نعي لمصاب علي الأكبر (ع)
....................

افز   بالليل   يمه   واذكر  رباي
ولا جت على بالي ما انت وياي
اكضي شلون عمري الجاي والجاي
يا   سلوة   فؤادي   ولبة   حشاي
....................
كبرتك  يا  يمه وعيني تشوف
بيك اتشيمت يالتعدل الشوف
ما  جانت  بالي  هيج  الطفوف
تتتوذر  وذر  ما  بين  السيوف
............
ياهل الوادم وليدي لجنت اربيه
حسبته ضخر وشگد تعبت عليه
باجر  لو  طحت  يرفعني بيديه
اشو صاير وذر كل عضو ما بيه
...........
اليوم أصبح وذز والأمس.. يماي
يا  الأكبر  يا  نبع   للروح.. يماي
جن اسمع بنحره  يصيح.. يماي

تفارگنه يا يمه وهاي هيه
................

مأتم   للحزن   بالروح ... لبني
على الشربته طول العمر.. لبني
جنت  مفكره  يا هلناس .. لبني

من يكبر يشيل الحمل ليه
.....

✍️ مالك الحلفي


https://www.tg-me.com/Alhos77com

نعي  ام الاكبر تخاطب الإمام الحسين عليه السلام

علي الاكبر يبوالسجاد وينه
طول غيبته ومارد علينه
اتاني الراح ياساعه يجينه
بالحومه فرد محد يعينه
يگلها بشوغته وسچابه عينه
زيدي النوح يم روح الحنينه
طاح ابنچ تره وبطل ونينه
وبشفار السيوف امگطعينه
شبيه المصطفى معفر جبينه
العلى العشرين ماكملن سنينه

الشاعر حسن لعيبي الحريشاوي


https://www.tg-me.com/Alhos77com

هوسات للعاشر من محرم

الحره أتناشد أبحسرات وتهل مدمع من العين
وين  الوالي ما اجانه  تأخر ما رجع الحسين
وحيد أبين عـدوانــــه واندارت عليه صوبين

أرد أنشــــدچ كـــــربلــــــه وينــــــه ولينـــــه       
هلله هلله حسين وينه بالسيوف مگطعينه
وين أخوي حسين طايح كربلــه ردي علينــه        
هلله هلله حسين وينه بالسيوف مگطعينه
هاي سكنه تريد ابوها  تصرخ اتنادي الحزينه       
هلله هلله حسين وينه بالسيوف مگطعينه


*

وين أبيا كاتـــر طايــــح  ابواليمه علـى الغبره
صدگ فوگچ على التربان حزو يا وسف نحره
صدگ يا كـــربله الوالي داسـت خيلهم صـدره

جـــاوبينــي كـــربله بدمعــــه حـــــزينـه 
هلله هلله حسين وينه بالسيوف مگطعينه
حسين فـــــوگ الغبــره مــا نسمع ونينه
هلله هلله حسين وينه بالسيوف مگطعينه
صدگ خيـل ا ل أميه بالحوافر ساحگينه
هلله هلله حسين وينه بالسيوف مگطعينه


*


وين حسين ابـو اليمه الي ويـــاچ الـــف عتبـــه
صــدگ يــــا كــربله الــوالي نـار أحشاه ملتهبه
وگلبه البيِه محّنه شلون صاب السهم نص گلبه

وين جــــده المصطفــــى يگصد يجينـــه
هلله هلله حسين وينه بالسيوف مگطعينه
ينظر بيا حاله طايح عالترب والد سكينه
هلله هلله حسين وينه بالسيوف مگطعينه
لا أهــــل يمّـــــه ولا أخــــــوه التعينــــه
هلله هلله حسين وينه بالسيوف مگطعينه

