كل عام وانتو بخير حبايبي صيام مقبول انشاء الله ✨

قصه جريئة لفتاة تتعرض للتحرش و.............



مساء الخير

#البارت 40
#للكاتبه :❤️

ابو مهند .." يابه شام اخذي وروحي الله وياج .. ما ينطيني كلبي الوعج عليه .. وانت مهند اذا سمعت تعارض لو تحجي اتبرى منك .. يله ام مهند كومي .."

عمو ابو مهند صدك هيج يحجي بس كان عصبي
ومقهور قبل لا يطلعون

مهند حجه .." عمي اريد ارجع شام على ذمتي .."
كمت على حيلي .."واني ما اريد ارجع .. اريد اروح وي اهلي .. انت بديت حياة جديده روح شوف حياتك وازوج وخلف واتركني بحالي .."

عفتهم واخذت اسر لفوك
كعدت بل غرفه وخايفه لا صدك يسويها وياخد اسر مني

التفكير اكل مخي اريد اسيطر على نفسي ما اكدر
اسمع صوت النقاشات جوه بس ما اعرف شيحجون

صعدت نور وتكول مهند تعارك وي بابا وعمو طاردة
ومهند قافل يا ارجع على ذمته يا اما اعوف ابني واروح

بقينا هل فتره متمرمرين ومهند كلش قفل يكول انحرمت منهم من لما كانوا اطفال ما شفت منهم شي وتالي بنتي تموت قصص وروايات عراقية كرار صلاح
وانحرم منها ونوب شام تريد تختمها وتاخذ اسر وياها يعني اصير اجدي شوفت ابني .. واني ما اريده يتربى ببلد الغرب ويصير مثلهم اريد اربي على ايدي

عمو بعد ما كدر عليه سكت منه بس زعلان عليه وما
يحجي ويا وعمتي يوميه تجي عليه تريدني ارجع واني ارفض بحجة هو خاطب وما اريد اخرب على البنيه

عاد سكتت وكفت رجلها عنا .. اني قدمت استقالة لان
اتوقعت راح اكدر اضغط على مهند .. وينطيني اسر
واصلا حتى وان بقيت ما اكدر ارجع هناك لوحدي
وبنتي كل ذكرياتها هناك .. وطفولتها هناك شي فعلا
صعب .. ابوي شكد لح على مهند وهو ما يقبل تالي
بابا كال عوفي وتعالي ويانا .. انصدمت وبقيت ساكته
وبابا هو الي اقترح عليه اقدم استقالتي واني اصلا ما
عارضته لان روحي بعد كلشي ما تريد ..
ابويه .."شو ساكته بابا .. تجين ويانا اني بعد حاولت
وسويت الي عليه وابو قافل .. "

رديت .."وتسألني يا بابا تريدني اعوفه واروح .. بابا اني مو مثلكم اكدر اعوف بزري واسافر لبلد بعيد يابه اني اممم تعرف شنو امم .. يعني بعد ما خسرت بنتي تريدني اخسر
ابني مستحيييل اتقبل هل شي وين ما اروح اسر وياي ما اتركه .. لا تتوقع اتركه واسافر .. انتو من عفتوني كنت كبيره وفاهمه بس ايضا كنت بحاجة الكم .. ما اخلي ابني
يعاني مثل ما عانيت .."

عفته وكمت من مكاني بقيت متحيرة وما اعرف شسوي
وابوي كلش داخ بهل سالفه وصارلهم هواي هنا وتاركين كلشي يامريكا .. سمعت بابا يتعارك وي عمو ابو مهند ويريده يضغط على ابنه .. اني نزلت بسرعه
شام .."بابا كافي .. روحوا انتو هسه وبعدين الله كريم
يحلها الف حلال .. "
ابويه .."شلون تنحل اذا هذا راكب راسه مثل ... استغفر الله .."

رد عمو .."يابه عوفها هنا شعليها قابل .. واني
احاول وي مهند هسه هو يزوج ويصير عنده اطفال ويلتهي بيهم .."

رفعت حاجبي ما عاجبني .."واني انتظر لين ما يزوج ويخلف والله يا عمو .. عمو اني اريد اطلع منا باسرع وقت العراق بعد ما اتحمل العيشه بي تعبت جبتها ضيم بضيم اريد يوم راحه .. فدوه عمو احجي ويا وقنعه مو والله تعبت نفسيتي من وضعي اريد استقر واكعد على ابني .. ما
طالبه منكم شي بس ابني بسسس واعتقد جاي اطالب
بحقي كـ ام لا تمرمروني اكثر من هيج .."

رد عمو .."شبيدي عليكم هو ما يقبل يخليج تسافرين
وي اسر واني ما اكدر اجبره يترك خطيبته البنيه يتيمه وما نريد نكسر بختها هم حرام علينا .. و ما اريد اجبرج واكسر خاطرج بوجود ضره.."

جاوبت على عمو .."حتى لو يتركها اني ما اقبل اخرب
عليهم واصلا رجعه وي مهند ما الي .."

بابا .."خويه ابو مهند احنا ما نريد ترجعها بس نريد
تتنازلون عن اسر وتخلونه يسافر وي امه .."

عمو سكت وطلع من بيتنا ..
يووووووه شكد مشاكل صارت وطلايب علمود هل سالفه
ووسام بقى يفور من مهند خلانه نتعطل بسببه .. وخطيه حتى ما فرح بعرسه بعد ما ماتت بنتي كل الفرحه طفت بل بيت كلها تسال عن الحادث صارت سالفه الهم وهيج يخلوني افور من يحجون بيها .. نوب من كمت اطلع اغراض لجين وابجي عليهم هم اخذوهن مني .. بس بقت البدلة مالت عرس خالها لسا عندي ما انطيتها الهم .. كنت من اطلعها احس بعدها بيها ريحتها .. الحمد لله بوقتها ما غسلتها .. وحتى مدمره ككو بعدها .. كل ما اشوفها اذكر فرحتها بيها وشلون تفتر وتوريني .. وكل شوي تسالني حلوه ماما اني هم عروسه
جنت اضحك عليها ونور تكللها عوزج بس عريس وهاي مكيفه بيها .. كانت اشبه بل ملاك والله مو لان بنتي بس هي حلوه ودمها عسل .. كلها تباوعلها ولحركاتها خبلتهم .. ما وكعت الها ابد بسع بسع ماتت وابشع موته موتتها .. لوحدها ومحد يمها .. والدم ماليها واني جوه .. شكد الوم بروحي على عدم الانتباه احس اني السبب بموتتها .. لكن هو قضاء الرب ...

اهلي بعدهم على حالهم وبس مشاكل هما وبيت ابو مهند
اخر شي اني كمت الح عليهم يرجعون وما يبقون اكثر
من هيج لان بقائهم ما بي فائده تذكر ولا كدروا ياثرون
على مهند ولا باي شكل من الاشكال

اني ردت ارجع لبيتي الي بل بصره .. نوب هل مره
عمو ابو مهند طلعلي صفح وما يقبل ارجع هناك ولوحدي
يبووووو شكد تعارك هو ووسام .. بس بابا كان صاف جنب عمو ابو مهند .. وجدو هم يلح ابقى ويكلي راح تسوين مشاكل اكعدي هنا واسكتي

فعلا سديت الموضوع بس وسام يفور اكثر مني
وما قابل ابقى هنا بسبب مهند لان يطب ويطلع
على بيت جدو واني اعتبر طليقته وما يريد احتك
بي واصلا هو كاره مهند لا هيج سوه

من بعد كل هذا سافروا اهلي وعافوني من جديد
هل مره من طلعوا احس روحي بذله قبل من عافوني
كنت متزوجه وعندي رجال وبعد ما اطلكت اني اعتمدت
على حالي وما احتاجيت لاحد .. اما هسه فـ صرت كاعده
عاله عليهم صح بيت جدي واهلي مامنين عليه ويدزولي مصرفي بس هل شعور ما يتركني ابد .. شكد حاولت اقنعهم ااجر بيت واكعد بي بس محد قبل وصاروا يحجون عليه

ياويلييي من سافروا حسيت بل وحدة
كانت نور راده عليه الوحشه والفراغ الي كنت احس
بي اما هسه حتى البيت فرغ محد موجود بس اسر واطفال
مياسين ثنين شموسه وموسى .. اسر يلعب وياهم وعايفني وين قبل من كنت بل بصره حتى من يلعب وي اخته لازكين يمي وما يتركوني ابد

هذا اليل يمر عليه بل ياويل .. ما نسيتها ولا بطلت بجي
عليها كل يوم ادعي ربي يعجل بموتي اريد اروح عندها

اباوع لاسر كانوا لجين الفرق بينهم هي لسان ووكحه
وهو فقير مو مثلها اويلي من يدمع لو يضحك لو يحجي
كانو لجين كدامي كلبي يعصرني كل ما اتذكرها ما اكدر
انسى واتجاوز

خالو تقريبا كمل شغله الي هنا وهم راح يروح .. كنت
من اضوج من البيت والكعده هنا اروح يمهم او اساعد
خالو واكعد يمه وقت ما يشتغل اما هسه حتى هو راح يرجع

مهند ما اشوفه هواي بس مرات اصادفه من اطلع
برى البيت .. واجل زواجه على دورة السنه مال لجين

بس عمو دائما يجي عندنا ويصيحني اكعد يمهم
مره اجا عليه اسر كال جدو يريدج عبالي جدي
نزلت حتى بدون شال .. بس هم زين مياسين نبهتني
ان عمو ابو مهند وولده موجودين .. لبست شال ودخلت
عليهم سلمت وكعدت .. حجه عمو

".. بويه شام ليش ما ترجعين انتي ومهند ليش ضاله
معلكه لا انتي رايحه يم اهلج ولا انتي مزوجه وكاعده على ابنج .."

سكتت لدقائق ورديت
"بشرط .."
مهند .."شنو الشرط .."
رديت .."تترك خطيبتك اني ما مستعده انزل على ضره .."
ما رد عليه بقى ساكت ...

باوعت لعمو
"وهاي عمو شفت بعد ماكو اي حجه عليه يله تصبحون على خير .."

عفتهم وصعدت للسطح الي صار ملجأ الي وقت ما
احن لبنتي او اختنك اصعد هنا

الغروب كله اخلصها هنا كاعده ما ادخل جوه
منا لمن يصير اليل كلش عود ادخل

البيت بهيج وقت يخنكني خصوصا بعد الهدوء
الي صار كانوا اهلي مالين البيت عليه وما احس بهل فراغ

من بعد سكوت مهند تاكدت ان ما الي بعد اي حب بقلبه
مجرد علمود ابنه يريد يرجعني مو لشي ثاني

ضحكت على حالي .."وبعدني بعدني انتظر يحبني
ويرجعني على حب .. اوووف منج يا شام شلعبتي بحالج اوووف بس .."قصص وروايات عراقية كرار صلاح
كعدت هنا بل ساعتين ودخلت اسر كان حتى مرات
ينام يم موسى ابن مياسين او يروح ببيت جده يبات

لو لجين موجوده ما كان هيج وضعي يمكن هسه
اني بل بصره وارجع اسافر بكيفي وافتر واتونس
ومامنه على اطفالي يم بيت جدهم

كانت ساعه تقريبا ١٢ ونص
مثل كل ليلة اكعد بغرفتي اخلصها صفنات لحد ما
انام .. هل يوم كان اسر بايت يم ابو لان من الضهر
طلب مني يروح لهناك

كانت هل غرفه ما بيها تلفزيون ومخربطه كلش
لان متروكة صارلها سنين كلشي بيها خربان ومنتهي

اشتغلت المهندسه الي بداخلي وصرت افتر بيها
واخطط شسوي واخلي بيها كذا وكذا

لحد ما تعبت وكعدت اسمع باسم الكربلائي
صار هو الي يرد عليه وحشة لياليه
كانت كلمات قصيدة شلون اصبر على الاه
شــلـــون اصــبر على الآه .. واتـرك نحيبي
بــيـدي دفــنـت بل كـــاع .. جــثـة حبيـبـي
لا تـضـن يـطـيـب .. جــرح الــحـبـيـب
واتــــرگ نــــحـــيــبــي ..

