#أبوذية

يريت الداست بصدرك ترك باي
فراگك لجمه يم لجمه ترك باي
جابو ناگتي وصاحو ترك باي
شلون أصعد وانه مجتفين إديه

#اللهم_عجل_لوليك_الفرج

#نعي

لسان حال مولاتي زينب
لما صعدت فوق. التل وهي تنظر الى الحسين فتراه بتلك الحاله
كاني بها تقول

فوك الترب و يميل راسه
بعدة عدل والخيل داسة
الحافر بصدرة حين جاسة
فوك العطش يخنگ انفاسه
جاوين اخوته او وين ناسه
وتركض تحشملة عباسه
وتكله جيب وياك طاسه
امن العلكمي تبرد احساسه
وحسين جان العذب كاسه
تفطرت شفته وذبل ياسه
والرمل حار وكام باسه

عالتلة و الدمعة اتلاله
وحشمت لحسين العيالة
وبصوت اسمعة يصيح لاله
لحدر الحوافر شنهي حاله
ساعة وشوف الشمر جاله
فوك الرمح و الراس شالة
يهل المراجل و البساله
فزعو على اخيام الجلاله
وحسين حركو كل دلاله
طش الضعن كلمن مشالة

كريم الدراجي

#اللهم_عجل_لوليك_الفرج

#نعي

يا من ولا ناصر بقاله
يا من يبچي الصخر حاله
وبيده اذبحوا أغلى أطفاله
وگليبه كلساعه يتفطر

يا من كسر گلب الزچية
يا منكسر ظهره عله خيه
يا من صبر حد المنية
يا حاير وأملاك حيّر

يا من ثلث ايام عاري
وعالوجه نايم بالصحاري
وغسله الدم والچفن ذاري
وجسمه بالسهام ايتشجر

يا من لضيمه لطمت الحور
و لمصايبه يتصدع الطور
الجن اجته وگلها مشكور
أرد التقي بربي (بجدي) مُعفر

يا من الحَر فطر أشفافه
وجروحه كلفه والحسافة
بيناتهن ماكو مسافة
طعنة على طعنة، الله اكبر

يا من لطف وي اللي عاداه
والطف وسف ما لطف وياه
يا من يدور رضا مولاه
ورضو اعظامه العبدو الشر

يا من يلم شوك الوطية
خايف على بنته رقيه
ويحسب لكل من سبيه
يا من نسائه طرن  البر

يا من يُراق بظلم دمه
واندفن راسه عگب جسمه
والبايعو نكثوله ذمة
يا وتر يل جدامه عسكر

علي العابدي النجفي

#اللهم_عجل_لوليك_الفرج

#نعي

بين الضعن ونه غريبه
يبني ودللولك مصيبه
صار الغروب امنين اجيبه
بهذا الوكت موعد حليبه

بين الضعن گلب امك يلوب
مو زين يبني نوم الغروب
لا جبت طولك لاجبت ثوب
وبالخيمه مهدك عفته مگلوب

بعده ابني ماحاجيله چلمه
ولا گصر بعده إعليه هدمه
شماله النهر مايه يحرمه
ما لحگ ابني ايگلي يمه

اتنود الهزيله ويبدي ونهه
اتذكر الرباب بمهد ابنهه
وبدال ابنهه الراح منهه
اتحط الحبل وسطت حضنهه

لوليت إلك ويدي خليه
حسبالي غافي ابين ايديه
يالمو گدارك هل منيه
عوف الرمح حضني خطيه

شتظنه گلب الفاچده ارتاح..؟.  
ومشدود راسك فوگ الرماح
شماملت گلبي إمن الهزل طاح
والله جفه الرضعان ذباح

يالذابحين اوليدي يرضع
شوغة افراگ الضنه تگطع
شيال رمحه خله يركع
بس ارد اگمط رمحه ورجع

مابي محّنه مثلي رمحك
مو ترف بس يهتز يجرحك
يالطفوا إمن العطش صبحك
يعابي النهر دله اليذبحك

شالك رمح ونشال نومي
يالچان وجهك ونس يومي
تحرم تضوگ الفي رسومي
وانت الشمس فوگك تحومي

محمد الربيعي

#اللهم_عجل_لوليك_الفرج

يَا حُسَيْنُ..
جَعَلَنِي اللهُ مِنَ البَاكِينَ عَلَيْكَ
وَمِنَ الطَّالِبِينَ بِثَأْرِكَ تَحْتَ لِوَاءِ وَلَدِكَ المَهْدِيِّ.
السَّلامُ عَلى الأئِمَّةِ السَّادَاتِ،
السَّلامُ عَلى الجُيوبِ المُضَرَّجَاتِ..

