‏وَبِدأتَ حُكايِة العقَيلة
زَيّنَب فيْ أرِض كربَلاءْ ..

"هَلْ أَتىٰ عَلَىٰ الْإِنْسانِ" مَثلَمَا مرَّ عَلَىٰ زِينَب؟

نحنُ
ننتظر على أحر من الجمر بقلوب" مكسورة ليلة العباس عليه السلام المعروفة بالمعجزات

هَكَذَا يَجِبُ أَنْ يَكُونَ حَالُنَا فِي أَيَّامِ العَزَاءِ!

عَنْ الرِّضَا عَلَيْهِ السَّلَامُ: فَعَلَىٰ مِثْلِ الحُسَيْنِ فَلْيَبْكِ البَاكُونَ، فَإِنَّ البُكَاءَ عَلَيْهِ يَحُطُّ الذُّنُوبَ العِظَامَ.
ثُمَّ قَالَ: كَانَ أَبِي الكَاظِمُ عَلَيْهِ السَّلَامُ إِذَا دَخَلَ شَهْرُ مُحَرَّمٍ لَا يُرَىٰ ضَاحِكًا، وَكَانَتِ الكَآبَةُ تُغْلِبُ عَلَيْهِ حَتَّىٰ تَمْضِيَ عَشَرَةُ أَيَّامٍ، فَإِذَا كَانَ يَوْمُ العَاشِرِ، كَانَ ذٰلِكَ اليَوْمُ يَوْمَ مُصِيبَتِهِ وَحُزْنِهِ وَبُكَائِهِ، وَيَقُولُ: هُوَ اليَوْمُ الَّذِي قُتِلَ فِيهِ الحُسَيْنُ عَلَيْهِ السَّلَامُ.

• وَسَائِلُ الشِّيعَةِ، ج١٠، ص٣٩٤.
لَا تَتْرُكُوا مَجَالِسَ الحُسَيْن .

#نعي

خروج ضعن مولانا سيد الشهداء صلوات الله عليه من المدينة




درب السلامه يهل الضعون
وادري بسفركم ماتسلمون

ادري بدربكم موت ونياح
وذباح هذا السفر ذباح
ميلة گفاكم ميلة ارماح
ويلاه يهلنه الما تـردون

ويلاه يهلنه الفرگه تعذيب
امداره العليل يريد ويطيب
مو عنّه أهله بحاجته اتغيب
الفرگه موت وعلتي تهون

يهلي الحنين يموته الغياب
يگضي حياته امگابل الباب
بلكت تحركه اچفوف الاحباب
كافي الهوه يخيّب بالظنون

يهلي العليله اتاني مكتوب
وحشه وعليها مسرگه البوب
وتارس نظرها اتراب الدروب
گـدمـا تتانيكم ترجعون

لا يمي عبد الله وأداريه
ويصبر عيوني وأناغيه
يسليني بعيونه وأسليه
لحدما علي يهلي تعودون

لا يمي اخـو ويشيل الاثگال
ولايمي اخت واشكيلها الحال
يهلي الحمل معتاز شيّال
مال الحمل ياماي العيون

سجاد الگريزي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

رسالة مولاتي العليلة لمولاي الحسين روحي فداهما بعد ان سمعت إنه اعراب عازم على السفر للعراق فأرسلت بيده جروح قلبها قائلة :

رســـالـه امـن البنيه الـمـاخـذوهـا
الى حضرت جناب وشخص ابوها
شـو طالـت الــمــده اومـا اجــوها
ماتـــــوا اهـلـهـا لــو نـســـــــوهــا

يهل ناوي بمسيرك لارض العراگ
اخذ مني سلام وعتـب واشـواگ
وگله اعلا العليله يالنفـس ضاگ
طالـت والگـلـب لأحبابه مشتاگ

مشى وعـيـونـهـا تـتبــع مـســيره
مريضه وحيرة الـمـشـتاگ حــيره
وياحــســـــرت الـفـرگـــه چـبـيره
راح الابــــو الـمـايـصـح غــــيره

وصل مرسالها لحسين وحســــين
احــتــار ابـينـهـا وبين النــسـاوين
قــره مرسالها اوهــل دمعـة العـين
وصـاح اعـلا زينب والـحــرم وين

اخــذ مكتوبها وبـشــــوگ شــمــه
وزادت ونــتـــــه وإزداد هــمــه
لا الأكــــبــــر ولا عـبــاس يـــمـه
والنســــوان كلــهــن غـــدن لـمـه
عليمن هــالـبـواچـــــي ينـشدنه

احتار حسين شيسولف او شيگلهن
كل وحده باسمها موديه شوگ الهن
وخصت بالسلام ام عـــــون عمتهن
ورقيه بالاســــم وسـكينه ذكـرتهن

وحك عودك امام الانس /وجن
نشدت الرايحات عليك / وجن
يبويه بگلبي الك نيران / وجن
خذاني المرض بويه الحگ عليه

نسألكم الدعاء

السيد سيد حسين الياسري

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي #تراث
لمولاتي العليلة صلوات الله عليها

بچت كل عين من شافت بچاها
اوبچه احسين اعلى حالتها اوتناها
تگله ابجدك المختار طاها
انه ريد الظعن حطت رحاله

آمر بالنزول او تلگنها
خوات احسين رادن يهودنها
عن هاي المصايب يسلنها
افراگ احسين يو وحشة اعياله

يگللها الحرم للدار ردي
تگول اشلون اهودن بعد وحدي
عبدالله الطفل خلوه عندي
رضيع اوخاف تتغير أحواله

خذت منهم طفلهم وفردت بيه
او عية فاطمه للحرم تنطيه
اخوها امرادها سلوه تخليه
خذن منها الطفل بت الرساله

