أشرقت شمسُ الالهِ ….. بارئُ الخلقِ يُباهي
هذا نوري قد تجلى…… بارئُ الخلقِ يُباهي
***
(١)
اتمخض الكون بجمالة وانجب التحفة البهية
وانكسف نور السماء واشرقت شمس الزجية
وانة بجناح الخيال مفرفح العالي الثرية
مبتشر مولد امامي وشاكر الله ونبية
أيُها الاملاكِ هنّو….. وآطلبو ما قد تمنّو
كرمةً اللهُ أعطى …… بارئُ الخلقِ يُباهي
***
(٢)
سيد الكون بوجودة عاشت الدنيا بسعادة
الله خلاه الذخيرة حتى يستنقذ عبادة
لا تكتمون المسرة وعطرو هاي الولادة
بالصلاة اعلة الرسول بلا سكون ولا هوادة
أبرقَ النورُ تناهى…هنئَ المختارَ طه
عندَ عرشِ اللهِ صلى…… بارئُ الخلقِ يُباهي
***
(٣)
اخر اليمة وختمها وجامع اثار الأمامة
شرف الكون بقدومة استشعر العز والكرامة
غرد الطير ايتبارك رفرف جناح اليمامة
ورايح يهني الرسول وبلغ المرسل سلامة
ذاكَ نورُ الانبياءِ ….. عمَ ارجاءَ السماءِ
دانِ منها أو تدلى…… بارئُ الخلقِ يُباهي
***
(٤)
جاء أمر الله نازل بارض سامرة الشريفة
اتغير الريح بهبوبة وحمل نسماتة اللطيفة
هنأ العسكري كلة مبارك اعليك الخليفة
والدة العسكري وامة نرجس الطهر العفيفة
ارضُ سامراءُ ترقى…. للعلى فيمن تبقى
للزعامة قد تولى …… بارئُ الخلقِ يُباهي
***
محسن علي العتابي
23/2/2024

https://www.tg-me.com/Alhos77com

ولادة الإمام المهدي عجل الله فرجه الشريف

ليلة الافراح هاي الليله
للأمام المنتظر ندعيله
٠٠٠٠٠٠٠٠٠
الليله كل شيعة علي فرحانه
بكربله من كل بلد تلگانه
بمولد المهدي انجمعنه هنانه .
وردة وي جاري النهر نهديله
٠٠٠٠٠٠٠٠٠
بكربله ألتمينه محله اللمّه
بصحن ابواليمه ونصيح بأسمه
هلا يا مهدينه يابو الرحمه
هَمّه عن گلبه الحزين انزيله
٠٠٠٠٠٠٠٠٠٠
حفل بين الحرمين انقيمه
بين ابوالأكبر وراعي الشيمه
للأمام المهدي يارب ديمه
يا إلهي بقوّتك شد حيله
٠٠٠٠٠٠٠٠٠٠
حلوه هاي الليله يا محلاها
وجه ابو صالح يشع ضوّاها
بالامام المهدي حگ نتباها
بيرغ العباس بسمه انشيله
٠٠٠٠٠٠٠٠٠٠
لصحن ابوالغيره بوفاضل جينه
نفرح الليله بوجه مهدينه
وبوفاضل حاضر يحيّينه
بحضرة العباس تحله الهيله
٠٠٠٠٠٠٠٠٠٠٠٠
الليله نسهر للصبح منعوفه
وبضريح حسين وجهه انشوفه
للفرج ارواحنه الملهوفه
ندعي للمهدي يرب تعجيله
٠٠٠٠٠٠٠٠٠٠٠٠٠٠
ياحلاته وياجمال عيونه
قل اعوذُ نقره ليحسدونه
المهدي نفس المصطفه يوصفونه
واليضد المنتظر ياويله

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
https://www.tg-me.com/Alhos77com

يمن اسمك سهم چتال… بعداك
شوكت ترجع مرار الريگ.. بعداك
اذا تنتظر امر باريك.. بعدك
المحب مل الصبر يبن الزچية

مو منه بمصالح.. باع دينه
وكلمن شاذ نهجه.. باعدينه
والك يالمهدي بيعه.. باع ادينه
رفعناها يبن حامي الحمية

محمد العبودي

https://www.tg-me.com/Alhos77com

شكثر يومك أنه احسبله...وعدلا
وي الأمه هل غايب....وعدلا
يمليها الارض قصطآ...وعدلا
ويحكم بلعدل ابن الزچي
................................................

