Telegram Web Link
bootg.com » United States » خدر الفواطم لنشر القصائد الحسينيه » Telegram Web
خدر الفواطم لنشر القصائد الحسينية
Audio
1.79K views
خدر الفواطم لنشر القصائد الحسينية
والله مشتاكه لخوتي __الليله مدري شلون انام
ساعه اباوع ارد اجيلك__ ساعه اوديلك سلام
مبين برسمي الذبح __شنهي تاليته الصبح
الليله مدري شلون انام ____والله حيره
ــــــــــــــــــــــــــــــــــــــ
والله ليله الدم دليل و _لاضوه يدليني بيــه
توه مات حسين اخيي وحنن اضلوعي عليه
غير اليموت اعله جثته ،،عالاقل وادم تجيــه
مو غريب بصحره ضايع ،،محد ايكلبها اديـه

بالسموم وعاري جسمك___والهوه يحرك الجروح
وفوكه هذا الضيم كله__صدره عطشان وينوح
بجرحك انطشن ملح___شنهي تاليته الصبح
الليله مدري شلون انام ...والله حيره..
ــــــــــــــــــــــــــــــــــــــ
بالي يم حسين رايح والكلب شاطي الفرات
هناكَ يمه عيون نامن من وجعهن غافيات
هناك جربه تريد توصل بس خذنها التايهات
ياسلام يمس جفوك هنه ضلن. سالمات؟!

تالي اشوف الماي اجالك__هو اليدور اعله ماي
وسفه اشوفك يم نهرهم_ما لكيت بسده راي
كسرك اكبر من جرح__شنهي تاليته الصبح
الليله مدري شلون انام .. والله حيره
ــــــــــــــــــــــــــــــــــــــ
بصدر اخوي اشكد حوافر_ كلشي من جسمه خذوه
مضيعه بالطف الملامح_ حتى ثوبك فرهدوه
كطعت كلبك صوارم _وصله وصله ومالكوه
ياهو احشمه ودمه واصل _يم خيامي من انحروه

حشمت محد فزعلي __خويه لحك كلبي مات
خويه لحك خيمك اختك __بيها حركو ذكريات
الخيمه طبها الما يصح__شنهي تاليته الصبح
الليله مدري شلون انام ...والله حيره
ــــــــــــــــــــــــــــــــــــــ
لجمه لجمه اعليه صارن__ياهو يفهم باليطيح
من الخيام اشكد فواطم__طلعن ايلاكن ذبيح
رادن يصيحن يوادم__ياهو يفزع لليصيح
بعالي صوت الصرخه جانت_والصياح تشمره ريح

ياهو يوصل وانته نحرك __ضله صارتله الرماح
حرنه نشكي هموم يمك__لو نضمدلك جراح
همنه يمك ينشرح__شنهي تاليته الصبح
الليله مدري شلون انام ..والله حيره
ــــــــــــــــــــــــــــــــــــــ
الليله صعبه بلايه اخوتي __وانه حرمه اشراح اصير
هم سبايا وهم يتامى__ الليله بيمن راح احير
اليندب اسمك من اسمعه __كلبي وعيوني تدير
شكبره فكدك يالعفتني_بهمي درب احزان اسير

وحشه هاي الدنيا كلها __باجر انفر البلاد
نعمه منك ذكره ضلت__عالعبي الكينه الرماد
رحنه أيه للفتح __شنهي تاليته الصبح
الليله مدري شلون انام ...والله حيره


ليث كريم جحالي

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.16K views
خدر الفواطم لنشر القصائد الحسينية
<< گرب محرم >>


شهر الحوافـر والذبح جــاي
كون الحسين يحصل افياي
ماينــذبح كــون اعـللــتراب
مابيها زينب تحـمل امصاب


وين الله وبهاذه الشهر.. يم الخيم يجري النهر
مو كل سنه اتصيح العطش.. زينب

بلكي الحوافر والمهر.. ماتسحگ احسين الضهر
وتضل تدورله نعش .. زينب


مصيبه.. هاي السنه بلكت تمر وبلا مصيبه
غريبه.. زينب يضل عدها اهل لا مو غريبه

00000000000000000000000000

بلكي الله محد يگطع الماي
وكـل الهلا يگولــون بالـجاي
كون السـهم ما يلـفي عباس
وعـللــرمح مـا ينــرفع راس


عبدلله يم امه يضل.. وگماطه ما صاير وصل
ولا ليلي علاكبر تون.. بلكي

وقاسم يكمل حنته.. ويتحضرون الـزفته
والفرحه تكمل والحزن.. يگضي


صحبته.. متجمّعه ابصف الخيم كلهم صحبته
دمعته.. كون بفرح موش ابحزن تنزل دمعته

00000000000000000000000000

كون الحجي نلگاله شراي
ونگـابـلك وتعاتب المــاي
ويحسين كون ابهاذه عاشور
ماتـنگطع بلــعاشر انحــور


ميمونك ايرد للخيم.. فوگه انته وابجفك علم
مايرجع علجتافه دم.. منك

وترجية ارقيه الذهب.. تبقه اعلذنها ابلا سِلَب
وماينسمع يم الخيم.. ونك


نشوفه... جفك يضل ماينگع خنصر نشوفه
جفوفه.. راعي العلم فوگ الزند تبقه جفوفه

00000000000000000000000000

ماتنضرب كون العفيفات
ومانسمع ابطاري السبيات
محد يسميها ام المصــاب
اسم العقيله أم الحــجاب


