عالي الصوت والينة علي
نندب وللموت والينة علي

●□●□●□●□●□●

يبقى عالي الصوت ياوالينة
بالشدايد أنت تحضر لينة
آخرة ودنيا أتنجينة
كفو منك ياولي ونعم الولي

ياعلي ننخاك حماي الحمة
توگف النة بيوم نار الحاطمة
ذنوبنة بولايتك أمهدمة
أهمومنة ندري بوجودك تنجلي

لكل محب أنت سند وأنت دليل
يخسر اللي أيعوفك وعنك يميل
على أمصابك الدمع يبقى يسيل
بالگبر مولاي أنت أحضر ألي

أنت باب الجنة للرايد يفوز
واليسير أوياك يحصل عالكنوز
وعالصراط بحبك أنسير ونجوز
ياشراب الكوثر أنت ومنهلي

●□●□●□●□●□●

الحاجة أم محمد الكناني
أنين الزهراء عليها السلام الجزء الرابع

https://www.tg-me.com/ALHUSSEN_M

قصيدة للإمام علي عليه السلام

وين التون للمرتضى بدمعة جرية
وأتواسي زينب عالولي وتنصب عزية

■♤■♤■♤■♤■♤■

وين التون للمرتضى وأتواسي زينب
أتنوح بوية يالولي ومهضومة تنحب
حزنانة شال المرتضى والدمعة أتصب
وأتصيح بوية فرگتك صعبة علية

أيعينهة الله بت علي شايل وليهة
العيد أجاهة وبالحزن ويلي عليهة
تذكر أيامه وعشرته لمن يجيهة
وأتگول ريت الروح تاخذهة المنية

اليوم محراب الولي ياوسفة خالي
وزينب أخلافة بالهضم ما عدهة والي
مفجوعة بمصاب الولي والدمع هالي
تصرخ بعد هيهات ما يرجع الية

ويلاه ياحيدر علي غمضت عينة
شايل يبو الأيتام وأيتامه حزينة
منهو أخلافك لليتامة ياولينة
تنحب على فرگاك كل صبح ومسية

أمودعينك ياعلي وفرگة طويلة
ضلت أحبابك تنحب ومدمع تسيلة
أهموم كل هاي اليتامة من يشيلة
أنت وليهم ياعلي وحامي الحمية

■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء السادس

https://www.tg-me.com/ALHUSSEN_M

اللهم صل على محمد وال محمد

اللهم صل على محمد وال محمد

قريبا إن شاء الله سيصدر في المكتبات الجزء الأول من ديوان ( الحسين والكف في كربلاء الطف)
☝

( الحسين والكف في كربلاء الطف ) الجزء الأول سيصدر قريبا في المكتبات ويتضمن هذا الكتاب محاضرات ونعي وهوسات وقصائد لهلال شهر محرم ونزول كربلاء وللعليلة ولمسلم بن عقيل وللقاسم ولعلي الأكبر والرضيع وليلة العاشر ويوم الحادي عشر والدفن وللعباس وللحسين ودخول زينب للشام ولرقية ولزينب وللأربعين وللرجوع الى الديار
سائلين الله تعالى القبول منا ومنكم خدمة الحسين عليه السلام بحق محمد وآل محمد

https://www.tg-me.com/ALHUSSEN_M

قصيدة لشهر محرم

أجة عاشور يلّة أحزام شديلة
وكل غالي لأبو السجاد أرخصيلة

يلّة أحزام شدي ولطمة أعدليهة
والدمعة لأبو الأحرار نزليهة
وكون أمرتبة الگعدة أتسويهة
اليوم حسين بالهيمة ومداليلة


♧♧♧♧♧♧♧♧♧♧♧

فزاعية لنزول كربلاء

هايه كربلة يحسين ما أگدر أضل بيهة

گام وصاح لتخافين يمچ آنة لتهمين
گولي أمري أشتردين روحي خوية أنة أفديهة

♧♧♧♧♧♧♧♧♧♧♧


قصيدة للعليلة (ع)

رايحين وهم بنتكم المن أتعوفوني
گلبي ضل يصرخ وراكم ليش متسمعوني


فرگة الأحباب غربة بوية تدري بيهة
الراحو أحبابة حياته بعد شلة بيهة
ليش عفت الغالية وحيدة أمخليهة
كل يوم أصيحلكم تعالو ردو لية أخذوني

♧♧♧♧♧♧♧♧♧♧♧

موجودة القصائد في الجزء الأول من ديوان ( الحسين والكف في كربلاء الطف ) الذي سيصدر قريبا إن شاء الله

https://www.tg-me.com/ALHUSSEN_M

فزاعية للقاسم (ع)

