#ابيات_نعي
عند رجوع #السيدة_زينب ع وهي تخاطب اخاها الحسين ع

(من وزن #النصاري)
🚩
🏴

جيتك بس يتامى وياي و آلآم
وشسولفلك يخويه الصار بالشام
عفت اهناك خويه اثنيـن أيتام

خولـه ومن عگـب خولـه رقيـه


يزيـد هـواي راوانــه النوايــب
بنـات اخـدور حطّونـه بخرايـب
لا وليــــان فزعــت لا گرايـــب

و گيـد السلسلـه امگطّـع اديّـه


آنه الچانت اگبالي الهواشم
هسه امن العبيد اسمـع شتايـم
و ديوان الزلم جابوا فواطـم

وحبـل چـف العليـل انـدار بيـه


اجت زينب لچن موش العفتها
ولون تنظر على اختك معرفتها
النوايـب حيـل زينـب غيّرتـها

چنت  امدلّلـه  و هسه  سبيه


لون تخبر يخويه الحال وتشوف
سود من الضرب صارن هالچفوف
كوفه و شام و اجروح الطفوف 

أقل من نظرة الشامت عليه


ضيم الصار بيّه ايشيّب الاطفال
ونـال الدهر مني اليـوم ما نـال
على ايزيد ادخلت بيديه لحبال

و اگبالي الرجس سب الزچيه
.....  .....  .....  .....  .....  .....

✍🏼علي نوري الحلفي

#ابوذيات_زينبية

نياگ اللوعه بالحوراء.. شهرين(التشهير)
وعليها سيوف ضيم وآه.. شهرين
مرّن بيها ويلي شلون.. شهرين

ذبح ولياها والأصعب سبيه


يگلبي هل مصيبه.. دُم عليها (الإدامة)
لأن جفـن الزچيـه.. دمعه ليها (الدمع)
عباية زينب انظـر.. دَم عليها🩸🩸

أثر سوط العده لو دم رقيه؟


الحزن گلب العقيله اشلاء.. جسّام (التقطيع)
وصور چف ونحر بالعين.. جسّام (التجسيم)
علي الأكبر تذكره وطيف.. جسّام(القاسم ع)

والافجع جسم اخوها الظل رميه


#تنساب
عبرتي من الجره للموت.. تنساب (نزول الدمع)
على زينـب لـمـن للشام.. تنساب؟(السبي)
بت هادي الأمم چا ليش.. تنسب(السب)

وليش امچتّفه بحبال هيه !؟


#وبيده
چم صحره الظعن يگطع.. وبيده 
و هد حيل السبيه الطگ.. وبيّده
بسوطه الشامت ايأشر.. و بيده

يبو فاضل خذينه اختك سبيه


#حملها
وحيده وما بگه والي.. حمى الها
و اخوها بصون ايتامه.. حمّلها د(التكليف)
على نوگ العِجف زينب.. حملها

بقت شهريـن عالهـزّل سبيـه
...........................

✍🏼علي نوري الحلفي

يا رحمة الرحمن

ارتجّت السبعه وجميع أركانها
مـن رحل للموت سيد أكوانها
....................................
﴾١﴿
عجب يرحل صاحب الخلق العظيم
و الّلي تاذي لو جرت عيـن اليتـيـم
والصراط ابفضله أصبح مستقيم

راح و الـروح اعتـلـت باحـزانـهـا
....................................
﴾٢﴿
المـا حصل مثله ولا يحصل بشـر
ولاهو فد يوم الگلب واحد كسر
و الأرق مـن النّـسـايـم لـو عـبـر

عـلّــة الإيـجــاد نـور اجـنـانـهـا
....................................
﴾٣﴿
مشى عـنّـه الچان للريّه الهوى
والذي بأنـواره يتوضّى الضوى
الّلي دين الباري باخلاقه ارتوى

مهجة اگلوب الورى و سلطانها
....................................
﴾٤﴿
طه من عرش الله للعالم شعاع
راح عنهم واصبح الباطل مُشاع
يهجر ايصيحون لحظات الوداع

عِـلـت الأصـوات وحبـط إيمانها !!
....................................
﴾٥﴿
عن هوى ما ينطق الهادي الرسول
هيچي عـنّـه الباري بالقرآن ايگول
و فـدك سلّمها النبـي بـيـد البتول

انـغـصـبـت و ردّوا حكـم قـرآنـهـا
....................................
﴾٦﴿
تـرى هـمّـه مـو فقط غصبوا فدك
هـمّـه يالمخـتـار ظلـمـوا كل هلك
هـجـم ع الـدار و حرگـهـا عاذلك