خبر مولدك هليله....وردنه
وبدينه انشيل يلغايب...وردنه
تدري احنه اشتمنينه...وردنه
طلعتك سيدي الحلوه البهيه
...........................................

سلام البهادلي

https://www.tg-me.com/Alhos77com

للسيده رقيه في ولادتها ابوذيتين + مقطوعه



روح الخدم بس ألها مدينه
وچفوف العوز بالمحفل مدينه
الليله تنولد بشرف مدينه
رقيه ونورها ايشع عالبريه

على حوض الفرح كلنه وردنه
نبوس اعتاب كل محفل وردنه
نشيل بحب رقيه احنه وردنه
لبو السجاد وانقدمه هديه


مقطوعه لولادة رقيه



على اجفوف الفرح تنولد هاليوم
لحسين بشرف اعظم هديه
جابوها ونظرها الوالد وصاح
شكرا يا آلهي عل عطيه
دقق بالنظر والنور  غطاه
وسرح فكره وتخيلها سبيه
ورجع دقق حسين وسرح محتار
وگام يشوف بيها الغاضريه
اختلط بالفرح دمعه وهاجت الروح
تأملها بشكلها الفاطميه
ورجع دقق وعاين بالتفاصيل
رقيه والملامح زينبيه
غمض عينه أبوها وعاش لحظات
فرح مدري حزن هاي المسيه
تخيلها أميره وباگو التاج
وعليها الناس صاحو خارجيه
الولاده مو فرح دمعات بالعين
ومجبورين نحييها سويه
نوصيها رقيه بجاه عباس
وماتحتاج من عدنه وصيه
تعرفنه خدمها ونحضر اليوم
ماتبخل وتنطينه رقيه

لاتنسون والدي ووالدتي وأبني عباس من الرحمه والغفران
خادمكم رياض الرسل الجابري

https://www.tg-me.com/Alhos77com

بعد شيريد والعندة      ولي حسين
الك هالدنيا والبيهه      والي حسين
اعوف حسين ما اگدر   والحسين
اموت بغير  ابو اسكينه اورقيه

للشاعر
ابو عبدالله الشمري


https://www.tg-me.com/Alhos77com

نعي


يهــــل الگبور شلون الاوضاع
مامش نفس طمّـــــتكم الگاع
اتطشر شملنه بساع وبســــاع
وضاع الفرح من يومكم ضاع


هـينه المرض وادموع عيناي
لاچن صوركم توجــــع هواي
گلت انه اشبع شــوف بهداي
بس الدهر شد حــــيله وياي


يهلي المگــــــابر موش حلوه
للـــبيت ردو گـــــــومو فـدوه
فرگتــكم اعله الگلب علـــــوه
منطي النجف وين اللي يسوه


ايدي اعله عيني وداگ الشوف
وملهوف اشوف الاهل ملهوف
نشـدو عليـه ادروب واكهــوف
بونيني والله هواي مــــعروف


المگــــبره منطيــــــها الاعزاز
من الـــــزغر للشــــــيب جناز
أمـــــهدل ودمعـــاتي للـــچاز
معــــتاز اشمهم حيل معـــتاز


يابعد العيـــون ونضــــــرهن
المغــــربيات شـــأمـــرهــــن
رجعولي و چــــفوني شرهن
كل المـــرض والنـــوح منهن


ماعايز الون شـــــوف عايز
من الشلـــتهم بالجــــــنايز
تتگـــابل وياي العجــــــايز
ونشوف ياهو بونه فايــــز

            عبد العليلـه
✍حيدر ابو كيان الفاطمي

https://www.tg-me.com/Alhos77com

قصيده للأب.  وحشة رمضان



الك وحشه. بشهر. رمضان ردناك
يبو. كلب. الحنين. شلون ننساك



يبويه. الدار. وحشه. وانت. مابيها
يبويه. ألمه. جنت. انت. محليها
دارك. نختنك. كلما. نطب ليها
ياريته.يرد.  بويه. الوكت. ذاك



بشهر رمضان. جانت. حلوه لمتنه
نشبع. من حنانك. قبل.   سفرتنه
هسه. عليك. بويه.  تهل.  مدامعنه
من نلتم. سوه.  ويانه.    نتمناك



عله ذيج. الايام. المضت. نتحسر
ماننساك. بويه. لا. وحق. حيدر
جمر. فركاك بالدلال ضل. يسعر
يالخالي.  مجانك. ريتنه.  نفداك



نحن لشوفتك. كل. وكت. تدرينه
حيل الفركه صعبه. بويه. تاذينه
بدموع. الحزن. نسولف  ضلينه
ماي. عيونه يوشل. من. طرواك