صاحت آه یا بویه اتنوني
يوبه احسين وياكم اخذوني
وحيده او هم عليله تخلوني
فگدکم یا هلي العلتي اچماله

يگلها انچانه حلينه البلاد
نشوف اعراقها او يطون المراد
اخوي ايچيچ متعني السجاد
تجين اوياه بالعز والجلاله

تهم ليهم او عنهم ما نعوها
تنادي يا هلي من فاركوها
اجت للمحمل فگدت نور ابوها
طش المجلس ابغيبت اهلاله


الشاعر المرحوم عبد الامير الفتلاوي


#اللهم_عجل_لوليك_الفرج

#محرم_1447
#الخروج_من_المدينة
لسان حال السيدة فاطمة العليلة ع:

#طور_الفراق
تدري صعبه ...  فرگةِ اعْيونك ثگيله
تدري صعبه ... گلبي يبقى ابْلا خليله
تدري صعبه ... خل يِسَمّوني عليله

مِن تِسافر ... يعني داري ابْلايه دار
مِن تِسافر ... تِشعلِ امْنِ اضْلوعي نار
مِن تِسافر ... يِندفنْ نورِ النّهار

جواب الإمام الحسين ع

#طور_سامحيني
خل أحِضْنِجْ ... اوَدِّعَنِّجْ .. وْلا تِذِرفيها دَمِعتجْ وَسطِ لِذْراع

خل أحِضْنِجْ ... اوَدِّعَنِّجْ .. خل أَشِمَّن عِطرِجِ وْاَشْبعِ اوْداع

خايفِ اعْليج ... من سبي اوْذبحِ اوْقهَرْ بالغاضريّه
خايفِ اعْليج ... لا تِوَرمِ امْتونجِ اسْياطُ أَميّة

نغم جمّول
https://www.tg-me.com/AL_Nay_and_Alrthaa

#حدي
لمولاتي العليلة روحي فداها

يا راكبا اللي فوك سباگة الريـح
خوذ العمامي اولبوي حسين گرطاس

وگول العليله فاطمة تگوم وتطيح
وبفراگ اهلها لاويه الجيد والراس

وتگولهم فاطمه لو جسمها صحيح
بدرياكم تبگه يـطيبين لا باس

يا طارشي ارمح بالكتاب ترميح
بالخير والشر ضامره الحر حساس

وشوفني وگول الوالدي حسين تفصيح
المايرحموه هله ما ترحمه الناس

حيلي ركد بفراكهم وشوفي أشـحيح
بثنين صرت بواهمـه وبين وهواس

يا طارشي عبر النواويس وتصيح
وين المذاريب النشامه وين عباس


الشاعر المرحوم مُعين السباك

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

من ظل وحيد اوراح حيله
ليه وصل مكتوب العليله
شاف الكتاب وهلت العين
واتگول فرگتكم ثگيله

--------
وديتلك مرسال بدموع
وفرگاك يكسر گلب وادموع
ماريد ازيدك هم علهموم
بس گلبي من فرگاك مشلوع

---------
شلونك يبويه ان شاء الله زين
ابيا مچان ومستقر وين
مشتاگه اشبگك واگعد وياك
ومشتاگه لعيونك يلحسين

---------

ظليت اميل وي الهوه الهاب
والفرگه زادت علتي اصواب
مو گلت اودي الاكبر اعليچ
من رحت لسه انطر ع الباب

---------
ابعمر طفله اوشيب الراس
وعليه ثگلت حتى الانفاس
وديتلك مكتوب  بدموع
وديلي الاكبر عمي عباس

-----------
البيت صاير بيت الاحزان
وافراگ الرظيع بوجهي نيشان
من السفر عبدلله متعوب ؟
الگلب ليش يگلي عطشان!

--------
سلم على عمتي الحنينه
وسلم على ارقيه وسكينه
يسلم على كل حرمه وياك
مرسال هذه من المدينه

علي الحميداوي الكربلائي

#اللهم_عجل_لوليك_الفرج
https://www.tg-me.com/AL_Nay_and_Alrthaa

#نعي

اخذني من ايدي عباس وطلعني
وضعني حلو وشمحلات ضعني
لحد شافني ولحد سمعني
ليش بكربله دهري فجعني

#اللهم_عجل_لوليك_الفرج

يــا آلَ مُحمَد الطيبين الطَاهرين أُشهد اللّٰـــه وملائكته انِّي سِلْمٌ لِّمَنْ سَالَمَكُمْ وَحَرْبٌ لِّمَنْ حَارَبَكُمْ وَوَلِيٌّ لِّمَنْ وَالاكُمْ وَعَدُوٌّ لَِمَنْ عَادَاكُـــــمْ

#نعي
للسيدة العليلة صلوات الله عليها

رايح ابوي أبعيد رايح
گمت أسال بدمع النوايح
ينفع وره المجفين صايح ؟
طايح يگلبي الليله طايح

ونيت اريد اوجوه الاحنان
فارغ البيت يريد وليان
يا گلبي عيش شلون ما چان
ساعه العمر والنوب خلصان

هذا الدهر هاي المصيبه
بالدار واتسمى الغريبه
الرباني هسه منين اجيبه
گلبي اليون فارگ حبيبه

ليهسه بذني اصوات الاحباب
ظليت أون ومگابله الباب
من الفرگه چني چفوف شياب
يا ضيمي گعد حدر التراب

يلفون ما يلفون حيره
بالبيت بس حال الاسيره
ديرة هلي ما چنهه ديره
ظلمه ونواعيهه چثيره

كلمات الخادم / رعد الفريجي

#اللهم_عجل_لوليك_الفرج