ليلة العليلة
الليلة الثالثة من شهر محرم 💔
‏خَذت ڪِل الأهَـل ما چنِّي مِن أهلك 💔!،
#فاطمة_العليلة

سَلَامٌ عَلَى صَبْرُكِ و دَمْعُكِ الْمُتَنَاثِر وَجِسْمُكِ الذَّابِل و رُوحَكِ الَّتِي
اِنْطَفَأَت حِين فَارَقَك الْحُسَيْن💔
‏‌ #فاطمه_العليله⁩

بوداع العليلة والحُسَيْن
‏وبأمنياتها الأخيرة وهي تُنادي :

‏" وياك إخذني أضوي بدروبك شمِع ،
‏آنَه العليلة وبغيابك أنفجَع " .

الهي بفاطمة العليلة عليها السلام اقضي حوائجنا اشف مرضانا

‏خُذني أبي هذا الفراقُ أليمُ
إنِّي العَليلَة وَالفؤادُ سَقيمُ

فَلئِن تَركتَني فَالمَواجِعُ مَنزِلي
حُزني جِدارٌ فِي الضُّلوعِ يُقيمُ

إنْ غِبتَ من يَمسَح برأسِ يتيمةٍ
كانَ البَلاءُ بها فَصارَ عَظيمُ

اللهم بـعليلة الحُسَين حقق لي مُرادي

ودعوني والكلب مني انفطر
ودعوني وانه مشتعله جمر
###########
الفاكـــــــــــد احبابه يخلص وكته اه
محد يصبره ولا يوكف معــــــــــــــاه
يكضي عمره مدوهن ومدري شدهاه
مثل طفــــــــل بصحرا عن احبابه تاه
شلون حاله العاش عمره بلايه اهل
شلون حاله والعشك روحه رحل
شلون حاله فاگد يخلص العمر
###############
زغيره وگدار الحزن كلش چبير
بيا گلب انه احتمل هذا المصير
يا حبيبي روحتك مثل السعير
ومن عرفتك للهجر وكتي گصير
سنيني راحن من رحل عني المحب
سنيني راحن خلصن بشلعة گلب
سنيني راحن ابين ونات وقهر
###################
مثل دمعة بنص بحر عمري يضيع
يافكـــــــدكم ياهلي مصابه فجيع
لا علي ظلالـــــــي ابو الخلق الرفيع
حتى من عيني خـــــذو نور الرضيع
بلكي سلوه يبقى وياي الولد
بلكي سلوه والعشكته منفگد
بلكي سلوه مابقى عندي صبر
#####################
شلون حالي وانه بجروحـي اهيم
وليلي من يدنه يخلص كـــله ضيم
يا علي صحته وندبته لحملي جيم
وانت تدري ياعلي بحـــــــال اليتيم
واليتامه مني تتعلم حــــــــزن
واليتامه نارهــــــــم بيه دون
واليتامه لحالتي الكل انكسر
####################
ياحبيبي البل كلب خـــذت المكان
هم تظن انساك لــــــو انسى الحنان
صح وداعك ما اجــه بأفضل اوان
خله غصه بگلبي مادام الزمــــــان
كون ميته ولا اودع مهجتي
كون ميته ويمى تبكى جنازتي
كون ميته ولا شفت هذا الامر

ونسألكم الدعاء والتوفيق


لخادم ال محمد عليهم السلام
الشاعر حيدر كاظم الساري

قصيده الئ مولاتي العليله ع

بويه تجرحني يساعات الوداع
وانه بعدك عشت عمري بلظياع
رايح وياراحه من بعدك الي
مامحسبه انه اظل بلا هلي

منو مثلي يانام اليل بين اهله ومحنتهم
ويفز جرحه ابصباح الله ويظل يبچي اعله لمتهم
الچانو بلسم الجرحي وين الدنيه ودتهم
حجر سبحه عله ظهر الماي هيچ الدنيه طشرتهم

منين اجيب الحيل وركظ للخيام
وگمت ادور طارش يوصل السلام
يادموع العين علخد رتلي
مامحسبه انه اظل ابلاهلي
///(((((////////////

انه اول جرح لحسين حاچاني بدمع عينه
اثاري بل بعد يدري المسافه البيني والبينه
اشگد حاولت اقنعنه وگلتله من المرض زينه
بچيت وادري موبيده وموطبعه يبچينه

انه مازعلانه عنك راظيه
وگعد ابچي اعله السنين الماظيه
محسبه اروح وياك وعطش ونسبي
مامحسبه وحيده اظل ابلا هلي
////////////////////