تدري. ارواحنه يابويه الك. حنت
عمت عين الدنيه بحالنه سوت
سكوف الدار فوك  الرووس هدت
بعد. من ريدها. الدنيه. بلياك



لدارك ماترد بويه بعد. هيهات
ولايرجع. بعد. بينه. زمان الفات
عليك نون بقينه. ونصفك الراحات
     بحسره. والم. ضلينه.  ننعاك



بقلم العلويه ام رائد زوين

https://www.tg-me.com/Alhos77com

حـسـيـن البالمهد جـبـريـل  ..  لولاه
وأنـه ابـدونـه عـدم ضليت  ..  لولاه
يـگـلـولـي يـجـيـك اهـنـاك  ..  لولاه
گـلـت يـحـضـر أذا حـلـفه بـرقـيـه

الشاعر رعد الجريخي

https://www.tg-me.com/Alhos77com

.

( أبو ذيه ) نعي إلى العقيلة زينب عليها السلام


طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه


يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه


الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه


من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه


محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه


محمد دعبل النوري

https://www.tg-me.com/Alhos77com

ابدليلي النار يوم حسين      وجهه
اويربي كون بس  لحسين    وجهه
اليعوف حسين وين ايدير    وجهه
العمر شيفيد   دون ابن الزچيه

الشاعر
ابو عبدالله الشمري

https://www.tg-me.com/Alhos77com

_نعي_اهوازي_للعليله ع 😭



رشيت دارنه بدمعات عيني
واكللها الابو باجـر يجـيني
اعرفنه حنين وما يخليني

احوووووي يادار اهلنــه


ولج يادار يومين ويعودون
عدهم عليله بلنزل يدرون
اهلنه احنان بينه مايكطعون

احووووووي يا ماي عيني


  ياعين كليلي شتريدين
ليش هواي دمعاتج تصبين
المن ناطره والمن تدورين

احوووووي يا نار كلبي


خيبه يادار مايبطون اهلنه
هذوله الـعودونه اعلمحنه
ومايرضون انطول الـونه

اييييييييي يحباب كلبي


يومين وتردلي الاحباب
بسك ياهوه اتحرك الباب
تراني امهدله والشعر شاب

احوووووي ما نشدو عليه


ردت اليجي وينشد عليه
تراني مريضه وهضم بيه
تره اخلاف الابو اتذل الابنيه

اووووووي مامرو عليه


تمت بعون الله
✍بقلم الشـاعره زينب المالكـي
     ((ام ادم الزهرائيه))


https://www.tg-me.com/Alhos77com

الرادود الحسینی ابوجلیل دردوشی:
(موشح)

ذابت اگلوب الیتامه ابابک
حزنت الکعبه وبچت لمصابک
____
حزنت الکعبه وبچت عین السمه
عل ظلع تلطم اجتک فاطمه
والعرش لجلک بگه یهمل دمه
ولابس اثیاب الحزن محرابک
_
ضل یون محرابک وعینه اتهلی
لئن یتمته ابرحیلک یاعلی
ولاذان ایصیح بسمک یلولی
مثل یوسف هیچی سوه اغیابک
___
مثل یوسف فرگتک تچوی الگلب
امل یعگوب اعله کل عاشگ یصب
شابحه اعیون الیتامه اعله درب
وللاسف ماصح دوه لصوابک
__
حین راسک یاابوالحمله انطبر
گلب زینب مثل ظلع امهه انکسر
بلحسن وحسین تل صارالقهر
ابفرگتک الله الیعین احبابک
_
الله الیعین العقیله ام الخدر
لئن باچرتمشی ابدرب الیسر
الربت بلعزتالی یحدیهه الشمر
ومایفیدویلزمان اعتابک
___
مایفیداعتاب یاحامی الدخیل
ایطیح عباس وتضل ابلاچفیل
احسینک ایضل علترب دمه یسیل
کربله اسئلهه وترد اجاوبک


خادم الزهرا(س) علی السیلاوی

https://www.tg-me.com/Alhos77com

( أبو ذيه ) نعي إلى العقيلة زينب عليها السلام



طشني الدهر باحزانه ولم باي
وهم حسين حوطني ولم باي
اجيتك ابره لظعوني وألم باي
أدور إخواني أصحاب الحميه


يوم العاشر ودهري جفاني
تهل حسره على إخواني جفاني
يريت وكون متفصله جفاني
عليه ولاشفت ذيج المسيه