بس صيت عرسك يالولد لا زفة لا هلهولة
☆☆☆☆☆☆☆☆☆☆☆

وين العرس يوليدي ماي وتبدة أمن أيدي
يالشوفتك ياعيدي والفرگتك معلولة


♧♧♧♧♧♧♧♧♧♧♧

قصيدة لعلي الأكبر ( ع )
طور ( هوة القاسم طاح عج الخيل يمة )
من التراث القديم

علي الأكبر طاح منهو الحضر يمة
☆☆☆☆☆☆☆☆☆☆☆

گومي خلينة نشوفة بالحومة ما نگدر نعوفة
والعدو عمة ألوفة عمة خلينة نشمة


♧♧♧♧♧♧♧♧♧♧♧


قصيدة ثگيلة لليلة الحادي عشر

چلچل الليل چلچل الليل
على زينب يبو فاضل چلچل الليل
أتصيح ياويل أتصيح ياويل
زينب الليلة غريبة أتصيح ياويل
صار بيهة الماجرة وية العيال أمساهرة
وينة عباس چلچل الليل
☆☆☆☆☆☆☆☆☆☆☆

چلچل الليل أعلة زينب وينة عباس
أمصابهة الليلة وهضمهة أيشيب الراس
أمخدرة هاي العقيلة أتشوفهة الناس
وينة كافلهة يجيهة أبو النوماس
الليلة ما عدهة ولي أتصيح ويلي ياهلي
أتهدم الحيل أتهدم الحيل
أتشوف چم لوعة ومصيبة أتهدم الحيل

♧♧♧♧♧♧♧♧♧♧♧

موجودة القصائد في الجزء الأول من ديوان ( الحسين والكف في كربلاء الطف ) الذي سيصدر قريبا إن شاء الله

https://www.tg-me.com/ALHUSSEN_M

قصيدة للعباس (ع)

هضمني الشايل الراس لبس ريشات عباس

هضمني أعداك ياخوية وهدم حيلي
شال الراس وأعيونك تباريلي
لبس ريشات تاجك وسفة ياويلي
سلبهن خوية منك ياكفيلي
رد چفك والأزنود خوية وأرجع أردود
وأفني گوم الأرجاس


♧♧♧♧♧♧♧♧♧♧♧


قصيدة للعباس (ع)

عزة عزة وأم البنين أويانة
وأتصيح يبني الگطعو ذرعانة

وين التوّن وأتعينهة عزة عزة
يهدم الحيل أونينهة عزة عزة
ضحت أبكل أبنينهة عزة عزة
وضلت تون حزنانة عزة عزة

♧♧♧♧♧♧♧♧♧♧♧


قصيدة للحسين (ع)

آني ما محتاجة بس شوفتكم
آني ما متمنية بس لمتكم
ومن تون الروح وأتريد الدوة
أحچيلهة أحچاية أمن أحچايتكم

أذكر أبعمري الگضيتة أوياكم
تنساني روحي لو ردت أنساكم
غمة عمر الما خلص وياكم
ولا ضلت أبدار الغرب أخيتكم

♧♧♧♧♧♧♧♧♧♧♧

موجودة القصائد في الجزء الأول من ديوان ( الحسين والكف في كربلاء الطف ) الذي سيصدر قريبا إن شاء الله

https://www.tg-me.com/ALHUSSEN_M

قصيدة للعباس عليه السلام
طور ( مظلوم مظلوم بالغاضرية )

عباس عباس الحك علية
عباس عباس زينب سبية
■♤■♤■♤■♤■♤■

حرگولي أخيامي ضربولي أيتامي
ما ضل ولي أيحامي عني وعن العيلة
تاليهة يسبونة بالحبل جرونة
والأهل ما جونة حملي من أيشيلة
ناديت ناديت الهاشمية


وينك يبو فاضل ياخوية يالكافل
دمعي جرة سايل محتاجة أنة وجودك
عباس أبو الغيرة أختك ترة أيسيرة
مهضومة وأبحيرة وأعرفك أبزودك
ياخوي ياخوي أگعد ألية


گوم أنهض أحميني ياخوية ضي عيني
لا لا تخليني ما ضل الي والي
بالسوط ضربوني وأمورمة أمتوني
دم تجري أعيوني مهمومة وأشحالي
أهموم أهموم بالغاضرية


للشام ودونة خدري يسلبونة
ضليت محزونة بالغربة ذلوني
صعبة وأنة زينب من خدري يتسلب
أبچي ودموعي أتصب وما يرحموني
ياحيف ياحيف وأمي الزچية


مو طبعك أتجافي وأعرفك أتوافي
صوتك أشو خافي جاوبني يالهيبة
گاللهة أعذريني مگطوعة چفيني
والسهم في عيني وأفراگچ أمصيبة
تفداچ تفداچ عيني وأدية


