⁉️ Bu holatlarni qaysi biri sizga tanish

1. Do’stlar bir joyda yig’lganda hamma telefonga qarab o’tiradi — avvalgidek qiziq suhbatlar yo’q.

2. Oila a’zolari bir biridan uzoqlashib ketgan — yoshlar kattalarni, hatto, ota-onasini hurmat qilmay qo’ydi, er-xotin orasida munosabatlar yomon.

3. Rahbarlar xodimlarni, xodimlar rahbarlarni tushunmaydi — odamlar har olti oy-bir yilda ish joyini alamshtiradi.

✔️ Himoya mexanizmi (Self-defense)

Inson o‘zini tanqid qilishdan tabiiy ravishda qochadi. O‘zini aybdor deb tan olish, ayniqsa jamoa oldida, odamga og‘ir. Shuning uchun muammoni “odamlar” deb umumlashtirish — ichki bosimni kamaytirish usuli.

Misol: “Odamlar juda dangasa bo‘lib ketdi” deyish, aslida “men ham ba’zida dangasalik qilaman” deyishdan osonroq.

✔️🎙️ Yuqoridagi postga izoh

✔️ “Surish kerak”

Nima uchun O‘zbekiston ayrimlar uchun jannatmakon o‘lkayu, boshqalar esa, “bu yerdan surish kerak” deyishadi?

Gap shundaki, biz hayotimizga o‘zimiz yashab o‘tgan tajribalar va undan hosil bo‘lgan xulosalarimizdan kelib chiqib munosabat bildiramiz.

Birinchi misol

Bir kishining qimmatbaho telefonini o‘g‘irlab ketishdi. Kishi darhol militsiyaga murojaat qildi. Xodimlar qidiruvni boshlashdi. IMEI kod, foydalanilgan SIM karta, GPS joylashuv orqali, ikki kun ichida telefonni topib egasiga qaytarishdi, jinoyatchilar jazolandi.

Ana shu inson uchun militsiya xodimlarining ishi tahsinga sazovor. U juda ham xursand bo‘ladi, ularni maqtaydi, choyxonada og‘iz ko‘pirtirib bo‘lgan voqeani gapirib beradi: “tizimga gap yo‘q, zo‘r ishlayapti, baraka topsin azamatlar va hokazo”.

Ikkinchi misol

Boshqa bir kishining qimmatbaho telefonini o‘g‘irlab ketishdi. U ham militsiyaga murojaat qildi. Ammo, bu o‘g‘rilar ustomon ekan. Telefonni qo‘shni davlatga sotib yuborishdi yoki ehtiyot qisimlarga ajratib tashlashdi. Oradan kunlar, haftalar o‘tyapti, telefon egasi alamda, militsiyaga qayta-qayta murojaat qilyapti. Telefondan darak yo‘q.

Bu odam uchun “barcha militsiya xodimlari samarasiz va foydasiz odamlar, xalq pulini yeb yotishni bilishadi, bir ishni eplay olishmaydi”.

Endi ana shu ikki odamga o‘zlari hosil qilgan xulosaning teskarisini isbotlashga urinib ko‘ring. Birinchisi uchun siz vatan xoini va fitnachi, ikkinchisi uchun esa, laganbardor va paxtakor bo‘lasiz. Chunki ikkisi ham o‘z tajribasiga ishonadi, shunga ko‘ra haq!

Hayotda doim shunday — biz yangilikni o‘rganish, rivojlanishni emas, haq bo‘lishni xohlaymiz. O‘z tajribamizdan boshqa fikrlarni qabul qilishni xohlamaymiz.

Bugun hayotimizda bo‘lib turgan qiyinchiliklarning aksari shunday yo‘l tutganimiz oqibatidandir. Holbuki, hayot faqat oq va qora rangdan iborat emas.

Bugungi kunda bo‘lib turgan holatlardan kelib chiqib odam boshqa ranglar haqida gapirishga ham qo‘rqib qoldi : )

Ammo, bu mavzu boshqa, hayot rang barang.

Boshqalarni tajribasidan foydalanish, yangiliklarga ochiq bo‘lish, mavzuga ikkinchi, uchinchi tomondan qarab ko‘rish hayotimizda juda ko‘p imkoniyat eshiklarini ochib beradi.

