فدوه ألعمر كون أفدي
بخدمة حبيب ألزهره ..
_1

خادم وأضل طول ألعمر  أتباها..
الخدمة المقامك سيدي  محلاها..
هالروح ألك رب ألعرش  خلاها..

نخدم نضل حد الموت
نلطم و نبجي بعبره

2

من المجالس  ربي  لا  تحرمنه..
وبخدمة آل ألمصطفى توفقنه..
و أبدفترك  نتمنى  أتسجلنه..

دنيا الخذت منه حسين
من عدها خل نتبره

3

أليلطم بصدره لا تضن يعوفه..
و اليخدم بأخلاص ليه يشوفه..
ألسبح بأسمه ويلهج بأحروفه..

بيوم ألحشر لا ميحير..
باجر حسين يحضره..

_4

بالگبر لو سألوك يحظر گبرك
يانس وحدك وبوجوده يصبرك
لتخاف يالبالخدمه خلص عمرك

ما ينسى خدامه بيوم
كل محب يوصل گبره

5

فوگ السراط أدريك تحظر وياي..
بالشده  للخادم  أعرفك  تجاي..
فضلك علينه من أعدنه هواي..

وأدريك للخادم عون  ..
الخادم يهمك أمره ..

6

كل  ألخدم  باجر أمرهم  يمك..
تتباهه بيك وتحمل هناك اسمك..
هنيال كلمن مخلص من يخدمك..

لجنة وياه يروح ..
بيده ألحسين يعبره..

__!!!

عامر ألحمداني..

مدللات حسين ،،، بالحبل مجتوفه ..
وحظروها النوك ،،، وألكفيل تشوفه ..
ألكافل يكوم ويطيح _ يستمع زينب تصيح
        يابو فاضل  _ يابو فاضل
________

يابو فاضل لا تعوف أختك وحيده ..
حسين كطعوا منحره وحزوا وريده ..
عوف  نهر  ألعلكمي يا أبن الصميده ..
عمري بعد فراك وجهك ما أريده ..

ما متت كونك جريح_ يستمع زينب تصيح
       يابو فاضل  _يا بو فاضل

_1

يألجبتني ويه ألضعن ما عودتني ..
وحيده امشي بين وادم شتمتني ..
سياطهم عباس هدت خويه متني ..
و ألسلاسل ياخو زينب عذبتني ..

وصلي صوتي يريح _ يستمع زينب تصيح
    يابو فاضل ____ يابو فاضل

_2

حركوا  خيام العقيله وسلبوا  رقيه ..
طحنه  يم  وادم  فلا  بيهم  حميه ..
وين  أخوج  ألكافل  يشمتون  بيه ..
وآنه حرمه بلا أخو ومجتوفه أديه ..

عألنهر تبقى طريح _ يستمع زينب تصيح
       يابو فاضل _ يابو فاضل
_3

حافيه وتركض أخيتك تدري بيها ..
وحركت ألنيران زينب جف  أديها ..
تمشي  باجر  والخلك تنظر عليها  ..
تبجي النوك على زينب والبجيها  ..

راسك كبالي ذبيح _ يستمع زينب تصيح
     يابو فاضل يابو فاضل
_4_

بصوت صاحتلك رقيه وتهمل ألعين   ..
بالجثث تتعثر و ركضت للحسين      ..
تمددت يم صدره ذاك الصار نصين    ..
و نايم بصفه الكفيل بلايه جفين       ..

يمك آنه أرد استريح _ يستمع زينب تصيح
      يابو فاضل __يابو فاضل

_5

يارقيه  لوذي  بيه  وخل  نودعه    ..
راح اخوي حسين ابد مامنه رجعه ..
راح صوتي وما أضن عمه يسمعه   ..
يضل  ثلث  ايام  ما واحد  يشيعه  ..