**
الشاعر
موسى البديري

نعي وداع  الامام الحسين.. ع
***
ليلة عشره ظلمه وموحشه الگاع
أويلي شلون ليله وباچر وداع
ويم حسين نلتم نبچي كل ساع
يريت الصبح لا بيّن عليّه
***
بألف ليله يريتچ كون هالليله
وأگعد يم أبو السجاد وآحچيله
يشكي هموم گلبه وآنه أشكيله
ونظل طول العمر نگعد سويّه
***
گلّي شلون أودعك خويه يحسين
وهاي الگوم حاطت بالصواوين
وعلى چتلك يبو السجّاد  ناوين
أموت ولا أشوفنّك رميّه
***
گعد بين العيال حسين حيران
وعبد الله الرضيع يلوع عطشان
وعلي السجّاد گلبه إلتهب نيران
وبچت رمله ورباب بهل مسيّه
***
رقيّه وخلني أشبع شوف منّك
أخاف من الوكت يبعدني عنّك
مكاني من صرت لليوم حضنك
وعلى صدرك ألذ نومه الرقيّه
***
على صدرك يبويه شكثر ارتاح
وأتعطّر بريحة عطرك الفواّح
هم يرجع هذاك الوكت لو راح
برحيلك بويه تاخذني المنيّه
***
ترى وداع الأبو يا ناس حيره
والله إيعين البنيّه الزغيره
چانت عايشه بجاله أميره
الله يساعد سكينه ورقيّه
***
يبويه أرجوك خل أگعد إگبالك
وخل عيوني تشبع من جمالك
وعليّه أعطف ورويّني بدلالك
هذا آخر وداع وياك اليّه
***
دخليّني أگعد إبّابچ يخيمه
أعلى أبوي الليله هل مأتم أجيمه
أحس سكنه الصّبح باچر يتيمه
وأنا وعمتي العصر أمسي سبيّه
***
أجت سكنه وتقبّل إيد أبوها
وتودّع نوبه عمها ونوبه أخوها
ومثل ما ودّعتهم ودّعوها
وبچو حد الفجر بالغاضريّه
***
بچن دمعاتهم دمعه أعلى دمعه
ونعي الدمعات ما واحد  يسمعه
دمع زينب عبالك دمع شمعه
بگلبها النار والدمعه جريّه
***
أعلى هونك ياصبح لا لا تجينه
ظلام الليل خل ساتر علينه
اذا تطلع شمس نفگد ولينه
وتظل بس الحرم بالغاضريّه
خادمكم
ابو يحيى السويطي

https://www.tg-me.com/Alhos77com

*
صحت بالخيل ارجعي لا تسحكي
اظن حسين ضل ولجن نفس بي
عفته اعله التراب وماد رجلي
اشويه امن السحك يرتاح خلي


جاثي الشمر شفته فوك صدره
وكل ساعه عله الهامه يطبره
رفس صدر الحسين وكطع نحره
ولوع بالذبح فاطمه الزهره


من بعيد اشوفنهم يهوسون
ومات حسين يازينب يكولون
بعد بيمن يبت حيدر تلوذون
جتلنه حسين والعباس تدرون


عفت حسين فوك الترب عريان
ويلي اعله الغريب المات عطشان
ضلت بالخيم تصرخ النسوان
وكلها بكربله امذبحه الوليان


نحل جسمي واحس الكلب بيداه
امصابك كسر ضهري وحيل بيداه
الشمر شفته يحز الراس بيده
وذبحت حسين اخوج يصيح بيه


عكبك صاحي بالدلال يابت
وهليله تنوح اعليك يابت
الخيل وياها منك لحم يابت
انطحن جسمك طحن بالاعوجيه


عجب شح الفرات عليك. مايه
وبحر حزن يخويه تشوف مايه
سكينه تصيح ابوي حسين مايه
اريده يشوف ضيم المر عليه


****
الشاعر
تحسين الخفاجي


https://www.tg-me.com/Alhos77com

نعي للدفن


على الكاع على الكاع
    ثلثتيام اخيي ضل على الكاع
يلحكله ابساع يلحكله ابساع
        وين الولي اليلحكله ابساع
لاع القلب لاع القلب لاع
          لابن والدي لاع القلب لاع
ياحلو الاطباع ياحلو الاطباع
          مكطع وذر ياحلو الاطباع

