مجموعة ابوذيات
اترجم حزن الأمام المهدي (عج)


يـمـهـدي الـلـيـلـه اذكـرَنّـك .. وَعينـك
ونــوح ويــاك بـمـصـابــك .. وعينـك
مــحـــرم بــيّــن اهـلالـــه .. وعينـك

تـشـوفـه وتـذكـر الـراحـت سـبـيـه

*---------------------*------------------*

جـره دمـعـك يـبـو صـالـح .. وَهل لك
وهـلال الــحـزن شــفــتـه ..  وَهل لك
انـشـدك يـا وگــت تـظـهـر .. وَهل لك

طـلـعـه وتـنـصـب الـجـدك عَـزيـه

*------------------------*-------------------*

هـلـك شـدوا يـبـو صـالـح  .. رحـلـهـم
وبـحـمـول الـحـزن تـفـتـر ..  رحلـهـم
شـبـاب وچـن ورد بالـطـف .. رحلـهـم

وصـبـغ دمـهـم تـراب الـغـاضـريـه

*-----------------*--------------------*

عَـفـه گـلـبـي الـمـصـايـب ..  ماتـسـلـه
وتــرانــي بـغـيــر ذچـرك  ..  ماتـسـلـه
يـراعــي الـثــار سـيـفــك ..  ماتِـسـلـه

وتـطـفّـي الـنـار الـبـگـلـبـك سـريـه

*-----------------*---------------------*

يَـمـن دمـعـك طـريـج الـصـبـر .. يـداك
ومـتـانـي تــســـل الــســيــف .. يـداك
يمهدي بخيل صدره انـسـحـگ ..  يـداك

وتـوزّع جـسـمـه بـكـتـار الـوطـيـه

*-------------------*-------------------*

✍خادم الحسين ع
الشاعر رعد الجريخي

                              

( أوياك امقصر اهواي ... سامحني يمولاي )
......
انحني اجـــلالن الك يبن الـــبتول
امقصر اوياك ابخدمتي اشما اكول
شرد اوافي وصدرك انداس بخيول
اعتذر من عنـــدك وارجو القــبول

شوفيلك يرجواي .... سامحني يمولاي
.....
ان جان ما راضي علي يابو الرضيع
ابهاي دنياتي وحك امك اضيع
يا منار الدين يا اعظم شفيع
انه عبدك والعبد مولاه يطيع

لو ما بجت عيناي .... سامحني يمولاي
.....
جيتك وماخذني حيل المستحه
خاف يوم ابفعل كلبك جـــارحه
واكـــف ابابك وعيني شـــابحه
نوبه ابجي ونوبه اقره الفاتحه

تايه يمك الراي  .... سامحني يمولاي
....
سيدي امشي عليك  ام البنين
دوم خليني بخدمتك ياحسين
ادموعي اوزعها بثوابك يالحنين
وانعى لمصابك على مر السنين

شاهد نوحي وابجاي ... سامحني يمولاي.

......
دعوتي ابكل حين مولاي الامير
ابقى من خدامك الحضهم جبير
يا حسين اكبال افضالك احـــير
غني من والاك والـــعافك فــقير

شاهد كلشي وياي ... سامحني يمولاي
... ...
دوم خليني اعله نهجك يا وجيه
خايف ايزل جدمي عن دربك واتيه
ياهو مثلك حتى اعوفنك واجيه
يمن مالك بالخلك واحد شبيه

واحد انت كالماي ...سامحني يمولاي

.......
حاير ابأوصافك أوسر محتواك
حاير امنين ابتدي وكلش هواك
تجي ناس اتروح ناس وانت ذاك
الله لا يحرمني منك من رضاك

دعوت كل محب هاي ... سامحني يمولاي
.......
الحمد الله رب العالمين
اللهم صل على محمد وال محمد
موسى الخادم

لسان حال خدام الحسين. ع

محرم باقي اله ايام
بعزانه شلون ياخدام
ايام العلينه محزمه وسوده
وبيبان الحسينيات مسدوده
بعزانه شلون ياخدام

---------------
بعد ايام  اله  عاشور وحنه بعينه. الدمعه
احنه بكل سنه وكل عام محرم يخلص نودعه
وتدري بالمرض. يحسين كلمن حاير. بوظعه
وادا مانلطم احنه انموت نذوب ونحترك شمعه

مواكبنه وعزانه شلون
همه بكل سنه يخدمون
ونكول الزمان الراح شيعوده
وبيبان الحسينيات مسدوده
بعزانه شلون ياخدام