■♤■♤■♤■♤■♤■

الحاجة أم محمد الكناني
أنين الزهراء عليها السلام الجزء الخامس

https://www.tg-me.com/ALHUSSEN_M

( الحسين والكف في كربلاء الطف ) الجزء الأول الآن في المكتبات ويتضمن هذا الكتاب محاضرات ونعي وهوسات وقصائد لهلال شهر محرم ونزول كربلاء وللعليلة ولمسلم بن عقيل وللقاسم ولعلي الأكبر والرضيع وليلة العاشر ويوم الحادي عشر والدفن وللعباس وللحسين ودخول زينب للشام ولرقية ولزينب وللأربعين وللرجوع الى الديار
سائلين الله تعالى القبول منا ومنكم خدمة الحسين عليه السلام بحق محمد وآل محمد

https://www.tg-me.com/ALHUSSEN_M

بناء على طلب بعض الاخوه والاخوات الكرام على مراكز بيع الكتب والاصدارات الجديده في المحافظات
1/بغداد شارع المتنبي
2/كاظميه مكتبه القبس
3/مدينة الصدر مكتبه ابراهيم
4/مكتبه جاسم السلطاني
5/كربلاء جميع العتبات المقدسه وسرداب المكاتب
6/النجف الاشرف جميع المكاتب
7/الناصريه مكتبه انوار الزهراء
مكتبه ابو محمد شارع الحبوبي
سوق الشيوخ مكتبه هاني
الرفاعي مكتبه ابو احمد
الشطره مكتبه النهضه الحسينيه
8/السماوه مكتبه الشيخ علي حرجان
9/البصره مكتبه دار الحكمه
مكتبه دعاء الخير
الزبير مكتبه ابو تيسير
الكرنه مكتبه الشيخ ابو احمد
10 /الديوانيه مكتبه الثقلين

قصيدة للعباس ( عليه السلام )
طور( ما أعيش بدنياي لو ما أنت وياي ) ملا باسم الكربلائي
###################

ياخوية أحتاريت للشاطي أتعنيت
ماضن تدري سلبو خدري وينك ياعباس

■□■□■□■□■□■

تعنيت وأجيتك خوية ياعباس
ترضى أشلون لأختك ما بقت حراس
گوم وياي يبو الغيرة وأبو النوماس
سبية أمشي وتتفرج علية الناس
وعدك وينة وياي خوية أشلون الراي
تايه فكري سلبو خدري وينك ياعباس


يبو فاضل أنة أبحيرة وأريدنك
بالشدات وكت الضيج أندبنك
ودوم وياي بالكلفات أعرفنك
وأجيت اليوم منتضرة وعد منك
ياخوي الكافل ولحملي شايل
حرت بأمري سلبو خدري وينك ياعباس


تدريني يخوية أبعازتك آنة
حرم وأطفال تنادي گوم ويانة
يبو الغيرة ترضى أبولية أعدانة
وأنة زينب عگب عيناك حزنانة
وينك يالوالي أشكيلك حالي
دمعي اليجري سلبو خدري وينك ياعباس


يخوية أشلون ضلت تصرخ أيتامي
مفجوعين شبت نار بخيامي
أنة أبحيرة هاجت بية آلامي
وأنت أعلة الشريعة أمگطع ودامي
ضليت أبحيرة يالكلك غيرة
خوية وعمري سلبو خدري وينك ياعباس


العتب ياخوي تركته البيني وبينك
من شفتك مگطوعات چفينك
عفاني أشلون أسمع صرخة أونينك
وحرت أشلون أطلع سهم البعينك
مگطوعة الأزنود ومنك طاح الجود
ناري بصدري سلبو خدري وينك ياعباس


■□■□■□■□■□■

الحاجة أم محمد الكناني
أنين الزهراء عليها السلام الجزء السابع الخامس

https://www.tg-me.com/ALHUSSEN_M

قصيدة للجواد ( عليه السلام )
طور ( شالو جنازتهة ) ملا باسم


ننصب عزية اليوم نوح وحزن وأهموم
أبن الرضا مسموم واسو الزچية

●□●□●□●□●□●

اليوم الجواد أمودعينة أحبابه
تنحب ومهضومة وتون لمصابه
تصعب علينة فرگته وأغيابه
أبن الزچية والعدة ما هابه
وين اليون وأينوح ونة أبگلب مجروح
فارك ولينة الروح واسو الزچية


مسموم ياويلي الجواد أشحالة
فارك أحبابه وشيعته وأعيالة
منهو يشيع أجنازته ومن شالة
كل عين تبچي لفرگته همالة
أبيا ذنب سموه عدوانه ما رحموه
ياشيعة لا تنسوه واسو الزچية


اليوم الزچية بهالخبر مفجوعة
كل يوم مهضومة بمصيبة ولوعة
ونتهة من كسر الضلع مسموعة
واليوم الجواد أجنازته مرفوعة
وين اليعازيهة والدمعة يجريهة
الحزن غاطيهة واسو الزچية


هذا عزانة ما نعوفة للجواد
كل سنة وكل عام اليمر نعلن حداد
أنطوف دوم أبحضرته باب المراد
يالحاضر أبكل معضلة وأبكل شداد
يالتعتني لبابه شم ريحة أترابه
وأبچي على أمصابه واسو الزچية

●□●□●□●□●□●

الحاجة أم محمد الكناني
أنين الزهراء عليها السلام الجزء السابع

https://www.tg-me.com/ALHUSSEN_M