ماجيتك انا ماجيتك انا
  يخويه اميسره وماجيتك انا
يوجع ندانا يوجع ندانا
لو صحنا الك يحسين يوجع ندانا
بسوطه ولانا بسوطه ولانا
    لو صحنا اه واه بسوطه ولانا
ظالم زمانه ظالم زمانه
ياحيف ويه حسين ظالم زمانه


امكطعه اوصاله امكطعه اوصاله
عالارص ضل حسين امكطعه اوصاله
ذكرن دلاله ذكرن دلاله
بنياته صجن حيل ذكرن دلاله
محد اجاله  محد اجاله
بطف كربلا مذبوح محد اجاله
ويتعناله ويتعناله
هلبت  يجي الكرار ويتعناله



يحيدر وين عن حسين هالساع
يبويه ماحضرته بكربلا بساع
ذبحوه وبناتك راحن ضياع
جا وين الغيارى التمحي الهموم

حسين بكربلا وربعه مطاعين
هاه يولاد هاشم راح الحسين
زينب ضلت بلايا محامين
وبيد أهل الرجس والقلب مالوم

زينب باليسر والحرم وأطفال
حرمه وثكلى ضلت بين العيال
اجيت من المدينه وعندي كفال
هسه بلا كفيل اتشوف الهموم



محمد دعبل النوري


           https://www.tg-me.com/Alhos77com

نعي ليلة الدفنة


دمعنه بالجروح اليوم دفناه
على الصار اويا جنح الليل دفناه
دفن حسرات فوگ هموم دفن آه
وفجعنه من أهد يوم الغاضريه


دفنهم والحزن يشبچ علي وين
بدليله ودمعته من دم علي وين
العقيله نشدته وگالت علي وين
چنت گلهه دفنت إعزاز إليه




الگمر يصعب بوسط اللحد لمّاه
ويلوم الگلب وانه ٱستمع لمّاه
منو يودي خبر دفنته لماه
ويگلها إبنچ وفه بكل الوصيه


مشاهد ما تسر العين لامت
شكو أحزان وچثير أرواح لامت
الأمس فرسان حومه صفوف لامات
صفوا ياللأسف بخت المنيه


الحزن لگلوبنا إمن حسين تركاه
سيوف بكل گلب مهموم تركاه
الدفن إكرام ميت وصعب تركاه
الصعب جوه الثره تحط الثريه


عمار هليل الواسطي
ليلة الدفنة المؤلمة
١٣ محرم الحرام


https://www.tg-me.com/Alhos77com

زينب صاحت بهيده يدفانه

براضه ويالاخو لمن تدفنونه
عزيز الروح هذا مسلهمه اعيونه
اجروح اهواي جسمه لاتلجمونه
بهل موقف يناس الرح حيرانه

شلون اتشيل جسمه وطحنو اضلوعه
ويادفان  مايحمل بعد لوعه
صد ليه وتشوف اشلون مفجوعه
وعلى افراكه اضل للموت حزنانه
يادفان كلي حسين غسلته
وجسمه الطشروه اشلون جمعته
وبدمه يعمه لكبره نزلته
وبحيره جبيره بعده خلانه

من تحفر كبر سويه لثنين
وعبدالله ادفنه بحضن الحسين
وكله اليوم عنكم بويه ماشين
ومن نرجع اريدك تعرف امجانه

يعمه اشلون حالك من دفنته
من كثر الجروح انته عرفته
شفتك منهضم وتنوح سكته
مو بيده يعمه غصب عافانه

خادم الزهراء
ملا ابو حسن الزيداوي

https://www.tg-me.com/Alhos77com

#محرم_١٤٤٣هــ
#نعي_للسبي_للسان_حال_مولاتي_زينب_عليها_السلام


زيــــنب انـــه چـــاوين الكفلني
غـاب وهالمـــشه العباس،عــني
وشجاوب خويه للعنك ســألني
اخـاف احـچي،ويزيد انوب وني 

ويـــن اهل الحميه خل يفزعون
والـحال العقيله خـــل يــنظرون
أگـــعديخوزينب شـوفني اشلون
تــرضه الـغاليه اعـليها يصيحون

صـــاحو طلعو زينب،من خدرها
واحرگو أخيامهه وعزهه وفخرها
تراهو اعـــــله النهر طـايح گمرها
تمشي،مــــــــيسره اتصدر امرها