ماتحترگ كون العبي.. وزينب ترد ابلا سبي
من تمشي كون بلا هزل.. تمشي

راسك يجيها ابجثتك.. موش ابطشك لو رادتك
ومنك ابد ما ينسلب.. كلشي


حبيبي... ينشم تره و مو للذبح نحرك حبيبي
حبيبي.. يمك هلك والكل الك تصرخ حبيبي
00000000000000000000000000
✍️✍️ علي ميران

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.27K views
خدر الفواطم لنشر القصائد الحسينية
2K views
خدر الفواطم لنشر القصائد الحسينية
لمولاي ابا الفضل العباس عليه السلام

واعدتني انظل سويّه وانته گد احچايتك
الدرب كلّه خناجر وآنه ظهري ابعازتك
واعدتني
ــــــــــــــــــــــــــــــــــــــ
من طحت يحزام ظهري يابو فاضل يالحنين
بالدرب شفت الشماته للطعن متحضرين
ضحكو ابگد مابچينه وزينب اتدورلهه عين
انه اجيت اصفگ بديه وانته ماعندك ادين

ابديرة العميان المن چا تظل امرايتك
الدرب كلّه خناجر وآنه ظهري ابعـازتك
واعدتني
ــــــــــــــــــــــــــــــــــــــ
مو زلم ذوله الولونه انته بس انته الزلم
مو مهم الماي اشربه لاچن اوجودك مهم
ابلا ظهر خليت اخيّك گوه انگل بالجدم
عالخيم كتبن دموعي شوفة الكافل حلم

يانهر والغيم كلّه مايشيل اجنازتك
الدرب كلّه حوافر وآنه ظهري ابعازتك
واعدتني
ــــــــــــــــــــــــــــــــــــــ
واعدتني انظل سويّه گُبه مبنيه ابضريح
ابساعة الشده وعفتني سعفه وايلاعبهه ريح
چم خريف المر عليه اوورگه ورگه گمت اطيح
ولأن ماكو اخوان عنده ينصلب عيسى الـمسيح

وآنه غيرك مابقالي ابصاية الله وصايتك
الدرب كلّه خناجر وآنه ظهري ابعازتك
واعدتني
ــــــــــــــــــــــــــــــــــــــ
حضرولي اشگد حوافر يمكن ابگد الارض
گوم يا كاسر ظهرهه الخيل اجت تركض ركض
الناس تلزم باب مرقـد وآنه بچفوفك اكض
الفروض الخمسه بيهن خوتك سادس فرض

گوم ياحارس بناتي طبّو اعله اولايتك
الدرب كلّه خناجر وآنه ظهري ابعازتك
واعدتني
ــــــــــــــــــــــــــــــــــــــ
اوداعة اعيونك يخويه اوداعة اجچفوفك هذن
أنه ضايع يابو فاضل وانته للضايع وطن
هايه امّي الزهره وامّك يابو فاضل هالإجن
بس چفن واحد بديهن يعني آني ابلا چفن

گوم واستقبل ضيوفك وافرشلهن رايتك
الدرب كلّه خناجر وآنه ظهري بعازتك
واعدتني
ــــــــــــــــــــــــــــــــــــــ
آنه هم خجلان مثلك للخيم لـمّن أعود
چا شجاوب زينب اختك وانته مگطوع الزنود
راح اگللهه وجودي خويه ظل بلا وجود
الخيمة العباس خويه امشينه خنطيح العمود

وراح اجيبلهه چفوفك يالگمر واعمامتك
الدرب كلّـه خناجر وآنه ظهري ابعازتك
واعدتني

محمد الجماسي

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.23K views
خدر الفواطم لنشر القصائد الحسينية
واعدتني نظل سويه.m4a
1.2 MB
1.87K views
خدر الفواطم لنشر القصائد الحسينية
حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني
يا ليل انتــظر لحظه
كون بنوره اتوضـى
خويه بفرگتي ترضى
ها يا شيخ خوانـــــي
حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه
باچر تنذبح ضامي
وراح اتطيح گدامي
باچر مو من ايامي
ميته اعليك محنيه
حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني
دخان الخنگ ريتي
اگعد شوف تاليتي
نايم يا بعد بيتــــي
باچر وين تلگوني
حسين حسين حسين
----------------------------------
وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره
خلوني ارد احاچيهم
ذبلت كل معانيـــهم
من فدوه لأساميهم
يا گلبي شكبر صبره
حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم
وين العاشو بعيـــني
يجرون بشرايينــــي
وسفه انباگت سنيني
وانا بولية عـــــــداكم
حسين حسين حسين

للخادم / رعـــد الفريــــجي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
1.96K views
خدر الفواطم لنشر القصائد الحسينية
دوريتك بالظلام والتفارگ ماتنام
دللول يعبدالله
دللول يعبدالله
ــــــــــــــــــــــــــــــــــــــ
دللــــولك حبـل چنهه وتعـت بيه
وضحكتــك لبّستهه بأذني ترچيه
يــوردة ياسمين أمـــك يجــوريه
طول السهم طولك وأزغر شويه