كانت هل كلمات وهل مقطع بل ذات مثل الملح الي يتخلى على الجرح كانت تعصرني
عصر هل قصيدة

واكثر قصيدة اسمعها يوميه هي روحي مشتاكه بهل قصيدة اذكر اهلي ولجين وحياتي القديمه ابجي لحد ما اتعب وانام

روحي مشتـاقه وبعيـــد الـدرب
روحي واللي ينتظر ليله صعب
روحي واحبـــابي بديار الغرب
روحي
ليـــلة الغربـــة طويــله وانتظـــرنا وانتظـــرنا ها يروحي
شوفة الأحباب صارت صعبه صعبه وماقدرنا ها يروحي
انظـر اقبـــور الأيمـــه هدموها مـــل صبــرنا ها يروحي
غربه والعايش بغربه يحــن غربــه
طبع الفقد أهله يـــون غربــه
والفاقد يعيش ابرعب روحي
**

هاي القصيدة تموتني والله كمت احس كلبي
يأذيني من الحزن والبجي والقهر

ثاني يوم كعدت متأخره بقيت بفراشي وصافنه
بغير عالم .. حجيت وي نفسي .."اريد اسافر .. اريد اطلع من العراق باي وسيلة كانت ..اريد اخذ ابني واطلع .."

احس روحي تخبلت .. كمت من مكاني نزلت
لجوه خليت شال على راسي لان اليوم رضا موجود
لان جمعه .. هو بس بل جمعه يتواجد بل بيت بل ايام
العادية يشتغل لحد ساعه ٦ ونص البليل يله يرجع من الدوام

كانت ساعه ١٢ الضهر جدو يصلي ورضا كذلك
كعدت بباب المطبخ على الشمس وبعدني صافنه

مياسين .."صح النوم شبيج صافنه وما تحجين .."
رديت .."يصح بدنج .. والله يا اختي صافنه من السعادة الي اني بيها .."

ردت .."شام كولي يا الله هذا قضاء وقدر .. كولي الحمد لله وحافظي على ابنج .. الي كتبه الله يصير .. ولا تخافين مهند اليوم باجر يوافق ترحين وتاخذين اسر ماكو شي يبقى على حاله .."

رديت .."حبيبه حظي اعوج واعرفه .. مهند يعند وياي .. وما يوافق .."

ردت .."تدرين ليش !.."
باوعتلها بعدم اهتمام

ردت مياسين .."مهند لسا متمسك بيج مو بس لاجل
اسر لا علمودج انتي .. يعرف اذا سافرتي مستحيل بعد
يحضى بيج .."
ما اهتميت لكلامها ولا اثر بيه
"اه يا مياسين شكد مشتاقه لبنيتي اتمنى لو كنت اعرف هذا يومها وهذي ساعتها .. كان حضنتها بكل قوتي كان لعبت وياها وشبعت منها .. والله بعدني ما متهنية بيها والله ..ياليتني حضنتها بكل ما عندي قوه ياليت ما خليتها تغيب عني ولا لحضه
ااااه شكد كانت الها معزه بقلبي .."
ردت مياسين .."الله يعين كلبج يا شام على هل مصيبه .."

رجعت حجيت واني افكر .."يعني هسه هو ربي ليش اخذها مني .. ليش حرك كلبي عليها .. مياسين اني دائما اسال نفسي شمسويه بحياتي وهيج الله عاقبني بعزيزة قلبي .."

مياسين سكتت وتباوع عليه
اني هم سكتت وبقيت على حالي

رديت وعيوني مليانه دموع .."يمكن ربي لوع قلبي لان من كنت حامل بيها تمنيت انزلها تمنيت تموت ببطني .. يمكن لان تبطرت على نعمة ربي بل وقت الي كثير امهات يتمنون الاطفال .. كنت اني اتمنى تموت ببطني وبجيت لان حملت
ربي انطاها الي واخذها مني ووراني لوعة الكلب شلونها

جريت حسره ..ايييييييه يااا شام كنتي
تتمننين على عطايا الباري وعاباج ربج على التبطر

رفعت راسي للسما واباوع على الشمس .. ربي
كان عقابك مؤلم وانت رحيم وغفور ليش ما غفرتلي
ليش ما اخذتني بدلها ليش اخذتها بذنبي ربي طفله ما شافت
شي من حياتها بسرعه راحت مني بسرعه ربي اكيد توجعت
ليش هيج ليييش ربي .."

مياسين اجت كعدت كبالي وتمسح بدموعي
.."شام حرام عليج هذا الكلام كفر .."
رديت .."والله من حركت كلبي هيج احجي مياسين احترك يوم بعد يوم جاي احترك اتمنى اموت واخلص من هل حياة اتمنى الحك لجين وانام بصفها .. والله توجعني هل فكره انو بنتي تحت التراب واني لسا اشم الهوى .."

.."اششش شام كافي شنو هل كلام والله حرام عليج
دتكفرين .. احمدي ربج عندج اسر .. لا تنكسرين بي .."

غمضت عيوني .. وسكتت
مياسين كامت تحظر الاكل واني لسا كاعده بمكاني
على الرغم من انو الشمس حاره تذبح بس اريدها

كلبي مغيم وحزين .. كملت مياسين وصاحتني
لحتى اكل قصص وروايات عراقية كرار صلاح
.."اكلوا انتو اللف عافيه ما اشتهي .."
ردت.."ماكو كومي اكلي لا تبقين على هل حاله يله يروحي انتي وذبي حملج على الباري هو الي يتكفل بمصيبتج وينسيج .."

كمت وياها اكل اسر بعدني ما شايفته لان ببيت ابو
ويلي منه شبسرعه باعني وراح لابو واني باقيه هنا علموده تالي هو عايفني

كنت اكل بسكته .. تعودت لازم قبل الاكل متزوهره
وباجيه ومتذكره بنتي ..
رضا .."شنو رايكم نطلع اليوم نزور ابو الجوادين عليه السلام .."
ردت مياسين .."والله ياريت .. شام تجين ويانا .."
رد عليها رضا .."اصلا ما تسألين الزياره هل مره مخصوص لشام .. وتجي مو بكيفها .."
باوعتله وابتسمت .."رحم الله والديك ابو موسى .. ما تقصر .."
رد .."اخيج اني مو غريب لحتى تتشكرين وتحسين متفضل عليج .."

كملنا الاكل وغسلنا الماعين اني ومياسين
دزيت موسى على اسر واني رحت اسبح وتوضيت

لبست جبه سوده وحجابي لفيته .. وخليت العبايه بكيس
لبست اسر وحضرته
.."ماما وين لح نروح .."
رديت .."للزيارة .."

اخذت ايده ونزلنا جوه .. جدو ما قبل يجي
ويانا يكول اعذبكم وما اشوف زوروا براحتكم غير مره اجي وياكم

رضا شكد لح عليه بس ما قبل
سوده عليه عيونه تعبت وصار ما يشوف ابد
بس خيال الشخص يلمحه يعني مثل الضباب

رضا اخذنا وزورنا .. ارتاحيت بشكل وانشرح
صدري .. طلعت اني ومياسين للساحه الكبيرة كانت
شبه فارغ بيها قليل ناس .. احنا زرنه وصلينا صلاة الزيارة وطلعنا

كعدت اقرا قران واسر يمي كاعد نوب موسى
اخذه وصاروا يفترون ويلعبون

بقينا هواي كاعدين لحد ما اذن الغروب .. دخلنا نصلي
وطلعنا لرضا مثل ما اتفقنا

اخذنا للسوق هم اشترينا حلويات والعاب للطفال
صدت عيني على الحلاوة الجزرية تذكرت لجين
كانت تعشقهاااا مو بس تحبها .. الشيخ كان كل ما تصيرله
فرصه يزور او يشوفها بفد مكان يذكر لجين بيها لان يعرف تحبها

اخذت منها لاسر وطلعنا من السوق .. رحنا لمطعم
اكلنا ورجعنا للبيت .. هل يوم تعبت اول ما وصلت
للبيت اخذت اسر ونمت ويا

كعدت ثاني يوم من السته الصبح .. كانت نومتي
مخربطه واخيرا تعدلت .. كعدت اسر ونزلنا نتريك
سويه .. بعدها .. اخذته وطلعنا للحديقه .. اني كعدت
بل مرجوحة وهو يفتر ويلعب لو يجي يمي يسولف

بدت العالم تطلع لدواماتها وشغلها .. اني اخذت اسر
لحتى ندخل للبيت ما اريد التقي بمهند من الصبح

بس وي طلعتي من الحديقه طلع مهند بوجهي
مهند .."صباح الخير .."
رديت .."صباح النور .."
كملت مشيتي .."شام .."
التفتت اله .."همممم .."
رد .."اذا افسخ الخطوبه ترجعين .."

رديت بنفي .."لاع ما ارجع .. وانت حاول ولا تعذبني
اكثر من هيج وانطيني اسر اسافر بي .. ترى حرام عليك.."

ما حجه شي عافني ومشى من فات مني همس
"تحلمين اخليج تسافرين .."
رديت بصوت .."هييي ضللللت عليييك قابببل
اشووو بكلشي عوووجه وياااي .."

عفته ودخلت انغثيت من الصباحيات
عرفت ما ناوي يسمحلي اسافر ولا راح يتنازل
وسالفته مطوله .. اخذت تلفوني وصعدت لفوك

هيج وقت اكيد استاذ محمد بل طريق
الشركته .. خابرت عليه
.."الووو السلام عليكم ست شام عاش من شاف اسمج .."
رديت .."وعليكم السلام استاذي العزيز .. انت العايش شلونكم اخباركم .." قصص وروايات عراقية كرار صلاح
رد .."بخير والحمد لله انتي اخبارج امورج .."
رديت .."الحمد لله ماشيه وياي .. المهم استاذ محتاجه منك خدمه .. ولو اسوي عليك احراج .."
رد .."صدك جذب ادللي ست شام انتي عزيزه علينا
.. امريني .."

رديت .."مشكور استاذ .. ما يامر عليك ضالم .. اني
تعرف بيه بعد ما اكدر ارجع للبصرة وشغلي خسرته
.. انت عندك معارف هواي .. دبرني رحمه على والديك .."

رد .."افااا مو تدللين يومين واردلج خبر .."
سديته من عنده واني اتامل خير

وفعلا بعد يومين رد خبر وانطاني عنوان الشركه
كال بس كوليلهم اسمج وانتي من طرف الشيخ محمد

طلعت ثاني يوم من الصبح بعد ما استأذنت من جدو
اخذت سيارتي واتجهت للشركة .. قدمت اوراقي
وقدمت نفسي .. بسرعه قبلوني .. بس مو نفس
مكاني بشركة محمد وييين كنت ووين صرت
مع الاسف خسرت شغلي هيج .. كلت بنفسي
.."عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ .. ان شاء الله خير عليه واكدر احصل ترقيه اني استاهل وشاطر بشغلي اضافة الى ان انا عندي خبره سابقا ومسافرة وشايفه ودارسة .."ونسبتي بشركة محمد صارت بيد خالو وفلوس توصلني دائما منها

كنت اسوق واطمن بحالي .. كانت هسه طالعه من
الشركة بعدني ما مبتعده عنها هواي .. شفت كوفي
قريب منا .. ابتسمت كان شكله حلو وكبير .. كلت بنفسي
الله جابه لحتى اجي لهنا دائما .. نزلت من السياره ودخلت
اله .. كان مكان هادئ ومريح وناس قليلة خصوصا بيهج وقت دوام وناس ملتهيه .. كعدت بصف الجام
كانوا مخلين برى زرع وورود والجام نضيف وصافي
طلبت ريوك الي لان ما تريكت .. كنت اكل وصرت
المسيقى الهادئة ترخي الاعصاب وتاخذني لعالم ثاني

كان مكان مريح بعيدا عن الضوضاء والهوسه
من قبل احب هيج اماكن ما بيها ناس هواي وهدوء

شوي انتعشت ورجعتلي الحياة .. طلبت قهوتي
شربتها وطلعت .. باوعت للساعه .."يووووه صار ساعتين هنا .. وبس صافنه .."