وجــهـة وجــههانــحو المشرعهَ مخاطبتاً اخيها العباس،عليه،السلام👇

گالت،خويه ابو فاضل

انه أتمنيت مــــــــــيته ولاسـمعته
امشي،ويل الرجس من بعدك انته
يــباري الــمـحملي هـوه وزمـــرته
ليش أعـله الغرب حـملي،شـــمرته

هــضمني حـــــــــيل من ناده عليه
انــه امـدلله مــــــوتـــــدري،بـــــيه
يأمر صــاروســـفه،ابـــن الـــدعيه
ويــشتم والــدي،وأمي الــزچــــيه

الأبوذيه لسان_حال_مولاتي_زينب،_ع،

زاد النــزف بجروحي،،،،،،،،ولمهن
الفواطم لا ابو اليمهن،،،،،،،،ولمهن
حرت اشلون اجمعهن،،،،،،،،،ولمهن
هامــــــن بالفلا امن اسياط اميه


تم_بعون_الله_تعالي
بقلم ام زين العابدين اللامي
من يود يقرا القصيده يذكر هذا
الاسم (زين العابدين الزبيدي)
والله ولي التوفيق
اسـالـكم الـدعاء لي والـوالديه

الفاتحه_الى_روح_والدي_ووالدتي

https://www.tg-me.com/Alhos77com

.

زينب_تخاطب_العباس_ع

يـعـبـاس الـشـريـعـــه    ..  ولمتنه
النظر من شاف چفـك    ..  ولّه متنه
الخــيــل الطـشـرتـنـه    ..  واللمتنه
الروس المجبله اعله السمهريه

***

همّـك طغـه ويا عبـاس   ..   ير هم
يمن فكدك نياط الگلب   ..   يرهم
يخـويـه يا دوه للذبــح   ..   يرهم
عجب يدواي صرت الموت اليه

**
سعد هادي الشمري

https://www.tg-me.com/Alhos77com

يعمه وياي كومي ولا أضلين
شسوت كربلا بينه وبالحسين
،،    ،،،،،،،،،،،،،،،،،
فدوه أرجوج عمه وياي كومي
سكنه إتصيح والنسوان تومي
ماغيرج بعد عنهن يحامي
،،،وهاي النوك يردونج تركبين،،،،،،،،
يعمه وياي كومي،ولا تضلين
يم عباس أضلن عل شريعه
تعال  نشوف جفينه الكطيعه
أكله شلون يل عفت الوديعه
،،،ياعباس ياخويه الوعد وين،،،،
يعمه وياي كومي،ولا تضلين
شلون شلون ضلتج. ها يؤم عون
والعدوان ماضنهم يقبلون
أسيره نتي يزينب همه يدرون
أريدنج تبارين النساوي،،،،،،،
يعمه وياي كومي ولاتضلين
أعوف حسين كلي شلون اعوفه
وشوف العين عالتربان اشوفه
خاف نروح وتردله اهل كوفه
شوجنهن علا جسمه مجبلين
يعمه وياي كومي ولاتضلين،،،

اشوف الخيل جنها ادوس جسمه
أضل وياه خليني أرد أشمه
وعن هاي الحوافر أرد أضمه
وأضمن جثته بين المطاعين
يعمه وياي كومي ولاتضلين،،،،،،،
عمه الكوم ماترحم يعمه
يذبحونج لون ضليتي يمه
ردي الخيمتج والدنيا ضلمه
ردي وياي خافنج تتيهين
عمه وياي كومي ولا تضلين،،،،،
شسوت كربلا بينه وبالحسين

،،،،عبدالكاظم الجابري،،،

https://www.tg-me.com/Alhos77com

نعي الدفن



يحيدر بالدفن هاي المسيه
تنادي زينب من الغاضريه
١

زينب حايره بدفن الغوالي
تنادي الزهره وبهاي الليالي
تعالي يم حسن ليه تعالي
ويبويه ياعلي لحك عليه


زينب بالدمع وبنار الاحزان
تنظر للذبيح المات عطشان
طاح امكطع بحومة الميدان
وضل ابلا دفن أبن الزجيه