وينك او وين الرحيل موعد الموته طويل
دللول يعبدالله
دللول يعبدالله
ــــــــــــــــــــــــــــــــــــــ
يالريحـــة حــنانك تشبـــه العنبر
إبروده وماي عوزك چان مو أكثر
المك بالحـــلـــم باليقضه تتطشر
يالخليتني إبوســط الجـثث افتر

من وصلتك يالحبيب رتل أبصدري الحليب
دللول يعبدالله
دللول يعبدالله
ــــــــــــــــــــــــــــــــــــــ
يامـذبـوح يالنايم بله إوســـاده
وتتلــولح رگبتك مثل الإأگـلاده
ياچــــلاب شيلة خيمـة السـاده
دمك ظل يناوش للسمه أمراده

يالطفل ثوبك زغير لا چفن لا في يصير
دللول يعبدالله
دللول يعبدالله
ــــــــــــــــــــــــــــــــــــــ
ريجـــك عالنهـــر ياخـذني بعتـابه
الماي إمعـــاند أمـــك ما يفك بابه
آني أدري الطفـــل ينطـــونه لعابه
إشمدريني القدر وإشخاط بكتابه

يابخت گبه وضريح أخمش بخدي وأصيح
دللول يعبدالله
دللول يعبدالله
ــــــــــــــــــــــــــــــــــــــ
لگيت إبرجلك الرفسات متونسه
كــاروكــك أمن الهز أنگطع نفسه
مو مـذبـــوح لا چنـك نمت هسه
إشفافك ذابله واعيونك امنعسه

أگماطك إيصيح وراي يالرباب إخذيله ماي
دللول يعبدالله
دللول يعبدالله
ــــــــــــــــــــــــــــــــــــــ
اسمع صوت زينب وآنه بالهيمه
رباب أتصيح وينچ ردي للخيمه
هــذول الناس لا ذمه ولا شيمه
تعاي إعله النحبهم مجلس انقيمه

آنه اصيحن ياحُسين وانتي صيحي مرتين
دللول يعبدالله
دللول يعبدالله


محمد الجماسي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
1.95K views
خدر الفواطم لنشر القصائد الحسينية
عيني بفركتك ماشافت النوم
يفززني العشك واركض للهدوم
اشمهن والكه بيهن ريحت فراك
وارد اردود يهمل دمعي واشتاك
كاتلنـي الجفه ومتغيـره الرسوم
ــــــــــــــــــــــــــــــــــــــ
اخر ليله اذكر منها وامشيت
كلت ياخذني ابوي وغمضت العين

نمت بويه اعله جلمت باجر نروح
وفزيت اعله جلمت يله ماشين

اخ وسلب روحي الصبح من صار
رحت ماكتلي كومي وياي ترحين

بويه وماشفت بالحزن جلمات
تشبه جلمة الله وياك يحسين

رحت بويه وخذيت العافيه وياك
يمين اجان يضحك سني بجفاك
لكض الباب ليل انهار اتانيك
واسلي الروح بالدمعه اعلى طاريك
ترد لوماترد علباب اظل دوم
ــــــــــــــــــــــــــــــــــــــ
بعد بجفاك صارت روحي بالباب
اصفن وانتظر واتخيلك جاي

اون لوحيدتي منالليل لليل
بس حسبات هجرك كاعده وياي

اشم ريحت اهدومك لوردت زاد
وارد لهدوم عمي منشتهي الماي

ونات المرض صارن قليلات
بس ونات فكدت كلش هواي

كلها اثكال وناتك والجروح
مدري بياهي منهن تطلع الروح
بويه ومن اكـولن اه يحسيــن
افلش كلوبها وتبجـي الحياطين
وتلكاني اعلى هذا الحال كل يوم
ــــــــــــــــــــــــــــــــــــــ
يوجعني النفس يالغالي بجفاك
بدار التخله منك صعبه ينعاش

انامن عود بلكت احلم الكاك
واطش سنين عمري عليك شوباش

انشد بالضعون التمر بالدار
هلبت خبر منك بالعرب طاش

جا كلي شيضل بالروح يحسين
اذا وي كل ضعن فزه منالفراش

يابويه منهيس ضعن لو شوف
حسبالي ضعنكم وازحف زحوف
وارد مكسور كلبي وتجري العيون
منشوفن موش عمي يسوك الضعون
وايس من خبركم واشبع هموم
ــــــــــــــــــــــــــــــــــــــ
جي بيهن شفت وجهك واحاجيك
كضن ماطولن ساعات الوداع

وساعات اليمرن وانتم ابعاد
يكضن واهسي ومايكضن بساع

واكعد والشمس تحرك بالعظام
بويه ومن انام الرمل لساع

لاحيل البكه ولاضلت هدوم
ركدت من كثر ماحاره الكاع

من تطلع لما تسلم على الباب
غطاي منالشمس وفراشي التراب
يبويه وكام جسمي ويالهوه يميل
ابجي الشمس واكسر خاطر الليل
الكمر ينزف ضوه وتبجيلي النجوم
ــــــــــــــــــــــــــــــــــــــ
اطب لغرفتك ومحمله عتاب
مجان البي كعدت وياك احاجيه