وأم حسن طاحت وسط نيرانها
....................................
﴾٧﴿
شـبّــت النـيــران بـديــار الـوحـي
خـبـر ثـابـت بالكـتــب ما ينمحـي
هـيّــه هـايــه الدنيـه للما يستحي

اتـمـلّـك ازمــام الأمــر شيطانها
....................................
﴾٨﴿
هجموا اعلا ابـنـيّـتـك هجمة غضب
وجـه قدسـي ابچف الانذال انضرب
هـدر ضيـعـوا دمـهـا ما بيـن العرب

و وردة الـلّٰــه اتـوسّـدت تـربـانـهـا
....................................
﴾٩﴿
ذاكـه يضربـهـا ابحقـد ذاك اليرض
و المصيـبـه مـاكـو منـهـم مُعترض
طـيّـحـوا من فاطـمـة آخـر فـرض

آه يـا غـدر الـزمــان الـخـانــهــا
....................................
﴾١٠﴿
لـون بـاب الزهره گلنه من الجذوع
يعني ما يبقى عظم صاحي وضلوع
شلون بيها بكل سجود وكل ركوع

و ينـحـب المحراب من اشجانها

و تستند حين المشي ابحيطانها
و للـدمـــه ظــلّ الأثـــر بمچانها
و بقى حدّ الموت دمع أجفانها
....................................

✍🏼علي نوري الحلفي

٨ ربيع الأول🏴 ذكرى استشهاد الإمام الحسن العسكري عليه الصلاة والسلام

حيرتك يالمهدي حيره
وكسرتك والله چبيره
والـدك بس انت يـمّـه
لا عمـامـك لا عشيره
....................................
(١)
يا هضيمه اليبقى وحده
لا عـمــام و خـوّه عـنـده
صـعـب لليـفـگـدلـه والـد
ابغربه ما عنده اليسنده

توّك بأول حياتك هذا يل المهدي العجب
ضيم هالدنيا وحزنها سيدي عليك انكتب
بيا سبب هذا الجرالك يا سبب
والدهر يامهدي مايسوه العتب

هالدهر ميـت ضميره
وكسرتك والله چبيره
....................................
(٢)
العسكري بعـده ابشبابـه
و الـدهــر شـدّ ابـعـذابـه
الشاب من يرحل يمهدي
ع الگلب يكلف مصـابـه

ابمقتبل عمره وتجرّع غربه واسجون وظلم
شنهو ذنبك هاا يمهدي وتشبع بزغرك هضم
المعتمد جار اعلا ابوك بهالحكم
وانت مـنّـه من الطفوله تنحرم

حزنك الما صح نظيره
وكسرتك والله چبيره
....................................
(٣)
الّي چان ابنوره يسطع
هسه ابسمومه ايتلذّع
ايعينك الباري يمهدي
وچبده گدامك تگطّع

ابگلبك المتعوب شفته بنفسه يجود الحسن
ومثل عمّه الحسن أصبح ما رحم بيه الزمن
چنها مكتوبه عليكم هالمحن
لا بشر يرحم ولا لمكم وطن

هاي دنيه ابلايه غِيره
وكسرتك والله چبيره
....................................
(٤)
منهو واساك ابدموعك
ويطفي هالنار بضلوعك
و موتت الوالـد يمهدي
حرّمت عنّك هجوعك

يا ظروف اللّي تـمـرّك أمـر من مـرّ الصبر
و مـحّـد اليگـدر يگلّك عـظّـم اللـه الأجر
والعده اتفتّش عليك بكل كتر
يعني ابوك وما حضرته للگبر

وناظـرك بالهـم تديره
وكسرتك والله چبيره
....................................
(٥)
والـدك رغـم النـوايـب
ما بـقـى ابـحـرّ الترايـب
ولا خيول اتدّوس جسمه
ولا سبوا أخته النواصب

واليتامى بهل البراري وموت فوگاهم يدور
والاهل فوگ الوطيه وكلها مگطوعه النحور
والنسه اگبال الغريب ابلا خدور
اتبچّي حالتهن يمهدينا الصخور

وزينب انوخذت أسيره
وكسرتك و الله چبيره
....................................