السلام عليك يا ثار الله وابن ثاره
#وفاء_للحسين

ياصاحب الزمان 😭💔

ياصاحب الزمان 😭💔

نشر جديد
قصيدة ليلة الوحشة

عجباً أتُغضي صاحبَ الأمرِ
وحسينُ ملْقىً في فلاً قفرِ ؟!

لا شكَّ عينُكَ شاهدتْ حدثاً
أجرى دموعَ العرشِ كالقَطْرِ

لا لستُ أقصدُ سهمَ حرملةٍ
أو ما جناهُ باترُ الشِّمرِ

كلاَّ ولا رضَّ الخيولِ لهِ
راحتْ على أضلاعهِ تجري

لكنْ عنيتُ مصابَ زينبَ إذْ
ركضتْ لهُ محنيَّةَ الظَّهرِ

قامتْ تفَتِّشُ عنهُ في جُثثٍ
مفصولةِ الأعضاءِ والنَّحرِ

عَرَفَتْهُ منْ عطرِ البتولِ ويا
لَلهِ ذاكَ العطرُ منْ عطرِ !

عجباً وليَّ الثأرِ تشهدُها
ويُطيقُ سيفُكَ مغمَدَ الصبرِ ؟!

أهوتْ لديهِ تقولُ يا عمَدي
يا شيخَ عزِّيَ يا رجا عُمْري

آهٍ عليكَ بقيتَ منعفراً
تحتَ المواضي البيضِ والسُّمْرِ

لمْ تَلْقَ غُسْلاً في الطفوفِ سوى
منْ دمعِ وحْشٍ هامَ في البرِّ

وعليكَ ما مدَّ البنونَ رِداً
لكنْ تُظِلُّكَ أَجْنُحُ الطَّيرِ

أحسينُ قمْ وانظرْ نساكَ فقدْ
نامتْ على كُثُبٍ منَ الجمْرِ

حرقوا الخيامَ لنا وحارسُنا
زجرٌ يُريعُ الظَّعنَ بالزَّجرِ

أحسينُ كيفَ ترى العيونُ إذا
جاءَ الظلامُ ولمْ يجِئْ بدري !

تمت بعناية الحجة (عجل الله فرجه)


الشاعر علي عسيلي العاملي
#ليلة_الوحشة
#اللهم_عجل_لوليك_الفرج

يزينب ودعيني و لليسر كومي
بده يومج يزينب من بعد يومي
................
بده يومج يزينب والسبي امحشم
اجاج  وبالشمر  لدموعج   امحزم
وانه راسي اعله رمحه يبچي دمعه ودم
 
يزينب لوعثرتي اتعايني ارسومي
بده يومج يزينب من بعد يومي
.................
مثل خنجر شمر كل خطوه تذبحني
واعاين للهزيلة وچنها  تسحكني
على جروحي وعلى صدري وعلى متني
 
ويرد حته السلبني ايسلب اهدومي
بده يومج يزينب من بعد يومي
...............
يزينب ودعيني وبالنحر شمي
تره مطشر يزينب عالترب لحمي
اتركي اوصالي لكن عيلتج لمي
 
مصيبة غُربتج   اتزيد اهمومي
بده يومج يزينب من بعد يومي
..................
تره موبس حوافر يختي لجمتني
خيامج من شفتها وعشره داستنني
احس نار الخيام  ابكلبي جوتني
 
چنت بعيوني اعاين صوبج وأومي
بده يومج يزينب من بعد يومي
..................
اوصيج  برقيه وخوله واسكينه
يتامه وانتي جربتي اليتم وينه
تره الدنيا ابمصايب هدت اعلينه
 
بعتها الدنيا وبخنجر شمر سومي
بده يومج يزينب من بعد يومي
.................
اريدج خيمه صيري اعله العيال انتي
مثل كبل الطفوف وذبحي من چنتي
اميره وغير اميره ابلحظه ماصرتي
 
واذا ردتي ابدموعج للوكت لُومي
بده يومج يزينب من بعد يومي
................
خِطُوتج ملحمه صح مره بس حلوه
يرفعة راسي صرتي بالصبر قدوه
يضل من كبريائج كل صبر يقوه
 
و روحج حمامه اعلينه وتحوَمي
بده يومج يزينب من بعد يومي
..............زهير الابراهيمي

ابضلام الليل اخت عباس ..  تندس
تون او بالجسد يحسين ....   تندس
تگول اعليك اخاف انوب ..... تنداس
اضمك وين خويه اشلون بيه ...