واكله الجان يكعد بيك وياي
جفانه ثنينه وماضن نلاكيه

موحش بيتنه وسوده الحياطين
ذاك الظحكتك جانت تحليه

يسليني قميصك من يجي الليل
اشمن ريحتك وبحظني اخليه

يوديني لرقيه الشوك نوبات
واذكر كبل جنه بحظنك نبات
واروحن يم مهد عبدالله انـاغيه
واشوفن مهده ذابل مادري شبيه
واكولن يمكن منـالماي محروم
ــــــــــــــــــــــــــــــــــــــ
يبويه وخاف ترجع وادري هيهات
بعد ماتلكه مني رسوم لوجيت

مــوذيــج العفتها تغيــر الحـال
نحيلــه وبس عبايه ورسم ظليت

بويه ومن كثر ماجسمي نحلان
كمت حته منطب يستغرب البيت

طبعت رسوم خدي بعتبت البــاب
مــن كـد ما اباب الدار تانيت

طبع خـدي اعلى بـابك ليمت تعود
الوادم عودت بس انته مفكود
اخاف الاجل بويه يخيب الضنون
واموت وما اشوفن وجهك شلون
واضن موتي كرب ولاجل محتوم


رائد الناشي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
❤1
2.13K views
خدر الفواطم لنشر القصائد الحسينية
محبين .. عوابس
مجانين .. مجالس
ويســمونه خـــام حســـين
 
***
حــي الله ارباب المجـــالس والحــزن والدگ
حي الله وادم بالبـــچي اعله حسـينها تشهگ
حبينه والعاشگ صــدگ مفضوح من يعــشگ
تــعتگ الدنيا ويبقـه حـــب احســين مايعتگ
بالحسين .. ننافس
مجانين .. مجالس
ويسمونه خدام حسين

*

الديــن الـــمجالس نتبـــع لحــد يــوازينه
گالوها أصـحاب العقــل كل واحــد ودينه
الشــعب الحــسيني يامن اتدور عنــاوينه
عاصــمة حبنـه كربله وريسـنه أبو سكينه
اهل دين .. مدارس
مجانــين .. مجالس
ويســمونه خــدام حسين

*

الرايـــد يـــشوه هالدرب بفكـــار مســمومه
هـــالفــكر لا مناقـــشه القـضــيه محســومه
الشگگ اهدومه امن العشگ لا واحد ايلومه
عابـس قبلنــه بكــربله هـــم شـگگ اهدومه
المضدين .. نعاكس
مجانيـن .. مجالس
ويسمونه خدام حسين

*

لحسين ماضينه نعم وحسين حاضرنه
ننطي رگـــبنه مـن اجل تعلــه شعائرنه
دولة المهدي من تجي تجبـر خواطرنه
بيـها النشيد الوطني حسين بضمايرنه
للـونيــن .. نؤانس
مجانين .. مجالس
ويسمونه خدام حسين

*

احـــنه عقـيدتــنه البــچي والنوح والدمعه
مابيها شي يامن تضـد كل واحــد اوضـعه
طبعه الذي ايحب من صدگ ميغيره طبعه
هيچ أبو اليمه اهل الـهوى ايعـدونهم ربعه
ملمـين .. بهوى الحس
مجانين .. مـجـــــالس
ويسمونه خدام حسين

*

جــننه حــب المنــذبـح أي نــعم جـــننه
مجلــسه الجنه وياهو يگدر يترك الجنه
ناس احنه نهوه القامه واللطمات والونه
لا مــانـــزل وهـالفـــكر يانـــاس نتـــبنه
 
مبغضين .. التقاعس
مجانيــن .. مجـالس
ويسمونه خدام حسين
*
حيدر تركي الكربلائي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.43K views
خدر الفواطم لنشر القصائد الحسينية
محبين مجالس.aac
1.6 MB
2.19K views
خدر الفواطم لنشر القصائد الحسينية
هاك كلبي ارد ابدلنه بجرح
هاك راسي بلكي يرهمله رمح
حسين اخذ من عندي عمري اني زايد عالحيات
حسين هيه الدنيه خلصت من رضيعك غفله مات
ـــــــــــــــــــــــــــــــــــــ

والله فشله من اموت وجسمي كامل
وانت متكطع وذر
وشرد اكله من اشوفنه ابو فاضل
وانه مابيه نهر

شلون احبك وانت راسك عالرمح وانه بمكانه
شلون اخدمك وانه واحد تلمع بعينه الخيانه

اخذ عيني خل يطفيها السهم
اخذ كلبي يحترك ويه الخيم
حسين فشله بلا حوافر صدري يتلكه الممات
حسين هيه الدنيا خلصت من رضيعك غفله مات
ـــــــــــــــــــــــــــــــــــــ
حيل صعبه سلبوا كلشي بمماتك
وانت عنوان الستر
وناس غربه بلا خجل تسبي بخواتك
واجنبي اليحدي الخدر

