أنت ابو فاضل كفيلي *** خويه بعدك راح حيلي
ليش أديك مكطعات ثنينهن
جودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

يل طحت عالمشرعه ودمك جره
خويه من مهرك سگطت اعله الثره
ما وصلتك خويه أرجو المعذره
يالعزيز امتوني كلها مسطره

شلون اجيلك والله حيره ***وحرت بيتام العشيره
سكنه ورقيه العده معطشينهن
جــــودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

كون اشبكك وبعطر جودك اشم
خاف اشبكنك وجرحك ينلجم
بنار كلبي خويه ما عندك علم
من طحت نص كلبي احس خويه انثلم

انت طحت اعله الشريعة ***خويه وجفوفك گطيعة
وآنـــه اديه مگيدات اثنينهن
جودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

ياورد جنت آنه اشم من اختنك
يالعزيز أسهام بالجربه صدك
خويه ما تدري بخيمنه التحترك
لا ولا تدري بمتون اختك زرك

خويه من حركو خيمنه *** والشمر يحدي بضعنه
أمنيتي ادينك سالمات اثنينهن
جـــودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

ما جنت احسب يخويه يصير هيج
خويه مو كتلي ابونه موصي بيج
وحنه جنه ازغار حط ايدي بديج
يالكفيل أشحده كتلي اليدنه ليج

هسه خويه اختك سبيه *** وتحدي بضعوني ال اميه
بالسـياط امتوني امورمينهن
جودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

خويه لو تدري العطش يعمي النضر
يالحنين ولو شفت خدي انسطر
لسه خويه مبين أعليه الاثر
وكلب اخيتك بالعطش خويه انفطر

من دخلت المشرعه وماي أغرفت*** تذكرت سكنه ورقيه او مشربت
شفافك اعله العطش الله يعينهن
جـــــــودك ودرعك يخويه وينهن
ياكـــــــفــــــــــــيـلي *** ياكـــــــفــــــــــــيــلي

عباس العبودي الواسطي
https://www.tg-me.com/Alabbodi

يمختار *** بعاشر مــــــــحرم تنجرح
يمختار *** راس الحسين اعلى الرمح
تنســــــبي زينب ترى هذا الحصل
على الشاطي جفوف عباس البطل
يمختار *** يمختار

بشهر عاشور المصاب *** ونته تسال عالجواب ***وشرد اجاوب
هذا ابو الاكبر قتيل * وعالنهر طاح الكفيل * يا مصايب
تنسبي ربات الدلال * وتنجتف كلها بحبال *
بالخرايب
وطفله تسال وين ابوي * عمه مشتاگه لخوي * والكرايب

شمر هاذ *** يحدي بضعن بتكم ترى
شمر هاذ *** من عنده مدمعنه جرى
والمصاب يشـــــيب الشاب وطفل
على الشاطي جفوف عباس البطل
يمختار *** يمختار

موقف الزاد الضلام * من يحركون الخيام * وانه حرمه
يباوع ويشتم ابوي * واكف يحز نحر اخوي * ويجري دمه
هزني وبذاك الحنين * من شفت نحر الحسين * وارد أكلمه
خويه من بعدك نروح * وتمتلي ابكلبي الجروح * وتبقى لچمه

والاطفال *** مـــرعوبه بالوادي تفر
والاطفال *** لوعها وبسوطه الشمر
زغار وكبار بأســـــــى مدمعها هل
على الشاطي جفوف عباس البطل
يمختار *** يمختار

الشفته شي جداً غريب * غابه واليحكمها ذيب * اوين اسدهم
ماكو مبدء لا عقاب * لو اسدهم ماكو غاب * من يردهم
اسال وين الالوف * لو ابو فاضل يشوف * جا مردهم
السهم صوبله عين *** ومنه مبتوره الأدين ***وما يصدهم

اويلاه*** نص راسه مصيوب بعمد
اويلاه*** فـــص عينه بالنبله انمرد
وســــــــفه عالغبره يطيحلنه جبل
على الشاطي جفوف عباس البطل
يمختار *** يمختار

يا خلك وين الضمير * وهذا ابو الباقر أسير * ومحني وسفه
هذا المدلل محال * تجرح ابجفه الحبال *
وشرد اوصفه
وزينب تباوع لديه * وماكو واحد حن عليه *
مدمي جفه
وروس اهله اعلى الرماح * وفكدت الوالد جراح * والله كلفه

يمعلول *** ناديته وآنـــــه ابلا وعي
يمعلول *** ويصب دمه من مدمعي
النه الله ومــــن بعد راعي الفضل
على الشاطي جفوف عباس البطل
يمختار *** يمختار

ويه الضعن لمن مشيت * جدي للشام اعتنيت * وي شمرهم
تحدي بضعوني العبيد * ووكف بمجلس يزيد * وما خفتهم
انه بت حامي الدخيل * وابن ابوي انه الكفيل * ورجفتهم
وسفه تحكمنه الطغات *** وحنه دستور الحياة ***اوين اصلهم