ياهو لترابه يزيح _ يستمع زينب تصيح
     يابو فاضل  _  يابو فاضل
_6

♧ عامر ألحمداني ♧

اصعب ألم _ حرك الخيم
زينب بقت _ بين الحرم

وعلى المتن طكها الشمر
ونادت يخويه ادركني


فوك الترب نايم صبح واليها
بالسوط للحره الشمر واليها
لأيتامه بالطف من رحل ولاها

رغم الجرح _ من الذبح
باجر سبي _ وجه الصبح

جسمي يضل خويه هنا
و تمشين باجر عني
__

من شفت يمك هالعده صف صوبين
والخيل لضلوعك يخويه صابن
على الوجنه دمعاتي لمصابك صبن

عليك الروح _ كلها جروح
جن وانس _ ليك تنوح

يمك وصلت وناديت
يبن امي لا تتركني

_

لجيتك يبو السجاد آنه حنيت
عودي ذبل والظهر بعدك حنيت
ساعة رحيلي للغرب هألحانت

دمعي يصب _ فراكك صعب
ما ينحمل _ كسر القلب

فوك الرمح راسك شاف
كباله الشمر شتمني
_

راسك يخويه بالرمح من شاله
دم نحرك لحيلي احسن شله
الفارك محب بالعمر كلي شله


يوم اليسر _ شفت الشمر
لينه اعتنه _ و ماضل صبر

ضلي الامس ماشافو
هسه الخلك شافتني

___

ايامي بعدك صفت خويه مره
ناديتك اني بغربتي كم مره
بالقصر من راسك علينه مر آه


شفت العجب _ كبالي ضرب
راس الولي _ و صدله غضب

بالخيزرانه على شفاه
يضربه و تشاهد عيني

____

عامر الحمداني

زينب تنادي العباس ،،
خوية أكعد وحاجيني ،،

أكعد  يخويه  بسوطهم ضربوني..
أزرك  وحقك  صار  لون  متوني..
بين  الغرب  يبن  امي  لتخلوني.

وحدي يخويه ضليت ،،
ليكم  أصد  بعيني ،،

علينه  ألخيم  تنكث  جمر حركوها..
وألتبجي من عدنه ألعده يضربوها..
و فوك  الهزل  أختك  تره يركبوها..

وينك  يخوي ألوفاي  ..
بعدك  منو  يحاميني ..

تعاين عقيلة حيدره وتجري ألعين..
لا يمها سبع الكنطره ولا  الحسين..
أصفك  يخوتي  خلافكم بألجفين..

وأتلكه أسياط  الكوم ..
خلاف أخوتي بجفيني  ..

شالوا الروس وليهم الحره تشوف..
أطفال تصرخ وألكلب بيه ألخوف..
كافلها بس جثه بقى بدون جفوف..

صدت الراس العباس ..
تكله الدهر لاويني ..

لحسين  تنظر و الدمع  يتجاره..
بعدك  يبو اليمه  اضل  محتاره..
أتمنيت  يحظر  حيدره  بفقاره..

عألنوك  أروحن  لشام ..
ما أضن علي يخليني ..

حان الوداع وللغرب مسبيه..
طكوا رقيه وسلبوا الترجيه..
فراك أخوتي هد حيلي وأثر بيه..

تالي بغرب بأرض الشام ..
تخلص يخويه سنيني ..

عامر الحمداني

قصيدة عگيلي للأمام الحسين ع

عالغبره حسين مكطعينه
عالغبره حسين مكطعينه (2)

وحيد وكلها التمت ضده
خلصوا كل اخوانه أولده
و الكافل  مطروح  بسده

و كطعوا للكافل جفينه
عالغبره حسين مكطعينه

حركوا  بالطف  كل أخيمه
وبنحره اخت حسين تشمه
و بنته تنادي وتصرخ يمه

خلافك للشام ميسرينه
عالغبره حسين مكطعينه

____
طبعوا خويه السوط بعيني
و أتشاكف  بيه  بجفيني
ما مش وليان تحاميني

محد يبن امي يحن لينه
عالغبره حسين مكطعينه

____
أركض و رسومك كدامي
ذبحوا بالطف كل احلامي
و تتعثر بألطف أجدامي

وجسمك ياخويه مسلبينه
عالغبره حسين مكطعينه
____
ياوسفه خلافك يبن امي
كل الوادم صاحت باسمي
و انت موذر جسمك يمي

وبحبال أعداك أتجر بينه
عالغبره حسين مكطعينه

_
اكعد شوف اختك جتفوها
و للشام  الهزل  حضروها
و كدام  أخوتها يشتموها

وبرمح الراس معلكينه
عالغبره حسين مكطعينه
____
راسك خويه يصد للعيله
أعداك برمح كبالي تشيله
بدموع وعبره آنه اشكيله

تفداك اختك يابو سكينه
وعالغبره حسين مكطعينه
___

عامر الحمداني

فدوه ألعمر كون أفدي
بخدمة حبيب ألزهره ..
_1

خادم وأضل طول ألعمر  أتباها..
الخدمة المقامك سيدي  محلاها..
هالروح ألك رب ألعرش  خلاها..