طاح اعله الشريعه اليرفع الراس
مصيوب بعمك ومهشم الراس
مامدفون ضل الهيبه عباس
وجفوفه مكطعه فوك الوطيه


بالحومه عليه مرت أيام
انظر للغوالي وكلبي محتام
بعيوني شفت مذبوح جسام
مامدفون ضل جثه رميه


ماهميت من حركو اخيامي
بعبدالله افكر مات ضامي
مذبوح بسهم والنحر دامي
عليه تبجي وتون ضلت رقيه


علي الاكبر وكع بين الأعادي
مامدفون شبه النبي الهادي
وينك ياعلي ضليت انادي
تحضرني وتشوف اشصار بيه


ناديت اشكثر وكليبي محتار
وينك ياعلي وينك يكرار
ماتحضر يبويه الدفن الأنصار
وتحطهم بالكبر كلهم سويه



زينب حايره والكلب مفجوع
ياليل الدفن ياليل الدموع
تمشي وعثرت ابخنصره المكطوع
ونت بالهضم ونه شجيه 


زينب حايره ودمعتها بالعين
لا عباس يحميها ولا حسين
وبليل الدفن بس النساوين
وكلبها اتحمل الهم الأذيه


وينك ياعلي تحضرني ياريت
من طاحو اخوتي بويه ناديت
عمود البيت طاح وطايح البيت
اكثر ناديت ياحامي الحميه


اخوتي ابلا دفن ضلو ليالي
ماتحضر يبويه تشوف حالي
عكب عباس وحسين ودلالي
اخبرك بويه راح امشي سبيه



ساعات الدفن صعبه وثكيله
وغيرك بويه ماعندي اشتكيله
محد مابقه ايحامي العقيله
بالطف حايره واصفك بديه


لاتنسون والدي وابني عباس من الرحمه والمغفره
خادمكم رياض الرسل الجابري

https://www.tg-me.com/Alhos77com

اخوتي بكربله وكتي ٠٠٠شمرهم
وبعدهم يامر وينهي ٠٠٠شمرهم
تمنيت انه امر بيهم ٠٠٠٠شمرهم
اسكينه مجتفه وماهي رقيه
✿────↻✿...✿↺────✿


كفيلي ويحرس الثايه٠٠٠هوه الجان
ومن بعده الشمر يكَطع ٠٠هوه الجان
يرمله راح يسكينه و٠٠٠٠هوه الجان
كَمر وجفوفه ضلت عل الوطيه
✿────↻✿...✿↺────✿


✍نور الولايه الفاطميه


https://www.tg-me.com/Alhos77com

نعي الهواشم

فكد ويتام تنشد وين ابونه
نريد  نروح  يمه  ويمنعونه
وين اولاد هاشم ما  يجونه
من  أيد  العادي  يخلصونه

==
عمه مشتاكه لبوي حسين وينه
اكو   عمه   حجي  بيني  وبينه
من. زمان   شو  ما   مر   علينه
عمه بين الزلم لا يخلينه

==

جواب زينب ع

لا ما يجي هليل الحسين
بسج رقيه    لا  تنشدين
تمردين كلبي من تونين
كافي  يعمه لا تعتبين

==
جواب رقيه ع

من كونه راح نروح وياه
ما غفه عمه له عله يمنه
ينساني ربي كوني انساه
واجب عليه من لفض اه

==


الشاعر سعيد العكيلي

https://www.tg-me.com/Alhos77com

.