على الماي *** ودعته راعي المرجله
على الماي *** طاحن جفوفه بكربله
وكــــــع بس الريه ما طاحت تضل
على الشاطي جفوف عباس البطل
يمختار *** يمختار

عباس العبودي الواسطي
٢٠٢٠ م _ ١٤٤٢ هـ
https://www.tg-me.com/Alabbodi

قادم ...مهدينه يثئر بيده شايل رايه
قادم ...يبني البقيع يثبتلنه الثايه
بيمينه سل فقاره ...ما يرد الا بثاره
مهدينه يثئر بيده شايل رايه

قادم يجي بلوعه وصبر ...ويزور قبر الزهره
ويقسم على الضلع الزكي ... المكسور من الحره
يتوجه بنضرة حزن ... وبگلبه غصه وحسره
يبني القبور الاربعه ... يشيد مناره وحضره

يگلهه ...ثارج يحره آخذه ويه البيعه
يگلهه... كسر الضلع ثار ابدء بتوقيعه
ما تبقى ابد محتاره ... ما يرد إلا بثاره
مهدينه يثئر بيده شايل رايه ...........١

يتوجه لعمه الحسن ... ونار الفجيعه ابكلبه
ياعم يمهجة ناضري ... ثأرك امربع طلبه
ماكو تهاون عالعدى ... ما نقبل ومنجربه
السمك نسمه ونلعنه ... والضرب سهم نضربه

قبرك ... نبني يعم غصباً على الضدونه
قبرك ... جنه ونزوره وفنهم يمنعونه
للشيعه هاي ابشاره .. ما يرد الا بثاره
مهدينه يثئر بيده شايل رايه ............٢

من بعد ميزور الحسن ... يزور العليل ابلهفه
المظلوم من اهل الرجس ... والقيد ماكل جفه
ناح وبجه يم الگبر ... مسلوب الف يا وسفه
الميدان يشهد ها غداً ... عالعدى نشوف الرجفه

باجر ... سيف الامام ينال من اعدنه
باجر ... يتحاسبون احفاد ابن مرجانه
بينت هاي اثاره ...مايرد الا بثاره
مهدينه يثئر بيده شايل رايه ...........٣

لمحمد الباقر يمر ... يم قبره يشعل شمعه
ويكله قبرك ينبني... وبيه الاذان انرفعه
والشيعه تكصدلك مشي ... بالصحن تذرف دمعه
باب الحوائج للخلك .... واليعتنيك اتسمعه

يرجع ... مبتسم فرحان وينول امراده
يرجع ... ويقهر عدوه وتنقهر حُساده
استمع هاي اخباره ... ما يرد الا بثاره
مهدينه يثر بيده شايل رايه ..................٤

اخر قبر زاره بشغف ... قبر الامام الصادق
يا جدي يا نبع العلم ... وسيف الحقيقه الناطق
دور الظلمكم هل اجه ...ذاك الظلمكم فاسق
تتحاسب اربات الظلم ...وبذو الفقار الباشق

نفرح ...مهدينه يضهر يحكم بمعروفه
نفرح ... وعاصمه دولتنه الشريفه الكوفه
يرهبهم ابتاره ... ما يرد الا بثاره
مهدينه يثئر بيده شايل رايه ...............٥

من هدمو اقبور الاهل...كل ضنهم يرهبونه
أنذال من صلب الشمر...يخسون ميلاكونه
بس نبقى شيعه حيدره ... غصباً على الضدونه
والمهدي ننتضره يجي ... گربت وتشوفونه

يضهر ... والشيعه تحضر عالعهد وفايه
يضهر ... ونتعنه ابو صالح غداً مشايه
وتحضرت أنصاره ... ما يرد الا بثاره
مهدينه يثئر بيده شايل رايه ................٦

عباس العبودي الواسطي
ذكرى هدم قبور البقيع
https://www.tg-me.com/Alabbodi

سالم***يابو الفضل رتك ترد بالرايه
سالم***تزكي العطاشه وتروي خويه ضمايه
سهم المنايه ابعينك ***عالمشرعه جفينك
يابو الفضل رتك ترد بالريه

يم الضعن حيره حرت ... منهو اليركب ضعني
لحد بقالي من الاهل ... لا كافلي اليحضرني
وسفى سرى بضعني شمر ... بسياطه ويروعني
درت الوجه صوب النجف ... ياعلي بويه انصرني

وحدي *** صرت الكفيله ورايتي بيمنايه
وحدي *** وبس العليل ابهل ضعن ويايه
سالم يريت يمينك *** عالمشرعه جفينك
يابو الفضل رتك ترد بالرايه ...............١