اخذت سيارتي ورجعت للبيت .. وي دخلتي
مهند اجا فتح الباب ودخل سيارته .. اني هم
دخلته بعده .. نزل من سيارته واني بعده هم نزلت

باوعلي ورافع حاجبه .."وييين جنتي .."
رديت بهدوء .."ما يخصك .."

عفته ومشيت ..
بعد يومين باشرت بل عمل .. طلعت من جوي
الكأيب وبعدت عن العزله الي كنت بيها

💚💚

قصه جريئة لفتاة تتعرض للتحرش و.............




#البارت 41
#للكاتبه:❤️❤️

اني بلشت بل شغل كان مو متعب الي كان
الملجأ الي اخلص بي من همومي وحزني .. اقضي
اغلب اوقاتي واني اشتغل .. استاذنت من رضا وجدو
علمود الفوك اخذه الي واضيف عليه بعض التعديلات
محد اعترض

كانت الغرفه صغيره ردت اكبرها فتحت الحايط
الي بينها وبين الغرفه الثانيه رضا طلع العمال

وبعد ما كملوا طلبت يشتغلون على الحمام هم
سوو شرقي وغربي وضفت عليه لمساتي

بدلنا الديكور والارض والحايط هم غيرناها واشترينا
فرفوري على الموديل .. رضا هنا اخذه الواهس وسوى
الحمامات الجوه والتواليت هم .. نوب صبغت الغرفه
مالتي هو خطيه طلع صباغين ما راد يتعبني وسوى
البيت كله .. وبعدها ذبيت الاثاث الي بيها كله

وصعدت غرفة العرس مال وسام صارت الي
هو الي اقترح عليه اخذها لان مو بحاجه الها وفرحان لان
شوي بديت استعيد نشاطي وحيويتي ..

المهم سويت بل صاله الفوك هم فيكات ورتبتها
وسويت مطبخ صغير وخليت ثلاجه وطباخ

فصلته عن الصاله صار ديكور تركي يجنن
الكعده بي تخبل .. كلبت الفوك جنه

خليت البلازما بل صاله وقنفات
رتبته بشكل حلو وخليت لاسر مرجوحة منزليه
هم اضافة جمالية للمكان .. مياسين تكلي ذوقج يجنن
وشغلج مرتب .. وطلبت اساعدها بتبديل اثاث البيت

كان بيت جدو اثاثه قديم بس جديد واصلي ما مبدلينه
من ذاك الوكت ولسا .. ومياسين طاكه روحها منه
بل كوه قنعت جدو علمود نغير وننطي القديم

اشترينا ثريات وقنفات للصاله وللاستقبال
بدلنا البردات مال بيت كله .. اني اختاريت
للصاله اشياء نازكه ومرتبه يعني ردتها تكون
هادئة مو هوسه وكلشي بفخفخه .. بس الاستقبال
سويتها تجنن لان كانت كبيره وهواي خطار يجون علينا
وهواي كعدات .. بدلنا الاثاث كله بأثاث غالي وفخم

البيت صار جديد وحلو كلش .. بس غرفة
جدو ما قبل نلمس او نغير حاجه بس غيرنا
اماكن الاثاث مالتهم وهذا هو ..

كل الي يفوت للبيت ينبهر بي وبجماله
ويكولولي عاشت ايدج

اسر دخل هل سنه روضه ويداوم من سجلته
بيومها شبعت بجي وقهر واني اتذكر لجين
اكول كان هسه هو وياها نفس المرحلة واامن
عليهم سويه اكثر .. اسر ما بطل سؤال عن اخته
كنت اجاوبه نفس الجواب بس هو يزيد بل اساله
يموتني يقتلني يذبحني من يكلي وين لجين

اما مهند يوميه اصبح بوجه عبالك متواعد وياي
ما بينه بس نظرات وصباح الخير

مثل كل يوم اكعد من ٦ الصبح احظر حالي
لبست بينصل اسود وفوكاها لبست سترة طويله تغطي الخلفيه وبيها حزام من الخصر كان لبسي المفضل هو السترة احب اعتمدها بلبسي وكلش احب اللبس الرسمي خصوصا بل دوام

لبست الكعب واخذت الجنطه والسويج ونزلت .. اني بل عادة ما اتريك واطلع من وقت .. حتى اسر تاركته على مياسين هي الي تجهزه وتريكه للروضة
كانت بس هي كاعده دتسوي بل ريوك .."صباح الخير .."
ردت .."صباح النور .. هم ما تتريكين .."
رديت .."لا ما اريد .."
ردت .."والله موتينا شكو يركضون وراج يمكن انتي تفتحين الشركة على ايدج .."
ابتسمت وطلعت .. نفس كل مره
اول ما وصلت لسيارتي طلع منهد من بيتهم واجا باتجاهي
باوعلي من فوك لجوه .. وياشر باصبعه على لبسي
.."من كل عقلج هيج اطلعين .."
رفعت حاجبي وفتحت باب سيارتي اجا بسرعه
على الباب سده بقوه .."روحي بدلي لبسج بل اول ما اطلعين هيج .."
رديت عليه .."مهند ابعد عن طريقي افضل الك .. وبعدين منو انت لحتى تحاسبني .. اني مره مسؤوله من حالي محد يحكمني .."

رد عليه وهو يسحب سويج السياره .."طول عمرج تتمنين الحرية والتصرفات الذكورية ما صرت احسج مره تصرفاتج مال زلم صايره مو شام الي حبيتها .. كنت اعرف تحبين تاخذين حريتج بس ما تصورت هيج اطلعين
تغيرتي حيل يا شام كله من راسج تتصرفين واطلعين واطبين لا حاكم ولا حكيم .. من كنتي بل بصره
لا تنسين احنا مو يمج ونعرف بيج هيج واله كان محيتج
من الوجود .. ولا تكولين انتي حره ومسؤله من نفسج هذا كان اول يا شام مو هسه .. انتبهي لنفسج واحفظيها .. لا تكولين ما الي حق بيج .. لا الي حق وغصبا عنج اولاً ابن عمج وثانيا ابو ابنج حتى وان انتي مو على ذمتي بس بيناتنا ولد .."

رديت .."وانت طول عمرك تحب تتسلط وتفرض نفسك .. يمكن لو بعدني وياك تعدم شخصيتي .. ما اعرف ليش هل نضره للبنت .. ما اعرف ليش تردوها بس للخدمه والبيت والاطفال
ليش تشوفوها ما تصلح ان تثبت نفسها ومكانتها بل مجتمع
اني ما غلطت بحق ذاتي ولا دنست شرفي وصرت فرجه للي راح واجا .. اني مو سهله مهند اني شاااام الي حصرتها بل حديقه بيوم من الايام .. شااام الي ضربت رجال ودفعته

واذيته بكلامي .. بس لان قرب عليه .. مو بسهولة حصلتني لا تنسى .. والحمد لله حافظه نفسي وكرامتي ومبتعدة عن درب الحرام .. .. اكره نضرتكم الجزئية والمحدودة للمراة
احنا كييااان ننافس الزلم ووين ما تخلينا نتكيف وي الوضع ونبدع
من اوكف بوجهك علمود حقي ودفاعاً عن نفسي وشرفي اني مو صلفه اني انسانه حره وادور كرامة نفسي واحفظها من كل بشر يحاول يتعدى عليه
من البس الي يعجبني واشتغل بالمكان الي يعجبني واطلع واطب بكيفي مو معناها قليلة ادب ولا معناها صارت تصرفاتي رجولية .. اني حره
ما اعرف ليش مغثوث مني ومن نجاحي ووضيفتي مضايقك كوني كدرت اوكف على رجلي واحقق اكبر طموحاتي مضايقك لاني عشت احسن عيشه ومن ذراعي وجازفت لحتى وصلت لمستواي اني عشت حياتي فوق مفهوم الرجال قوامون على النساء .. ساندت نفسي بنفسي ما احتاجيت رجال بحياتي .. ومن اشتغل واطلع واقضي كل واجباتي واخدم نفسي مو معناها اني تصرفت تصرفات رجولية ولا طلعت عن الطريق .. اني ادور الاستقلال والحرية وابقى انثى والي كياني .. وما يحق لاي شخص يدخل بيه سواء انت او اهلي لاني ما دنكت روسكم بالعكس اني صرت رفعت راس الكم ....."

عفته ومشيت للبيت صعدت للغرفه بسرعه نزعت
السترة ولبست بشت فوك البينصل ونزلت

من طلعت كان واكف ومرتجي على سيارته
شمر عليه سويج سيارتي وصعد السيارته ويباوع برفعة حاجب
رحت للدوام مر اليوم مثل ما هو وماكو جديد
من رجعت من الدوام دخلت سيارتي وبعدي دخلت سيارة
مهند اني نزلت وباوعت كانت خطيبته ويا رحت سلمت عليها وهو سد الباب واجا علينا من شفته حاجيت البنيه
.."من رخصتج عيني .."
ردت .."مرخوصه.." عفتها ودخلت لبيت جدو

يااابه يا المغثه الي حسيت بيها شكد كرهت نفسي
كبل نمت ووصيت مياسين على اسر

ويييين يله كعدت .. باوعت للساعه كانت ٦ العصر
والدنيا ضلمه لان شتا .. دخلت الحمام غسلت وخليت شال
على راسي ونزلت جوه .. كبل للمطبخ فتحت الجدوره مسوين كبه .. حميت الاكل وكعدت اكل واتفرج على يوتيوب

دخلت مياسين .."صح النوم .. شنو ولج مكبسله شكد
صحيتج وما تكعدين .."
رديت .."تعباااانه ميته تعب .. بس تورطت ونمت
ما اعرف شلون راح انام اليوم .. وين اسر شو ما اله صوت .."

ردت .."بل صاله كاعد يم خالو ابو مهند .. موجودين ترى هما وخطيبة مهند منال .."

هزيت راسي ورجعت اكل وهي تسوي بل جاي
واخذته وراحت

كملت وغسلت الماعين .. ردت اصعد شفت عمتي
ام مهند طبت للصاله الزغيره
ابتسمت ورحت عليها سلمت ودرت وجهي اصعد
ام مهند .."يمه ليش عازله روحج فوك دتعالي اكعدي
يمنه شويه خل نشوفج .."
دخلت وياها للصاله.. اسر من شافني كام
من حضن جده واجا عليه حضني بكل قوته

اسر .."ماامااا .."
ضحكت وشلته .."هلا والله بحبيب قلبي شلونك .."
رد ."ماما انتي ليش عايفتني ونايمه على طول .."
سكتت منه وكعدت

ابو مهند .."ايي عمي شام سولفيلنا شلونه الدوام وياج .."
رديت .."الحمد لله ماشيه .. بس والله مع الاسف خسرت وضيفتي الي بل بصره كنت مرتاحة وحالي حال خالو .."

