اشيائك اللي تحبها ؟
الامور اللي تحلم بيها ؟
حقيقتها شنو ؟؟

اشياء ممكن تتحقق؟
اشياء تكدر توصلها ؟
انت جدي بالبحث عنها والتضحيه من اجلها ؟؟؟؟؟؟!

اكثر واهس يجيك من تكون حقيقي
اقوى تركيز تحصل عليه من تكون حقيقي ..

كاااافي تجذب ع نفسك ...
لازم تذبحها ع قبله

انت منو ؟؟؟؟؟؟؟

هالشخص اللي لازم هالقلم هو كد هالقلم ؟ وكد هالحلم ؟ وكد هالمسؤوليه ؟؟

انت هلكد قوي حتى تحطم وتكسر الدنيا لاجل اشيائك ؟ لو هيج بس حجي ؟

لازم تعرف نفسك وتصارح جوارحك وذاتك

يا اخي كافي كذب واهس ماكو وحيل ماكو وحامل وظهري وراسي ومشاكلي وبطني ومن هالافلام

هذا مصيرك بين اديك ...
انت تعرف هسه انت باكبر نعمه ع وجه الكون لو متعرف

من بين كل ١٠٠ مليون شخص تتهيئ هالفرصه لشخص واحد انه يكون تحديد مصيره بيده

وانت اليوم مصيرك بيدك انت تحدد اتجاهك واي طريق تسلك

لو تكول اني جبان او ضعيف وما اكدر
لو تكول لا هاي الفرصه هي لعبتي واروضها مثل ما اريد وهاي مجرد صعوبه وحده من صعوباتي واجتازها مثل ما اجتازيت الاف الصعوبات وضليت واكف

واعيدهه واكول

الوقوف بثبات على حافة الانهيار
انه اشرف من الوقوع والانكسار

تحياتي لكم اخوكم

مره بايام المشايه جنت بالموكب اجه رجال جبير بالعمر وصارت سالفه ع الوضع اخر شي كلتله حجي #تصفه

كال شلوووون تصفه ؟؟؟؟

هي اصلا صافيه .. مثل الماي هو صافي ليش حتى يصفه ؟

متصفه الا #تخبط ...

من تتخربط كلش وتتازم ياله تصفه .. لتنتظرها تصفه وهي مامتخربطه كلش...

شلون ما اصفن لحجايته اشوفها صحيحه

من تشوف نفسك بوضع صعب وماده متراكمه وضفط نفسي وايام صعبه وامتحانات وواهس ماكو

فلازم تعرف انه تجمعت كل هالامور حتى #تصفى

اكو رب حيفتحلك باب جانت مسدوده .وطريق جان مغلق


https://www.tg-me.com/Abbas_35

يجي ابالي الحجي واستغفر الله 😐

ماكو شي اسمه انصحني !!!!!
هاي ال ( انصحني ) حتى احفزك حتى ابينلك شي متعرفه لكن شي بسيط . مو اجذب عليك

سؤالك اني مافاتح الرياضيات طول السنه
اني قاري بس فصل من الكيمياء

تعال انصحني امتحن لو أأجل ؟

شتريد اكلك الكيمياء والرياضيات خوش ناس وطيبين وسويلهم عزيمه لو نمشي عليهن ؟

يعني تريد تقنعني صارلك سنه تدرس وبقالك شهر ونص تقريبا للامتحان متعرف امكانياتك شنو ؟؟؟؟؟

متعرف شراح تمتحن وشراح تترك ؟

كلامي ونصيحتي الك مراح توكل خبز
لان اني ما اعرف شكد دارس من الماده وشكد مضبط منها ومطلع ع الماده لو لا

هاي الأمور انت تعرفها وانت اللي تقرر وتتخذ قرار انت مسؤول عنه ...
.
لتضيعون حياتكم بسالفه اسمها انصحني

لازم تتعلم تأخذ قراراتك بنفسك ولازم تعرف وين مودي نفسك

مو تجر بنفسك لقاعة الامتحان بس تريد تكعد ع الرحله
وتضيعلك 15 يوم مراجعه
وبالاخير تشطب ومزاجك يتعصب لان ميطلعوك من القاعه الا بعد مرور نصف الوقت

خليك واقعي
وخليك كد امكانياتك .. لتوهم نفسك باشياء انت مو كدها

لازم تعرف امكانياتك بالماده شنو
وامكانياتك بمقاومة الوقت والضجر والتعب لاجل الحصول ع درجه بالماده

وقرر .. وبسسس ...