✍🏼علي نوري الحلفي

قصيدة سريعة

سامره سامره 🏴🚩 مصدر كرامتنا
سامره سامره 🏴🚩 تـزهـي بأيمتنا
......................................
١/
ما تـركـنـاها ابوكت ذيچ الرزيه
ما نطيـنـاها ابـزمــان الطائـفـيه
جنح جبريل انفرش بامر الزچيه
فـوگ گبـتـهـا وكسر للداعشيه

سامره سامره 🏴🚩 نفديها مهجتنا
......................................
٢/
وگفت ابوجه الطغاة بكل جراءه
وخاب الارهاب الذبح نور البراءه
كل موالي السالت اعليها دماءه
يعني يعلن للزچيه بكل وفاءه

سامره سامره 🏴🚩 عزنا وشهامتنا
......................................
٣/
هالدماء الطاهره السالت عليها
نـور يـسـطـع لليجي مشايه ليها
مثل ما للطف مشينه هم نجيها
الشيعه بالغربه ولا تترك وليها

سامره سامره 🏴🚩 شهدي ابمودتنا
......................................
٤/
العسكري والهادي مصدر نور إلهي
والذي بس گلـبـه حي بيهم يباهي
بـيـهـم السـامـره لا مـحّـد يضاهي
ترجع اشما تعصف اعليها الدواهي

سامره سامره 🏴🚩 تعلى بمكانتها
......................................
٥/
مذهب الزهره يظل عالي ابشموخه
جيل عن جيل وثبت مبدأ رسوخه
ألف عام امن القتل رادوا رضوخه
المذهب ابحوزاته يتعلّى وشيوخه

سامره سامره 🏴🚩 والزهره نصرتنا
......................................
٦/
أنعزّي مهدينه المسى بهاي المصيبه
والحبيـب اشحاله من يفگد حبيبـه
أبـد مـا تطفـى أبـد جـمـرة لهـيـبـه
وكل گلب طاهر سمع لوعة نحيبه

سامره سامره 🏴🚩 واستّه عبرتنا
......................................
٧/
يـا إلـهــي و بالفـرج للمهـدي عجّل
اگلوب تنتظره وعيون الفگده تهمل
ابمسجد الكوفه نشوفه ابهيبه ينزل
يظهـر و بيـن البريه ابحكمه يعدل

سامره سامره 🏴🚩 للمهدي لهفتنا
......................................

✍🏼علي نوري الحلفي

''

#ابوذيات بذكرى استشهاد الإمام الحسن العسكري عليه الصلاة والسلام..
.
.

#بل_انهار
مـو سيـل الدمـع يجـري.. بل أنهار (انهار الدمع)
وموش الليل صرت انحب.. بل انهار (الصباح)
جسـم العسكـري ناحـل.. بل إنهار  (الانهيار)

سبـب سـم الفتـك بيـه المسيـه
........................

#هامات
نلطم عالحسن هاليوم.. هامات (الرؤوس)
ولأرض سامره هالأرواح.. هامات  (ذهبت)
هاا راحل سند الإسلام.. هاا.. مات (الموت)

ابو المهدي و زعيم الجعفريه
.........................

#وحنه
مهدينه    اعتله    ونّه.. وحنّه  (الحنين والأنين)
وطبگ ظهره الحزن ويلي.. وحنّه  (الإنحناء)
اجه   السامره   هالليله.. و حنّه      (نحن)

اجينه انواسي مهدينه المسيه
........................

#وجاه
يبن أهل الفضل والدين.. وجاه(المنزلة العليا)
الحزن جمر بصميم حشاك.. وجّاه (وج النار)
سهم غدر الزمان اعليك.. وجاه   (وجهه عليك)

وخطـف منـك أبـوك بهـل رزيـه
.........................

✍🏻 علي نوري الحلفي

بمولد الهادي الرسول.. هلا يا هلا
بجيّت الصادق نگول.. هلا يا هلا
مـكـــه هـنّــت للبـقـيـــع
سبعطعش من كل ربيـع
🤍💛💚🌸🌹🤍💛💚
(١)
بدر الافراح ابسمانه يشع نوره و مكتمل
فـرّغ الليـلـه اهتمامـك و استعـد ولا تمـل
عطـر من الجنـه ينفح بالنسايـم ع الحفل
الصادق بميلاده فرحه تلتقي بسيد الرسل

فرحتين ابهـل الخبر.. هلا يا هلا
الصادق وسيد البشر.. هلا يا هلا
نعـمـتـيـن امن السميـع
سبعطعش من كل ربيع
🤍💛💚🌸🌹🤍💛💚
(٢)
معجزه الهادي بقدومه كسرى نيرانه انطفت
الصادق ابجيتـه المعـارف و العقـول اتنوّرت
بمولـد الهادي محمـد ساوى جفّـت و انتهـت
الصادق وكل ملّه عوجه بعلمه زالت وانجلت