اه وسياط اله اميه لاحن امتون الاميره
وطبت السوك اعله كلبك ابد مو هينه وجبيره

وياحسافه يشتم اسكينه الذل
وياحسافه زينبك تصعد هزل
حسين وجماله بخرابه ام الخدر كامت تبات
حسين هيه الدنيا خلصت من رضيعك غفله مات
ـــــــــــــــــــــــــــــــــــــ
شكد حريمه تندفن سكته بغربتك
والمصيبه بلا نعش
وياهضيمه اشرب الماي بحضرتك
وادري بشفافك عطش

والي هاضمني بحياتي خنصرك يحسين ضايع
والمصيبه عندي عشره وانت عندك تسع اصابع

والحوافر خلت بصدرك كسر
وزينب اختك ضالهه بكيف الشمر
حسين وجفوف الكفيل مكطعه يم الفرات
حسين هيه الدنيا خلصت من رضيعك غفله مات
ـــــــــــــــــــــــــــــــــــــ
حيرتني اتوزع بخيرك لكيتك منطي للنار الخيم
ودوهنتني تضيف بصدرك وبيتك
ماامرجعلك سهم

والرمح من عطش مر اعليك وانت انطيته نحرك
اه وامخلي الحوافر تنجمع كلها اعله صدرك

وياحلاتك تبجي عالحزلك نحر
يالخواتك. شامخات بكل دهر
حسين ويريدوني انسه ضلوعك المتهشمات
حسين هيه الدنيا خلصت من رضيعك غفله مات
ـــــــــــــــــــــــــــــــــــــ

شحجي عنك غير كون بصدري حافر
حتى اسولف قصتك
وسال منك دمك وبجه النواضر
يوم صابوا جبهتك

انت يالعالرمح ماشي ويه ختك لديره بعيده
خاف جم شامت يكلها انتي ضليتي وحيده

انت اول نهر يتلكه العطش
ياوحشتك ذابحه ليل اهدعش
حسين فشله اركاب عدنه وانتو كلهه مكطعات
حسين هيه الدنيا خلصت من رضيعك غفله مات

قاسم الغزالي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.32K views
خدر الفواطم لنشر القصائد الحسينية
#شور

لمولاتي ام البنين صلوات الله عليها


أنشدك يل حملت اخبار عن زينب واهل زينب
صدگ شب أبخدرها النار وضعن أهلي غده امسلب
صدگ طايح گمر هاشم و اخوه برمله يتگلب

واختهم تنظر من أبعيد تجري المدمع و تنحب
عساني ابكربله هساع واركض صوب المخضب
واحبنه اعله جيده الجان سلوه ألعد رسول الرب

بعد مامش يهل طارش خُبر عن زينب الحره
༺༺༻༻༺༺༻༻
انشدك بالُخبر عنهم ضعن هاشم مسه بيا فَج
گال أمجرح ابذاري ويـلچـمه الترب لو عَـج
من بعد الدلال الفات بالخـربه الضـعن يالَج

بين املوع و مجروح بين بروحه ضل عالَج
وأهم آل النبي الاشراف وگدرهم چن مقام الحَج
طبو وسطت الجيمان والسوگ بشتايم ضَج

مهي الكلفه و الف وسفه مسلوب الضعن خدره
༺༺༻༻༺༺༻༻
يبن حذلم بَعد نشدي عله حسين الگضه أمثلم
ويبات الدياجي أبّــيد و عليه الســبع ملتم
چا وين الهواشم وين صاگرها و چفيل الدم

ضعنهم گَوض و خلاه بالگيضه أيتلوه أبـهم
ريت أعلية داست خيل بس كون السبط يسلَم
يبو أعلوم التشيب الراس حاچيني يـــبن حَذلم

گضه عاري على الذاري بهجيره ثلاثة عل صحره
༺༺༻༻༺༺༻
انشدك عن ضعن زينب صدگ طايف بالولايه
مامش للضعن حماي ولا رَفَّــت عـليه رايه
هظيمه بيا وكت صارت ضَـعـنّهَ يسمع حجايه

يـريت لكربـله أتـعنـه واگَعدّهَ ألـي علـى مايه
وأگلة اگعد يزود امك تراهـم عبـرو الثـايه
وخذوهن لليسر بحبال آيه الـتعـثـر بــ آيه

شكثر صعبه نِسهَ بغربه ضعن محد حفظ گدره

༺༺༻༻༺༺༻༻
يطارش كونه مات حسين چا ياهو البگه من الله
الأكبر من صلاة الدين ذبـاحـه الفـرض صَـلّــهَ
و أفتت أمة الاسلام لا تــسگـون عـبـدالله

و يحرَم عل خيام الماي و يموت ألي يوصَـلّـهَ
كون ابن الرسول يموت و يضل عاري بالرمله
من عدها و عرفت الدين الـ مو لحسين مو لله

خذت منه درب جنه يخسرها الذي يخسره


ابو نوح الكناني

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.76K views
خدر الفواطم لنشر القصائد الحسينية
من مـــات الرواي         ظل مايروي الماي
مات وخله حسين         لا  رايه  ولا  راي
الهامه انهشمت             وزينب  ظلت
                 لا  رايه  ولا  راي