سكت عمو مني ورجع يحجي وي جدو
ومهند هو وخطيبته كاعدين ما اعرف شيتبسبسون
وهاي تتمضحك .. اصلا شعندها لسا موجوده هنا
وليش اجو لهنا كعدو .. كلت بكلبي يجوز يريد يغثني

ما اهتميت اله وبقيت اسولف وي عمتي ام مهند
وميس هم اجت بعدهم .. رضا راح يجيب اكل من برى

ميس .."صدك شام عمو عثمان يسال عنج ويكول شو انكطعت اخبارج .."
رديت .."موجودة بس مشغولة حتى اسر ما عندي وقت اله .. كليله يعذرني خطيه دائما يخابر واني بسرعه اسده .."
هزت راسها .."اي وشلونه الشغل وياج هم تعرفتي على بنات .."
رديت .."تعرفت على نص بنات الشركة .. "
رد مهيمن من يمه .."انتي وين ما نحطج تتفاعلين .."

ابتسمت .."ايي طبعا وبكل فخر .. صدك مهيمن
ليش ما تخلي ميس اداوم احسن مما كاعده بل بيت .."
رد .."اششش لا تخلينها بباله كوه مسكتها .. وبعدين
ماكو تعيين .."

رديت .."لا ادور حجج .. مو هاي اني اول ما
استقاليت لكيت شغل .."

باوعتلي ميس صفح .."ايي خطيه من ذراعج
حبيبتي لوما ابن عمي ولا تحصلين هيج مكان وبهل سرعه .."
ضحكت .."امشششي لج شنو تغارين مني لان رجلج
ما يخليج اداومين .. بيج خير قنعي وكولي لمحمد
يعينج شكد عنده معااارف .."
ردت .."ما يقتنع لو امووووت .."
سكتت منها
حجه عمو .."هو الشيخ محمد مو مزوج شو
ما عنده اطفال .."
رديت .."ايي خطيه زوجته ما يصير عندها ما تشوفه شلون كان متخبل على اطفالي ويحبهم .."
رد .."شعجب ما مزوج لسا .."
اشرتله بمعنى ما اعرف
اجا رضا جايب الاكل اني ومياسين كمنا للمطبخ
نحظر ونجهز الاكل
كملنا وانفرشت السفره كلها التمت .. اني ردت اصعد

عمو .."وين بابًا شام تعالي اكلي .."
رديت .."قبل لا اجي لهنا اكلت وشبعانه .."
ردت مياسين .."انهجم بيتج كون مدري شلون عايشه
لا ريوك لا غدى وتجين وتنامين وتاكلين وجبه وحده بل يوم .."
رديت .."لا عيني اكل بل دوام اخذ زمنيه واطلع .."
عمو .."تعالي ويانا على الواهس .."
كعدت اكل ومخليه اسر بحضني اوكله
ومهند هو ومنال كاعدين وهو يحط كدامها اكل ويبسبس وياها
حسيته يريد يضايقني .. وفعلا نجح
تذكرت حالي شلون كان هيج يسويلي ويهتم بيه

سمعت تلفوني يدك اني مخليته بصدري انحرجت كلش لانو انتبهوا كمت بسرعه اخذته وصعدت فوك ردت حجه لحتى اطلع منا وتلفوني احسه كل مره هو الي ينقذني

كانت شمس .. وتريد نطلع سويه باجر
كلتلها خليها غير يوم وسديته منها بعد ما نزلت
كعدت اصلى واقرا قران لحد ما تعبت وكعدت اتابع مسلسلات. الحياة ممله بشكل قاااتل ما كو جديد بحياتي

صعد اسر سالته راحوا هز راسه وراح لفراشه
ينام خطيه تعبان ويكعد من وقت
اني طفيت الصاله ودخلت للغرفه اخذته لحضني
وحاولت انام ما كدرت ما يجي نوم بعيوني فتحت
فيس وكعدت اتصفح .. اجت رساله فتحتها كان من
الشيخ محمد .."السلام عليكم .."
رديت .."وعليكم السلام .."
رد .."شعجب لسا فاتحه .."
حرت شأجاوب تالي رديت .."ما يجيني نوم .. شلونكم الحجيه شلونها .."
رد .."تسلم عليج وكلنا بخير .. شلونه الشغل عسى مرتاحه .."
رديت .."الحمد لله زين .."
رد بعدها .."ام اسر اني باجر ببغداد ان شاء الله
ابقى يومين .. واريد التقي بيج .. شوفي جدولج شوكت ما تتفرغين عندي موضوع وياج .."

رديت .."هلا بيك استاذ بس شنو المناسبة .. تكدر تجي
لبيت جدو وتتفضل تحجي بلي تريده .."
رد .."عندي شي مهم اريد احجي وياج وعلى
انفراد .."

رديت .."ان شاء الله اذا صارتلي فرصه نلتقي .."
رد .."اوك تصبحين على خير .."
سديت تلفوني وكعدت افكر شعنده وشنو الموضوع المهم

لحد ما نمت .. ثاني يوم كعدت متاخره صايره ساعه
سبعه الصبح .. لبست بسرعه ورتبت حالي
ونزلت مستعجله .. بعدني بل باب

صدت عيني على مهند وهو واكف ومرتجي على سيارته
.."صباح الخير .."
رد .."صباح النور شعجب متاخره .."
رديت .."نمت متاخره .."
عفته وصعدت سيارتي وطلعت

كنت دايخه لان بسرعه كمت ومستعجله
وصلت للشركة وباشرت بشغلي .. واني تعبانه واتثاوب

لحد ما طلعت مرت هل يومين وراح عن بالي
طلب الشيخ محمد .. كنت كاعده واتصفح اجت رساله
.من محمد وهو يذكرني بطلبه اعتذرت منه وكلتله راح عن بالي واتفق وياي باجر نتريك سويه

ثاني يوم رتبت حالي .. وطلعت بشغلي من وقت
ومن صارت ٩ اخذت زمنيه وطلعت

كان موجود بل مطعم قبلي
.."صباح الخير .."
رد .."صباح النور .. تفضلي .."
كعدت وهو نزل الريوك .. تريكنا واحنا نتبادل الاخبار
ونسولف بمواضيع عامه .. من كملنا اكل طلب قهوه وبدا بل كلام
الشيخ محمد .."بل اول الموضوع الي اريد احجي بي
اعرف مو وقته .. بس حبيت تكونين بعلم لحتى اخليج بل صوره .."
دك كلبي وتوترت واني افكر شيريد يحجي
.."تفضل كمل .."

رد .."تتذكرين اول مره التقيت بيها بيج .."
هزيت راسي ..
رجع كمل .."من شفتج ما اكذب عليج هويتج وردت
تكونين الي مره .. بس من عرفت انتي متزوجه بعد
سكتت بس الكلب هواج .. بس ما باليد حيله .. المهم
من اطلكتي ما اكول فرحت لان حرام عليه بس بقى
كل تفكيري يمج وحاولت اساعدج واساعد وسام هواي
واني الي اقترحت عليكم تاجرون بيت اخوي وطلعت
المؤجرين بس بعد ما اخوج امنج عندي وانتي صرتي
تبعديني عنج وما تنطين مجال حاولت ابتعد قدر المستطاع
بس يشهد الله عليه ما نضرات الج نضره مو زينه ولا حاولت اتقرب بعد
لان انتي ما هاويه الموضوع.. والصراحه علمود زوجتي
هم ما كدرت اطلبج جنت مأمن انتي كدامي وكبال عيني
بس بعد ما رجعتي لهنا .. هيئة نفسي وتوكلت بالله
وجاي اطلبج على سنة الله ورسوله .. اني ما اريد
جوابج هسه اخذي شكد ما تردين وقت بل تفكير
ومن يجي وسام اطلبج منه واعرف حوابج .. ابنج
اخلي بعيوني .. وانتي لا تخافين على نفسج ابد
اخليج بين رموشي واحافظ عليج وانتي تعرفيني كلش زين
وتعرفين طبعي .. "

بقيت ساكته اني جنت حاسه بي بس
هواي صديته وخليت حدود بيناتنا وهو هم سحب
نفسه اما هسه من صدك تفاجات بطلبه
من شافني ساكته .."اعرف هسه مو وقت هل كلام
وستوج دافنه بنتج .. بس اريد اضمن انتي الي واتقدم الج
ما مستعجل ابد اخذي راحتج شكد ما تكدرين وان شاء الله يكون جوابج مثل ما احب .."

بقيت ساكته وهو هم سكت وبعدها حاول يغير
الموضوع اني اي رد فعل ما سويت بقيت ساكته

اخر شي تحججت ان وقتي خلص ولازم ارجع للشركة
هو هم كام وسلم وطلع

خلصت الدوام بل صفنه والتفكير اكل مخي
حتى من رجعت الطريق كله بالي يم كلامه

تذكرت من مهند لزكلي وكنت اكره شلون جان يعاملني
ويباوعلي شكد جنت اكره نضرات مهند الي احسه مثل
الشيطان احسه سرسري واكره شكد صديته ما بعد وبقى
على وضعه اما هسه هذا شفت فرق بينه وبين مهند
من صديت محمد ابتعد وما بقى يلح وما حسسني بعد
ولا باوعلي بنضره ضايقتني او خلتني اكره واتحسس منه
اما مهند بقى لازم بيه وما يتركني كنت بسبب تصرفاته احاول اكره بيه وطلعت لساني عليه توقعت هيج يبعد ويكرهني بس غلطانه طلعت وبل اخر اني الي تضررت وتعذبت بسبب لساني وقلة ادبي ويا ياليتني ما سويت هيج
كان هسه اني بين اهلي وبامريكا وما تعذبت هنا ولا صارت عندي طفله واخسرها .. شكد تصرفاتي متسرعه وما محسوبه شكد كنت غبيه وما افهم الحياة صح تعبت
نفسي بنفسي وبل اخر اني الخسرانه وكعدت اباوع
على دمار حياتي وكبال عيوني .. ما انكر حبي
لمهند بس بعد هو مو الي ولا راح يكون الي
اما محمد يمكن
تاثرت بكلامه ما انكر بس كلبي ما هاوي ابد وبنتي بعدهي
ما صارلها هواي ماتت واني ادور وافكر بزواج
هذي الأفكار راودتني واني اسوق حد ما وصلت
للبيت من كد ما بالي مشدود حتى ما انتبهت المهند
وهو يسالني ليش عفتي باب السياره مفتوح
التفتت اله واني اباوع فعلا عايفتها مفتوحه
سديتها ودخلت للبيت .. النعاس طار من عيني
بقيت اليوم كله بفراشي وافكر بي وبكلامه

نزلت المغرب تغديت وصليت ونمت بعد تعب

قصه جريئة لفتاة تتعرض للتحرش و.............