الدهر ياحيف لخواني ولاهم
وسلط شمر بضعوني ولاهم
يريت الموت صوبني ولاهم
يصوب زينب وروح الزجيه


من الهم ذبح أبو اليمه كفلنا
واخيي ظل عالشاطي ال كفلنا
غرايب بينهم محد كفلنا
ولا واحد كفل ضعن الزجيه


محمد يارسول الله ولونه
اعداك وضيعو دينك ولونه
لون حيدر حظر زينب ولونه
اجه لحسينه ما أصبح سبيه


محمد دعبل النوري


https://www.tg-me.com/Alhos77com

يروحي ويالمصايب صاردابج
نحلتي واليراج يگول   دابج
تمنيت الفرس بچلاي    دابچ
ولا اطب سوگ ويجرون بيه

حسين عباس الصليخي

اللهم_عجل_لوليك_الفرج

https://www.tg-me.com/Alhos77com

ابوذية

يطكني الشمر ياويلي .. ونابت
وشوك مچلب برجلي .. ونابت
اليخدمن بالقصر باتن .. ونابت
ابخرابه وبالطشت راس الشفيه

محمد الجماسي

https://www.tg-me.com/Alhos77com

الكرم والجود من زغرك ـ صحن لك
والما صحن الغيـــــــرك ـ صحن لك
بمضيفك يالحسن يشهد ـ صحن لك
خبـز متروس مـــــــن چف الزچيه

كامل السعيدي

https://www.tg-me.com/Alhos77com

أهدي الصلوات...وازكى التحيات
وافرح ابمولد امامي امامي
للحسن ابعث سلامي سلامي

سارح ابشوگ الگلب وبطيبة الذات
واكتب انواع الجُمَل واحلى العِبارات
للامام المجتبى فرحانه هالروح
عالي وابداً ما سكت صوت الصلوات
روحي المسيه...اتهني الزچيه
وفاطمه تسمع كلامي كلامي
للحسن ابعث سلامي سلامي

روحي غُمرَتهه السعاده ابهالمسيه
وحاير الليله شقدِّم من هديه
للبقيع ايروح گلبي ويعتني ايطوف
بالصلاة اعله النبي سيد البريه
مابين الاگبور...يتلاله هالنور
سيدي ابنوره اعتصامي اعتصامي
للحسن ابعث سلامي سلامي

للقداسه منولد هاليوم عنوان
ليلة الخامس عشر ميلاد الاحسان
تنشف ادموع الحزن واتطيب الجروح
كل موالي يفرح وما يبقه حزنان
خير وسعاده...ابهاي الولاده
واگصد ابشوگي وغرامي وغرامي
للحسن ابعث سلامي سلامي

للحفل هاي المسه ابلهفه إجينه
بالولاده الطاهره ابشوگ اعتنينه
انصيح خدام الحسن هالليله جايين
انهني مهدينه ببو محمد ولينه
هاك اسمع الصوت...يامهدي للموت
أفخر ابحبكم هيامي هيامي
للحسن ابعث سلامي سلامي

سيد علي الموسوي


https://www.tg-me.com/Alhos77com

الفرحه مرت بروحي ٠٠٠حسنها
نولد سبط النبي الهادي ٠٠حسنها
من وجهه الشمس تاخذ ٠٠حسنها
ويشع بنور وجهه على البريه

الحزن والدمعه هل الليله ٠٠نصفها
الفرح بكلوبنه نعجز ٠٠٠٠٠٠٠نصفها
نولد راعي الكرم ليله ٠٠٠٠نصفها
ونزل جبريل هنه امه الزجيه


نور الولايه الفاطميه

https://www.tg-me.com/Alhos77com

ابو ذيات الى سيدي ومولاي امير المؤمنين علي ع
.
وضوح الشمس يامولاي وضحيت
دفعت  هواي للمختار  وضحيت
ليلك خلصيته و نمت وضحيت
ابفراشه  نمت  نومه هنيه
*
عيوني نوم احرمنه علي جان
امير الحاضر وماضي علي جان
الفات  بزوده ما مره علي جن
وتضل اجيال تحجيها القضيه
*
جدار الكعبه طريته علي طار
نومي بطبرت الهامه علي طار
محامي الدينك وصار علي طار
وحميته يا علي من كل اذيه
*
بجدار الكعبه يا بوحسين فطريت
مسكت الصوم بس شلون فطريت
يبن ملجم بسيفك ليش فطريت
الهامه و يتمت  كل البريه
*

حسن صالح العيساوي


https://www.tg-me.com/Alhos77com