سالم ترد رتك الي ...ترجع تشوف اخيامك
تنضر علي نضره عطف...بجودك تروي ايتامك
شوفك دوه وجيتك هوه ... محلاها ذيج ايامك
يل بالكرم ما تنوصف . .. ضيفت حتى اسهامك

بعدك***حركوا خيمنه وضلمت دنيانه
بعدك*** يشتم أبونه الطاغي ابن مرجانه
ونوله خويه احسينك ***عالمشرعه جفينك
يابو الفضل رتك ترد بالرايه ..............٢

يابو الفضل شو ماترد ..أطفالك امواعدهم
وينك يكافلني الشهم ..ماي النهر جيبلهم
سبي وعطش نار بخيم..ينزف ضمه واحدهم
ياخويه والأكثر بعد ... ظالم شتم والدهم

ارجع*** جيب النهر لسكينه تشرب مايه
ارجع***اطفي الخيم شيل العلم والرايه
كافلنه منتظرينك ****عالمشرعه جفينك
يابو الفضل رتك ترد بالرايه ...............٣

يا خويه بعدك ننولي .... عبدالله سهم ابنحره
منتظرك أداوي الجرح ... والسهم منه تجره
وحسين بعدك من نده ... محد يجيه ينصره
وتمنى سبع الكنطره ...يجبرله كسرة صدره

أنده *** يابوالفضل يالخوتك عنوانك
أنده *** ياريت جفي انگطع خويه امچانك
عالعطش الله يعينك *** عالمشرعه جفينك
يابو الفضل رتك ترد بالرايه .............٤

هيهات ما ترجع بعد ... مكتوب هذا اعلينه
توكع جبل عالمشرعه ... ومگطعه جفينه
وزينب تروح إبلا اهل ... للشام يا والينه
بس يبقى كلبك عالضعن ... من الرمح تنضر لينه

بلهفه *** من عالرمح تنضر علينه بحسره
بلهفه *** تتمنى عندك يمنتك واليسره
بيهن تحامي لدينك *** عالمشرعه جفينك
يابو الفضل رتك ترد بالرايه ..................٥

من اشتاگ يا خويه الك ... بيا موقف اني اتذكرك
لا تستحي من اختك ابد... ما قصرت ونعذرك
يربات حيدر والدك ... دارس شجاعه بزغرك
يل علمت معنى الوفه... وضحيت حتى بعمرك

شذكر *** موقفك عالماي وگطع جفينك
شذكر *** عامود راسك والسهم البعينك
لو بالغدر والينك *** عالمشرعه جفينك
يابو الفضل رتك ترد بالرايه .................٦


عباس العبودي الواسطي
https://www.tg-me.com/Alabbodi

بـشــــواگ وأماني *** عاشـــــــوراء اتاني
يمتى امحرم ايهل *** وهل دمعه لامامي

يمتى يهل شـــهر عاشور ومحرم يجينه
يجي وننشر سواد وتصبح العالم حزينه
وسمع صوت ناعي قادم لارض المدينه
نده يا اهل يثرب ترى حسـين مسلبينه

يجي ونعلن حداده *** ويغطينه بســــــواده
دمعـــــه بأثر دمعه *** على المذبوح ضامي

يذبحني الحزن لو زينب تشـــاهد بخوها
مكسور الضهر عگب الكمر بالطف ولوها
وتنادي الهواشــــم بلكت يجون يحموها
بس ابلا امل عالغبره ضلــــــوا ما اجوها

تنادي يبو الغيره *** يا شــــيخ العشيره
يبويه الحك عليه *** ترى حركوا خيامي

نتنطر شــــــهر عاشـــــــــــــور بهلاله نتشرف
ويلفينه الحزن لمصيبة اهــــل البيت بالطف
علدامي البقى ضامي وعلى المگطوعله جف
وعلى ســـــوط الشمر بمتون الاطفال نتأسف

وعلى عريس الطفوف *** الحنته دم لجفـــوف
فــــــــده عمه بوريده *** وسگط علغبره دامي

عن بدر اكتمل يشــبه رسول الله احجي رايد
ولو احجي دهر ما تكفي اله حروف القصايد
فارس مـــن برز وبســـــــــيفه نازل الف قائد
ليش بيا ذنب غــــــــدر انذبح امــــــه تناشد

ولعبدالله مـــوجوع *** دم تبجيله الدموع
طفل وبشنهو أذنب *** يكتلــــــونه اللآمي

عجزانه القصايد ما توصف يـــــــوم عاشر
لحسين السبط من ذبحوا اهله وضل يكابر
ما بين العدى محني الضهر وشـــلون صابر
هل مــــــــــن ناصراٌ ينده ومـا يلكاله ناصر