الحرم لمن ولوهن  طافن حسين
ومثل بركان  كلبه  طفن  حسين
شبعنه ضيم منك  طف الحسين
نجتل وأنه العده يدورون بيه

مولاتي زينب ع
بعد رجوع الإمام علي السجاد
من دفن الأجساد

الخيم من حركوهن دفن حسين
وخيل   العوجيه   دافن  حسين
اجه  السجاد  توه  دافن  حسين
شدفنت وجسمه صار بكل نويه

نذبح واحن ركضنه ركظه الحسين
وطاح عله الشريعه ركظل  حسين
ابد ما ركض مثله ركضي الحسين
ركضت وأنه العده يطكون بيه

طاح من الباجي جفني الحسين
تراب  الغاضريه  جفن  الحسين
شفت بل حومه يمه جف للحسين
بلأء صبع عزيزج يل زجيه

الشاعر سعيد العكيلي

https://www.tg-me.com/Alhos77com

ابوذيات عن السيدة رقية (ع)

راحوا هلي وراحت الضحكة وياهم
حملت البعد مجبورة ويا هم
ياهم الي انتجي اعليهم وياهم
بعدكم يطفون النار بية


اعدانة ابليس موش الله وليهم
الي بهل گاع لوعة ولي هم
والي والد حنين وعم ولي هم
اخو بگماطه وافته المنية

ريت اگدر اوگف الصار ونها  (وانهى)
واضمن عمتي ما يحتد ونها
مصيبة يهل اسلام ونها       ( وانها )
گلة غيرة من گوم وحمية

- رضا اللامي


https://www.tg-me.com/Alhos77com

           فوك الهزل  فوك الهزل
           مجتوفه ياخويه بحبل

»»»»»»»»»»»»»»»»»»»»»»»»»»»»»»»
1️⃣
مكسور گلبي وشيبت حركوها ياخويه الخيم
الـحيل طـاح ابـفرگتـك من طـاح ويـاك العـلم
والديره غـربه وسافرت و غيابك ابگلبي سهم
وين التـفت والله حـرت وكـلـها تناديني بـألـم
                      ~~~
          احتار الگلب يا بو الوفه
          وهـجرك ابد ما ينـحـمل
»»»›»»»»»»»»»»»»»»»»»»»»»»»»»
2️⃣
عالنوگ ياخويه اركبن والـحادي مايرحم تره
وبكيفه يتصرف بـقه احجيلك شـصار وجره
مـوكب سـبايا ابلا زلـم والـقائده صـارت مره
انه الامـيره وبـت عـلي هـم كـافله ومـيسـره
                          ~~~
              ما ينوصف هذا الجرح
              وبالحرگه گلبي يشتعل
»»»»»»»»»»»»»»»»»»»»»»»»»»»»»»»
3️⃣
يوم اهدعش يا بو الوفه مـرينه من يم النهر
شفتك يـعباس وطـحت امگطع وصـاير وذر
معقوله ياحامي الظعن ماتنهض وعدنه سفر
وعـيالك اتصيح ابدمع والناگه يا خويه تعثر
                         ~~~
            وگليبي مكسور ويحن
            تدري بغيابك مو سهل
»»»»»»»»»»»»»»»»»»»»»»»»»»»»»»»
4️⃣
الاجـساد كـلها ع الـثره واعـله الـظهر نومتها
بس جـثه منهن تختلف اعله الوجه طيحتها
تكسر گلب حته الحجر تدمي النظر شوفتها
ومن اقترب يمها ارد خـيل الـعده مـطشرتها
                         ~~~
              وحسين شفته عالثره
              اسـهام مـتروس ونبل
»»»»»»»»»»»»»»»»»»»»»»»»»»»»»»»
5️⃣
فـوگ الـرمح راسك شفت يلما عفتها عيوني
ونظراتك اتوزع الامـل وبنـظرتك خي عوني
يا خويه بيك اتحيرت واختلف حالي ولوني
يا هيبتي خـافن تصد وتشوف سوط متوني
                        ~~~
             اتحسر ابحسرة كلب
             ادمـوعك ودمك يهل
»»»»»»»»»»»»»»»»»»»»»»»»»»»»»»»
6️⃣
اسياطهم طـول الـدرب بالحال والله تحيرت
اطفال مـتروسه تعب والها التفت وتحـسرت
گـادونه بديار الـغرب وذاكه الـحنان اتذكـرت
ياخويه من بعد الخدر هسه ابخرابه تيسرت
                         ~~~
             و لمن رحت يا كافلي
             ادري الحلم ما يكتمل
»»»»»»»»»»»»»»»»»»»»»»»»»»»»»»»
7️⃣
كل ديره مـتروسه حقد ضـربوا حجر علينه
والكوفه مـليانه فـرح وتضحك عـله ابجينه
والعيد بالشام اشعجب فرحه وطبل سبينه
ماكو خـجل يا حسرتي وزرگه صفت ادينه
                         ~~~
          او مانرجع أو لاننجمع
          او لا نكدر انرد الشمل
»»»»»»»»»»»»»»»»»»»»»»»»»»»»»»»
  الشاعر محمد خشان ✍️.       