شوفوا يبويه..
الحياة اصعب مما تتصوروهه الحياة مو جهاز موبايل وعالم انترنت لتتصور الكون واسع.. ولا تتصور علمك واصل للسكف

الامام الصادق (ع) يقول ' اعلم العلماء من ظن انه لا يعلم'

ماكو واحد بينه ابو جاسم.. كولنه بشر وكولنه اصغر من اصغر ذره بالكون..

الحياة تتطلب ان نكون وحوش احيانا واحياناً اخرى تتطلب ان نكون ارق وانعم من الماء

لكن الحياة بهاي الفتره تتطلب ان نفتح عقولنه.. شوف هذا الكون؟ شكد واسع؟

راح تجي ايام تشوف نفسك الهوا متحصله وتشوف الدنيا اصغر من جف ايدك ✋

اريدكم تشوفون الدنيا على حقيقتهه 😔

لازم تتعلم ولازم تطور عقلك ولازم تطور افكارك
لازم واحد من يحجي كلمتين كدامك انته تعرف الثالثه قبل لا يكولهه..

هيج ياله تعيش هيج ياله تقاوم وهيج ياله تكدر تكول اني سويت وانجزت

حتشوف قساوة الناس وقساوة الدنيا.. قسم برب العزه اكو اساتذه هسه انتوا تضنوهم انبياء لو تعرفون حقيقتهم اللي اعرفهه حتتندمون يوم من الايام حبيتوهم

وكذلك اصدقائك واقاربك ومجتمعك.. السوء بالعالم ٩٩٪

لتبقى هيج صم بكم لا يعلمون
لازم تشوف الجانب الاخر من الحياة وتشوف الخذلان اللي حتواجهه مستقبلا

هسه انته شاب او شابه.. يجي يوم حتى اهلك اللي همه اقرب شي الك يتخلون عنك

يجي يوم تسند نفسك بنفسك
يجي يوم تقره بكتابك ودموعك ينزلن ع الكلمات اللي تقراهن
يجي يوم ماراح تكدر تطلع صوت وانته تبجي

هالامور ☝️ شلون تواجهه؟
اذا بضعف حتضل كل عمرك تمر بهيج ظروف

اما اذا جنت قوي وفاهم الدنيا حتواجه الكون كوله بشخصيتك وثباتك وتكول كلمه وحده بسسس (تفرج)
وراح تكدر تنام وانته مطمئن

اتعجب ع واحد يكلي ترا بعدهم طلاب سادس أو جامعة على كيفك وياهم

الانسان مو بعمره الانسان بشخصيته وثقافته ومفهوميته...... منو ضامن المستقبل؟؟؟؟؟؟؟؟؟؟؟؟

محد راح يسندك ومحد راح يفيدك..

كلمات مكتوبه على ورق 📄 مجرد حروف 🔤 صامته.. راح يكون الهه تأثير اكثر من البشر لان من خلالهه حتتوظف ويكون عندك راتب

وهنا الناس راح تحترمك وتقدرك وتصيحلك الحجي وانته متعرف مكه باي مكان صايره حتى ولا تندل القبله

مجرد حروف على ورق. 🤷‍♂ لان هذا مجتمعنا معاق فكريا...


محد راح يسئلك شتعشيت؟ شتغديت؟ شمحتاج؟ شنو الينقصك؟

راح يكلولك شسويت؟؟؟ الكل يريدك تسوي
بس محد يعرف الصعوبات اللي راح تعيشهه حتى تعيش يوم اخر بس

خليكم اقوياء خليكم واعين وخليكم اكثر جرأه بالحياة ادخل بنص المشاكل وفجرها لتهرب منهه ادخل وواجه وقاوم

على الاقل مراح تندم حتى ع الخطا 🤷‍♂
جازف حتى اخر لحظة قوة بداخلك

https://www.tg-me.com/Abbas_35

محد راح يسئلك شتعشيت؟ شتغديت؟ شمحتاج؟ شنو الينقصك؟

اكمل القراءة 👇👇
https://www.tg-me.com/Abbas_35/10796

لطفاً مشاركة ☺️

اكو حجاية حلوة من امي من جنت سادس تكلي يمه :

شعراية وحدة بينك و بين مستقبلك
وأبد لا تقطع سبيلك بالله
ومستحيل راح يضيع تعبك

وهاي الحجاية خلتني أصبح انسان ناجح
و جزء من عاشقين الكيمياء (أ.كيمياء)

صح ضغوطات حالياً عليكم
و مواد متراكمة و ماتعرف شسوي
لاكن ثق و اعتقد راح كلشي يتغير
بس اصبر و جاهد وشوف النتيجة
واهم شي علاقتك و ية مصلايتك


@Abbas_35

‏لا تحزن :
الهم له فرحه ، والإكتئاب له راحة
والضيقه لها سعاده ، وكل شيء له حل
فقط ثق بالله و أصبر .
@Abbas_35