ربك خــــــلق شيعه *** حتى امرك نطيعه
صحنه بصوت لبيك *** يبن سـيد الانامي

عباس العبودي الواسطي
٢٠٢٠ م - ١٤٤٢ هـ

https://www.tg-me.com/Alabbodi

مــن بعـدك ظـلمونـي ...ربــعـك مــا راعــوني
بشــرهــم حالـي تكدر ...بـويـه وجتفــوا حيدر
يا بــويــه اسود شرهم ...سكطـوا طفلي بغلهم
وظلـــعي بعصرة تكسر...بـويـه وجتفــوا حيدر

بـويـة مــن غفت عينك...رحت وخلصن سنينك
جــوني لبابـي يابــوية وعـلي صـبـو حقـدهـــم
الاول كال اضربـــوهــة...الثانـي كال اشتموهة
لبنت المصطفى مـاضــل وفة وبين حسدهـــم
ما حسبو لبوية احساب...وقتحمـو علـيه الباب
وبغل وحــقـد كســروا ضــلــع مـحــد يردهـــم

اعـليـك اذرف دمـعـاتي...نار تـصـل حـســراتي
مــن الهـم كلـبي تـفطر ...بـويـه وجتفـوا حيـدر

بويــه جانـوا يغشـوك ... بصحبتهم فلا وافوك
لـــو عــدهـم وفـه دار الــصفى مــا خـربوهـــه
مــن اغفيت عالتـربـه...صفينه اني وعلي غربه
يابــويـه وفــدك غـصبـن علـي مـني خـذوهـــه
ليش بـلا ابو ضليت...بعدك بويه وحشه البيت
خـمسه اهـل الكسة دمعه بوفة ليك اذرفوهـــه

شــفنه الــضيم بـلياك ...لاصـعب قصـه فركاك
أبــجي انــي واتـحسر ... بـويــه وجتفوا حيدر

ارد اسولف يالحنين ...بويه عـن طفلي الجنين
مـحسـن شنهـو ذنبـه وهـيجـي يا بويه تخضب
لــو اسولف عالحسن...وشــقـسـه ويـاه الـزمن
يا بويــه الحسـن جبـده بـطشت وبشنهـو اذنب
من بعدك يبويه حسين..بلطف دامي دون امعين
راســه اعلـه الرمـح يقـره الكهف بويه وتحسب

وزيـنب بــرض الحـومه ....مـتحيـره ومهضومه
تنـده ياجــدي احـضــر ....بويــه وجتفوا حيدر

لا راعـــوا مــلـــح لا زاد ...بـويـه مـزنجل السجاد
رد مــحني الـضهــر ويـه الــضـعـن مـحـد فزعلـة
لــزينب خيمـه حركوهـه...مثل ما بابي وجروهـه
بقــت بيــن الــغــرب مـوقف صـعب مدمع تهلـة
وعــباس ابـلاية جفين ...بوية وسهم وسط العين
ولــو مـــو بالغــدر كــرر بــدر مــن سـيفــه ســلـة

شهـم ومـا طخ الراس ...ينزف غـيــره ونــوماس
ضــل بالطـف امــطبر ...بــويــه وجتفــوا حيـدر

صح صعبه المصايب هاي...وأن جار الزمان وياي
يــم الـــــباري يابـــويـــه الاجــر باجـــر تـحـسبــة
يتحاسب خصـمنه هناك...وندخل جنه بويه وياك
وبـــيـــوم الــقــيامـــــه الآذه عــايــلتك تــطـلبــة
ابحـك الله القصاص نريد...مـن قاتل حُسين ايزيد
والآذه الـــخــدر ذاك الــشـــمــر بــويـــه تـــأدبــة

الـــزار حسين تــزوره ... وتـــقــدرلــة شــعــوره
وتــوافــي الــيتشــكر ... بــويـــه وجتفـوا حيدر

عباس العبودي الواسطي
استشهاد الرسول (ص)
١٤٤٠هـ

https://www.tg-me.com/Alabbodi

ليله فاجعه وأحزان 🌸🌸 ظلمه اوحشه هلليله
يرحل سيد الأكـوان 🌸🌸 دم مو دمعــه ابجيله
ابجيلــه 🌸 هلليله 🌸🌸 وهمل دمعة الـعين

يا مولاي * حرت ابهاي ** شلون ابهل الحياة وتنگظي بدونك
لو حنيت * وشــــتاگيت ** منهو الي يعوض شوفه اعيونك
وجبيـــره * هـــــــلحيره ** صعبه أولادي يا خويه يفكدونك
تبجي العين *والحسنين ** زينب والحسن وحسين يبجونك

حيــدر انه يا مولاي 🌸🌸 اون لمصابك بحسره
وتــون فاطمه وياي 🌸🌸 وتبجي بغصه وبعبره
وتسألني🌸 جاوبني🌸🌸 هـم ننسى يبو حسين

يل أيـــه * وروايه ** مصلايه يبو القاسم جنت عدنه
والزهره * والحره ** تكول وبعد ابويه الموت اتمنه
خيمتنه * كعبتنه **لو رحت انته توكع عمد خيمتنه
لا نهده * ولا ننسى **نار مصابك وما تطفى لوعتنه