----------------
نحظر جنه ياخدام وتحظر فاطمه ويانه
عله ابنه من ننوح اتنوح تكعد تسمع ابجانه
اول مره هيجي يصير نعوف حسين بحزانه
شنسوي  بعد. مولاي. حيل  المرض. اذانه

تظل اكلوبنه تنعاك
حد الموت ماننساك
والخادم دمعته تجري بخدوده
وبيبان الحسينيات مسدوده
بعزانه شلون ياخدام

--------------
مابينه عله فراكك يبو السجاد تدرينه
كبل. جنه بعزاك  دوم  نحيهه. ليالينه
المجالس هاي من سنين بحاظرنه وماظينه
بعد مانكدر احنه انزور ونسولف هم ألي علينه

شيعود الزمان الفات
مايرجع بعد هيهات
فزعتك سيدي يحسين مريوده
وبيبان الحسينيات مسدوده
بعزانه شلون ياخدام

----------------
الينخاك يامولاي مو من طبعك اترده
انته معزب ألكل ظيف باب الكرم لا تسده
الخادم سيدي يحسين غيرك كلي شعنده
حاير بالوظع مهموم اجاك ودمعهته بخده

اصدن لثياب السود
وتمنه  العزاء. يعود
الك وكفات يبن الفحل مشهوده
وبيبان الحسينيات مسدوده
بعزانه شلون ياخدام

-----------------
الك جاه وأجه يحسين عد رب العرش ندري
خاف انحرم من عاشوو ظلت حسره بصدري
كلشي يهون الك مولاي ماابخل انه بعمري
اموتن اذا ما الطم ودك بحركتي. صدري
عزانه نجدده بكل عام
حتى اباقي. اليام
نمشي عليك ذاك الطاحن ازنوده
وبيبان الحسينيات. مسدوده
بعزانه شلون ياخدام

-----------------
الخادم
رحيم الصالحي

ابوذيات بحق السيده زينب (ع)
••••••••••••••••••••••••••••••••••••••••••••••••
انه زينب دروب اشكال فيت
ويصبري جم جرح بروح فيت
يحسين بعباتي.... عليك فيت
ادفعوني وشاكفت يمك بدية

خذوني ميسره لشام بعداك
وانت بلاجفن على كاع بعداك
دشوف شصار من طبيت بعداك
وكلبت الشام كله وصار اليه
••••••••••••••••••••••••••••••••••••••••••••••••

كلمات خادم الحسين
             حسن الجحيشي

بديرت غرب يحــسين حرت بزماني
ماحمل الجمــــــــــــات فكدك عماني

فكدك گطع مكــــــفاي خلاني ماكوم
جندوب اعد لجمات وحسب بلهموم
من يومك وللــيوم گلبي انه ملجوم

ومحتاره بلحــسبات جندوب اعاني

كمت احسب الخطوات وفرك بديه
ومتوني كوه تشــــــيل هدم العليه
مكتوب اشوف الصار ومشي سبيه

ودرب السبي ياخــوي هل حيراني

موهودج مــــنجفاك علهزله ممشاي
وكل ساعه ويبدون يم راسك الماي
من ابجي ويظحكون خويه عله مبجاي

وعنك زماني بعيــــد وسفه وخذاني

من عمده جــاب الراس يمي ويدني
اتمنه اوصل لي وبــــــــهدمي اغطي
ينزف دمه ونحــــــتار شنهو النسوي

هذا الــــــــــــجره والصار والشيباني

شيبني خويه الصار من شفت اليتام
تبجي وتجر حــسرات علغبره وتنام
وتفز توالي اليل من كــــــــثر الوهام

وهذ الدرب يحــــــسين هل عذباني


ابو سلام الجابري

الله انطاني هل النعمه
وشفت الخير بل الخدمه
_
نعمه من الله عرفت انه الحسين
ابن حيدر وابن حيدر فد حَنين
ابن فاطم سيده اعله العالمين
وفرشت لجدامه كل هاي السنين

واقبلها بشرف جدمه
شفت الخير بل الخدمه
___
خدمه حسين الشرف بيها العطاء
تفتح ابواب السمه بمجلس عزاء
شكد عضيم   بمجلسه هذا الدعاء
اسرع من الضوء يوصل للسماء

بس اندب انه باسمه
شفت الخير بل الخدمه
__
اخو زينب عندي كلشي بهل الحياة
واجب حسين ومثل  فرض الصلاة
بداخلي يحققلي كل الامنيات
ولذكلك تلكه عنده كل صفاه

لو اعوفه أضل اعمه
شفت الخير بل الخدمه
____
ابو سكينه ساكن لكل الكلوب
من اذكره يزيح من متني الذنوب
الله خله حسين للرايد يتوب
ولصحيح بدربه ماتلكه عيوب

يخلص عمري بس يمه
شفت الخير بل الخدمه
____
حسين ينطيني الاريده وش اريد
ومايخليني امد الغيره ايد
حتى اقرب من خيالي مو بعيد
حسين كلبي الينبض الدم للوريد

عنه افترك زحمه
شفت الخير بل الخدمه
____
عبدالله الكناني

#شهر_محرم_الحرام 
القصيدة الاوله
فزاعيه _شور

ادخيل ابوفاظل  دخل ليها
خيل وعساكر  جفه يطويها
كل العده  بالكون   يمحيها
والحومه ما واحد بقه بيها

صكر بالحومه يفتر
يشلع روس قسور
زلم  للسمه  شمَر          كضاها الكوفه

جوه الكاع دكهم
عبر شطين دمهم
شلع بجفوفه خدهم      دخيل اجفوفه

        من دمهم   غركها الكوفه
.......................................................
طم الارض  بالجثث طماها
ذب السمه  عل الكاع  ذباها
جن سبحه بيده الزلم فراها
نجوم الظهر  بعيونه راواها

حركهم وصط عينه
فرهم  بين ادينه 
عمرههم قل سنينه       اكبال الكافل

سيفه مكص ويكص
يبلع ركب و يغص
شمرهم بالنهر شص      ذبح كل عايل
     
      والعايل بيده     يحز راسه
...................................................
هز الارض بالجيش والقاده
ثبتهن على الجثث  اوتاده
رد حكه من الجيش وزياده
جنه علي  بالغيره  وعناده

سل بجفوفه سيفه
خذه بالركب حيفه
الجيش وعلي بطيفه   يخاف هواي

الجيش وعدد زلمه
سكت ماحجه كلمه
نهر بالكاع  دمه      انخبط وي مايه

     والشط والماي   احمر لونه
....................................................
بالحومه حز الركب بالحومه
مالومه  خله  الزلم  مالومه
منفيه  عده  كلمن   ويومه
محسومه ليه الحرب محسومه

الحرب محسومه لجله
بجفه  الجيش  دله
بركبهم سيفه يحله      يمحله سيفه

يحد السيف بالروس
نهر بالركب متروس
عليه يسحك يدوس    يمشي بكيفه

    يتمشه ضال       على خياله
....................................................
خادم العليلة ع
علي الحاتمي

#شهر_محرم_الحرام
القصيدة الثانيه
بندريه _ ابوفاظل كمر

طلع صوب النهر    ابوفاظل كمر
الى  اينه  المفر      ابوفاظل كمر

طلع للمشرعه   جنه البدر          ليله اثنعش
وذر خله  الزلم  سيفه يكر         بيها انتعش
شبع خوف الشمر يقره القدر     جسمه ارتعش
جبير بصولته   زغير العمر        عمره هدعش

زلم  بيها كسر          ابوفاظل كمر
الى اينه المفر          ابوفاظل كمر
...........................................................
ارتجل فوك المهر  شايل علم       هز الارض
سحل بيده النهر    يم الخيم       طول بعرض
صكر محله الوجه  من ابتسم       بيهم يكض
زلم  شردت تفر   سبكت سهم      من الركض

ركض ركضو صطر     ابوفاظل كمر
الى اينه  المفر           ابوفاظل كمر
............................................................
غضب  جن ولده   حد صارمه      بين الركب
الارض صارت نهر   من الدمه      سيفه شرب
شمرهم  بالارض   طكهم عمه     صارو حطب
حركهم  دخنو       لاحت سمه       نار وغضب

جدح نار وسعر         ابوفاظل كمر
الى   اينه   المفر        ابوفاظل كمر
...............................................................
رفس بطن الزلم   لمن دخل       ضاع الهوه
ركبهم  طشراه      يم زحُل        وصلت تره
هدكهم بالارض    دك وعدل        دك اكهوه
وذر صارو وذر    بيهم سحل       بيهم طوه

وذر صارو وذر        ابوفاظل كمر
الى اينه المفر         ابوفاظل كمر
...........................................
خادم زينب
علي الحاتمي