ـ##################
ظهر حسين وحامي اضعونه
وكافل  خـــدر  العلويات
هيبة  هاشم  يمنة  حيـــــدر
بجفه الرايه اترف وتبات
المتنومس بي جــان حسينه
مـــــات وكثّرله الشيبات
يرضه  بذبحه  الينگط غيره
ولادمعه تشوفه الشمات

من شاف الجفين      والنبــــله  البالعيـــن
كابر  بس  ما فاد      دم ظل يبجي حسين
واعداه شمتت          وزينب ظلت
               لا  رايه  ولا  راي
ـ&&&&&&&&&&&&&&&&&&&&&&&
عين  الزهره وناذر  عينه
لخته وبيها اتعيش سنين
ماترتاح  الا  تصد  ليـــها
واتگله  بهاي امأمنيـــــن
لاجن  حرمو  زينب منها
لا مو صدفه ومتعمديــن
تطلع  زينب  ويشوفوها
رادو ويموتوها اونيــــن

من طاح النوماس      صاحت عينه الناس
بس طفوها انشوف    طول اخت العباس
بنبله انسدت               وزينب ظلت
              لا  رايه  ولا  راي
ـ&&&&&&&&&&&&&&&&&&&&&&
حيدر  زارع  رايـــــــه بجفه
يدري  اتلوگ  الهاي الايـــد
جانت بالحومه امن اترفرف
بعين  حسين  تشوف العيد
بس من طاحت كض خاصرته
وصاح المن عايفني اوحيد
عباس اسمع  صاح  الشامت
ظل حسين  ابلايه اعضيد

لا حال  ولا لـــــون      شلون اتگود شلون
خاف ايرجعه اوياه      واعياله  يموتـــون
اجدامه انشلت             وزينب ظلت
               لا  رايه  ولا  راي
ـ&&&&&&&&&&&&&&&&&&&&&&&
كلما  يفگد  واحـــد يوكف
يم  عباس  ايخمد  النار
يسمع عد عيناك ويصبـــر
يشد حيله بشبل الكرار
بس من راح وصاح ادركني
اصعب حيره حسين احتار
مايوصل ليه لو  ما مهره
ايقدم ايمين ايرجع ايسار

لاتحســب خطوات     احسب بس عثرات
بهالصبحيه حسين      ماادري  شگد  مات
روحه انسلت              وزينب ظلت
             لا  رايه  ولا  راي
ـ&&&&&&&&&&&&&&&&&&&&
القائد لو ظل ابلا  حيـــــله
وظهره يكسرونه العدوان
وبين الشمات ايظل وحده
لا صحبــــان ولا  خـــوان
ينگص گبل السيف اوريده
وماهَم  بروحه العطشــان
يدري بذبحه وطحن اضلوعه
وخايف جان اعله النسوان

من  اتغير  الخيـل        ومن  يصير  الليل
هيمه ووين اتبات        وام عون ابلا حيل
الخوه انذبحت.            وزينب ظلت
                لا  رايه  ولا  راي
ـ&&&&&&&&&&&&&&&&&&&&&&

علي محسن الزيادي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.23K views
خدر الفواطم لنشر القصائد الحسينية
لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل

////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه

يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن

اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن

ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب

كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني

راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم

السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون

////////////////////////////
تمت ____ علاء الزيدي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
❤1
2.33K views
خدر الفواطم لنشر القصائد الحسينية
عالوجه كمنه نحط جفوفنه
للستر خاف الغريب يشوفنه
...
نوگ هزلة ومامش عليها غطه
والضعون يسوگ بيها ابن الخطه
وين حامي ضعونه اعلينه بطه
شلون بيد الما رحمنه يعوفنه
……
نمشي ممشه نياگهم مانستريح
نخاف خاف گبالهم وحدة تطيح
وانتم ابين الموذر والذبيح
خلص طفكم واحنا هاي اطفوفنه
………
ناس تضحك ناس تشتمنه وتروح
وناس ترمي حجار من فوگ السطوح
واحنا مابين المجتف والينوح
والسياط انطبعت اعلى چتوفنه
…………
بالنهار يصير مسراها الضعون
وعمده باوساط المدن بينه يجون
يساره واعلينه الخلگ يتفرجون
بلايه والي ونرتجف من خوفنه
…………
بلا غطة وشي حافيه وشي اعلى نوگ
والهزل چتالكم بيهن يسوك
عمده كل ما يضعن يمر اعلى سوگ
بلايه غيره وبالسواگ يطوفنه
………
مالهم نخوه ويضربون الاسير
وبالطبول الناس تتلگه المسير
طحنه بيد الماكو عدهم مايصير
وانولينه ولا غيور يروفنه
………
بالشتم والضرب گضينه الطريج
وحالنه يبچي العدو گبل الصديج
درب غربه ومامش ويانه رفيج
وتاكل احبال السبي بجفوفنه
…………
گبال باب الساعة وگفنه يزيد
مچتفين تشوفنه الوادم يريد
ويذبح بسجادكم طوگ الحديد
ويم هذاك الباب طال وگوفنه
…………
وما انسى شما طولت بيه السنين
شلون للمجلس دخلنه مربطين
يزيد سبنه وضحك مروان اللعين
وسلت الكوفة علينه سيوفنه
…………
يا آل هاشم ابد ما عالبال جان
يزيد بينه گبال مروان استهان
ويضرب شفاف السبط بالخيزران
وعاف ملتنه ونكر معروفنه