ويـــن بيا زمن مكتوب 🌸🌸 مسموم النبي يقتل
والطالب صبح مطلوب 🌸🌸 والاخــر صبح اول
يا ويلــــه 🌸شباقيلــه 🌸🌸 مــــن الله يفر وين

يالصابر * وتكابر ** من بعدك ترى تبدي مصيبتنه
تبدي النار * والبسمار ** أول كسر يصبح ضلع زهرتنه
وبني يطيح * وأمه تصيح ** محسن ياعلي هالراح من عدنه
حرك الباب * والمحراب ** محراب الصلا مقصود مو احنه

ما يكفيها حرك الدار 🌸🌸 كسرو ضلع للزهره
وبمحسن غـداً تحتار 🌸🌸 بجــو مدمع الحره
بجوها 🌸واذوها 🌸🌸 صفت مكسوره ضلعين

لو احجي * متكفي ** كلمات القصيده تقصر هوايه
شحجيلك * شرويلك ** علظيم الاشوفه ويجري ويايه
من الطبره * ما ابره ** ثلث ايام ينزف راسي ادمايه
ويتيتمون * وينحرمون ** اطفال التربوا حدر يمنايه

فزتو ابهل عزم ناديت 🌸🌸 ربي يشهد اعليه
فرض النافله اديت 🌸🌸ابگلب ضَل صافي النيه
وبدمعي 🌸 ضَل يهمي 🌸🌸 ومصلي ركعتين

والاعظم * مايسلم ** جبد الحسن وحسين السبط مظلوم
عالسبطين * تبجي العين ** احسين انذبح والحسن هل مسموم
والحره * متيسره ** وعلى الشاطي الكفلها مگطع ومهضوم
ضحه بعين * والجفين ** غدر غدرو گمرنه السوه بيها اعلوم

ومگيد عليل احسين 🌸🌸 زينب لليسر تطلع
ناصر ماكو لاكو معين🌸لو هضموها من يفزع
والكافل 🌸 ماقابل 🌸🌸 ضَل مكطوع اليدين


عباس العبودي الواسطي
٢٠١٩ م - ١٤٤١ هـ
استشهاد الرسول الأعظم (ص)
https://www.tg-me.com/Alabbodi

سنبكيكَ *** يقيناً ما مضى الدهرا
سنبكيكَ*** عزيزاً يا ابا الزهرا
ذرفنا الدمعَ من دمٍ ومن جمرا
ونار القلبُ فـــــــيها ربنا ادرى
سنبكيكَ*** سنبكيكَ

حَزنا حُزننا ســــرمد *** بـــكيناك ايا احمد
فواللهِ صدَقنا الفعلِ والقولاً
بكينا دمعنا ســاجم *** نواسي بالعزا فاطم
نواسي المرتضى والسيده الاولى
كتاب الله قـــد انزل *** فما ان مات او يقتل
ارتدو وكان الامر مفعولاً
أتدري بعد ان عادوا *** لآل البيت قد عادوا
فبعدَ الضلعِ حيدر سيق مكبولاً

فبغضاً عاودوا آذو لكَ البضعه
وثأراً فيك كانت سيدي الصفعه

كسبطيكَ *** دموعاً صبت الليله
كسبطيكَ *** دماءٌ دمـــعنا سيله
فمسموماً ندهنا المصطفى جهرا
ونار القلبُ فــــــــــــيها ربنا ادرى
سنبكيكَ*** سنبكيكَ

رســــــول الله يا خاتم *** ندهنا بسمك القائم
بلآهاتِ قلبُ الناسِ مهموما
ندهنا والمدى يشــهد *** نبي اللهِ اســـــتُشهد
ما مات ولكن راح مسموما
فأملاك الســـما ناحت *** بحزنٍ ويلها صاحت
فركنٌ للسماءِ اليومَ مهدوما
ضُلامات العدى تمطر *** فـــما والله لا يهجر
أيهجر مَنْ اصطفاه اللهِ معصوما

ضُلامات العدى بالحقدِ مبنيه
لهذا يومنا صبت ســـــــقيفيه

لعينيكَ *** جرعنا شدة البأسِ
لعينيكَ *** فداء الروحِ والرأسِ
فما زالت ســياطٍ للعدى حَمرا
ونار القلبُ فـــــــيها ربنا ادرى
سنبكيكَ*** سنبكيكَ

للمشكاة اما تدري *** عيونٌ دمعها تجري
بكسر الضلعِ في المسمارِ ما طابا
الا تبت يدا الظالم *** أتى بالثأر من فاطم
بنار الحقد حقدٌ يشعل البابا
والمحرابُ قـد كَبر *** أغـــدراً حيدرٌ يطبر
فمحراب الصلا قد كان محرابا
فآل البيت قد ذاقو *** مــــراراً دمهم راقو
من بعدَ نبي اللهِ ما غابا