نخدم نضل حد الموت
نلطم و نبجي بعبره

2

من المجالس  ربي  لا  تحرمنه..
وبخدمة آل ألمصطفى توفقنه..
و أبدفترك  نتمنى  أتسجلنه..

دنيا الخذت منه حسين
من عدها خل نتبره

3

أليلطم بصدره لا تضن يعوفه..
و اليخدم بأخلاص ليه يشوفه..
ألسبح بأسمه ويلهج بأحروفه..

بيوم ألحشر لا ميحير..
باجر حسين يحضره..

_4

بالگبر لو سألوك يحظر گبرك
يانس وحدك وبوجوده يصبرك
لتخاف يالبالخدمه خلص عمرك

ما ينسى خدامه بيوم
كل محب يوصل گبره

5

فوگ السراط أدريك تحظر وياي..
بالشده  للخادم  أعرفك  تجاي..
فضلك علينه من أعدنه هواي..

وأدريك للخادم عون  ..
الخادم يهمك أمره ..

6

كل  ألخدم  باجر أمرهم  يمك..
تتباهه بيك وتحمل هناك اسمك..
هنيال كلمن مخلص من يخدمك..

لجنة وياه يروح ..
بيده ألحسين يعبره..

__!!!

عامر ألحمداني..

أبوذيات نعي

على حسين ألعده ألتمت و يارت

ألمصايب دارت عليهم و يرت

أنذبح عبد الله بين أيده وياريت

تطيح ألسما وتسحك آل آميه


يعبد الله السهم كطع _ وريداك

يبني ربك اختارك _ وراداك

ذبيح مخضب بدمك _ وردك

تكحل عينها امك هالمسيه --


صحت يحسين يبن أمي _ ولايت

عليك ألروح ما هادت _ ولاجت

أسيرة مكيده وامشي _ ولاية

غرب و ألوادم تعاين عليه


بعد ماضن فرح للكلب يمره

عليك بوسط روحي تلوج يمره..

أبوي بحلم هالبت يرد يمر آه..

عليله وما بعد ضل حيل بيه


بغدر صابوني يا زينب _ بهاماي

لجن مافكرت خويه _ بهمي

تبدت جربتي ماضل _ بها ماي

وآنه على ألترب مابيه جيه...!!


على العباس فزعت زلم _ صوبين

السهام بكل كتر بحشاه _ صابن

وكع ودموعه من العين _ صبن

بعينه السهم ويفكر بخيه...!!

عامر ألحمداني

زينب تخاطب اخيها الحسين ع

أضل مناطرك ها يت ما يت

ودموعي بوسط عيني عليك مايت

جذب من كال عن حسين ميت

( عدل وبروحي عايش للمنيه )

عامر ألحمداني

بسلاسل شي رحل وياي (شي مات)
كل ساعه وسطرلي العين ( شامت )
طفله ونامت على الطشت ( شمت)

راس حسين واخذتها المنية

عامر ألحمداني

فزاعية للأمام علي الأكبر ع

الأكبر من دخل ليهم _خلاها الزلم طشار
(1)___
يشبه حيدرا من بعيد.
يرد ثار الكفيل يريد..
وصل للمشرعه الصنديد..

ألطف بكبره ضل محتار..

الأكبر من دخل ليهم _خلاها الزلم طشار
(2)___
هز عسركهم بكبره..
بسيفه اليوصل يطبره..
يشبه حيدرا بصغره..

فر الطف يمين يسار..

الأكبر من دخل ليهم _خلاها الزلم طشار
(3)___
شايل غيرة العباس
خله بجيشهم وهواس
دگ بيمنه راس براس

صب عالآل أمية النار...

الأكبر من دخل ليهم _خلاها الزلم طشار
(4)___

رجع يتعثر بممشاه
يصد لوالده تلگاه
آخر ليله هاي وياه

شافه للشهاده أختار

الأكبر من دخل ليهم _خلاها الزلم طشار
(5)____
وصل عطشان لخيامه
يجر يا وسفه بجدامه
حسين وشافه گدامه

يشبه جده المختار...

الأكبر من دخل ليهم _خلاها الزلم طشار
(6)___
مگابل ما يگدرونه
تذلهم خزرة عيونه
من أبعيد ويهابونه

صاح الگوم ياستار...

الأكبر من دخل ليهم _خلاها الزلم طشار
(7)___

شافه حسين من صابوا
شهم بس العده غدروا
وگع وبخيلهم داسوا

ولخيام ألحسين أندار..

الأكبر من دخل ليهم _خلاها الزلم طشار
(8)____

شاله و للخيم رد بيه
أنكسر ظهر الحسين عليه
جسمه موذر يصد ليه

كون البيك الي يندار..

الأكبر من دخل ليهم _خلاها الزلم طشار
______

عامر ألحمداني

فزاعية للامام القاسم ع

برز جسام بألحومه _ تحزم ياخذ بثاره
(1)
گعد يم خيمة المظلوم
گله أرخصني أرد ألگوم
وصية والدي ألمسموم

أوكف وكفت أنصاره

برز جسام بألحومه _ تحزم ياخذ بثاره
(2)_____
يصد ليه الحسن جنه
ترك عرسه واله تعنه
بدمه الليله يتحنه

بوصيته المجتبى أختاره...

برز جسام بألحومه _ تحزم ياخذ بثاره
(3)_____

رد ثار الجفوف أرگاب
گالوا هذا داحي الباب..
ألجيش بكبره منه يهاب..

تلهب عالعده ناره..

برز جسام بألحومه _ تحزم ياخذ بثاره
(4)_____
يرد اليوصله بلا راس
جاسم هذا لو عباس
ما يتواجه و ينجاس

أيحصد بألروس بتاره

برز جسام بألحومه _ تحزم ياخذ بثاره

(5)____
زلمه وما يهاب الموت
گاصد للمناية يفوت
خورسهم ولا ضل صوت

خله أعداه محتاره..

برز جسام بألحومه _ تحزم ياخذ بثاره

(6)____
عليه ألگوم ملتمين
صابوا هامته نصين
بعد ما واصل العشرين

و أمه مناطره أخباره..

برز جسام بألحومه _ تحزم ياخذ بثاره

(7)___
شاله و للخيم رده
الأكبر نايم بسده
گباله تمددوا ولده

و دمع حسين يتجاره

برز جسام بألحومه _ تحزم ياخذ بثاره
(8)_____
رمله تعاين بحسره
ألقاسم شمته بنحره
خلافك گلبي شيصبره

لأمك شوفلك جاره

برز جسام بألحومه _ تحزم ياخذ بثاره
___________

عامر ألحمداني

فزاعية للامام العباس ع

بأرض ألطف طب عباس
يطگ بيهم رأس برأس
يا أبو فاضل يا أبو فاضل
(1)_________

عباس من طب للحرب هز ألكفر بجفوفه
جنه علي لمن برز حط بالعساكر خوفه
من بعيد يشبه حيدرا ألگوم كام يشوفه
عباس هذا لو علي بألطف صبح سالوفه

إليوصل ليه ما رد دوم
أرعب بجفوفه ألگوم

بيمنه دگ رأس برأس...
(2)_________

زينب تنخت بالگمر من سمع سرفن ردنه
كالت يكافل لو رحت ألماي جيبه السكنه
تحزم أخوها وأنتفظ وألزلم هابت منه
يجيب ألنهر وسط الخيم لو بت علي تتمنه

زينب وتريد ألماي
طلبت من الوفاي

بجفوفه نشف ريگ الشط...
(3)_________

سرفن أردانه وعالنهر شاف ألعده نادوله
هاي ألجيوش بأمرتك ويانه ضل گالوله
أترك أخوك لوحده وأمرة ألجيش أهدوله
هيهات ناده للعده وفدوه انه اروح لطوله

لازم أفدي بألعين
وجربه وراية وجفين

دخن راسه وأحتر ألطف...

(4)____

مگابل دخل للمشرعه وألجربه فوگ متونه
عباس سبع ألگنطره و قادتهم يعرفونه
ما توگف گباله الزلم تنكث شرار عيونه
جا غير أبن حيدر علي من خزرته يهابومه

أحتاروا بي من لاگوا
باشط سيفه يعرفوا

حز روس القاده عباس
(5)_____

ذب الجفوف على النهر والجربه ما ذباها
والراية شدها على المتن عباس ما عافاها
زينب نخت عالماي أبد للحره ما خلاها
ضحه بجفوفه وهامته بس لا يقصر وياها

صاحت نعم الوفاي
ما قصر دوم وياي

ما قصر من تنخيته ...
(6)____

عألنهر خورسها الزلم محد وصل لخيامه
گطعوا جفوفه من وگع عباس فوگ الهامه
مصيوب وبعينة السهم ويفكر بأيتامه
من شافه أخيه عألترب للحرب شد حزامه

حسين وهد يطلب ثار
خله العسكر طشار

تتراجف رجلين أعدائه ..
____

عامر ألحمداني

نزلة حماسية

يا لثارات ألحسين..
يا لثارات ألحسين..
(1)______
عألخيم ملتمه كل أنصاره
كلمن تحظر وكض بتاره
ألكافل على ألعده تلهب ناره
وآل أمية بصولته محتاره

شافته أعداه و تغير لونهم
گله يا مولاي خل أفنيهم

يا لثارات ألحسين..
يا لثارات ألحسين..
(2)____
تحزم گباله حبيب بشيبته
حمل سيفه وألعساكر هابته
يم أبو الأكبر أصحابه تعنته
محزمه وكلمن محظر لامته

أرخصنا يا مولاي كلهم گالوا
أحنا ما ردناها هم ألعالوا

يا لثارات ألحسين..
يا لثارات ألحسين..
(3)____

تسرفن حسين و دخل گدامهم
وأبو فاضل هم خطف بياناتهم
عابس وجون وحبيب أحزامهم
وعلي ألأكبر يسحل بقاداتهم

جاسم بنصهم يصول بهمه
من ألگمر عباس ماخذ عزمه

يا لثارات ألحسين..
يالثارات ألحسين..
(4)____

أنملت روس الطف من القاده
وأبد ما قصروا زلم الساده
طشروا جيش ألكفر بأعداده
و آل أمية الغدر الهم عاده

صفوا على النهر گطعوا مايه..
وخلوا بكل كتر بي رمايه.

يا لثارات ألحسين..
يا لثارات ألحسين..
(5)___

حمل سيفه ألكافل و رد للقتال
جربته بظهره ويفكر بالعيال
للخيم عباس ما يرجع محال
گال أصفي ألعلگمي من الرجال

شال نهر ألعلگمي وعاين له زين
ما أشربك كله أبد دون ألحسين

يا لثارات ألحسين..
يا لثارات ألحسين..


(6)____
شال ماي النهر بيده وعافه
رجع نهر ألعلگمي على جتافه
من العطش ذابل أخيه شافه
ما شرب و مفطرات شفافه

ألتموا عليه ألعده من كل مكان
تبسم العباس يعرف موته حان

يا لثارات ألحسين..
يا لثارات ألحسين..
(7)____

أبد ما هاب ألعده وإعدادها
معركة صفين بيهم عادها
رجف زلام ألكفر وأسيادها
دون أخيه الشهاده رادها

وگع عباس وركض ليه الحسين
طاحن جفوفه وسهم طفاله عين

يا لثارات ألحسين..
يا لثارات ألحسين..
(8)____


أبو الأكبر شاف أخيه عألترب
صال بيهم أبن قتال ألعرب
گطع روس الزلم وأشتد ألحرب
مات وگفه الما لحگ منه هرب

يالثارات ألكفيل ينادي صوت
الما يموت بسيفه بخوفه يموت


يألثارات ألحسين..
يالثارات ألحسين..
_______

عامر ألحمداني

ألزهراء ع تخاطب ولدها الحسين ع

آنه بألطف جيت ألك يوليدي يحسين
مطشر على ألگاع جسمك شافته ألعين

يامظلوم _ يا مظلوم
يا مظلوم _ يامظلوم
~~~
(1)
آنه لطف أعتنيتك والگلب شاب
تذكرت ضلعي ييمه وذاك ألمصاب
ضلع واحد ما حملته بدفعة الباب

صدرك وصل مگفاك من سحكته ألخيل
وفوگ التراب دماك من نحرك تسيل

فوگ صدرك من صعد ويحز وريدك
شفت الآخر بيده شايل خنصر أيدك

يامظلوم _يا مظلوم
يامظلوم _يا مظلوم
___
(2)
عألرمل خدك ييمه والرمل حار
وألجسد ينزف دمه من كل الأكتار
وعينه لخيام العقيله حسين تندار


من طاح أجته أعداه وتحشدت ليه
هذا اليسلبه وذاك بألحجر يرميه

طلعت أخته من ألمخيم شاهدوها
برأس أخوها حسين صاحوا عذبوها

يا مظلوم _ يامظلوم
يامظلوم _ يامظلوم
____
(3)
الحوافر رضت ضلوعك شفتها
تمددت آنه على جثتك گابلتها
وبالحزن لمصاب زينب شاركتها

شفتك على ألتربان سابح بدمك
يوليدي يألمذبوح خليني أشمك

يمه وأبنيتك شفتها تركض عليك
جابت ألماي وأجتك بلكي ترويك

يامظلوم _ يا مظلوم
يامظلوم _ يامظلوم
__
(4)
و شاهدت كل الجره بألغاضريه
أطفال مرعوبه وحرم راحت سبيه
وحافية بين ألخيم ترگض رقيه

لهبت عبي النسوان من حرگ الخيام
ولزينب ينادون كل هاي ألأيتام

عمه زينب هم يرد لخيمنه عباس
لو توذر جسمه وبحافرهم أنداس

يا مظلوم _ يا مظلوم
يا مظلوم _ يامظلوم
__
(5)
زينب بنص العده حارت بالأيتام
واليتامى من العطش ما تكدر تنام
لا حسين ولا أبو فاضل رد للخيام

من شفت زينب ليك ركضت يعباس
عألوجه شفت بسوط ضربوها الأرجاس

طفت عين اختك ييمه من ضربوها
وألهضيمه فوگ جثتك شتموها

يامظلوم _يا مظلوم
يامظلوم _يامظلوم
__
(6)
جتفوها گبالي زينب والنساويين
عالرمح ويعاين الهن راس الحسين
والرمح من نحره واصل حد الجبين

يألشلت رأس حسين نزله أرد أحاجي
ماتت ابنيته عليه من البواجي

نزل الراس ألحضن أمه ألزجية
خلي أودع وليدي هاي آخر مسية

يا مظلوم _ يا مظلوم
يا مظلوم _ يامظلوم
__
(7)
حضروا نوگ الهزل للهاشميات
الطريق طويل وبعيده المسافات
ما يرد الراح زينب يمه هيهات

بعدوا الروس الگوم عن ضعن الحسين
ويتشاورون الناس هالقافله منين

حافيات ويمشن و مجتوفه أديهن
و الدمه أمن أمتونهن بلل عبيهن

___
عامر ألحمداني

يقول رجل دخلت الى عبد الملك بن مروان ( لعنه الله )
في مجلسه
فقال :
أيها الناس هل علمتم ما وجدنا في بيت المقدس يوم مقتل الحسين ع
قالوا لا !!
قال ما رفع حجر في بيت المقدس عند قتل الحسين ع
ألا وجدنا تحت دم عبيط ( دم لزج ) ....

كذلك مسألة ( القارورة ) ذكرت في كل المصادر

••هذه تربة من القبر الشريف ••
حصلت عليها هدية من احد خدام الحرم الشريف
تحول لونها في أيام محرم إلى دم
أمتزج الدم والتراب معآ سبحان الله
السلام على المرمل بألتراب
السلام عليك سيدي يا أبا عبد الله 💔

فدوه ألعمر كون أفدي
بخدمة حبيب ألزهره ..


خادم وأضل طول ألعمر  أتباها..
الخدمة المقامك سيدي  محلاها..
هالروح ألك رب ألعرش  خلاها..

نخدم نضل حد الموت
نلطم و نبجي بعبره


من المجالس  ربي  لا  تحرمنه..
وبخدمة آل ألمصطفى توفقنه..
و أبدفترك  نتمنى  أتسجلنه..

دنيا الخذت منه حسين
من عدها خل نتبره


أليلطم بصدره لا تضن يعوفه..
وأليخدم بأخلاص والله يشوفه..
ألسبح بأسمه ويلهج بأحروفه..

بيوم ألحشر لا ميحير..
باجر حسين يحضره..


بالگبر لو سألوك يحظر گبرك
يانس وحدك وبوجوده يصبرك
لتخاف يالبالخدمه خلص عمرك

ما ينسى خدامه بيوم
كل محب يوصل گبره

فوگ السراط أدريك تحظر وياي..
بالشده  للخادم  أعرفك  تجاي..
فضلك علينه من أعدنه هواي..

وأدريك للخادم عون  ..
الخادم يهمك أمره ..


كل  ألخدم  باجر أمرهم  يمك..
تتباهه بيك وتحمل هناك اسمك..
هنيال كلمن مخلص من يخدمك..

لجنة وياه يروح ..
بيده ألحسين يعبره..

__!!!

عامر ألحمداني..