✔️ Forobiy — inson fazilatli yoki jamiyatga foydali bo‘lishi uchun to‘rtta xislatga ega bo‘lishi kerak, deydi.

1. Nazariy fazilatlar — bilim.
2. Kasbiy fazilatlar — qo‘lidan biror ish kelish, texnik mahorat.

*Ya’ni Hard Skills (Texnik/aniq o‘lchanadigan ko‘nikmalar)

3. Fikriy fazilatlar — kreativlik, kashfiyotchilik, ijodkorlik, muammolarga yechim topabilish.
4. Xulqiy fazilatlar — har bir narsada go‘zal xulqli bo‘lish.

*Ya’ni Soft Skills (Shaxsiy/ijtimoiy ko‘nikmalar)

Har bir inson o‘zidagi mana shu to‘rtta xislatni birdan rivojlantirish kerak.

✔️ Forbesga ko‘ra: 2025-yil ish bozorida eng qadrlanadigan 5 ko‘nikma

1. Sun’iy intellektni tushunish

2025-yilga kelib, sun’iy intellekt (AI) bilan ishlashni bilish kompyuterdan foydalanish kabi oddiy va zarur ko‘nikmaga aylanadi.

2. Raqamli o‘zgarishlarda yetakchilik

2025-yil texnologiya orqali taraqqiyot va yangiliklar davri bo‘ladi. Sun’iy intellekt, katta ma’lumotlar tahlili, bulutli texnologiyalar, 5G va kvant kompyuterlar biznes va tashkilotlarga yangi imkoniyatlar yaratadi.

3. Doimiy o‘rganishga tayyorlik

2025-yilda yangiliklar shunchalik tez rivojlanadiki, bir ozgina to‘xtash yoki orqada qolish — sizning bilim va ko‘nikmalaringizni eskirib qolishiga olib keladi.

4. Strategik fikrlash va muammolarni tubdan hal qila olish

Har qancha kuchli bo‘lmasin, 2025-yildagi eng ilg‘or sun’iy intellekt ham inson tafakkurining nozikliklarini to‘liq takrorlay olmaydi. Murakkab vaziyatlarda to‘g‘ri qaror qabul qila olish va uzoqni ko‘ra olish hali ham insonning ustun jihati bo‘lib qoladi.

5. Emotsional intellekt

Oddiy va takrorlanuvchi ishlarni mashinalar bajara boshlagach, insonning o‘ziga xos jihatlari — hissiyotlarni tushunish, boshqalar bilan samimiy munosabat o‘rnatish kabi qobiliyatlar yanada muhim bo‘ladi.

✔️🎙️ Yuqoridagi postga izoh

✔️ Intizom haqida gapirish oson, bajarish qiyin!

Allohni fazli bilan 3 soat to’xtamasdan (seken) yugurdim. Uzuq masofaga yugurishga tayyorlanyapman.

Reaksiyalar ko’p bo’lsa shu vaqtda nafsim bilan qanday kurashishim va ikki xil hissiyot haqida gapirib beraman ☺️

✔️🎙️ Yuqoridagi postga izoh

✔️ Inson fe’l-atvori 3 narsadan shakllanadi

1. Ota-bobolarimizdan meros (DNK)
2. Oiladagi muhit va tarbiya
3. Tashqi muhit — Ishxonadagi rahbar, turmush o’rtoq, moliyaviy holat, siyosat va hokazo

Ammo, biz mahkum emasmiz, ssenariyni o’zgartirish mumkin.

✔️🎙️ Yuqoridagi postga izoh

✔️ Ongosti uch olamda yashaydi

1. Tajriba olami — O’tmish
2. Orzular olami — Kelajak
3. Bizni o’rab turgan olam — Hozir

Muhimi — shu uch olam muvozannatda bo’lsa inson qalban va aqlan sog’lom bo’ladi. Hotirjam va yashaydi, hayoti muvozzanatda bo’ladi.

“Noldan boshlab shaxsiy rivojlanish” dasturiga Yozilish

✔️🎙️ Yuqoridagi postga izoh

✔️ Eng go’zali ikkisini birga olib bormoq

Aql muvaffaqiyat, sevgi esa, baxt keltiradi.

Aqlsiz sevgi insonni telba qiladi, sevgisiz aql esa, buzug’unchi.

✔️ Demak “noldan biznes boshlash” bo’yicha savollarni yozaylik.