فــــهذا نهجهم قد كانَ مؤلوفا
سقيفيا الهوى بالحقدِ معروفا

بجنبيكَ *** لفاطم كانت العصره
بجنبيكَ *** لهذا أصبحت حـسره
بكسر الظلعِ ملعونٌ عدى جورا
ونار القلبُ فـــــــيها ربنا ادرى
سنبكيكَ*** سنبكيكَ

وهل في النحر لا تعلم *** حسين السبط لا يسلم
ضمآنا بسيف الحقد مذبوحا
ففاق الجــرمُ ذي حده *** كريم الآل مـــن جعده
مسمومٌ غدى عالارضِ مطروحا
وهــــــذي زينبٌ تنعى *** فآل البيت هــم صرعا
بِسْمٌ واحداً والثاني مجروحا
خيامٌ احرقت جــــــورا *** وعطشى ذاقت الحرى
وَدمٌ طاهرٌ عالارضِ مسفوحا

كفيل الخدرِ مـقطوعٌ له كفِ
ومحنيٌ حسين الله في الطفِ

لضلعيكَ *** بحقدٍ تسحق اضلاعه
لضلعيكَ *** ببــدرٌ تأخـــذ الساعه
ألا يا ليت مــن عمري له عمرا
ونار القلبُ فـــــــيها ربنا ادرى
سنبكيكَ*** سنبكيكَ

وبــــــــعدَ الآهِ والرهبه *** جثونا نقرء الندبه
للهِ من الكفارِ نجينا
متـى تبعث لنا القائـــم *** بقسطٍ عدلهُ قائم
اللهم سهل أمرَ مهدينا
فقد ضاقت ومنكَ الحل *** الهي بالفرج عجل
تطبيقاً لحكم الشرعِ والدينا
اللهـــــــــــــــم فاَرحمنا *** من الجورِ فخلصنا
فأمرٌ واحدٌ يا ربُ يكفينا

متى يضهر بحقٍ صاحب البيعه
متى يأخــذ بـثار الآلِ والبضـعه

لمهديكَ *** شكونا شــدة الهونِ
لمهديكَ *** طلبنا سيدي العونِ
لرب الكون رحنا نشتكي الإمرا
ونار القلبُ فـــــــيها ربنا ادرى
سنبكيكَ*** سنبكيكَ

عباس العبودي الواسطي
٢٠٢٠ م - ١٤٤٢ هـ
ذكرى استشهاد الرسول الاعظم (ص)
https://www.tg-me.com/Alabbodi

•
[ سنبكيك ]
#علي_الجيزاني
للشاعر عباس العبودي الواسطي
•
‏ ‏https://youtu.be/g5DcqSGqZ_Y
•
ذكرىٰ شهادة الرسول الأعظم محمد (ص) 1442 ه‍ـ
موكب الإمام موسىٰ الكاظم (ع) - ميسان
•
https://www.tg-me.com/AliJizani

اللهم صل على محمد وال محمد

انه علي الكرار 🌸 اقسم بربي الجبار 🌸 ما انسى ظلع الزهره
وموصي أولادي ابهاي 🌸 من الحسن للوفاي 🌸
للمهدي ثار الحره
يطلبهم بــــــهايه 🌸🌸🌸ما ثنى الحجايه

اقسم بايات وسور 🌸 بالعاديات وبالزمر 🌸 وي كطع الانفاس
لا ما ينسيني الزمن🌸رغم المصايب والمحن 🌸
من هجمت ارجاس
لا ابد ما قاصر زخم 🌸بالحومه جندلت الزلم🌸
ومصارع اشواس
بس الفقار ابلا امل 🌸 ووصيه كيدته بحبل 🌸مؤلم هل احساس

الرد الكتايب مجبور🌸يسكت على هذا الجور🌸ورد الفقار لغمده
الموصه وبهل احساس🌸ما دنك وطخ الراس🌸والله ونعم من عنده
مگيدته الـــــوصايه 🌸🌸🌸ما ثنى الحجايه

فاطمه من جاها الأجل🌸كالتله ابو حسين بخجل🌸وضل الحجي يدور
مسطوره وبعيني الدمه🌸ولحالتي تبجي السمه🌸وهل ضلعي مكسور
شلون يتجرء عالنبي 🌸 ويسبني ذاك الناصبي🌸ضَل كلبي مفطور
صدلها ابو حسين وبجى 🌸 وبصدره غصه من حجه 🌸 جن كهف مهجور

لو ادري باليجري وهيج 🌸 كل روحي افصلها اعليج 🌸 وتلكه اني البسمار
ساعتها محسنه يعيش 🌸 يوليدي اكله وبريش 🌸 حتى الجرى هم ما صار
جا ما هــــــوت آيه 🌸🌸🌸 ما ثنى الحجايه