گبل چان النه حشمه .. والنه هيبه
الهوى احنه النحركه ...    والنهيبه
لچن وليه أنولينه .......    والنهيبه
كفال الضعن ما رجع ليه ..

ابو فاطمة الطائي

زينب تدور عالعباس :

راح أخوي الچنت اشوفنه وطن
راح عامود الخيم حامي الضعن
يا أبا الفضل       يا أبا الفضل
_

حايره او بهمومي صرت امگبعه
راح كفالي او دليلي گطعه
عل شريعه اوصال جسمه اموزعه
وآنه ما أندل طريق المشرعه

اشلون اوصله واگله اعله المحن
راح عامود الخيم حامي الضعن
يا أبا الفضل       يا أبا الفضل
_

أشلون اوصل والنهر بيد الغرب
وآنه عامي اعيوني دخّان او ترب
خيل واسيوف او عساكر بالدرب
رحم ما عدهم ولا عدهم گلب

أشلون بيه مو طِحن گلبي انطَحن
راح عامود الخيم حامي الضعن
يا أبا الفضل       يا أبا الفضل
_

ارد الوذن بيه من شر العِده
ارد اگله الناس بينه امفرهده
ارد اگله ايگوم وايشوف اشسده
نار . وايتام ابرماد اموسده

هجن النسوان بالبر فرفحن
راح عامود الخيم حامي الضعن
يا أبا الفضل       يا أبا الفضل
_

الميت امن اصياحنه فز او گعد
يبو فاضل يمته تلفي اشگد بعد
نار وجّاها علينه ابن سعد
چم يتيم امن الذعر گلبه جمد

أشكثر علويات بسمك صيحن
راح عامود الخيم حامي الضعن
يا أبا الفضل       يا أبا الفضل
_

انت بس ما طحت يا راعي العلم
ركضت الصوبين كلها عل خيم
واحد اينادي الحرم وين الحرم
وين زينب أضربوها ابلا رحم
او مدري چم سوط العليه اتگطعن
راح عامود الخيم حامي الضعن
يا أبا الفضل       يا أبا الفضل
_

أمشي واتعثر واطيح اعله الوجه
مدري يا عباس لاوين اتجه
آخ من شفت الشمر ليه اجه
روحي ما بين الجوانح لايجه

صحت بالنسوان للهيمه اطلعن
راح عامود الخيم حامي الضعن
يا أبا الفضل       يا أبا الفضل
_

هجن النسوان بالحر والشمس
او هنه عطشانات من اول امس
او ضل وراهن يركض بسوطه الرجس
لا رحم عنده ولا بيهن يحس

لحد والله اجلود منها اتشلعن
راح عامود الخيم حامي الضعن
يا أبا الفضل       يا أبا الفضل
_
ابو فاطمة الطائي

زينب مع الحسين في آخر انفاسه تگله :

احسين يبن امي دخيلك لا تون
امنين اجيب الماي جف حتى الجفن

___

احسين يبن امي ونينك بطّله
احسين بچيت السماوات العلا
امنين اجيب الماي هيه كربلا
اتريسو بيها الشمر وي حرمله

الصخر لو حن  هم گلبهم ما يحن
امنين اجيب الماي جف حتى الجفن

___

گطعت گلبي يمهجة فاطمه
طايح ابحر الشمس تشكي الضمه
هيه غير اعيوني تجري امغيمه
لچن يبن امي تهل بس الدمه

اوشوفي اضلم يشبه الليل اليجن
امنين اجيب الماي جف حتى الجفن

___

امنين اجيب الماي واروي مهجتك
يمن ريت اسنيني فدوه الدمعتك
تدري اشسوت ابگلبي ونّتك
شيبت روحي او گلبي اوداعتك

