Министрлер кабинетинин төрагасынын орун басары Эдил Байсалов да Фейсбуктагы постунда видеону тараткан иликтөөчү журналист Болот Темировго байланыштуу комментарий берип, тасманы “фейк” деп атады.

АКШнын жогорку окуу жайларында Газаны колдогон акциялар уланууда. Демонстрациялар алгач башталган Нью-Йорк шаарындагы Колумбия университетинде бүтүрүү салтанаты быйыл өтпөй турган болду. Бир катар университеттерде акцияга чыккан ондогон студентти полиция кармап кетти.

Студенттердин талабы кандай? Бул демонстрациялар качан токтошу мүмкүн? Ушул жана башка суроолорго Колумбия университетинде магистратурада билим алып жаткан кыргызстандык Нуршат Абабакиров жооп берди.

Жаңылыктар | 08.05.2024 | Бийлик алтын тууралуу видеого жооп берди

- Израил армиясы Рафах өткөрмө бекетинин Газа тарабын өз көзөмөлүнө алганын билдирди. Египет менен чек арада жайгашкан бул бекет аркылуу анклавга негизги гуманитардык жардам кирип турган.

- Министрлер кабинетинин төрагасынын орун басары, Улуттук коопсуздук мамлекеттик комитети “Кыргызстандан чыгарылган” делген алтын куймалары тууралуу видеого байланыштуу комментарий берди.

- “Массалык башаламандыктар” беренеси менен айып тагылган 11 журналисттин иши Бишкектин Биринчи май райондук сотуна өттү. https://www.youtube.com/watch?v=y6JGWRJ4luM

Бишкектин Биринчи май районук соту уурдалып өлтүрүлгөн Айзада Канатбекованын өлүмүнө байланыштуу Бишкек шаардык ички иштер башкы башкармалыгынын мурдагы жетекчиси, шалаакылыкка айыпталган Бакыт Матмусаевдин иши боюнча чечим чыгарып, аны актады.

9-майда президент Садыр Жапаров кыргызстандыктарды Экинчи дүйнөлүк согуштагы жеңиш күнү менен куттуктады.

Орусия аймактык бүтүндүгүн жана эгемендигин коргоо максатында стратегиялык эмес өзөктүк курал боюнча машыгуу өткөрөрүн жарыялады. Коңшусу Украинанын аймактык бүтүндүгүн бузуп, эки жылдан бери агрессия көрсөтүп келаткан Орусия өзөктүк куралы менен коркутууга буга чейин да аракет кылган.

Amnesty International эл аралык уюмунун активисттери жана тарапкерлери глобалдык “Каттар марафону” (Write for Rights) өнөктүгүнүн алкагында кыргызстандык укук коргоочу Рита Карасартовага тагылган айыпты алып салууну талап кылган 405 204 кол тамга чогултту. Бул тууралуу аталган уюм өз сайтында кабарлады. https://www.azattyk.org/a/32940568.html

Президент Садыр Жапаров "Кабар" улуттук маалымат агенттигине интервью берип, соңку мезгилде интернетке тараган алтын тартылган видео тууралуу жана агасы Сабыр Жапаровдун аты аралашкан сөздөргө комментарий берди.

Жаңылыктар | 10.05.2024 | Президент алтын жана агасы боюнча жооп берди

Ат-Башыда катуу шамалдан төрт киши жараат алды

10-май күнү Нарындын Ат-Башы районунда катуу шамал жүрүп, ылдамдыгы секундасына 24, Нарын жана Ак-Талаа райондорунун аймагында соккон шамалдын ылдамдыгы 18 метр секундага чейин жеткен.
Бул тууралуу Өзгөчө кырдаалдар министрлиги (ӨКМ) маалымдады. Шамалдан улам, Ат-Башы райондук мамлекеттик администрациясынын имараты баштаган алты социалдык мекеменин жана 36 менчик үйдүн чатыры кыйраган. Төрт адам жабыркап, райондук ооруканага жеткирилген. Алардын кандай жараат алганы маалымдалган жок.
Кайрылуулар түшкөн аймактарда, райондук өзгөчө кырдаалдар бөлүмүнүн адистери Жарандык коргонуу комиссиялары менен биргеликте тактоо иштерин жүргүзүп жатканы кабарланды.
28-мартта Бишкек, Чүй аймагында ылдамдыгы секундасына 18-26 метрге жеткен шамал болгон. Социалдык тармактын колдонуучулары шамал Бишкекте бир нече имараттын чатырын учуруп, бак-дарактар кулап, автоунааларды басып калганы тартылган сүрөт-видеолорду жарыялашкан. Шамалдан борбор калаа Бишкектин тарткан чыгымы 16 млн сом, ал эми Чүй облусуна келтирилген чыгым 28,5 млн сом деп эсептелген. https://www.azattyk.org/a/32941982.html

Ат-Башыда шамалда жараат алган бир адамдын абалы оор

Ат-Башы районунда 10-май күнү болгон катуу шамалдан жалпы жети адам жабыркап, ооруканага кайрылган. Алардын ичинен үчөө Ат-Башы райондук ооруканасына жаткырылган. Бул тууралуу райондук оорукананын жетекчиси Азим Ажибек уулу "Азаттыкка" билдирди.