رائد الناشي

#اللهم_عجل_لوليك_الفرج

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
👍1
2.2K views
خدر الفواطم لنشر القصائد الحسينية
أشكــبراك وراح لونك
أشرجعاك بلا عـيونك
رحـت شاب وشيـبوك
خويه بس لا مات أخوك
ــــــــــــــــــــــــــــــــــــــ
حجيلي ياباجي الحبايب
شصارلك يحسين ذايب
منين هذا الشيب أجاك

شنهي المذبـل خضارك
بالصدر محــبوسه نارك
يبس شفاهــك ضماك

غير الماي شنهي الكاسرك كلي
حيلك ويـــن أشو مابيك توصلي
كلشي ولا خبر عـــباس ميتـلي

شضل وراك وتحجي كوه
صعبه حــيل الفركه بلوه
وداعت الزهره وأبوك
خويه بس لا مات أخوك
ــــــــــــــــــــــــــــــــــــــ
أدري خويه النهر يروي
ليش راجع مـنه مجوي
منك شــباك الفرات

الكاصــده ضامي يشربه
مو يهضمه ويجوي كلبه
ويدفن بجرفه الحياة

أشو كالساع أشوفك أيدك تشمها
شعندك مـــن خبر زينبك علمها
أخاف جروح أخونه بيمنتـك دمها

قـلـقـه حيل وطار كلبي
وبالعـروك الحزن يدبي
حيــــره خافــــن حيروك
خويه بس لا مات أخوك
ــــــــــــــــــــــــــــــــــــــ
أيبين الميت عضيده
من مشيته وحطت أيده
فــوك خاصرته ويصيح

أخ يابـــويه أنهبنه
يشبك أخته ويـشبك أبنه
أيدك ع راسه ويــطيح

يبجي وياليـــــشوفه يجابله من أهله
ودمعــــاته تــــجاوب كلمن يسأله
راح حزام ضهري وتجـــوتي يكله

أنفاسه نار ويمشي حاير
شمع ذاب كلــيبه صاير
فــــــــوك جرحك جملوك
خويه بس لا مات أخوك
ــــــــــــــــــــــــــــــــــــــ
أنه جم عباس عندي
من يروح الضيم يبدي
وأنت عندك جم عضيد

جم شمر ناطر ذبحتك
ياغـــربتي ويا غربتك
بيـــــــش يطلبنه يزيد

أيتفرهد خدري خويه المحد يلوحه
وجم شامت كبالي أيعــدل بروحه
يريت الضل غريب ندفن بجروحه

ما يشوف الراحو أهله
بس حبال ونوك هـزله
عـــمت عــــيني عــذبوك
خويه بس لا مات أخوك
ــــــــــــــــــــــــــــــــــــــ
شيبت أدري ع موده
شلون كطعوهن زنوده
والسهم طفاله عين

ماي ماضـــل بجربته
مو تشربه تشمه أخته
وأنه أعرفــنه حنين

بوحده لو بديك أثــنين ضميته
جروحه هواي أخونه خاف أذيته
شلون أنطاك كلبك وحده خليته

بالعــمود أنجسم راسه
من وراه تضــيع ناسه
ماي خوه عـــــطشوك
خويه بس لا مات أخوك

الخادم عبد الجليل المالكي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
2.08K views
خدر الفواطم لنشر القصائد الحسينية
(((( ميمر لام البنين عليها السلام ))))

مو كل مره .. مثلج مره
يم الوفه .. يمعتبره
سديتي حلك الشمات .. خلفتي بس وفايه
///////////////////////
ام البنين ام الوفه يسمونج
ولد الزجيه كلهم ايحبونج
اعظم وفيه جائره ينطونج
اربع زلم كبرتي بماي عيونج

تعبج ربح .. رغم الجرح
واسمج يضل .. ما ينمسح
ظحيتي بااربع شبان .. للزهره انطيتي حجايه
///////////////////////
وصيتي ولدج من مشو وصيتي
اليرجع عدل يحلم يطب البيتي
تعبي اريده بكربله وتربيتي
حبيتي ابو اليمه صدك حبيتي

كلتي انتظر .. طول العمر
وطاري الولد .. ماينذكر
عندي المهم بس حسين .. يرجعلي ادعي هوايه
///////////////////////
اعرف زلم ما وصلت البدويه
عدنه التخلفلهه كمر علويه
معلكه الوفه بذن الزمن ترجيه
ميه خذت عالمشرعه من ميه

ماي النهر .. منيده انشمر
كبل الاخو .. يشربه اعتذر
ابنج رفع راس حسين.. ذل الفرات ومايه
///////////////////////
عنج ابو اليمه نيابه انزوره
يل ما مشيتي الكربله معذوره
ضل الوفه شايلج اكبر صوره
باجر تكلج فاطمه مشكوره

ام الحسن .. تشكرج لان
ذكرج بقه .. طول الزمن
لعباسج بماي العين .. طرزتي للطف رايه
///////////////////////
بولدج تره جازيتي حك العشره
كل هذا وكلتي اعذرني يبن الزهره
حب عالمه حبيتي مو عالفطره
زينب لهسه بوكفتج مفتخره