حاجاها حيدر فاطمه🌸 ومن يحجي كلبه يألمه🌸 بعزازه مفجوع
كللها داري ابلا ضوه 🌸 بفراگج مزعل الهوه 🌸ومتضوي الشموع
والسطره جدا مؤلمه 🌸 والعين اشو تنزف دمه🌸 ومكسوره الضلوع
كللها لو بيه الجرى 🌸 والنار بيه موجره🌸 ولا اشوف الدموع


يا وسفه حيدر مجروح 🌸 وباله مشهد ميروح🌸من انحرك باب الدار
هذا الأسد ما ينوصف 🌸 وميهاب لو نازل الف 🌸 يتلقب بحامي الجار
وتعــــــــذب هوايه 🌸🌸🌸 ما ثنى الحجايه

كللها الحسين انقهر 🌸 والحسن كل كلبه انفطر 🌸 وزينب تحاجيج
يمه انتي شمعه ولو طفت 🌸 وختنكت بعبره وبجت 🌸 وين اصبر اعليج
هاي المصيبه اول جرح 🌸 وختمها ويه المنذبح🌸 وتحير بذيج
من انسبي وماكو الاهل 🌸 وعلشاطي واكعلي الكفل 🌸ساعتها اناديج

يا يمه ابنج مذبوح 🌸 ولو بيدي افدي بالروح 🌸ولا شوفه بين الضلام
لا شوف الاكبر مطروح 🌸ولا جاسم امه امن تنوح 🌸 ولا انضر لحرك خيام
ولا شـــوف الضمايه 🌸🌸🌸 ما ثنى الحجايه

اخر كلام لحيدره 🌸 ودموعه تنزل عالثره 🌸 ما انسى والله
ثار الكسر ثار السطر 🌸ثار الضلع ثار العصر 🌸والمحسن وياه
باجر الحجه ابن الحسن 🌸ياخذ بثار ام الحسن 🌸وما ينسى كل آه
يقيم اعلى كل جائر حكم 🌸 ويحاسب اربات الظلم 🌸والعدل مسعاه

باجر يجي يطفي النار 🌸 بثار الضلع والبسمار 🌸وثار اهل بيته يطلبه
ياخذها ضلام بسيف 🌸 ويرد لهل بيته الحيف 🌸من اليضد يگطع رگبه
ثار الظلـــــــــع غايه 🌸🌸🌸 ما ثنى الحجايه


عباس العبودي الواسطي

https://www.tg-me.com/Alabbodi

انه علي الكرار 🌸 اقسم بربي الجبار 🌸 ما انسى ظلع الزهره
وموصي أولادي ابهاي 🌸 من الحسن للوفاي 🌸
للمهدي ثار الحره
يطلبهم بــــــهايه 🌸🌸🌸ما ثنى الحجايه

اقسم بايات وسور 🌸 بالعاديات وبالزمر 🌸 وي كطع الانفاس
لا ما ينسيني الزمن🌸رغم المصايب والمحن 🌸
من هجمت ارجاس
لا ابد ما قاصر زخم 🌸بالحومه جندلت الزلم🌸
ومصارع اشواس
بس الفقار ابلا امل 🌸 ووصيه كيدته بحبل 🌸مؤلم هل احساس

الرد الكتايب مجبور🌸يسكت على هذا الجور🌸ورد الفقار لغمده
الموصه وبهل احساس🌸ما دنك وطخ الراس🌸والله ونعم من عنده
مگيدته الـــــوصايه 🌸🌸🌸ما ثنى الحجايه

فاطمه من جاها الأجل🌸كالتله ابو حسين بخجل🌸وضل الحجي يدور
مسطوره وبعيني الدمه🌸ولحالتي تبجي السمه🌸وهل ضلعي مكسور
شلون يتجرء عالنبي 🌸 ويسبني ذاك الناصبي🌸ضَل كلبي مفطور
صدلها ابو حسين وبجى 🌸 وبصدره غصه من حجه 🌸 جن كهف مهجور

لو ادري باليجري وهيج 🌸 كل روحي افصلها اعليج 🌸 وتلكه اني البسمار
ساعتها محسنه يعيش 🌸 يوليدي اكله وبريش 🌸 حتى الجرى هم ما صار
جا ما هــــــوت آيه 🌸🌸🌸 ما ثنى الحجايه

حاجاها حيدر فاطمه🌸 ومن يحجي كلبه يألمه🌸 بعزازه مفجوع
كللها داري ابلا ضوه 🌸 بفراگج مزعل الهوه 🌸ومتضوي الشموع
والسطره جدا مؤلمه 🌸 والعين اشو تنزف دمه🌸 ومكسوره الضلوع
كللها لو بيه الجرى 🌸 والنار بيه موجره🌸 ولا اشوف الدموع