"Бейтапканага жаткырылган үч адамдын экөө балдар. Бири - 14 жаштагы кыз, 1,5 жаштагы бөбөгүн көтөрүп, короодон үйүнө кирип бараткан жеринен үйдүн чатыры учуп келип тийген. 1,5 жаштагы наристени кечээ жандандыруу бөлүмүнө жаткырганбыз, мээси чайкалган. Бир нече сааттык көзөмөлдөн кийин абалы жакшырып, оңолууга түштү. Эжекесинин да абалы жакшы. Ал эми үчүнчү адам - Ача-Кайыңды айылынын тургуну. 55 жаштагы бул адам шамал болуп жатканда үйүнүн чатыры бузулуп, ошону оңдоо үчүн чыккан экен. Аны шамал шифер менен кошо учуруп, жерге кулаган. Жарааты көп, жамбашы жабыркап, мээси чайкалган. Кабыргасы сынып, өпкөгө кирип кеткен. Азыр жандандыруу бөлүмүндө. Нарын облустук бириктирилген оорукананын жана Улуттук госпиталдын дарыгерлери менен онлайн консультация жүргүзүлдү. Санавиацияга өтүнүч жибердик. Абалы бир аз турукташса, Бишкекке которулат".

10-май күнү Нарындын Ат-Башы районунда катуу шамал болуп, ылдамдыгы секундасына 24, Нарын жана Ак-Талаа райондорунун аймагында соккон шамалдын ылдамдыгы 18 метр секундага чейин жеткен.

Шамалдан улам, Ат-Башы райондук мамлекеттик администрациясынын имаратынын баштаган алты социалдык мекеменин жана 36 менчик үйдүн чатырлары кыйраган.

Өзгөчө кырдаалдар министрлиги кайрылуулар түшкөн аймактарда тактоо иштерин жүргүзүп жатканын кабарлады. https://www.azattyk.org/a/32942075.html

Азаттык: Кечки радио эфир | 11.05.2024
https://www.youtube.com/watch?v=2_eVcuQzbYs

Eurovision-2024 эл аралык ыр сынагында Швейцариядан ат салышкан ырчы Nemo жеңүүчү болду.

Ал The Code ырын опера, электро жана поп жанрын аралаштырып аткарды. Адамдын жеке изденүүсү, өзүн-өзү аңдап билүү эркиндиги жөнүндөгү чыгарманы Nemo сахнанын ортосунда айланып турган спутниктин үстүндө ырдады.

Заманбап музыка мелдешинин финалы 11-майдын кечинде Швециянын Мальмо шаарында коопсуздук дыкат көзөмөлдөнгөн шартта өттү.

Экинчи орунга Хорватиянын, үчүнчүгө Украинанын ырчысы татыктуу болушту. Ал эми финалдын алдындагы чырга байланыштуу фавориттердин бири - нидерланддык ырчы конкурстан четтетилди.

Быйылкы таймаш ырчылардын сахнадагы эпатаж стилдери менен да эсте калды.

🔗 Мушташтын чоо-жайын бул жактан окуңуз. https://www.azattyk.org/a/32942422.html

Тбилисиде 50 миңдей киши митингге чыкты

Грузиянын борбор калаасында ишемби күнү кечинде "чет элдик агент" мыйзам долбооруна каршы ири нааразылык жүрүшү өттү. Ага 50 миңдей адам катышканын Reuters жазды. Оппозиция "Орусиядан көчүрүлдү" деп сындаган "Тышкы таасирдин ачыктыгы тууралуу" деп аталган мыйзам долбоору парламентте эки окуудан өткөн.

@azattyk_radiosu

Путин коргоо министри Шойгуну алмаштырууну чечти

Орусиянын президенти Владимир Путин узак жылдан бери коргоо министри болуп иштеп келген Сергей Шойгунун ордуна Андрей Белоусовдун талапкерлигин сунуштады.

Орус мамлекеттик медиасы жазгандай, Путин кызматтан алынган Шойгуну Николай Патрушевдин ордуна Коопсуздук кеңешинин катчысы кылып дайындады.

68 жаштагы Шойгу жаңы өкмөттө кайра дайындалбаган жалгыз министр болуп калды.

Путин 7-майда бешинчи президенттик мөөнөтүнө киришкенден кийин өкмөттү отставкага кетирген. Андан бери бардык өкмөт мүчөлөрү өз милдеттерин убактылуу аткарып жатышкан.

@azattyk_radiosu

Сирияда согушка катышкан деп шек саналган кыргызстандык Түркиядан кармалды

Улуттук коопсуздук боюнча мамлекеттик комитет Кыргызстандын 58 жаштагы жараны Сирияда согушка катышкан деген шек менен 4-майда Түркиядан кармалып, Кыргызстанга алынып келгенин билдирди.

Мекеменин маалыматына караганда, ага чет жакта согушттук аракеттерге катышкан, террористтик жана экстремисттик даярдыктан өткөн, ошондой эле улуттук этностор аралык, расалык, диний жана регион аралык кастыкты козуткан деген айып коюлууда.

Шектүү 2015-жылдын ноябрь айында Сирияда “Жабхат-Ан-Нусра” эл аралык террористтик уюму тарабынан куралдуу жаңжалга катышканы аныкталган. Ал соттун чечими менен УКМКнын тергөө абагына киргизилди. (Сүрөттө кармалган шектүү).

@azattyk_radiosu

‼️Грузияда «чет элдик өкүл» мыйзамы комитетте үчүнчү окууда колдоо тапты

Грузияда «чет элдик өкүл» мыйзам долбоору парламенттин юридика комитетинде бүгүн, 13-майда, үчүнчү окууда да колдоо тапты. «Азаттыктын» грузин кызматы билдиргендей, депутаттардын маселени карап, добуш беришине 67 секундалык убакыт гана кетти.

Парламенттин имаратына киргизилбей жаткан оппозиционер депутаттар комитеттин отурумуна катышууга үлгүрбөй калышты.

Комитеттин төрагасы Анри Оханашвили үчүнчү окууда адатта редакциялык гана оңдоп-түзөө болорун, башкаруучу партиянын депутаттарынан бүгүнкү отурумда эч кандай сунуш же суроо түшпөгөнүн айтты.

Мыйзамга каршылыгын билдирип келе жаткан демонстранттар акциясын парламенттин жанында улантып жатышат. Алардын айрымдарын полиция сабап, кармап кеткени кабарланууда. Митингчилер бийликтеги «Грузин кыялы» партиясынын депутаттарын көргөндө «Кулдар! Кулдар!» деп кыйкырып жатышты.

@azattyk_radiosu

Министрлик бүтүрүү кечелерин уюштурууга тыюу салынганын эскертти

Билим берүү жана илим министрлиги мектептерде бүтүрүү кечелерин уюштуруу, мугалимдерге белек берүү үчүн акча чогултпоо керектигин эскертти. Бул тууралуу мекеменин Мектеп жана мектептен тышкары билим берүү башкармалыгынын жетекчиси Алтынбек Жапаров "Биринчи радиого" билдирди.

Бүтүрүү кечелерин уюштурууга, мугалимдерге белек берүүгө президенттин жарлыгы менен тыюу салынган.

Эреже министрликтин быйылкы буйругунда да айтылып, кокус балдар катышкан кырсык же жаңжал болсо, бул үчүн ата-энелердин жоопкерчилиги каралышы мүмкүндүгүн Жапаров кошумчалады.

@azattyk_radiosu

Жаңылыктар | 13.05.2024 | Путин коргоо министри Шойгуну эмнеге кызматтан алды?

Казакстанда аялынын өлүмүнө айыпталган мурдагы министр 24 жылга эркинен ажыратылды

Казакстанда аялы Салтанат Нукенованы өзгөчө мыкаачылык менен кыйнап өлтүргөн деп айыпталган мурдагы министр Куандык Бишимбаев күнөөлүү деп табылды. 13-майда борбор калаа Астананын район аралык кылмыш сотунда жарыяланган өкүмгө ылайык, ал 24 жылга эркинен ажыратылды, жаза мөөнөтүн максималдуу коопсуздук абагында өтөмөй болду.

Ал эми Бишимбаевдин кылмышын жаап-жашырган деген айып менен кармалган тууганы Бауржан Байжанов төрт жылга кесилди.

Соттук териштирүү 11-мартта башталган. Прокурор мурдагы министр былтыр ноябрда аялын бир нече саат тынымсыз сабаганын билдирген. 31 жаштагы Нукенова алган жараатынан эсине келбей көз жумган.

@azattyk_radiosu