https://www.tg-me.com/Alhos77com

نعي لسبي  عن لسان حال زينب ع

شيعوده بعد  وكت الجزاني
ترد  هيبتي  وجمعت اخواني
ويصيحون ياحادي    تاني
............
نمشي ونسمع الصايح ورانه
حس عباس  ينده  بالخذانه
يالحملت    بيهن     توانه
............
ريض  يحادي  النوك بيهن
كلهن  فزع  عباس   ليهن
اجه هادود عالعالو  عليهن
.............
كون البجه   ايرد  اليموتون
ويسمعون  صيحتنه  ويكعدون
جا فز السبع من صاحت ام عون
..............
كثر  النوح   مارجع  الميتين
لا  فززتهم   دمعت     العين 
ولاردو   الصايح من تصيحين 
............
يروحي  بعد  ليج   شيردهم
ماسمعو  الصايح من صحتهم
جتفني الشمر   وتعديت  يمهم
............
شلون عالجثث يحسين مريت
ونه من الدليل  عليك   ونيت
وعله اجسادكم بالعين صديت
عميه  وماتشوف الدرب عيني
.............
مر  الضعن   من يم    الاخوان
واصيحن  رايحه عنكم يوليان
التكود  بناكتي يحسين عدوان
...........
اليكود  بناكتي   مابيه   محنه 
مرنه   عله  الولي  وماريضنه 
  هذا  الوداع  حسين  صحنه
............

✍أم زينب كربلاء غير مبري الذمه من ياخذ الكلام وينسبه له

https://www.tg-me.com/Alhos77com

كفيلي وريت كل عمري٠٠٠ويا دام
او وحق الي خلق حوه ٠٠٠ويادام
دمعي من يصب لاجله ٠٠٠ويادام
وموت اتمنه كل صبح ومسيه
▣========▣◈▣========▣

اخوتي البشدد يمي ٠٠٠٠٠ردتهم
زلم لاخيل لو فزعوا٠٠٠٠رد تهم
ردتهم من شمر جرني ٠٠٠ردتهم
من طكني ويسب امي الزجيه

▣========▣◈▣========▣

✍نور الولايه الفاطميه

https://www.tg-me.com/Alhos77com

نعي لم البنين ع

دفان بالله اتوانه بيها
خل الولد يلحك عليها
يعدل راسها ويمد اديها

وين الولد وامه تريده
حنين ويشيل امه بهيده
يعباس العتب امك تزيده

امك جرت الونه يوالي
تريد الربه وسهر اليالي
تعال يمه وشوف حالي

جاليش ابنها  ماحضرها
ياهو النزلها   بكبرها
ودت لبوفاضل وصلها

وديت عتبي وماوصلكم
يعباس الحكو ماني امكم
وصلت منيتي ورايدتكم

تدري الوالده حكها عالبنها
اطلبه الربه ودرت لبنها
ليش الولد معتذر منها

يم الاربعه جاحالج اشلون
وماكو  ولد ويه الدفنون
وحشه الجنازه تبجي العيون
 
وحشه الجنازه طرت الناس
وماكو  ولد شالاها عالراس
وين الاربعه والحيد عباس

يم عباس ياوسفه تطلعين
وحشه الجنازه وماهو حسين
جنج  تايهه  يم الميامين

جنج تايهه وماعندج اولاد
وماكطعو عليج دوب البعاد
تمنيتي اليشيلج ابوالسجاد


متي والولد ما   ودعيتيه
كل هذا ياحره  الجرعتيه
لبن  الزجيه   قدميتيه


ونعم منج   ياوفيه
نضره يمولاتي عليه
مشيه غريب الغاضريه
.............

✍أم زينب كربلاء