ديني من طه النبي.. هلا يا هلا
و جعـفـريٌ مذهبي.. هلا يا هلا
ابهل العقيده خل نذيع
سبعطعش من كل ربيع
🤍💛💚🌸🌹🤍💛💚
(٣)
كسرى من مولد نبينه انهدم قصره وما سلم
الصـادق ابنـور الإمامـه للضلالـه شگـد هِدم
طــه بالإسـلام جـانــه و صبـح للعالـم علـم
الصادق ابمذهب علِينـه حفظ للدين القيم

كوكبين امن السمه.. هلا يا هلا
انهني بيهم فاطمه.. هلا يا هلا
جـلَّ سبـحـانـه البديـع
سبعطعش من كل ربيع
🤍💛💚🌸🌹🤍💛💚
(٤)
مكه بالأنـوار تزهـي والمدينه بهل المسى
شعت أقمار الديانه و همّـه أشرف مدرسه
طـه باعظـم نعمـه جانـه للاسـلام ايأسّسـه
الصادق بعلمه وجهوده الدين جدّه يحرسه

الشرع طه ايكمّله.. هلا يا هلا
لچن بالصادق علا.. هلا يا هلا
جعـفـر الحصـن المنيـع
سبعطعش من كل ربيع
🤍💛💚🌸🌹🤍💛💚
(٥)
ع النبـوّه و الولايـه الحمـد للـه و الشكر
الدين من دون الولايه بحـر صعبه ينعبر
الدين من دون الولايه مثل ورد بلا عطر
الدين من دون الولايه الذنب بي ما ينغفر

گلبـي بالهادي انشغل.. هلا يا هلا
وجعفر الصادق الامل.. هلا يا هلا
بالحشـر هـوّه الشـفيــع
سبعطعش من كل ربيع
🤍💛💚🌸🌹🤍💛💚
(٦)
انهني للزهره بأبوها و تهنئه بسادس إمـام
و تهنئـه الحيدر ولينـه و إلـى العتره الكرام
الليله للهادي وحفيده من الگلب نبعث سلام
و احنـه نتمنـى حفلنـه بالمديـنــه لو يُقـام

ونندعي بهذا الشعور.. هلا يا هلا
ربّــي عجّــل بالظهور.. هلا يا هلا
فرحـه بگلـوب الجمـيـع
سبعطعش من كل ربيـع
🤍💛💚🌸🌹🤍💛💚

✍🏼علي نوري الحلفي

من وزن #الشموس

شمعة الزهره .. بالـغـدر طـفّـوهـا 
ماتت بعصره .. وبالضلع صابوهـا
🚩🏴🚩🏴🚩🏴🚩 
١/
اثمطعش ومضه عمرها فاطمه البضعـه 
كل سواد الدنيـه ضدهـا بالحقـد يسعى 
كل ظلام الكون نـاوي يطفـي هالشمعـه
البدعه هجمت والضلاله عالنبي وشرعه 

بس خلص عمره .. للبـدع ظهروهـا
مـاتـت بعصــره .. وبالضلع صابوها
🚩🏴🚩🏴🚩🏴🚩 
٢/
قرر الطاغي بهجومه وضربته الفاطم
ياخــذ الإبليــس ثـاره مـن النـبــي آدم
وخذه ثارات الوليد من النبــي الخاتم
مرمروها  الچان  ابوها  رحمه  للعالم

نـار مستعـره .. بكل گلـب شبّوها
ماتت بعصره .. وبالضلع صابوها
🚩🏴🚩🏴🚩🏴🚩 
٣/
ليـش محّـد يفزعلهـا بت نبـي الأمـه 
واجهـت وحّدهـا هيّـه الباطـل وظلمه
حتـى لا نهـج الضلالـه يستمـر حكمـه 
ثارت إعلى الجور واهله وبيّنت جرمه 

وضحت غدره .. وفدك من اخذوها
ماتـت بعصـره .. وبالضلـع صابـوها
🚩🏴🚩🏴🚩🏴🚩 
٤/
اليرضا بارينه الرضاها والها من يغضب
الچـان جبريـــل ابّختـهـا للـــه يـتـقـرّب
الفقره تعرف چف عطاها بالكرم ينصب
هسه السيـاط بإديهـا وچفها تتخضب

وبالوجه صطره .. بالحقد ضربوها
ماتـت بعصــره .. وبالضلع صابوها
🚩🏴🚩🏴🚩🏴🚩 
٥/
الكون يدعي ويالزچيه بصوت دعواها
والطيـور ابكـل مسيّــه تسبّــح وياهـا 
و اليباهـل ربنــه بيهـا و بيهـا يتبـاهـا
منهـا يتهشّـم ضلعهـا وتدمـى عيناهـا

