عفينه ولاعرفنه اسباب .. شطاك
وعطشنه وماشربنه ماي .. شطاك
كلي الوهدناك اتخون .. شطاك ؟؟
وشخذ منك ثمن جرمك عليه ؟!

من القصائد الإبداعية لمحسن الخياط

هجرك يهيچ چامني البالروح لك و انگز نگز
هجرك ....
وجع هرفي ... ملح مرگبي ... دچ جرحي

قلق مدفون حز سچين بگليبي يحز
ياهو اليضل مچتوف من يلگي كنز
ياهو اليذب ريعه لطير الهور يچرم و ایده فرگزها المرز

وصلك كنز
حتى لو گلب نومي ثگیل و دغدغنه عيونك الحلوات يتسودن يفز

موش انتَ نمت برهدنه .. من اول سنه .. بدولاب عمري و بي تهز

شماري هزاني الهوى
و گليبي الك تدري شحوه
حنية خضره تطري عود العود لو عمري انطوه
حنيتي يالكلها الك
حنيتي يالكلها الك
حنية الغرگان لشوية هوه
حنية السفان للسفان بجويريد و شراعه انطوه
ما نگطه منك نگطت عل الروح و تگول ارتوه
و البردي المصنهب مثل حالي ...
احسده شلون شد حيله و گوه
يمكن بعد بي روح مو كلش خوه
و اغفه و افز ...
و بحرگه اصيحن من افز
موش انته نمت برهدنه
بدولاب عمري و بي تهز

ابو ظاهر🥀

حنية خضره تطري عود العود لو عمري انطوه

ها يمسعد
تضحك بكل السنون
ومن زمان احنه الضحك ناسينه

صاحب الضويري🍃

الراحل عباس حمزة سألَ الشاعر الفطحل المرحوم عريان السيد خلف... _هل السر ثقيل.؟

اجابه الشاعر🍃

_سر وابتلي من احجيه ومن اسكت يشيع
حصتي وعلي تناسم والشامت يبيع

تجي تاخذ صَورك لو اعلگهن؟
انا ماعندي چف بي خير ويشگهن .

أحمد معاش .

سمفونية الناصرية🍃

اذكر کبل امي تعارک ويه العوز
وأثر سيف الفقر ليهسه ضل بیهه
نجوع شكد ولكن امي نعمة وخیر
نشبع من تصلی وترفع ايديها
وأذكر مرہ سائل دک علينه الباب
حافي امي الجحتّه وصفكت ایديها
تشاجف يمنه پسره وما لكتله مداس وابت وسفه يروحي انطتّه رجلیها


احمد المطوري🍃

اليه بكل كلب متعوب تذكار
وجلماتي اصبحت مثل المناشير

عريان 🍃

طيور الهاجرت لابد ترد يوم
اجه موسمها ردت وانت ماجيت

كاطع المياحي🍃

يمة ذوله اهل القصر ما لعبوني
يمة من شافوني اجيت تنادسوا واستغربوني
يمه ماسموني بسمي
وكالو هذا ابن الفقير وشتموني
وكالو هذا ابن الصريفه وعيروني
يمة جا هو الفقير اشسوه من نجله ابعمرهم ؟
يمه جا هيه الصريفه شماخذه وخايف قصرهم
يمه كالو لاتمر منا بعد بالك تشم ريحة وردنه
وكالو بجدمك الحافي نخاف يترب عكَدنه
يمه عدهم كلشي عدهم واحنه بس الماكو عدنة ..
يمه لعابات عدهم مدري شنهي , وانه لعاباتي طين
يمه حته ثيابهم مستغربتني يعاتبن ثوبي الحزين
يمه جا ليش احنه فقره وليش اهلهم زناكَيل
يمــــــه دين الفقره متعب خل نبدله بغير ديــــــن

_كاظم خبط🍃

موش انت البّالي ولا انت المقصود
مدري شلون رهمت وانتَ صرت انتَ

_عطا السعيدي 🍃

انصحك بالصبر يا كلبي المجرّح

_جابر الكاظمي 🍃

اتلاگينا او وگف كلشي بحركة الكون
بس خطواتك اوخطواتي احس بيهن
أودگ السر الأحدب وسط روحي أجراس
وفتلت اوراق الجنت طاويهن
الشارع شالنت حد ما وصلنا الغيم
وأنتحرن جروحي وچلبت بيهن
ها نتلاكا هسه وها الراح ايهون
زعلانات مني وبيك اراضيهن
وانا مابينك ومابينهن محتار
تلچمهن وگلهن بيك اداويهن
كلما تقترب جرح السنين ايطيب
يلتم والثواني خيوط اسويهن
اهي لحظات بس لمت هواي جروح
ماطابن بروحي وكل سنة اچويهن
اسولف وية روحي ها بعد خطوات
ما اكلك شلون ومنو اليبديهن
منك خطوة مني ؟المهم خطوة أتصير
متهمني المسافة المهم نمشيهن
ولو محتار بس شاءت الصدفة أتصير
اشوفك والسنين الضايعة الگيهن
بس احتارمن لاحن بعيني دموع
ينتظرن شسوي احبسهن؟ ابچيهن ؟
وارد مجبور اموتهن بعين الشوك
على گد ما اعبرك وارجع ارثيهن
انت احلم بالاحلام الضالات انقاض
الم الضال منهن واحلم ابنيهن
بيت وباب وحچايات حلوة وياك
ونيران الشماتة شموع اسويهن
لاتلتفت گتلك لا وكتنت ايضيع
ميل ايعد ثواني وخطوة تمحيهن
انت تيهت روحي گلت وين تروح
يم روحك سوية وهسه نلگيهن
حلم غمضت بي عيني أوگفت وياك
بي يمك حچيت المستحي احچيهن
بجيت اوبستك ووطفيت بيك الغيض
واشتعلن ضلوعي وگتلك اطفيهن
بس فزيت وعيونك تضيع هناك
من كلش وصلنا وركزت بيهن
من مديت چف محنة جنت اتريد
اشوف اطراف اصابع ردت احنيهن
من خليتك وزعلت جدامي وياي
من گالن انريده وردت اخليهن
انتهه كلشي وبديّ سديت باب الشوك
وانترسن عيوني ويردن اچفيهن
ومالوليت من رادت اسراري تنام
دك نايك بروحي گمت اغنيهن

ايهاب المالكي