Kim boshladi, kim boshlagan, kimda qanday muammo yoki to’siq, boshqa savollar 👇

✔️ Bozor tahlili deb murakkablashtirmasdan, shunchaki biroz aniqlashtirishdan boshlagan bo‘lar edim

Shunga o‘xshash g‘oyani kimdir amalga oshirganmi? Bizda bo‘lmasa, boshqa davlatlarda bormi? Narxlari qanday?

Bu g‘oya — mahsulot yoki xizmat kimlar uchun mo‘ljallangan? Maqsadli mijozlar kimlar? Ulardan hech bo‘lmaganda o‘n nafari bilan savol-javob qilgan bo‘lar edim.

Konsultatsiya olgan bo‘lar edim

Shu kabi ishni amalda qilayotgan odamni topib, u bilan tanishar edim. Undan ochiqchasiga so‘rab, menga maslahat bera oladimi, bir-ikki soat vaqtini pullik asosda olishim mumkinmi, deb so‘ragan bo‘lar edim.

MVP — minimal tayyor mahsulot tayyorlagan bo‘lar edim

Maqsadli mijoz bo‘lishi mumkin bo‘lgan tanishimga uni bepul yoki juda arzon narxda taklif qilib, mahsulotim yoki xizmatimni maksimal darajada ishlatib ko‘rishini so‘rar edim.

(Ayni ishlarni hammasini amalda bir necha bor qilganmiz)

1. Bilim olish
Siz biznes qilmoqchi bo‘lgan sohada ma’lum vaqt ishlab ko‘ring.
Sotuv, marketing, moliya, menejment (boshqaruv) yo‘nalishlarida asosiy bilimlarga ega bo‘ling.
Kurslar yoki video darslardan foydalaning (YouTube’da bepul darslar juda ko‘p)
Biror insonni ustoz sifatida tanlab, maslahat bilan ish olib boring.

2. Yo‘nalishni aniqlash
(shaxsiy tajribamda bo’lgan)
Siz biznesni o‘zingizning mehnatingiz bilan quryapsizmi yoki boshlang‘ich kapitalingiz bormi?
Bu savol sizga qaysi turdagi biznesni boshlashni tanlashda yordam beradi.

3. Maqsadli mijozni aniqlash
Mahsulotingiz kimga kerak?
Ular qayerda yashaydi, necha yoshda, qanday muammolarga duch keladi?
Mahsulot yoki xizmat ularga aynan qaysi vaqtda kerak bo‘ladi?

4. Kichik biznes-reja yozish
Xarajatlar, kutilayotgan daromad, marketing va sotuv strategiyalari,
Birinchi oyda nimalar qilinadi, keyingi oylarda qanday yo‘l tutiladi — bularni yozib chiqing.

5. MVP — minimal tayyor mahsulot tayyorlash
Soddalashtirilgan, sinov uchun mo‘ljallangan mahsulot yarating.
O‘zingiz yoki kam sonli xodimlar bilan bajarish imkoni bo‘lishi kerak.

6. Bepul yoki arzon sinov mijozlar topishb
Tanishlar va do‘stlar orasidan sinovchi mijozlar toping.
Mahsulot yoki xizmatni ularga taklif qilib, fikr-mulohaza (feedback) oling.

7. Pul sarflamay reklama qilish (zero-budget marketing)
Instagram, Telegram, Facebook, blog, og‘zaki tavsiya, videolar orqali e’tibor jalb qiling.
Kontent oddiy, samimiy va foydali bo‘lishi lozim.

8. Hamkorlar topish
(shaxsiy tajribamda bo’lgan)
Masalan, poydevor quyilgach, albatta g‘isht teriladi; ruchka olgan mijoz, daftarga ham muhtoj bo‘ladi; mashinasi bor odam, moykaga ham kiradi.
Shu kabi mantiq asosida o‘z mahsulotingiz bilan mos hamkorlar toping va ular orqali taklif bering.

9. Biznesni kattalashtirishni reja qilish
Xizmat yoki mahsulot qanday tarqatiladi?
Hajm (abyom) kattalashadimi yoki kichik filiallar ochiladimi?
Hodimlar soni, ularni o’qitish, moliyaviy tomoni, joy masalasi.

10. Qonuniy ishlash
Brend va mahsulotni patentlnag.
Buxgalteriya va moliya ishlarini puxta va rasmiy olib boribg.

✔️ Savol

Assalomu alaykum no‘ldan biznes boshlash uchun oldin iste'dodni aniqlash kerakmi yoki zamonaviy kasblar, bizneslardan ham boshlasa bo‘ladimi? Bu borada sizning fikringiz qanday. Iltimos shu masalani kengiroq yoritib bersangiz

Sardor Gaipov