مساء الخير

#البارت 42
#للكاتبه :❤️❤️

شام :
المدارس حتخلص واهلي يردون يرجعون للعراق يعني فترة زيارة ويرجعون مهند الي عرفته حيزوج بل عطله الصيفية
ويوميه جايب منال لبيت جدو ويكعد هو وياها يريد يقهرني اني بعد تعودت وصرت ما اضوج مثل قبل لان بعد غسلت ايدي منه .. بس اعترف بعدني احبه واريده بس مو كل ما يتمناه المرء يدركه .. واني حياتي وي مهند انتهت من سنين وما بيها خط رجعه بعد .. صار كل ما يجي هو وياها اني اصعد وما انزل اصلا حتى وان ما موجودين اني ما انزل جوه بس الصبح وبل رجعه مرات نلتقي اي كلام ما بينه

اما بخصوص طلب الشيخ فكرت هواي بس منين ما اجيبها ما ترهم اولا زوجته مسكينه ما اكدر اكسر خاطرها وهي هواي ساعدتني وتحبني وثانيا اني سبق وان مريت بتجربه فاشله وما اريد اعيدها واني اصلا كل تفكيري وبالي يم مهند ما اكدر امنع نفسي من النظر اله صح ما مبينه هل شي ومسويه نفسي ما مهتمه اله بس كل ما التقي بي كلبي
يرجف ويدك اله ما اسيطر على حالي .. بس شسوي ما بيدي حيله وهو اختار البعد عني ويشوف حياته

اني بعد سحبت نفسي واحترمت حالي واصلا شيخ محمد بعد ما فتح الموضوع ولا حجه وياي بس الصبح يدزلي صباح الخير وما صار اي كلام بيناتنا ابد .. هو حس بيه ما هاويه
السالفه بعد انسحب وما صار يدز اي شي

مرت هل سنه وطلعت دورة السنه ما بنتي امي من رجعت من امريكا جبرتني اذب الاسود .. وفعلا ذبيته ورحت الها زرت قبرها .. ابوي رجع يلح على سالفة السفر بس هذاك
قافل وما يقبل .. اهلي صارلهم اسبوعين هنا والدوام خلص

صارت عندنا بهل مده شكد مناسبات يوميه وحده تنخطب
صارن وحده تجر الثانيه .. الحفلات والاعراس وهاي
يبووو يوميه ملابس وفستان وهوسه والمشكله ما يطلعن
البنات اله من بيت جدو يعني الاعراس ما تصير ببيوتهم
وبيوت ابائهم لا ببيتنا من كثر ما مليت صرت ما انزل بس
ساعتين واصعد واهلي هم مخبوصين وهاي يعني هيج مرت
هل فتره

خالو خابرني وطلع الشيخ محاجي ومفاتحه بل موضوع اخذله اسبوعين وهو يلح اوافق ويكلي ما تلكين احسن
من هيج قسمه ومهند راح يزوج وقافل ما يخليج تسافرين استقري واكعدي ترى ابوج ما راح يعوفج بل اخير يكلج
عوفي ابنج وتعالي ويانا لا تخسرين ابنج ومستقبلج وافقي

ونور عرفت وهم كعدت تحش براسي وتاثر عليه
وهنا خالو حتى على وسام خابر وخبره بل موضوع كلهم رحبوا بي وما اعترضوا بقيت اني اوافق .. اخر شي بابا
وخالو صاحوني وكعدوا يقنعون بيه
خالو .."ابو وسام من رخصتك .. شوفي خالي شام اني لو ما احبج واريد مصلحتج ما احجي هيج ابد ولا اوافق بي بس هذا الشيخ محمد مو اي واحد رجال ونعم الرجال متاكد
راح يصونج ويحافظ عليج وما ينخاف عليج عنده
مو كل يوم تجيج هيج قسمه زينه العمر يركض
بيج وانتي لا للسما ولا للكاع ما مستقره هسه شكبرها عليج كاعده هنا وما ماخذه راحتج ولازم شال ومحنبطه ومستعده
تزوجي واخلصي اكعدي ببيت زوجج معززه مكرمة محد يفك حلكه وياج وابنج يبقى وياج .. "

رد بابا .."كلام خالج صحيح والرجال ما يتعيب وماكو
احسن منه .. وافقي يا بابا وخليني اروح مطمن عليج
ترى لا عبالج مرتاح هيج والله كل بالي يمج

شوفي اذا ما توافقين اني اسحبج يمي ما اعوفج بعد هنا
بعد ما اكد اكثر من هيج .."

اني سكتت هما كلولي فكري بل موضوع
اني بعد ما كدرت احجي احس تربطت اديه وما كدامي غير اوافق لان كل كلامهم صحيح ما اكدر اسكت اكثر من هيج لا اخسر مره ثانيه

ثاني يوم انطيت لبابا موافقتي بوقتها اهلي كلهم فرحوا
بهل خبر .. بس احنا كان مجرد حجي وبيناتنا يعني محد
يعرف بل موضوع ابد بس مياسين ورضا حتى جدو ما يدري

ابوي انطه موافقتي للشيخ وحددوا يوم يجون يطلبوني بشكل رسمي يتفقون على الحاضر والغايب وهل امور

كان الخوف مسيطر عليه من القادم وما اعرف شلون اتصرف وشسوي ما اعرف اذا كان قراري سليم وصحيح
ما اعرف اذا راح ارتاح او لا ما اعرف الي اعرفه بس اريد تخلص على خير

اجا عليه بابا البليل
.."باجر حظري روحج الضهر يجون .. وصيري سباعيه بعد ابوج اريد ترفعين راسي .. ولا تخافين اني ووسام بضهرج وما نتركج بعد لو شيصير بس اني ردت
اامنج بيد رجال واروح ما اكدر اتركج هنا بين ولد عمج
وطليقج وانتي بنيه شابه وحلوه والعين عليج .. وبعد كبرتي والعمر يركض هم يالله تسويلج طفل يشيل كبرتج ورجال يسندج والله يقدم الي بي الخير واشوفج دوم مرتاحه .."

سكتت وهزيت راسي
احس بطني تمغصني من القلق .. نمت بيومها بالف يا الله

ثاني يوم ما داومت وكعدت وي مياسين ونور نحظر البيت ونضفنا من فوك لجوه .. نوب اخذتني نور تسويلي شيره

وتجهزني ..
شام .."هههههههههههه والله عليج سوالف شكو شيره
قابل خطوبه وفستان ترى ادخل بعبايتي .."
نور .."يااااا فدوووه لله عبايه انجبي واكعدي ليش تخليني اتجاوز عليج .. تلبسين احلى لبس عندج واكوي شعرج .."
فتحت عيوني .."يااا عزا بعينج نوب تريدني اطلع
بدون حجاب شبيج تخبلتي .."
ردت .."حلال عيني تعتبر الرؤية الشرعيه .."
رديت .."غير تستقر .."
ردت .."هششش خليني اشتغل .."
كملت الشيره وطبيت اسبح .. بعدها نزلت على مياسين
تعدلي حواجبي .. بعدها لبست ملابسي

ورتبت نفسي بمكياج .. نور تلح عليه اطلع بدون
حجاب .. وسوتلي شعري

سمعت صوت الباب يندك يمااااي صخنت وتوترت
نزلت نور تشوف منو
اجت تركض .."اجوووو اجووو .. ولج العريس اله بشده ما عنده اخووو بووويه يا الامريكان يا بطيخ شنو من هيبه وطول .."

ضحكت على كلامها بس مو من كلبي
على كد ما متوتره سالتها .."منو وياهم اجا .."

ردت .."نسوان ثنين كبار .. والزلم هو بس الشيخ
ويمكن ابو وخالي عثمان .."

اجا عليه وسام من شافني محظرة حالي ابتسم
وفتح ايديه الي رحت عليه شبكته
باس كصتي وهو يكول .."ان شاء الله اشوفج احلى عروس واشوفج دوم مرتاحه .."

ابتسمت على كلامه ونزلت ويا .. سلمت على النسوان
وكعدت يمهن كانت امه الحجيه واخته الكبيره

بعدها اشرتلي مياسين اروح يمها .. انطتني صينيه
الجاي بس ترددت بسبب انو ما لبست شال

صعدت فوك اخذت شال وذبيته على راسي باهمال
نزلت جوه اخذت الجاي .. ودخلت

مدنكه راسي ومتوتره والخجللل فووول .. قدمت الجاي
واشرلي بابا اكعد يمه .. كعدت بصف ابويه

وهما يسولفون تالي بابا كال انعوفهم يحجون
يماااي قطرة دم ما بقت بجسمي من كد ما انحرجت
ما جنت ادري بهل موضوع بس هو الشيخ طالب من بابا هيج

بابا استاذن هو وخالي والبقيه واخذهم للصاله الجبيره
جدو قبل لا يدخلون بابا مسولفله كان وجه ثكيل ومبين ما راضي

من طلعوا حجه الشيخ .."شلونج شام .."
رديت بصوت ناصي .."بخير الحمد لله .."
.."شو رفعي راسج .."
هنا من صدك صخنت
رفعت راسي بخجل واحس الحراره تطلع من راسي
باوع بعيوني وحجه .."اريد اسمع الموافقة منج .."
رديت بارتباك ممزوج بخجل .."انطيت موافقتي لبابا والا لو ما موافقة ما كنت كاعده وياك هسه .."
رد .."اعرف واني اريد اسمعها منج .."
رديت .."موافقة وان شاء الله اكون عند حسن ضنك .."
رد .."امين .. وان شاء الله اكون الج السند والزوج والاهل وكلشي بحياتج .. ما راح تتندمين على موافقتج ابد ولا لحضه وكلشي الي اطلبي يجرالج .. بس تمشين وياي
عدل ومثل ما اريد راح اسويج ملكه وارفعج بين اهلي
وناسي .. انتي تعرفين باطباعنا واختلاف الي بيناتنا .."

رفعت راسي .."من يا ناحيه هل اختلاف .."
رد .."من نواحي كثيرا واهمها الطبع وطريقة اللبس
اني ما امنعج من شي ولا راح امنعج من وضيفتج
ولا اقيد حريتج بس لازم تتغيرين هواي لاجلي ..
اتمنى علاقتنا تنبني على التفاهم والحب والمودة.."

هو يحجي واني صافنه بكلامه مدري ليش خفت
بس توكلت على ربي

بعدها دخل وسام .. واني هنا طلعت منهم وصعدت
لغرفتي بقيت متحيره ما اعرف شسوي
وليش يكلي اغير من لبسج .. ويريد البس عبايه
لبسي مستور ومو ناقصه شي
دخلت نور .."بنت الشيخ لابن الشيخ جبناها وهاي الرادها وهاي التمناها وكللللوووش .."
ضحكت عليها .."وللللج سكتييي فضحتينا العالم بعدهم ما رايحين هسه عبالهم اني اهلهل .."

ضحكت .."اييي عيييني هلهلييي واركصي وافرحي ولج وين اكو احلى من هيج .. ويلييي ربي ليش مكوم الرجولة الحلوين لشام .. ربي واحد واااحد بسسس واحد .."

.."ههههههههههههههه كبر لفج شكد ادبسززز .."
ردت وهي تصفك .."يا اهل القوط نزعوا القوط حمودي لبس قاطه .. "

.."يماااي ولج بس شبيج انهديتي .."
ردت .."لا مو هاي الكولات عالكه ببالي واحب اطبقها عليج اريييد عرررس عرررس واركص بي استعجلوااا بليييز .."

سكتت من نور وكعدت صفنت بحياتي الجديدة الي بانتظاري
ما اعرف اذا تكون حلوه لو مره

بعدها عرفت بيهم طلعوا بابا صاحني جوه
وهو يسولفلي عن شنو انتفقوا وكال الخميس الخطبه
اني ما حجيت شي بعد سكتت .. دخل عمو
باوعلي وهو مستغرب وباوع لبابا
.."شنو جانوا عندكم خطار .."
رد بابا .."ايي بيت الشيخ محمد .."
رد عمو وهو يباوع عليه .."شعجب اجوا .."

رد بابا .."علمود شام .. "
جدو توله المهمة ويشرحله ويحجي عليه وعلى بابا
يكلهم ما حاولتوا ترجعونهم راح تروح البنيه لغريب

عمو من بعد ما كمل جدو كلامه طلع متضايق بس ما
حجه شي .. احنا بدينه نحظر بل عشا

بعدنا بسم الله تونه نريد نصب اكل دخل مهند وهو طاير
باوعلي بنضره وياها خزره ودخل للبيت كنت بل مطبخ ودخل هو

اسمعه يحجي وي ابوي ويتعارك ويا
مهند .."شااااام ماااا تتزووووج واذا تزوووجتتت وحقق رببب العزززه اكتله هييي ويااا .."
بابا .."احترم نفسك ونصي صوتك منو انت حتى تمنعني ازوج بنتي .. ترى اطيح حظك .. فد واحد ما محترم بسيطه يا مهند بسيطه .."
رد مهند بصوت .."انييي حجييييت وكووول مهند ما كال والله والله والله .. اكلب الدنيا عليكم بس تنطونها وحق محمد محد يسلم مني واني مخببببل وتعرفونيي كلش زين .."
وسام .."مخبل على روحك مو علينا .. ويله اطلع برى يله وروح بعد لا تورينا وجهك .. انت مو طلكتها وتهمتها بشرفها من دون ما تعرف شنو السالفه وهذا الغريب ساعدنا وصدك هي بريئة من هل كلام ووكف وياي وكفه ما انساها بل وقت الي كل ولد عمي تركوني .. يله مهند روح لخطيبتك وشوف حياتك اختي هم راح اشوف حياتها خوما تضل متانيتك ..انطيها وغصبا على خشم كل واحد .."

مهند هنا طفر على وسام وتعاركوا بيناتهم
احمد اخوي يدافع بيهم ويبعدهم عن بعض وامي
كلبت الدنيا عمو ابو مهند ومهيمن اجو يركضون

ورضا هم توه طاب من برى من شافهم صار بيناتهم
يوووو اني من الخوف كلي ارجف
من شفتهم بعدوهم واحد عن الثاني صعدت فوك بسرعه
واسمعهم يتراددون بيناتهم وواحد يغلط على الثاني وعمو وبابا بينهم ويحجون عليهم .. نوب اسمع صوت مهند قريب على الدرج

.."وييييين هااااي وييين ولللت .. ولج شااام وحققق محمد اله اندمج .. تردين تتزوجييين على جثتي والله تتزوجين على جثتي .. بسييييطه انييي الج يا كللللبه .. بسيييطه لا عبالج افوتها سلاماتتتت وحق الله احررركج وما اخليج لغيري .."

اني كنت بل صاله من سمعت صوته وشلون عصبي
دخلت للغرفه وقفلتها مدري شبيه ارجف من فوك لجوه

يماااي كل شوي يتخيل الي يصعدلي ويضربني
مثل قبل .. بعدها اسمعه هواي عيط بس ما اعرف شحجه

لحد ما هداء الصوت وسكتوا .. اسر جان وياي
لان خفت لا ياخذه مني وصعدته
اسر وهو يبجي .."ماما شبي بابا يتعارك وي خالو .. ويعيط عليج اني اخاف منه بعد ما اروح يمه واكعد بحضنه .."
اخذته لحضني اهدي بيه .. بعدها صعدتلي نور وهي وجها اصفرررر
خفت حيل وسالت شكو .. ليش سكتوا وين راحوا

ردت .."عمو بل كوه طلع مهند من البيت .. نوب عمتي ام مهند سمعناها تصرخ ورحنا نركض .. مهند متخربط .."

انعصر كلبي .."شبي .."
ردت .."ما اعرف بس يكولون خشمه يجري دم .. مدري انضرب مدري ضغطه .."
سكتت وبقيت بغرفتي خايفه .. نور كاعده يمي
وساكته واني اكل باظافري من خوفي
نور .."هاي عيني اني ضربتج عين .."
ابتسمت .."لييييزر بعد كلبي مو عين .."
ردت .."لا جديات احجي ترى هنيالج ولسا اكول هم هنيااالج
ذاك من البصرة شيخ وصاحب شركات وذبح روحه عليج ومهند منا من سمع اتخبل وركبه جني بختتت هي.. نوب تخربط بس خطيه صارت بوجه خطيبته .."
رديت .."منال موجوده .."
ردت .."ايي ولج ما شفتيها هي هم اجت تركض على صوت العرك .."
رديت .."ما شفتها جنت موجوده من اجت .."
ردت .."ايي بس انتي ثوله وما عولتي تصعدين خيبه شكد جبانه وبوخه بس لسان .. شوف شلون ترجف يربي .."
رديت .."ووين راحت منال .."
ردت .."ختيه من سمعت كلام مهند وياج وهو يكول ما اتركج .. شالت روحها وراحت .. تلكيها كالت اترك روميو وجوليت يتهنون .."
ابتسمت .."جنت اني هم اسمي روميووو .."
ردت .."حقج خيه وين اكو واحد هيج يحب وحده جلبه مثلج .."
رديت .."ترى اكوملج صايره تتجاوزين .."
ردت .."غير احبج .. من حبك لاشاك .."

سكتت منها وبالي يم مهند .. كلبي يدك سريع هذا صدك
ما راح يخليني اشوف حياتي انمعط كلبي من الخوف
كلت بس لا ياخذني وفوكاي منال هنا اني من صدك
اموت ما اتحمل حياتي ويا حبيبي وعنده غيري

بعدها نزلت جوه وكفت بباب الاستقبال اسمع
وسام وبابا بعدهم يحجون بل سالفه ووسام بعده عصبي على مهند .. دورت ماكو لا مياسين ولا امي ولا خواتي البقيه

دزيت اسر يشوفهم يم بيت ابو مهند راح ورجع يكول كاعدات يم بيبي متخربطه

انقهرت من الي صار .. حياتي ابد ما ناويه تصفى ولا تستقر تعبت من وضعي وكل هذا بسبب مهند .. ما يقبل يشوفني مرتاحه وقانعه بحياتي بعيد عنه

بعدها اجت امي وهي تحجي على مهند وسوايته وتكول ام مهند خطيه فرفحت على ابنها ردت اروح بس تراجعت ما اطب بيتهم صار شكد هنا ولا فد يوم دخلت لهناك ابد

#حكاية_شام❤️♨️

قصه جريئة لفتاة تتعرض للتحرش و.............

#banu-minni17

#البارت الاخيرررررر

شام :
مهند الي عرفته مشكل الضغط عنده .. وطلعوا من المستشفى بعد ما سمعت اله صوت ثاني يوم ما داومت خفت من عنده بس ثالث يوم داومت لان ما اكدر ابقى اكثر بس من طلعت خليت وسام يوكفلي بل باب ما اريد اصادف مهند ونتصادم بل كلام وخصوصا هو تحلف الي وكدام الكل ومهند اعرفه ما يكول شي اذا ما ينفذ ابو مهند يكول خطيبته لمهند متعاركين هي ويا شلون هيج يسوي وواصلت بيناتهم للفسخ بس ابو مهند مهدي البنيه ويريد الوضع يهداء لحتى يسكت مهند يكول هل ايام متخبل علينا كال لابوي اجل الخطوبه لا يسويلنا مشكلة على الاقل نزوجه ونوب زوج بنتك

عمو صح بل اول ما قبل وراد نرجع اني ومهند بس بعد بابا قفل وما يقبل يرجعني لمهند عناد بي شلون هيج يحجي ويصيح يكول ما امشي بمزاج مهند .. عاد عمو سكت وكله لعد خلي ياجلونها هسه بابا ما حجه شي سكت لخاطر ابو مهند

اني اروح وارجع للدوام بس ما اصادف مهند مثل قبل شوي ارتاحيت من هل ناحيه الامور شوي شوي رجعت الطبيعتها وصار هدوء ماكو شي بس اني الوحيده قلقانه ما اعرف ليش

طلعت للدوام مثل كل يوم بعد ما اخذت اغراضي المهمه وطلعت صار بوجهي مهند من شافني دار وجهه مني

عفته وصعدت سيارتي بسرعه طلعت اريد اخلص منه ما اريد اتصادم ويا .. اتجهت للشركة.. صفيت السياره ونزلت بعدني ما داخله للشركة صار بوجهي مهند

.. يابه هنا من صدك قطرة دم ما بقت بجسمي من الخوف كمت ارجف .. هو اجا عليه وكف كدامي

سحبت ايدي منه بقوه
حجيت برجفه .."مهند روح منا لا الم الدنيا عليك .."
رد من بين اسنانه .."لميها ومحد يضرر غيرج .. امشي وياي احسن الج .."
رديت .."وين وخررر منييي .."
رد .."اريد احجي وياج ونتفاهم .. اتركج لا تخافين ما اسوي شي بس احجي وياج .."
كان اكو موضف وياي وصار شغل هواي بيناتنا وكذا فـهو ستوه نزل من السياره من شاف مهند يمي وشاف وضعي شلون سحبت ايدي منه وخفت اجا باتجاهي
.."اخي اكو شي !.."

رد مهند وهو يسحب ايدي بقوه .."لا ماكو شي اني وزوجتي يله شام امشييي .."

ردت اصرخ بس تصيرلي فضيحه هنا حاجيت الموضف الي وياي .."اخذلي اجازه عود .."
كان مهند يسحل بيه واني اتوسل اله يتركني بس ما يقبل

.."مهند عليك بغلاة امك تعوفني .."
رد .."ما اسويلج شي بس نحجي.."
اخذني للسياره فتح الباب .."صعدي .."
رديت .."مااا اصعد .."
دفعني للسياره بسرعه وسد الباب صعد للسياره وساق بسرعه
كمت ابجي بصوت .."فدوووه عوفني خليني اروح عليك الله .."

رد وهو يضرب على الستيرن .."هششش ماااا اسمع صوووت .. تردددييين تتزوجييين غيييريي يا شااام مووو بسيطه اذا مااا اندمج .."

يمااا هنا من صدك خفت
لزمت الباب .."ونبببي افتحه اذا ما توكف .."

ما رد عليه ساق بسرعه ما اعرف وين ماخذني
طلعت تلفوني اريد اخابر على وسام

بسرعه سحبه مني وشمره جوه رجله يا الله الخوف الي احس بي مو طبيعي .. كمت ابجي بخوف واتوسل يعوفني

وصلنا لمنطقة كانت هادئة والشارع فارغ
نزل من السياره وفتح الباب .. باوعتله بخوف والدموع ماليه عيوني
سحبني من ايدي ونزلني .. كمت ابجي بصوت اعلى
اتمنى احد يطلع بس الشارع فااارغ
.."مهندددد عووووفنييي لا الللم الدنيا عليك .. والله بس اكول لبابا شوف شيسوي بيك .. والله احجيلهم رجعني احسن الك
.."لا عبالك مثل ذيج المره اسكت

ما رد عليه فتح الباب ودفعني جوه وقفله
من شفت الباب انقفل انمعط كلبي من خوفي

كانت اكو غرفه بسرعه ركضت وسديت الباب
ما كان بيها مفتاح بجيت على نفسي وخوفي

دخل للغرفه وعيونه اطلع ناااار من العصبيه
.."هااا تردييين تتزوجييين مو .."
رديت من بين خوفي ورجفت صوتي .."والله اترك الموضوع بس خليني اروح بحالي .."

باوعلي وهو رافع حاجبه .."سولفي شعندج وي هذا الكلب .."
رديت عليه .."والنبي كلشي ما عندي ويا .."
اجا عليه بسرعه.. ضربني راجدي .."لا تجذبييين لااا تجذبببين .. لج احجي لا هسه اموتج هنا .."
رديت ..."ما عنددددي شييي ويااا ومااا مضطررره ابرر الك شييي .."
رد .."شااام استري على روحج واحجي .. ليييش تجذبين مو طالعه من الدوام وملتقيه بي لووو هاااي هم جذذذب .."

رديت .."واذا اطلع وياااا كدااام العااالم وما مسوييه غلططط لووو هم راح تتهمني مثل ذيج المره .. على الاقل هووو اجااا من الباببب مو مثلك .. بنص بيتي طفرت واغتصبتني انت سببب دماااري يا مهند واليوم وبااااجر ابقى اشوفك هيج انت السبب بكل شي يصير وياااي انتتتت .. لككك الله ياااخذني يوم العرفتتتتك ياااريت متت ولا عرفتك ياريت متتت ياااريييت .. ولك مااا كفاك الي سويته بيه ما كفاك دماري عوفني بحالي اريد اعيش بعيد عنك ما اريدك تفهم شنو ما اريدك .. خليني اشوف حياتي مثل ما شفت حياتك انت مو على وجه زواج اتدخلت بيك اني اذيت خطيبتك .. بس فك ياخه مني اني وياك مستحيل نرهم بعد .. اتركني اشوف حياتي .. اذا ابقى وياك ابقى دوم خسرانه ومغلوبه.."

كان يسمعني ويفوررر من كلامي لزمني من شعري بقوه حتى شالي وكع من كد ما بهذلني

.."الموووت اقرب الج من انو تاخذين غيري .. انتي اكثر وحده تعرفيني شلون مجنون بيج .. اكثر وحده تعرفيني من يتعلق الموضوع بيج شلون اتخبل .. شام وحق موسى ابن جعفر اذا ما ندمتج.. شلوووونن تفكرررييين تتزوجيين غيري هاااا فهمينييي شلون .."

رديت عليه .."مثل ما انت كدرت تتجاوزني وتخطب وتشوف حياتك .."

رد وهو صاك على اسنانه .."منو كااال اني تجاوزتج منووو كااال .. مااا اخليج لغيري لو على جثتي ما تاخذين غيري
لا عبالج بس كلام .. اني مهند كول وفعل .."
"ولللك بسسس بسسس ابعد عني يااا اخي فك مني وخليني امضي بحياتي .."

رد .."من شوووكت صرت اخوج .."
لا عاد هنا من صدك ما تحملت .. كنت افور من العصبيه بس من صدك ضحكني
.."ههههههههههههههههههههههههههههههههههههههههههههههههههههههه .. هسه انت عفت كلشي وركزت على اخي .."
من شافني ضحكت ابتعد عني وكعد بل كاع
.."شام والله تعبتيني .."
رديت واني ابتعد بنهاية الغرفه .."يووووه هسه على اساس انت فقير بربك ما تسكت احسن الك .. يله مهند صير خوش وليد ورجعني للشركة .."

رد .."شعندج ويا هذا الكلبببب .."
رديت واني اكعد .."وداعت لجين وغلاتها بكلبي ما عندي شي ويا ابد .. مجرد استاذي بل شغل ومن تركت اجا وتقدم الي .."

رد .."لعد شعنده وياج بـ مطعم الـ ........ وكاعده ويا تتريكين وتضحكين .."

رديت واني رافعه حاجبي .."قبل لا تتهمني اريدك تعرف
شي واحد ان كان عندي علاقة بي او لا هل شي ما يخصك
اذا كان بحدود انت بطريق واني بطريق .. خلللاص تعبت منك وبعدين شمدريك بيه تريكت واضحك .."
رد .."كلشي اعرف عنج وين اطلعين وويامن كلللشي اعرف لا عبالج الماي تفوت من جواي .."

سكتت ودرت وجهي عنه بقينا ساكتين بل نص ساعه
وهو بس يباوع عليه ارتبكت واحاول ابعد نضري عنه

مهند .."شام ..!"
باوعتله بمعنى احجي
مهند .."خلينا نرجع ..
سكت وبعدها حجه وهو يجر نفس ..اشتاقيتلج بكد رحمة الله.."

هزيت ايدي .."واضضضح اشتياقك .. مهند طلعني منا خليني اولي بطريقي عساني لا رديت .."

كام بسرعه واجا عليه كعد كبالي .."ما اعوفج تحلمين اعوفج ولج مرمرتيني وفوكاها تتعززين عليه .."

رديت .."بس اني ما اريد ارجع الك .."

باوع بعيوني .."مو من كلبج هل كلام .. شام خلينا نفتح صفحه جديده ونعيش مثل ما نريد والله ادللج واحطج بين عيوني والله احبج ورايدج .. اتركي موضوع الزواج من الشيخ انتي الي وبس .."

رديت .."ما ازوج واتركه بس خليني اطلع منا .."
رد .."كولي وروح لجين ما تغدرين بيه وتتزوجين .. ترى وحق الله اذبحج على القبله .."

هزيت ايدي .."شكد تهدد وتذبح وتصلخ يااابه وغلاة لجين وروحها ما ازوج .. يله طلعني منا .."

بقى يباوع بوجهي ومركز عليه بكل قوته ..
استغربت وارتبكت كلش .. قرب ايده ويتلمس بخدي

يووو كزبرت من هل حركه كمت بسرعه .."طلعني منا انت ما أأمن على نفسي وياك .. يله امشي .."

ما حجه شي بس اخذ تلفونه وخابر ما اعرف عليمن اسمعه يكله .."خليها هسه اجلت السالفه.."

كام وهو ساكت طلعنا من البيت اني عفته ومشيت صاح وراي .."وين شامتي .."

رجف كلبي من كال شامتي التفتت اله واني ساكته
هو فتح باب السياره واشرلي بمعنى اصعدي

صعدت للسياره وهو هم صعد .. كان يسوق ومشغل
اغنيه لـ لؤي عدنان-اريدك

كان كلماتها الها تأثير علينا ثنينه
الطريق كله كل شوي يتحسر ويباوع عليه ويرجع يركز بل طريق .. وصلني للشركة وراح اني ما دخلت اخذت السويج مال سيارتي وطلعت بيها افتر ما اعرف وين اروح كلش متضايقه واسوق وافكر ما اعرف ليش احس اجتاحني
حنين اله احس روحي مشتاقتله وبحاجته اول مره
هيج احس روحي اريده وبقوة .. تعبت ورجعت للبيت

من دخلت سيارته ما موجوده اخذت نفس عميق
ودخلت للبيت .. صعدت لغرفتي وافكر بل بلوه الي ابتليت بيها ما اعرف شلون افاتح ابوي بهل موضوع واكله ما اريد الشيخ وهو شكد لح عليه وضغط

لليل اني بغرفتي افكر شسوي ووين اروح وين انطي وجهي وشسوي .. اخر شي كلت انزل واواجههم افضل من السكوت

من نزلت كنت متردده كلش .. سالت مياسين وين
ابوي كالت كاعد بغرفة جدو .. رحت عليه

.."شلونك يابه .."
رد .."هلا بشام تعالي بابا كعدي يمي .."

رحت كعدت بصف بابا وساكته وصافنه .. هو حس بيه عندي كلام اريد اكوله اله

حجه بابا .."شبيج شو ساكته كولي شعندج اكو حجي بحلكج .."

رديت بتردد وصوت مهزوز .."بابا اني ما اريد الشيخ محمد .."

فتح عيونه بكل وسعهم .."شنوووو شنووو .. تلعبين على الناس انتي شنووو .. نوب هاي جديده ما كو هيج حجي
شام اكعدي واسكتي العالم انطيناهم كلمه بعد ما نتراجع بيها .. "

رديت .."ما اريد بابا فدوه حل الموضوع من يمك
انتو الي ضغطتوا عليه وجبرتوني اقبل لا تكول ما لزمنه
عليج سيف .. بس هواي لحيتوا وقريتوا براسي واني هل زواج ما اريده .. بس وافقت لان حسستوني اني ثكيله عليكم
وزوجته خطيه هم ما اكسر بيها حرام عليه اخرب بيتها و...

ابوي بعدني ما مكمله كلامي كام يعيط ويحجي عليه
البيت كله اجا على الصوت حتى جدي جان بل تواليت
اجا ويسالني شكو .. ابوي شرحلهم وهو عصبي ويصيح

اني سحبت روحي وصعدت فوك بقيت كاعده
على الدرج واسمع حتى وسام هل مره صف وي بابا
صرت اكل باظافري من القلق والتوتر

فقدت الامل وضجت بس كان عندي امل بمهند هو
الي ينجدني .. اسمع بابا شلون تفرفح واحمد ووسام يهدون بيه وهو ولا سكت ولا بطل اما جدو صف وياي هل مره ويدافع عني ويحجي على بابا ويكله عوفها براحتها ليش هيج تضغطون عليها

بابا متخبل عليه هل مره .. مر اسبوع اني بس مشاكل وعرك وياهم علمود هل سالفه .. اخر شي كلت احاجي
الشيخ محمد واكوله اسبابي بس خجلانه وما اعرف شلون ابدي وشنو احجي ويا

كانت نور نايمه واني بعدني افكر شسوي ووين انطي وجهي فتحت الفيس كان الشيخ ما فاتح دزيت رسالة .."كاعد ؟.."

انتضرته ماكو رد .. قفلت تلفوني وكمت افتر اريد حل
يخلصني اريد احد يوكفلي .. بابا اجل موضوع الخطوبه بل اول بسبب مهند وهسه سكت وبعد ما ادري شسوه ما اعرف

تلفوني بيدي واحس بتوتر .. اجت رسالة يمه كمز كلبي
فتحتها كانت من الشيخ محمد
دزيت رسالة .."اريد احجي وياك بموضوع مهم .."
رد .."خيرج كولي .."

رديت .."اني هل زواج ما اريد اكمل بي وابوي يضغط عليه استمر واني ما هاويه هل شي تعذرني بس ما اريد ادخل بخطيتك واعذبك وياي اني ما اكدر اكمل هل زواج لاسباب هواي ومن وافقت كان بسبب الضغط عليه وايضا وافقت بساعة تسرع مني وزوجتك صديقتي وهواي ساعدتني هم ما اكدر اكسر بيها .."

كتبت هل كلام ودزيته اله بتردد وخوف من ردت فعله
قرا الرسالة وبقى فاتح بس ما رد ولا شفت يكتب

بقيت قلقانه ومتحيره ما اعرف اذا الي سويته صح او غلط ولو هو اني هواي اجفص واغلط بقت على هاي

بقيت بل نص ساعه انتضر الرد بس ماكو تالي نعست ونمت
ثاني يوم كعدت من الصبح فتحت فوني هم ماكو رسالة ولا راد عليه .. احس دكات كلبي الفففف

سبحت وبدلت وحضرت حالي بسرعه ونزلت .. من طلعت صار بوجهي مهند كان واكف يم سيارته ومبين منتضرني ابتسمت من شفته

.."صباح الخير .."
رد بضحكه .."صباح النور شعجب تضحكين بوجهي
منج من الشيطان .. شعجب تنازلتي .."

ما رديت عليه مشيت منه
صاح وراي .."شاااام اليوم ادز ابوي .."
باوعتله وحايره شارد عليه بس كانت حجتي .."ومنال .."

سكت وبعدها رد .."افسخ .. ما اكدر اظلمها وياي وهي يتيمة ما اتحمل خطيتها واني كلبي يم غيرها .."

انقهرت لان راح اكون سبب بدمار حياتها وبسببي الي صار اني الي اتحمل ذنبها

ما انطيت رد فعل عفته ورحت للدوام .. صبحت على
الكل ودخلت لمكتبي احضر شغلي

ساعه ٩ اجت رسالة الي .. توقعت من الشيخ
بس كان مهند .."شام اني بباب الشركة اطلعيلي .."

رديت .."شكو .."
رد .."عازمج على ريوك .."
رديت .."شنو المناسبة .."
رد .."بدون مناسبة .."
رديت .."لحضات واكون يمك .."

اخذت زمنيه وطلعت من الشركة
اجا عليه مهند وهو يبتسم .. اخذني من ايدي للسياره

رحنا لمطعم وكعدنا نتريك هو بس صافن بيه تذكرت اول زواجي هم جان هيج يصفن بيه ويربكني .. بس الح عليه لحتى ما يباوع ويدور وجهه

شام .."مهند عوف هل سالفه هسه ابوي راكب راسه وما يقبل يلغي الخطبه من الشيخ محمد .."

باوعلي وهو رافع حاجبه .."يقبل وغصبا عليه والا والله والله والله ارتكب بيكم جريمه لا عبالج اسكت بس ردت بل تفاهم ما اسويها عركه فـ حلي الموضوع من يمج احسن .."

رديت .."شكد تهددد والله موتتني شوف مهند اني ما عندي اشكال باي شي ولا اريده للشيخ بس انجبرت بسبب بابا والحاحه عليه .. بس انت هم شوي تنازل واعتذر لبابا
على ذاك اليوم مو تريد بل قوه وتريد كلشي يصير براسي قابل اني اكدر الهم .."

رد .."اكلج ادز ابوي تكولين عوف السالفه اكلج انتي خليها من يمج تكولين تعوف كلشي براسي .. المهم اني ما راح امشي ورا كلامج واني الي احاجي عمي واعتقد اني احق بيج من اي واحد ثاني مو صح .."

ابتسمت ودنكت اكل
بعدها حجه .."شامتي ليش هيج متغيره وضعفانه حيل.."

رديت بغصه .."وانت تريد ابقى شام القديمه بعد كل الي صار تتذكر شسويت بيه شلون سحلتني سحل كدام الناس تتذكر شلون ضربتني تتذكر يا مهند شلون تهمتني وكلت الله اعلم وي منو كانت كاعده ..

زين اسالك بالله عليك ما وكفت بعينك عشرتنا وحبي الك يعني هذا كله ما شفع الي عندك شلون فكرت شام هيج تخون وهيج تسوي شلون توقعت عندي شي وي هذا الولد انت سبق وان شفت عليه شي مو زين هم شفتني سويت شي مخل بل ادب ..

اني كنت مغلوبة على امري من تصرفت من راسي .. تتذكر قبل لا تصير هل مشكلة شلون جنت تعاقبني وتعاملني .. انت ما احتضنتني ولا سامحتني على كلامي وي شمس .. كان مجرد كلام لا اكثر ولا اقل مستحيل اسوي هيج بس انت ما غفرت ولا تجاوزت هل مشكلة تتذكر شسويت بيه .. يعني هذا كله

وتريد من اوكع بمشكلة التجئ الك .. يعني انت خليتني اتصور ما راح نستمر اذا حجيت الك لان ما سامحت
وضليت بطبعك وتعاملك وصدك الي ‏.. وحق روح لجين ما حجيت الك خوفا من خسارتي الك ..

ردت احافظ عليك بكل قوتي بكل ما اكدر ردت احافظ على زواجي منك باي ثمن كان اعترف غلطت واني السبب بكل الي صار سواء الك او الي او لاطفالنا .. اني احمل نفسي مسؤولية كلشي .. وهل شي مكرهني بحالي .. مخليني اكل بروحي اكل من قهري ..

بعدها اثار الي صار بيه بعدها مأثرة على نفسيتي وروحي لا تشوفني اسولف واضحك واشتغل كل هذا اسوي لحتى انسى واتجاوز بس عبث ما كدرت .. وتالي كل الي صار وياي ختمتها بلجين وخسارتي الها .."

اخذ نفس ولزم ايدي .. سحبتها منه .."لا تلمسني.. اني محرمة عليك لا تنسى هل شي .."

تنهد .."اووووف يا شام مو بس انتي السبب حتى اني كنت سبب بلي صار النا اني ما سمعت الج وانعمت عيوني من شفتج كاعده وي غيري ..
اجذب اذا اكول ما اجت ببالي هواي افكار وتصورات .. تدرين شلون ادمرت بعدج ايام وليالي واني النوم ما اشوفه بعيوني حاولت اتجاوز الي صار وارجعج بس كرامتي فوق كل شي ما كدرت اصرف نضر عن افعالج

ما كدرت انتي محيتي وجودي ما خليتيلي اعتبار كدام اهلي وعمامي صرت هلكدوتني يعني زوجتي تتصرف من كيفها وتاخذ فلوس وتكعد يم الغرب وترديني ارجعج وانسى ..

بس اخخ منج شلعبتي بحالي .. و رغم الي سويتي بقيت احبج وبقيت اطقس اخبارج .. شايفه من اشوف اطفالنا شيصير بيه ابقى ادور عطرج بيهم .. كنت كل ما اصفن على لجين اشوفج بيها ..

كل حركاتها مثلج بكلشي تقلدج .. من اشوفها اتذكرج واتذكر وكاحتج .. واشتاق الج بس ما كدرت اتراجع وارجع علاقتي بيج. . ما اعرف شكول وشحجي بس حبي الج ما تلاشى بل عكس بكل يوم يزيد حبي واشتياقي بهل بعد هذا عرفت قيمتج عرفت قدر عشقي وهيامي الج .."

رديت بابتسامة ساخره .."تحبني ورحت خطبت .."

رد .."ردت احرك كلبج بس تالي تورطت بيها البنيه يتيمه وفقيرة ما كدرت اكسر بختها .. بس بعد ما سمعت انخطبتي للشيخ جن جنوني ما عرفت أسيطر على اعصابي ولا كدرت الزم نفسي .. مجرد فكره اخسر شام للابد تشل مخي .. ما اعرف ليش كل هذا الحب الج على الرغم من اذيتج بقى وما كرهتج كرهت تصرفج الساذج .."

وهيج بقيت اني ومهند نتعاتب ونتبادل الحديث والي صار
بكل هذي السنين الي ابتعدنا عن بعض بيها

بل اخر اتفقنا ما نفترق لو مهما يصير ونتحدى كل الي يوكف بوجوهنا ونرجع لبعض

وفعلا من رجعت للبيت لليل اجا عمو ومهند وعمامي الباقين مهند اعتذر لابوي عن ذاك اليوم وتصالح هو ووسام

وعمي طلبني من جديد لمهند .. ابوي هنا سكت لان تورط بل شيخ .. بس ما كدر يرفض طلبني كدام الكل

رحت اله
ابوي .."بابا شام هاي كدام عمامج اني ما اكدر اوكف بطريقج ولا اجبرج على مهند او الشيخ محمد .، وهسه عمج طلبج لمهند من جديد .. شنو جوابج انتي .. واذا بخصوص الشيخ اني احلها وياهم ولو تورطت وفشله منهم .."

رديت .."الي اشوفه مناسب سوي .."
ابوي فهم جوابي وهز راسه وهو مدنك .. اني طلعت بس بقيت واكفه اتسنط واتبسم والسعاده ماليه قلبي .. بس وسام خرب عليه ولكفني واني ابتسم كان كاعد كدام الباب ولمحني من شاف ضحكتي غمزلي.. اني هنا من صدك يا كاع انشكي وطميني .. فلتت للغرفه

بعدها مشت الاحداث بشكل طبيعي .. مهند حجه وي منار وهي سحبت نفسها من عرفت راح يرجعني .. بصراحة البنيه كلش فقيرة ومسالمة ابد ما بيها اذيه شكد ما كانو كاشين بوجها حتى ماما ما حابتها بس من شافوها شلون طينه وفقيره ويتيمه صاروا يحبوها .. اني نفسي انقهرت عليها

بس شنسوي هو هذا الي الله كاتبه الي والها هذي قسمتها بعد
اني ومهند صرنا نجهز لعرسنا .. اني بل اول ما قبلت بس هو كان مصر على هل شي .. يكول عرسنا الاول ما استمتعت بي اريد اعيش الاجواء على حقيقتها

وفعلا سوينا عرس وكان بقاعة ما خلينا شي ما سوينا شكد ركصت ويا وعلى طول العرس اسر ويانا تمنيت وجود لجين كان لبستها بدلة عرس وياي وركصتها اويييلي من تذكرتها انمردت حتى مهند حس عليه بس بعدين شوي شوي استعاديت اتزاني ..

بعدها زفونا لفندق بابيلون قضيت تلث ايام بي كانت ايام حلوه مهند راد نطول اسبوع بس ما قبلت رجعت علمود اسر .. من رجعنا كانت هدية بابا وعمو ابو مهند رحلة لتركيا واسر ويانا .. بعدها مهند اقترح على وسام يجي ويانا بس ما كدر لان خلصت الاجازة ولازم يرجع لامريكا .. سافرت لتركيا وي مهند

وهناك اكتشفت اكو حمل .. من صدك بجيت بس هل مره بجيت فرح .. تمنيت تطلع بنيه ..

رجعنا بعد شهر من السفر وهنا كان العراق بضجة كبيره
بسبب المضاهرات والدنيا مكلوبه .. مهند راح كم مره هو ووسام بس من اشتدت وصار القتل بل جمله هنا عمو ادخل ومنعهم ..

عمامي كلهم لزموا ولدهم اله واحد من اقاربنا هم خطيه كانت علاقتنا بي كلش قويه ما قبل ويروح من دون علم اهله لحد ما جابوا النا شهيد وليث و ولد العم بعد ما استشهد كلهم طلعوا يتضاهرون بساحة التحرير ما كدروا عمامي يلزموهم .. لحد ما سقطت الحكومة

اني كل هل فترة كاعده بدون دوام ومهند مرتاح لهل وضع ويلح عليه اترك بس ما قبلت ولا راح اقبل ابد شكد كافحت لحد ما وصلت وتالي اترك مستحييييل هل شي

اجا كورونا وخلانا نكعد بل بيوت .. اني هل مره استفاديت بهل عطله الطويلة .. تعلمت لهواي اشياء من طبخ و تركيب
وحلويات واتفرغت لبيتي ومهند واسر .. صرت مره معدله ام بيت

اسر على كد ما نبه كل ما يجي يمي مهند او يبوسني ينتبه ويبقى يباوع .. مهند يتخبل منه .. صار يدزه ينام يم جده وبيبيته .. اما حملي فـ احسه مثل ذاك الحمل ونفس الاعراض وبطني جبيره .. اعتقد هم توم ..

وفعلا رحت حللت كان توم بنتين هل مره .. احس ربي عوضني بس الغصه لسا ماليه كلبي على خسارتي للجين
مستحيل انسى واتجاوز .. شكد اشتاق الها واكول يا ريت بعدها وياي .. ياريت وياريت وياريت .. بس ما ينفع هل كلام الي راح ما يرجع ..

اني ومهند حياتنا حلوه وطبعا ما تخلوا من المشاكل والمعوقات بس كدرنا نتجاوزها بعقل وحكمة ما نريد يتكرر الي صار النا وما نتحمل فراق بعد اكثر .. لان شام لمهند ومهند لشام .....

الى هنا وتنتهي قصتي وي مهند ..
اتمنى تكونون استمتعتوا بل قصه .. وتاخذون العبرة من اخطاء الطرفين ..

واحب اكول انو مرات احسن شي تسوي بحياتج انو تكتفين بعدم الرد شكد مواقف واحداث تخرب بسبب كلام زايد وشكد مرات تضيعين بيها حقج بسبب تسرع وعصبية وتتوقعين انو القوه بل صوت العالي والكلام اللاذع ...

اعتقد غلط شام الاول بسبب كلامها وي مهند وطريقة صدها اله ما كانت بشكل محترم .. بس ايضا نكول ماكو اي مبرر للاغتصاب

ماكو اي مبرر لفعل مهند بشام .. بس الولد يحبها ومستقتل عليها بس هي لسانها سليط وما عرفت تتصرف توقعت من تسوي هيج راح تبعده عنها او تكره بيها بس كانت غلط هي الي تاذت بل اخر ..

وغلطها الثاني هو كثره الثرثرة مع صديقاتها وثقتها العمياء بيهم .. بهل زمن ماكو صديقه كلها تطعن وما تتمنى الخير لصديقتها وتبيعها بسبب فلوس او غيره وحقد بسبب عيشتها اتحذروا من كيد الخبيث..

كانت شام تنطي كل شي لصديقاتها حتى علاقتها مع زوجها وهل شي طبعا اكبر غلط ممكن توكع بي اي بنت ما اكول لا تصادقون بس اتحذروا يا بنات وخلوا بيناتكم حواجز وحدود ..

هيج افضل لتجنب الوقوع بـ مشاكل انتي بغنى عنها .. واول خطوة للنضج هو تبدين تميزين شوكت لازم تتكلمين وشوكت لازم تلتزمين الصمت .. السكوت من ذهب ....



#للكاتبه_بـــنـــيـــن

مع تحياتي 🌹

حبيـــــــــــــــــــتو القصه لو لا❤