© AbuSolih Fox

✔️ Ko’p ishlash bilan samarali ishlashni farqi bor

Charxlanmagan arra bilan kun bo’yi - ertalabdan kechgacha o’tin kesish mehnatsevarlik emas, ahmoqlik bo’ladi.

“Noldan boshlab shaxsiy rivojlanish” dasturiga Yozilish

✔️🎙️ Yuqoridagi postga izoh

✔️ Internetdagi afsonalar haqida…

✔️ Eng nodon odam ham muammodan chiqish uchun bir dona yo’l topa oladi.

Lekin, bu tanlov ortida harakat — mehnat yotadi.

Insonga esa, “men tushkunlikdaman” degan pozitsiyani tanlab, hech narsa qilmasdan yotish qulayroq.

“Noldan boshlab shaxsiy rivojlanish” dasturiga Yozilish

✔️ Ba’zan qaror qabul qilish uchun o’zingizga o’zingiz turtki berishingiz kerak bo’ladi!

“Noldan boshlab shaxsiy rivojlanish” dasturiga Yozilish

✔️ Bu ishlar sizni “krutoy” qilib ko’rsatmaydi

Mashinani birdan tez haydab “chiyillatish”. Juda baland musiqa qo’yib, oynalarni ochib yurish.

Jamoat joyida baland ovozda gaplashish va so’kinish. Ha deb hingillash va chiyillab kulish.

Jamoada ojizlarni tahqirlash va mazah qilish. Qovoqni solib hammaga o’qrayib qarab yurish.

Tamaki, elektron tutun, kolyan chekib puflash.

Bir nechta mobil telefon, hamyon va yana bir narsalarni ko’tarib qo’lni to’ldirib yurish.

✔️ Oddiy qilib aytganda — nima deyotganini emas, nima xohlayotganini tushunish!

Muvaffaqiyatli rahbarlarning 90 foizi yuqori darajali EQ ga ega.

Liderlar muvaffaqiyatsizligining 75 foiz sababi his-tuyg’ularini boshqara olmaslik — ya’ni pas darajali EQ.

EQ — Emotsional Intelekt o’zi nima, Basiratmi?

— Bu o’zining va boshqalarning his-tuyg’ularini tushunish (anglash) va boshqara olish qobiliyati.

Shunday ekan #EQ haqida turkum maqolalar yozishga qaror qildim. Bismillah…

✔️ Zaif yaxshi bo’la olmaydi

Zaifning — men beozorman, demak, yaxshiman, deb o’ylashi, bu ahloq emas.

Kuchlining — o’z kuchini nazorat qilishi, zulmdan tiyilishi va yaxshilikka ishlatishi haqiqiy ahloqdir.

Biror sohada kuchli bo’ling!

✔️ Siz esa, million-reels ko’rib o’tiribsiz

Forbes jurnaliga ko’ra 2025-yil ish bozorida eng qadrlanadigan top 5 ko’nikmadan biri EQ — Emotsional Intelekt.

Shunday ekan bilib qo’ygan yaxshi. Emotsional intellekt 5 asosiy tarkibiy qismdan iborat:

1. O‘zini anglash (Self-awareness). O‘z his-tuyg‘ularini tanib olish va ularning sababi, kuchi va ta’sirini tushunish.
Masalan: “Men hozir g‘azablandim, chunki…”, deb his qilish.

2. O‘zini boshqarish (Self-management)
Hissiyotlarni nazorat qilish, impulsga berilmaslik, salbiy holatlarda ham sovuqqonlikni saqlash.
Masalan: Asabiy holatda ham muloyim javob bera olish.

3. Ichki motivatsiya (Motivation)
Ichki maqsadlar va qadriyatlarga tayanib harakat qilish, tashqi mukofotdan ko‘ra o‘z-o‘zini ichki rag‘batlantirish.
Masalan: Faqat pul uchun emas, o‘sish va ijobiy o‘zgarish, o’zidan yaxshilik qolishi uchun ishlash.

4. Empatiya (Empathy)
Boshqalarning his-tuyg‘ularini tushunish va ularni inobatga olish.
Masalan: Boshqalar nimani his qilayotganini sezib, mos ravishda munosabatda bo‘lish.

5. Ijtimoiy ko‘nikmalar (Relationship skills)
Muloqot, jamoaviy ish, boshqalar bilan sog‘lom va samarali aloqada bo‘lish.
Masalan: Yetakchilik, murosaga kelish, boshqalarga ta’sir o‘tkazish.

#EQ 1/10