شهل المنزله .. يمعدله
موقف الج .. هز كربله
ثكال المواقف لليوم .. تضل بسمج مسمايه
///////////////////////
نكلفج حوائج عنده فدوه اكضيه
والفاتحه بكل شده الج نهديهه
اول قضيه تخصج ونحجيهه
نتمنه الج كبه وصحن نبنيهه

كل شيعتج .. هالندبتح
يحله اللطم .. بنص حظرتج
يمج محرم نحييه .. ليليه عنده اقرايه
///////////////////////
تمت ____ علاء الزيدي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
1.99K views
خدر الفواطم لنشر القصائد الحسينية
الزهراء في استقبال شهر الاحزان


هل شهر عاشور الله ايعينيها
فاطمة نشرت قميص احسينها
__
الزهرة من مجلس لمجلس رايحة
وين ما تسمع اصريخ ونايحة
تطب علعباس تقرة الفاتحة
وتلطم اوية اهل اللطم بيدينها
فاطمة نشرت قميص احسينها
هل شهر عاشور الله ايعينها
____
كاعده اباب المجالس كاعدة
هيجي من تفكد ابنها الوالدة
ايعينها الله اشكثر بلطف فاكدة
والدمع ناصبلة خيمة بعينها
فاطمة نشرت قميص احسينها
هل شهر عاشور الله ايعينها
____
اوليدها واتحبة غير اوليدها
حگها من اتدك وجهة بأيدها
الدنيا عكب احسين لا مترديها
اتريد تبجي وما تبطل اونينها
فاطمة نشرت قميص احسينها
هل شهر عاشور الله ايعينها
____
اگبالة من ركضو اخيته اشلونة
بردنة ضل يمسح ادموع اعيونة
شوفو اثر دمعاتة حد امتونة
ابهلقميص اجروح ما ناسينها
فاطمة نشرت قميص احسينها
هل شهر عاشور الله ايعينها
____
تگضي كل الليل بس تفتر ترة
وين ما مجلس الزهرة حاضرة
تبجي علعطشان واتدك هلمرة
اعلى المتون الجانت امهشمينها
فاطمة نشرت قميص احسينها
هل شهر عاشور الله ايعينها
___
اتكول كون اعلية ينسد الهوى
اشلون اعيشن وابني لسة مرتوى
على الصاير صدرة وي ظهرة سوة
كون تطلع روحي وي اسنينها
فاطمه نشرت قميص احسينها
هل شهر عاشور الله ايعينها
_
تبجي علعطشان دمعتها دمة
وتبقة من مجلس لمجلس هايمة
هاكثر تعبانة امك فاطمة
وبعد لطمتهن الك خدينها
فاطمة نشرت قميص احسينها
هل شهر عاشور الله ايعينها


علي العبادي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
1.84K views
خدر الفواطم لنشر القصائد الحسينية
الزهراء في استقبال شهر الاحزان


هل شهر عاشور الله ايعينيها
فاطمة نشرت قميص احسينها
__
الزهرة من مجلس لمجلس رايحة
وين ما تسمع اصريخ ونايحة
تطب علعباس تقرة الفاتحة
وتلطم اوية اهل اللطم بيدينها
فاطمة نشرت قميص احسينها
هل شهر عاشور الله ايعينها
____
كاعده اباب المجالس كاعدة
هيجي من تفكد ابنها الوالدة
ايعينها الله اشكثر بلطف فاكدة
والدمع ناصبلة خيمة بعينها
فاطمة نشرت قميص احسينها
هل شهر عاشور الله ايعينها
____
اوليدها واتحبة غير اوليدها
حگها من اتدك وجهة بأيدها
الدنيا عكب احسين لا مترديها
اتريد تبجي وما تبطل اونينها
فاطمة نشرت قميص احسينها
هل شهر عاشور الله ايعينها
____
اگبالة من ركضو اخيته اشلونة
بردنة ضل يمسح ادموع اعيونة
شوفو اثر دمعاتة حد امتونة
ابهلقميص اجروح ما ناسينها
فاطمة نشرت قميص احسينها
هل شهر عاشور الله ايعينها
____
تگضي كل الليل بس تفتر ترة
وين ما مجلس الزهرة حاضرة
تبجي علعطشان واتدك هلمرة
اعلى المتون الجانت امهشمينها
فاطمة نشرت قميص احسينها
هل شهر عاشور الله ايعينها
___
اتكول كون اعلية ينسد الهوى
اشلون اعيشن وابني لسة مرتوى
على الصاير صدرة وي ظهرة سوة
كون تطلع روحي وي اسنينها
فاطمه نشرت قميص احسينها
هل شهر عاشور الله ايعينها
_
تبجي علعطشان دمعتها دمة
وتبقة من مجلس لمجلس هايمة
هاكثر تعبانة امك فاطمة
وبعد لطمتهن الك خدينها
فاطمة نشرت قميص احسينها
هل شهر عاشور الله ايعينها


علي العبادي

خدر الفواطم
لنشر القصائد الحسينية (@Alfoatm3)

#اللهم_عجل_لوليك_الفرج
1.95K views
2025/07/12 14:25:28
Back to Top
HTML Embed Code: