١١٣٤- اصحاب الحسين (ع)

تره غير الله ماكو رب عله حسين
وبناظـــــر رحمته رب عله حسين
هوه اخـــــتار بالطف ربع الحسين
وبيهم طـــابت ارض الغـــــاضريه

✍ فراس المحمداوي

مولاتي زينب

وضـعـنـه يـا وضــع بـجـفـاك.. مُـربِـك
ونـظـر عـيـنـي لـعــد الـنـهـر .. مُـربيك
بلا رحـمـه الـيسوگ الـظـعـن.. مَر بيك

و ٱنــه فـوگ الـهـزل مـچـتـوفــه اديـه

                    *---------------*---------------*

✍خادم السيده زينب ع
الشاعر رعد الجريخي

.

الـعَـــمـــد صـــــوّبـــنـــي يـازيـــنــب.. بـــهـامـاي
طــحــت وأنـظـر عـلـى اخـــيــامـــچ.. بـهـــامـاي
جــــربـــتـــي خــالـــيــــه ومـــاكــــو.. بـهـامـــاي

إعــــذريـــنـــي گـــطـــيـــعــــه أثـــنـــيــن إديـــه

                    *---------------*---------------*

✍خادم السيده زينب ع
الـشـاعـر رعد الجـريـخـي

حضور الزهراء ع
عنده جسد الحسين ع



عـاري ابـلا دفـن ومـوسّـد الــغَــبـره
المثلك ليش عَشره ايدوسن بصدره

        يـيـمـه       **        يـيـمـه

                                    *---------------*---------------*

يـيـمـه حسين اجيـت بـهـل مـسـيـه
نـسيـت اضلوع صدري وكلشي بـيـه
احـس الـخـيـل كـلـهـه اتــرك عـلـيـه
شفت جـسمـك علـه اتـراب الـوطيـه

                                    *---------------*---------------*

اگـولــن يـا جـرح اصـعـب يألـمـهـه
اكابر خاف اجيسه وخـاف الـچـمـه
حرت صـدرك يـيـمـه اشلون اشـمـه
واسوي ادموعي حمـره بالون دمـه

                                    *---------------*---------------*

يغالي اجروح جسمك من شـفـتهه
عَلي هانت شَكو عصره احـملـتـهـه
تـجـي زيـنـب تــون يــمــي ردتـهـه
لـَچـن گـوم الـكـفـر عـنـك خَـذتـهـه

                                    *---------------*---------------*

ثـلـث تـيـام يـم جـسـمـك وحـيـده
اهـل دمـع الـحـزن والـنـوح ازيـده
اصيح اوليـدي ليش انـحـز وريـده
وليش حسين گطعوا خنصر ايــده

                                    *---------------*---------------*

يبني اضلوع صدرك كلـهـه احسـهـه
تــره الـداسـك گـبــل امـك رفـسـهـه
نـفـس هالزمره هاي ونـفـس رسـهـه
يـبـو الاكـبـر الـك رجـعـت نـفـسـهـه

                                    *---------------*---------------*

✍خادم الحسين ع
الشاعر رعد الجريخي

نعي مفجع


فـوگ الـهِـزل وشلون حـالـه
الـگـضّـن عـمـر عِـز وجـلالـه
اربات الـخِـدر فـخـر الرساله
مــحــد عـلـيـهـن دار بـالــه


مدري الزمان اشـظـام لـيـهـه
ونوگ الهزل يوجع مـشـيـهـه
هـاي الحرم ياهو الـيـجـيـهـه
مـن الـزلــم تـسـتــر بـديـهـه



عـگـب الـگـمـر بـدر العشيـره
بدرب السبي وحيرتهه حيره
يَسره وخـذوهـن غـيـر ديره
وحادي الضعن جَـد ابمسيره

*-------------------------*--------------------*

✍خادم الحسين (ع)
الشاعر رعد الجريخي

(نعي مفجع

مـو بـيـدي الامـر تـدريـه يحسين
زجــر وخــولــه الـبـيّــه مـاشـيـن
خـلـي انـتـوّادع يـا ضـوه الـعـيـن
بـاچــر اروح وحـصـتـي الأونـيـن

خـاف اتـگـول زيـنـب ما أجتـنـي
وخـاف اتـگــول زيـنـب ضيعـنـي
جـيـت وبــعــدهــه آثـــار مـتـنـي
اشّــر عَــلّــي كـونــك شـفــتــنـي

نـعـمـه واجـيـت ابـلـيـل شـفـتـك
وتـدري العساچر حـاطـت اخـتـك
يحسين حـاچـيني اعـلـه بـخـتـك
نـشــد عــلـيـك ارقــيــه بــنــتــك

                     *---------------*---------------*

✍خادم الحسين ع
الشاعر رعد الجريخي

مولاتي زينب
(نعي مفجع)


مـن فـوگ الـهـزل يـحـسيـن
                      يـا خـويــه الـوداع اشـلـون

لـچـن تـعـذرنـي يـبـن امـي
                       اضـل الـگـوم مـا يـرضـون

گـوه احبس ادمـوع الـعـيـن
                       خفت خاف العده ايشوفون

اكـابــر وآ نـه بــيّــه الـنــار
                      بدمع جفني تـره ايفـرحـون

                     *---------------*---------------*

احملت ضـيـم وهـظـم دنياي
                  اوسـط روحـي اكـتـمـت نـاري

اودعــك مــن عـلـى الـنـاگــه
                     و انــتـــه بــهـــالامــــر داري

الـسـبـي مـكـتـوب يـبن امـي
                       و صــار الـگـبـل مــا جـاري

بــس شــلــون هـــذا الـحـال
                      تــظــل ابـيـا ذنــب عـــاري

                    *---------------*---------------*

لـو بـيـدي الامـر يـحـسـيـن
                   افـرش هـدمـي حتـى اتـنـام

وافـيـي اعـلـيـك حـد موتي
                          واخــفــف عـنــك الألام

بـس الحـال هــــذا الــحــال
                     راح امشـي لـطـريـج الـشـام

وانـتـه ابــلا دفــن مـطـروح
                         وآ نـــه ابـولـيـت الـظـلام

                     *---------------*---------------*

✍خادم الحسين ع
الشاعر رعد الجريخي

(مولاتي زينب)

محتاره وين انطي الوجه هجمت عَلّي خيّاله

                    *---------------*---------------*

مـن ظيمـي افزّع بالـگـمـر هجمت عَلّي خيّاله
يـدرون اخيي اعله الـنـهـر   هجمت عَّلي خيّاله
حيلي انهدم گلبي انكـسـر هجمت عَلّي خيّاله

جــار الــدهــر بــٱفــعــالــه هجمت عَلّي خيّاله

                    *---------------*---------------*

حركوا عَلّي حتى الـخـيـم هجمت عَلّي خيّاله
يـفـزع ردت راعـي الـعـلـم هجمت عَلّي خيّاله
بـروحـي احـس نــار الألـم هجمت عَلّي خيّاله

مــا تـنـوصـف هــالـحـالــه هجمت عَلّي خيّاله

                    *---------------*---------------*

اركـض عـلـه الـنـار وجـمـر هجمت عَلّي خيّاله
هذا الـجـره ابتالـي الـعـمـر هجمت عَلّي خيّاله
عـگـب الگمر شفت الشـمـر هجمت عَلّي خيّاله

صـــوت الـيـتـامـه اتـعـالـه هجمت عَلّي خيّاله

                    *---------------*---------------*

الغوث اصـيـحـن يـا عـلـي هجمت عَلّي خيّاله
الـمـوت اهـون اولا انـولـي هجمت عَلّي خيّاله
اتمنيت اخو اليـنـهـض الي هجمت عَلّي خيّاله

يــنــهــض يـلـم اعــيــالــه هجمت عَلّي خيّاله

                    *---------------*---------------*

اشلون اوصل لحيد الحرب هجمت عَلّي خيّاله
نار اشتعـل عـگـبـه الـگـلـب هجمت عَلّي خيّاله
ما يرضه أظل بـين الـغـرب هجمت عَلّي خيُاله

نـومــه اشـعـجـب يـحـلالـه هجمت عَلّي خيّاله

                    *---------------*---------------*

✍خادم زينب ع
الشاعر رعد الجريخي