مات حيلي والگلب هل منسحن
امنين اجيب الماي جف حتى الجفن

___

أحنه بس أيتام مفجوعه او حرم
يا هو احشمه او محد ابگلبه رحم
والي اگله أميه يرميك ابسهم
يا ألم ازيد بعد من هل الم

ريت گلبي تطحنه العشره طحن
امنين اجيب الماي جف حتى الجفن

___

ماي ماكو ابكربلا بس الرماح
لا تون يحسين موت او استراح
موت مو ماضل مكان الهل جراح
ارتاح خويه او خلي اعليه النياح

او خلي اعليه السبي او باجي المحن
امنين اجيب الماي جف حتى الجفن

___

گوه تتنفس اشوفك يا نفل
شني الشاغل بالك ابهاذه الشكل
خايف اعلينه  يچتفونه ابحبل
اتخاف يسبينه او يلوعنه النذل

لا تفكر اهواي بــالله نستعن
امنين اجيب الماي جف حتى الجفن

___

ابو فاطمة الطائي

زينب آنه ام المصايب ٢

                          ꧁꧁꧁꧁꧂꧂꧂꧂

آنه ذيچ الشاهدت طف كربله
شايفه اشلون انذبح عقد الوله
و الرضيع ابنحره نبلة حرمله
و اعلى چتل حسين كلها امخيّله

سلّحت كلها الحرايب
زينب آنه ام المصايب ٢

                          ꧁꧁꧁꧁꧂꧂꧂꧂

من همان بانوى غمگينم كه  در
كربلا تا شام  گشتم در به در

كاش مى مردم  نمى ديدم كه شمر
از حسينم تشنه لب  ببريد سر

با خدا  شد. او محارب
زينب آنه ام المصايب ٢

                          ꧁꧁꧁꧁꧂꧂꧂꧂

آنه برض الطف ذگت جمر الضمه
و شاهدت بعيوني اعظم ملحمه
خد   رقيتنه.  شمرهم   لاطمه
و اذكرت لطموا گبل خد  فاطمه

من الزغر ذگت النوايب
زينب آنه ام المصايب ٢

                          ꧁꧁꧁꧁꧂꧂꧂꧂

ديدم آتش شعله ور در خيمه ها
تازيانه بر رخم زد  زخمه ها

مى دويدم خسته سوى قتلگاه
شمر مى زدم بر عبايم لطمه ها

ديده ام. عجب العجايب
زينب آنه ام المصايب ٢

                          ꧁꧁꧁꧁꧂꧂꧂꧂

زينب آنه الشاهدت نار الحرب
تحتمي بيّه اليتامه من الضرب
امشي مسبيّه ابوسط جمع الغُرب
چان گلبي من الخجل لا ما يطب

عمري ويّه ادموعي ذايب
زينب آنه ام المصايب ٢

                          ꧁꧁꧁꧁꧂꧂꧂꧂

خادم خدمة الحسين عليه السلام
ناصر البوعبيد

زينب تدور عالعباس :

راح أخوي الچنت اشوفنه وطن
راح عامود الخيم حامي الضعن
يا أبا الفضل       يا أبا الفضل
_

حايره او بهمومي صرت امگبعه
راح كفالي او دليلي گطعه
عل شريعه اوصال جسمه اموزعه
وآنه ما أندل طريق المشرعه

اشلون اوصله واگله اعله المحن
راح عامود الخيم حامي الضعن
يا أبا الفضل       يا أبا الفضل
_

أشلون اوصل والنهر بيد الغرب
وآنه عامي اعيوني دخّان او ترب
خيل واسيوف او عساكر بالدرب
رحم ما عدهم ولا عدهم گلب

أشلون بيه مو طِحن گلبي انطَحن
راح عامود الخيم حامي الضعن
يا أبا الفضل       يا أبا الفضل
_

ارد الوذن بيه من شر العِده
ارد اگله الناس بينه امفرهده
ارد اگله ايگوم وايشوف اشسده
نار . وايتام ابرماد اموسده

هجن النسوان بالبر فرفحن
راح عامود الخيم حامي الضعن
يا أبا الفضل       يا أبا الفضل
_

الميت امن اصياحنه فز او گعد
يبو فاضل يمته تلفي اشگد بعد
نار وجّاها علينه ابن سعد
چم يتيم امن الذعر گلبه جمد

أشكثر علويات بسمك صيحن
راح عامود الخيم حامي الضعن
يا أبا الفضل       يا أبا الفضل
_

انت بس ما طحت يا راعي العلم
ركضت الصوبين كلها عل خيم
واحد اينادي الحرم وين الحرم
وين زينب أضربوها ابلا رحم
او مدري چم سوط العليه اتگطعن
راح عامود الخيم حامي الضعن
يا أبا الفضل       يا أبا الفضل
_

أمشي واتعثر واطيح اعله الوجه
مدري يا عباس لاوين اتجه
آخ من شفت الشمر ليه اجه
روحي ما بين الجوانح لايجه

صحت بالنسوان للهيمه اطلعن
راح عامود الخيم حامي الضعن
يا أبا الفضل       يا أبا الفضل
_

هجن النسوان بالحر والشمس
او هنه عطشانات من اول امس
او ضل وراهن يركض بسوطه الرجس
لا رحم عنده ولا بيهن يحس

لحد والله اجلود منها اتشلعن
راح عامود الخيم حامي الضعن
يا أبا الفضل       يا أبا الفضل
_
ابو فاطمة الطائي

#مأتم_الزهراء_ع
حِضرت سواده ~ بْونّه كالعاده
نِشرت قميصه~ وتعلن حداد

يِصعَب وضعها ~ تلزم ضلعها
محنية ونّت ~ ومحّد سمعها

مفجوعه زهره~ ويالناعي تقره
تعينه بعزاءه~ لَلْذِبحوا نحره

بونّتها ناحت~ يا وليدي صاحت
انفجعت بٱبنها~ وشهگت وطاحت

تبچي غربته ~ تنعى لْذبحته
عيوني عا ابني ~حزّوا رگبته

هاي المآتم ~ تحضرها فاطم
والمهدي حاضر ~ ناعي ولاطم
خادمة آل محمد✍🏻

#من_ديوان_قربان_الطف_ج٣
قصيدة ليوم عاشر (اصعب ايام)
❥━──➸➽❥❂❥━──➸➽❥❂
يوم عاشر اصعب ايام العمر
لابقالي حسين لاظل الگمر
اهلي ما يبقون الي .. لا علي ولا ابو علي
❥━──➸➽❥❂❥━──➸➽❥❂
اخواني كلها اليوم نامت عالثره
ونار فرگاهم بگلبي مسعره
عاشر بعاشور مثله ما جره
وحدي خلاني الزمان امرمره
يومي خلصته بچي .. واگف بشفتي الحچي
ربي تقبل وانطيني الصبر
❥━──➸➽❥❂❥━──➸➽❥❂
شلون احمله افراگهم ما ينحمل
اخواني يالمنهم ابد لا ما امل
يوم طيحتهم علي لا مو سهل
شگد انه اتمنيت وافاني الاجل
ولا اشوف الفاجعة .. وابقه بالطف ضايعه
شلون بيه بلا ولي وحدي أمر
❥━──➸➽❥❂❥━──➸➽❥❂
هذا اصعب يوم شفته بهالحياة
گامن النسوان عالخد لاطمات
الليل اظلم حيل يصعب عالبنات
زغار هنه وصعبه هاي النائبات
عاشن بلوعة ورعب .. منظر يهد الگلب
من البواچي صارت عيوني حمر
❥━──➸➽❥❂❥━──➸➽❥❂
شرد اجاوبها رقيه من تگول
والدي تأخر عَلي بُعده يطول
مات اويلي حسين سحگته الخيول
لاهي شده وتنگضي وعني تزول
اعليه هذا اصعب جرح .. شفت اخيي منذبح
وانه چنت وياه گاضيته العمر
❥━──➸➽❥❂❥━──➸➽❥❂
يخطر ابالي واكابر عالسؤال
شلون اگدر انسه ايام الدلال
تنسي ايامنه صعبه ومحال
ياحسين وياابو فاضل بس تعال
وين رحتو يخوتي .. الهوه يخنگ ريتي
لا هي سفره وينگظي ادري السفر
❥━──➸➽❥❂❥━──➸➽❥❂
*بقلم✍🏻خادمة اهل البيت ع*
*الشاعرة العلوية مريم النور نسألكم الدعاء الفاتحه الى روح اختي ولأمواتكم:*