مِن ضلوعَي خِشبهّا أَبلامَهُم ذيَچ
وعَبروا غيَري بيهَا وانهَ ضليّت

جَبار رشِيد .

خذني يمك بعد ماضل كل عذر لاتعتذر
ليل عمري وعمرك مخلص بعد مابيه صبر
خل نلم احلامنه وناخذ صورهن قبل لاياخذهن ابدربه الفجر
وخل نلم الباقيات سنيني وسنينك نسويهن عمر
وهنه ميكفن عمر؟؟
ونبدي من جده وجديد بواهس سنين الصغر
ولو وازانه الكبر
خل تمشي ايامنه بخطوة العاقل من عثر مره ورجع يمشي حذر
وخل نعيش الحب ستر
خل نظم ارواحنه ابيناتنه وي اسرارنه وما نشتهر
وأفتخر بيه وي روحك وآني وي روحي اضل بيك افتخر
خل نسوي العشره ورقه
ونصنع من الدمعه والضحكه حبر
حتى كل لحظه التمر بالجاي نكتبها شعر
وخل نكول الماضي غلطه وذنب يسجل ذنب من ينذكر
حبني لاتضل تعتذر
حبني واجبرني على حبك؟ الروح ماتعشك لون ماتنجبر
السيف ماينهاب لوماكو الطبر
حبني لاتضل تعتذر
واعترف راح اعترفلك
واحنه شو نفس الامر
اثنينه انبعنه بسعر جوه السعر
اثنينه انبكنه حدر شمس الظهر
اثنينه السجين تانتنه نذر
اثنينه اتوهمنه بالحب ننتصر
اثنينه انعاني الغدر
واعترف راح اعترفلك
كلبي جان شكد جسر
وآنه جتفت الجسر
وآنه وزيت الحمامه على النسر
واسمع السر الخطر
صنم؟ سويته ابديه وادري ماينفع يظر
وحاطه كبالي وعجيبه الشوك
من عنده انتظر
وانته مثلي بهل أمر
صنم سويته بديك شتنتظر
خل نهدم اصنامنه وكافي الكفر
وبالكي نهده ونستقر
وبلكت وياك وانه وياي استمر
وبلكت المامر كبل هسه يمر
وبلكت جناح العشك لبعيد ياخذنه ويفر
ونترك الممنوع والميصير
خل نغط بلماي من صرنه جمر
وبلكي نصحه من السكر
خذني يمك كبل لايخلص صبرنه
ويطفه دم وجوهنه وتطلع صفر
خذني يمك كبل لاينحك ذهبها اطباعنه وتطلع صفر
خذني يمك كبل لا يم الصفر ينحط صفر

جبار الحُب🤎.

9/1
ذكرى رحيل الشاعر جبار رشيد

ما دوّرت راحة وشَهدوا الأيام
اول ما صرت دوّرت موتي
- جبار رشيد

وحركتك قليل وبين الطين

أجذب العين أكلها الماي صافي


سمير صبيح

كان الشاعر جبار رشيد انساناً قبل ان يكون شاعرا، يحمل قلب ك قلب الام بين جمهوره، من حيث شاعريته لا يختلف عليها اثنين ومن حيث اخلاقهُ لا اعتقد له كارهين، وتوفي سنة 2020/9/1 دون زواجٍ بسبب العهد الذي قطعه على نفسه من اجل حبيبته، عندما ننظر الى جبار نشعر بانه شخصية خيالية قادمة من عمل ميلودرامي لما شاهدناه في حياته،لُقب "بشاعر الثلج والنار" ، جبار رشيد يُعتبر واحدا من أعظم الشعراء الذي انجبته ارض السواد ، واحدة من اشهر قصائدهِ هي قصيدة "راحة" حيث يقول.. :

مارهمت اويانه اتكول ماعيش
ابمحكمة القدر طلكنه الأفراح
طيور الخير هجن عافن البيت
واغراب الحزن بمجانهن صاح
مسودن بختنه وحظنه مشلول
او من كثر الحزن منهم على الراح
على الجاهل كبل نتكنب نكاب..
هسه ايموت ابونه انكول يرتاح
مادام الموت ارحم لليموتون
دمشونه اذن كل احنه نرتاح

الفرج؟؟

محد يعرفه اشجم قفل بيه..
ابتله بلوة الصبر من صار مفتاح🤎🕊️

الرحمة والغفران لروحهِ الزكية🕊️

ودك على الجرح بليل
بس شكبرك على الروح
ما تحجي ولك دحجي

انا وشعري وحبيبي بهاي دنياي
يجن مغزل ذهب وبريسم يحوف

محسن الخياط🥀

البعض من كتابات الكبير عبدالله الشاوي

لجل ارضيك
اصيرلك خبز جوعان
واصيرلك خلك تنور
احبل نار واضوك العسر دخان
وانا الجتال لسرارك
اموتهن وشيعهن بسكتت اليل
عن عين الانس والجان
ولاجل ما ينكشف ماعون اسرارك
اضحكت واهس فرح للناس ما بين علي زعلان
وانا بروحي مراره تمر طعم فركاك
اكاسرها بصبر بلكت يرد بينا وكتنه الجان
ولك عدي هواجس ترفس بروحي تطلعها وترد بيها
اخذهم مني خل ارتاح ماعدي خلك فنجان
الناس بشفتي تتسامر تكهوه وكيف
وتشرب من لهاتي واني اضل عطشان
لا يفلان مو هذا الاريده والحسن وهمان
انا بروحي كبر ما شايله العنوان
انا المرن عليه علمني وندليت
سود سنين ظلمه عيونهن عميان
حنضلهن شربته وجرعيت الروح
عن عين الشماته وضحكت البطران
وعلى جروحي دست خافن تصيح بصوت
وعلمت الجروح سوالف الخرسان
ويبس عرك الموده وموكدك جانون وذريت الرماد
الباقي من جان
انسدت مشتهات النفس لا ماريد
وعن شوفك صمت وشهرت بي رمضان
وذا منك اثر باقي بثنايه الروح
اعوفنها وكلك اعتذر غلطان

من وكع حيلك كلتلك ها تعال
واطيتك الروح وصرت عكازتك
وانتَ بس تسحك وانا بس انزف واصيح
لا تبالي وحيل دوس براحتك

عبدالله الشاوي

لاتضل تاكل بروحك على الراح


الراحل عبد الحسين

شكالولك عليه وصار وجهك سيف ؟؟


سمير صبيح