تعال الخاطر العشره ولو ساعه ارد اشمنك
موبيدي البعد كتال يبويه اهواي احبنك
وجيب اوياك اخياتي العزاز اليشبهنك
يوميه اعله باب الدار اليه جاي ارسمنك

افراگك الكاتل تره هداني
لازمه الباب ابدمع خلاني

نوحي ياروحي بعد وتحملي
مامحسبه اوحيده اضل ابلاهلي
///////////////////////

الجرح موسالفه وصوره الجرح لچمه ابأثرلچمه
انتظار وجرح المفارگ بطفهم تجرح النسمه
گالولي هلچ ماتو والخيمات متهدمه
حسيت اليتم والظيم العلي مايوم متعلمه

يعني ايس مايجوني الراحو
عله التراب اعزازي كلهم طاحو
يازمن عندك جروح اتظم الي
مامحسبه وحيده اضل ابلاهلي
///////////////////////////

بعيد اعليه صار الطف مسافة زينب وتلهه
ابكثر ماعثرت وگامت ابلچمتي ماشفت حلهه
اسهامك بويه اتمنه ابنص كلبي وصعب فلهه
وكون احبال البزينب تشد اچفوفي وتهدهه

وين عبدالله ورقيه اخواني
بويه والله افراگهم سلاني
لحضه منهم ماگطعت انه وعلي
مااحس اوحيده اضل ابلاهلي
الشاعر سلام البهادلي

نزلة ام البنين عليها السلام

للوفه صح امّهات هوايه
ماكو مثل ام الگمر وفايه
٠٠٠٠٠٠٠٠٠٠
ماكو مثل ام الكفيل بكل زمن
فاقت الحرة بوفاها عله الوفن
ضحّت بأربع ولد لمّ الحسن
فاطمه ام ابوفاضل هايه
٠٠٠٠٠٠٠٠٠٠٠
فاطمه ام ابوفاضل عارفه
ماكو منها بالسخاء وبالوفه
سيّدتها فقط بنت المصطفه
فاطمه الزهراء أعظم ايه
٠٠٠٠٠٠٠٠٠٠٠
من مثل ام البنين امن النِسَه
للوفه وللطيب صارت مدرَسَه
لأن جانت للحُسين اتقدّسَه
الله شرّفها ورفعها لهايه
٠٠٠٠٠٠٠٠٠٠٠٠٠
لجل ابواليمه الذبيح بنينوه
ضحّت باولادها كلهم سوه
للنهر عباس من طب ما روه
اتذكّر امّه الوصته بحچايه
٠٠٠٠٠٠٠٠٠٠٠٠
اتذكّر امّه وما شرب ماي النهر
من وكع عالمشرعه دامي الگمر
حسين من يم الخيم ظهره انكسر
بطيحت الكافل تطيح الرايه
٠٠٠٠٠٠٠٠٠٠٠٠٠
من اجاها الناعي وگفت سألته
عن ابنها بالطفوف وفزعته
گلها وفّه بالعهد من ندبته
زينب وسوه الطفوف ادمايه

فرحت بتضحيت ابنها وزوده
لزينب العباس وفّه عهوده
چفوفه وجروح السيوف شهوده
الغايه يرضي حسين اشرف غايه

سيد زيد الفحام
محرم

ـــــــــــــــــــــــــــــــــــ
وينك اسأل عليك بكل كتر 💔💔💔
سيدي أيها الصاحب امسح على رؤوسنا بطمأنينتك لا تقطع الأمل بنا
نحن المذنبين الذين أعيتهم قلوبهم المتعلقة بهذه الدنيا الفانية
بحق جدتك لا تقطع الأمل بنا....


#اللهم_عجل_لوليك_الفرج

🗓 #محرم_1447هـ
🗓#بحر_طويل
#بين_العليلة_وزينب_ع

ياعمه رقية وين وعبد الله الطفل وينه
يمكن ماعُرَفت اوجوه خواتي ومنهن اسكينه

ردّت زينب ابآهات يامعظم مصيبتنه
رقية اهناك برض الشام مدفونه زغيرتنه
منها خمدت الأنفاس من الخوف طفلتنه
شافت بالطشت راسه  والدم تارس اجبينه

عبد الله بسهم  ملعون  اويلي وگطعوا اوريده
اعان الله گلب احسين ابحضنه ذبحوا اوليده
انحنى ظهره ودعى ربه وأخذ دم الطفل بيده
رمى دم الرضيع الفوگ ولا قطرة انزلت لينه

زينب الخفاجي
https://www.tg-me.com/AL_Nay_and_Alrthaa