حتى هالزمره .. من البچي منعوها 
ماتت بعصـره .. وبالضلـع صابوها
🚩🏴🚩🏴🚩🏴🚩 
٦/
درع صارت للولايـه والشرع كلّـه 
دمها ما خلّه السقيفه تحرف الملّه
كل مسى الباري عليها سلّم وصلّى
واحنه عاهدناها حاشا عنها نتخلّى

انعاهد الحرّه .. نفضح العادوهـا
ماتت بعصره .. وبالضلع صابوها
🚩🏴🚩🏴🚩🏴🚩 
٧/
حضره لا الها ومناره ولا گبر ظاهر
بالمدينه بحسـره يبقى لليجي زاير
يبقى للمهـدي ابنهـا هالکلـب ناطـر
محّد أيوگف الجحافل لو اجه ثاير

المرقد يظهره .. ويصلب الظلموها
ماتت بعصـره .. وبالضلع صابـوها
🚩🏴🚩🏴🚩🏴🚩 

✍🏼علي نوري الحلفي

على الباب اطبع ونيني.. ومايمر نوم إعلى عيني
من الدموع
تدري يا باب ابفعلتك.. نزف عرش الله بطبگتك
ع الضلوع
فَدَعوايَ واشجَانِي .. رَبِّي فالعَنِ الجَانِي
......................................
١/
احچي ودموعي سؤال .. ويّه باب أهل الجلال
بـسـرعه و بكل امتثال .. طاوعت أهل الضلال

شـجـاك و طاوعـتـهـم بالدفع
تدري من العرش طگ ياضلع
انـت ابـهـل الوضع لـو ممتنع
چـا مـا طگّت اضلوـع الشرع

انهدم بالعصره حيلي.. و بـعـد مـا يـبـرد دليلي
من المصاب
أبد لا تشرح ظروفك.. وانا مو بس باب اشوفك
ألف باب
وتَدعُو اللهَ أحزَانِي
رَبِّي فالعَنِ الجَانِي
......................................
٢/
انت يـا بـاب الجروح .. بعد ما ظلّتي روح
لو درا بجروحي نوح .. ينحب وياي وينوح

مصيبه وما حصل منها أبد
حـرگـوا دار بـت سـيـد البلد
مـن انفـجعـت و راح السنـد
النذل بسياطه ورّم هالجسد

حرمه الباري ونبيه.. هـاجمـوهـا الناصبيه
بالسيوف
هجمت أصحاب الدواهي..اقتحموا القدس الإلهي
بلايه خوف

فَهُدَّت كُلُّ أركَانِي
رَبِّي فالعَنِ الجَانِي
......................................
٣/
والله يا باب الالم .. حتى لو تبدي الندم
ظلّت عليك التُهم .. الطفل منك ما سلم

شجاك وطاوعت أهل البغض
و الضلع السمه ابثگلك ترض
چـنـت مـتـوقّـعـتّـك تعترض
مثل فيل ابرهه تبدي الرفض

اسنين عاشرت الوديعه.. ليش سايرت الخديعه
بهل الأمر
طعت لابليس وعبيده.. وتعرف بصدر العقيده
چم كسر
أيُطعَنُ صَدرُها الحاني !؟
رَبِّــي فـالـعَـنِ الجَانِي
......................................
٤/
بعد ما ينفع عتاب .. غدرتك كلفه يباب
زيّدت بأمي العذاب .. لمن دفعوك الذئاب

مـا مـعـذور يـا بـاب الحزن
ليش الزهـره ترجـنـهـا رجن
طاوعت اللّـي گـاللـهـا (وإن)
الضلع من انهشم طاح الابن

بيا ذنب محسن يوگعه.. ويمكن اتهشمله ضلعه
بالهجوم
لـيـش هالنـور ايــتبـدّه.. و الذي كـاسـرلـه ورده
ظل يحوم
دَعَوتُ بِكُلِّ وِجدَاني
رَبِّـي فـالعَـنِ الجَانِي
......................................
٥/
انقلبوا وصار انحراف.. وطاحت انفوس الضِعاف
الباب و بـآخـر مطاف.. صرت ويّه أهل الخلاف

صرت ويّه الذي طبعه الغدر
صرت عالزهره نيران وجمر
تدري انت شكو بذاك الصدر
نـور اللـه و جـلالـه و الطهر

والعجب ربي وحكمته.. عالارض طاحت رحمته
بالدماء
امصيبه جرّت يامصيبه.. بتها من تصبح سليبه
بكربلاء
مِمَّا قَد جَنَىٰ الثَّانِي
رَبِّي فالعَنِ الجَانِي
......................................

✍🏼علي نوري الحلفي

#الرواية_الفاطمية_لاولى