يا وسفه حيدر مجروح 🌸 وباله مشهد ميروح🌸من انحرك باب الدار
هذا الأسد ما ينوصف 🌸 وميهاب لو نازل الف 🌸 يتلقب بحامي الجار
وتعــــــــذب هوايه 🌸🌸🌸 ما ثنى الحجايه

كللها الحسين انقهر 🌸 والحسن كل كلبه انفطر 🌸 وزينب تحاجيج
يمه انتي شمعه ولو طفت 🌸 وختنكت بعبره وبجت 🌸 وين اصبر اعليج
هاي المصيبه اول جرح 🌸 وختمها ويه المنذبح🌸 وتحير بذيج
من انسبي وماكو الاهل 🌸 وعلشاطي واكعلي الكفل 🌸ساعتها اناديج

يا يمه ابنج مذبوح 🌸 ولو بيدي افدي بالروح 🌸ولا شوفه بين الضلام
لا شوف الاكبر مطروح 🌸ولا جاسم امه امن تنوح 🌸 ولا انضر لحرك خيام
ولا شـــوف الضمايه 🌸🌸🌸 ما ثنى الحجايه

اخر كلام لحيدره 🌸 ودموعه تنزل عالثره 🌸 ما انسى والله
ثار الكسر ثار السطر 🌸ثار الضلع ثار العصر 🌸والمحسن وياه
باجر الحجه ابن الحسن 🌸ياخذ بثار ام الحسن 🌸وما ينسى كل آه
يقيم اعلى كل جائر حكم 🌸 ويحاسب اربات الظلم 🌸والعدل مسعاه

باجر يجي يطفي النار 🌸 بثار الضلع والبسمار 🌸وثار اهل بيته يطلبه
ياخذها ضلام بسيف 🌸 ويرد لهل بيته الحيف 🌸من اليضد يگطع رگبه
ثار الظلـــــــــع غايه 🌸🌸🌸 ما ثنى الحجايه


عباس العبودي الواسطي

https://www.tg-me.com/Alabbodi

•
القصيدة الرئيسية لهذه الليلة
•
[ أكتب رسايل ]
للشاعر #عباس_العبودي_الواسطي
•
#الفاطمية_الثانية
#علي_الجيزاني
#ميسان
موكب الإمام موسىٰ الكاظم (ع)
•
https://www.tg-me.com/sh_alialjizani

اكتب رسايل لبضعة محمد
هاي الرسايل عليها الله يشهد
تشرح السطره ××× لفاطمه الزهره

لفاطمه اشرح ضلامه ومالها حد
نار البكلبي حرك البابها امتد
من أشاهد تنسطر بضعة محمد
والهضمني محسن بارضه تمدد

والي ضلمها نراجع كلامه
يبدي بضلامه ويخلص بضلامه
وبكلبي حسره ××× لفاطمه الزهره --------١

من كلب شاعر تلضه ومستعر نار
للنبي الهادي اريداً توصل اخبار
يا تره يدري بضلعها غافي بمسار
لو دره بنار الحقد مستعره بالدار

ملعون هذا الضلمها والي قابل
للنبي المختار أولى الرسايل
واللمس شعره ××× لفاطمه الزهره --------- ٢

صرت حاير والقلم مدري شجاله
من صرت اكتب انه بثاني رساله
لبو حسين الما وكف واحد اكباله
طبق وصية النبي شكال وحجاله

ربك سترهم علي موصه الوصيه
جا ما اجو كربه باب الزجيه
غيهم يشطره ××× لفاطمه الزهره -------- ٣

والرساله الثالثه تصب مدمع العين
لو شفت يبجي عليها الحسن وحسين
من عمت عيني عليهم هل ميامين
شيبو لاكن عمرهم عدة سنين

للنار تاليته ذاكَ القهرهم
يروعهم بحقده وينزل دمعهم
والهم شكبره ××× لفاطمه الزهره ---------- ٤

الموقف الآذاني والي زاد الهموم
زينب الحسره التجرها بكلب ملجوم
تكلها يم كلب النقي وبحزنه مالوم
يمه بفراكج اضل احسب بالنجوم

يا يمه ضلعج دكولي شجراله
دم مو دمع تبجي رابع رساله
وهمومي جمره ××× لفاطمه الزهره ------ ه

وكتبت آخر رساله وبيها دمعه
تطلب بثار الضلع والخد يبضعه
بهمي وبدمعي اعلكت للمهدي شمعه
ثار فاطم سيدي امربع ترجعه

يا سيدي يمتى وتسل فقارك
وبكلب اليضدها تطفيها نارك
الواحد بعشره ××× لفاطمه الزهره------- ٦

عباس العبودي الواسطي
٢٠٢٠ م _ ١٤٤٢
ذكرى استشهاد الزهراء / الروايه الثانيه

@Alabbodi