Piano 🎹 🎼

@xayol_chechaklari

#iqtibos

Озгина бахтсизлик инсонни дунёдаги энг бахтсиз одамга айлантириб қўйиши мумкин, лекин бутун оламдаги бахт ҳам инсонни буткул бахтли қилолмайди.

⸺ Артур Шопенгауэр

@BeshinchiTomon

#xayrlikech #kechinma

"Дўрмон" ижод уйига эндигина жойлашган кунларим. Деразамнинг тагига бойўғли келиб сайрайдиган бўлди. Яна денг, ҳар куни. Қўлим ишга бормай қолди...

Бир куни устоз шайх Мирзо Кенжабекнинг ҳузурларига бордим. Воқеани гапириб бердим.
⸺ Бойўғли ҳикмат қуши, ⸺ дедилар устоз. ⸺ У инсонларга дунё хароба эканини эслатиб туради...
Сўнг бироз насиҳат қилдилар.

Устознинг ёнларидан чиқар эканман, кўнглимда тонг отганга ўхшарди. Ажабки, шу кундан кейин бойўғли овозини қайта эшитмадим...

Омон бўлсин, кўнглимизга нурни бошлаб кирадиган зиёли инсонлар. Уларсиз ноқис тасаввуримизнинг қоронғи бурчакларида адашиш ҳеч гапмас.

⸺ Байрам АЛИ

👉 @BeshinchiTomon

#iqtibos

Қанча теран тушлар кўрар, хотираларим денгизига ботиб борар эканман, руҳий муаммоларни ақлий муаммолар каби осонлик билан ечиб бўлмаслигини ҳис этяпман.

⸺ «Элжернонга аталган гуллар»дан.

👉 @BeshinchiTomon

#rivoyat

Нақлга кўра, биттаси тоғнинг тагида яшаб, умрида баландга чиқмаган экан. Бир куни қўйларини излаб чўққига чиқишига тўғри келибди ва ҳайратланиб узоқ-узоқларга термулиб қолибди. Шунда хаёлидан қуйидаги сўз ўтибди:
⸺ «Эҳ-ҳееей, дунёнинг кети жуда кенг экан...»
Биз тоғнинг тагида яшаётган ўша одамга ўхшаймиз, оғайни! Имконият бору, лекин аҳамият бериб атрофимизга қарамаймиз. Шу учун ҳаёт ҳақида билганларимиз кам, хулосаларимиз эса жўн...

👉 @BeshinchiTomon

#xayrlikech #iqtibos

Кимдир гулларни яхши кўраман деса-ю, лекин суғоришни унутиб қўйса, биз табиий равишда унинг гулга бўлган муҳаббатига ишонмаймиз. Ахир муҳаббат ⸺ ўзимиз севган кишиларнинг ҳаёти ва фаровонлиги учун фаол ғамхўрлик.

⸺ Эрих Фромм

👉 @BeshinchiTomon

#Retro #Savol

Ушбу фильм номи нима?

👉 @BeshinchiTomon

#Retro #Savol

Ушбу фильм номи нима?

👉 @BeshinchiTomon

#iqtibos

Икки дипломга эгаман. Тўртта китоб, юзлаб мақолалар муаллифиман. Лекин барибир ўқиганда хато қиламан. Сен "яхшимисиз" деб ёзасан, мен "сизни севаман" деб ўқийман.

⸺ Маҳмуд Дарвеш

👉 @BeshinchiTomon

#taklifnoma

Бахтиёр аканинг мухлислари борми? Ҳақиқий санъат ихлосмандлари учун яхши имконият!

@BeshinchiTomon

#xayrlikech #kechinma

Оддий одамлар ўзига ташқаридан баҳо беради. Шахслар ⸺ ичкаридан.

⸺ Байрам АЛИ

👉 @BeshinchiTomon

#tavallud_kun
Bugun el sevgan yozuvchi, ajoyib asarlar muallifi, samimiy inson, Ustoz Bayram Ali Qo'ldoshev tavallud topgan kun! Ayyomingiz muborak bo'lsin! O'quvchilarga, yana ko'plab foydali asarlar taqdim etish nasib qilsin!


Kuz faslini nima uchun yaxshi ko‘rishimni aytaymi?
Tabiat o‘z aslida ko‘rinayotganga o‘xshayveradi...
Barchamizning  aslimiz  -  kuzdir.

Bayram  ALI

@xayol_chechaklari

#Таваллуд

Бугун ажойиб адиб, таржимон, ёзғувчи Байрам Али Қўлдошев таваллуд топган кун!

Байрам Али Қўлдошев, таваллуд кунингиз қутлуғ бўлсин, узоқ умр, сиҳатлик тилайман, икки дунё азиз қилсин Ўзи, сиздек камтарин инсон, жамият учун, ижод олами учун жуда-жуда керак...

Яқинлар бахтига омон бўлинг, яна бир бор чин кўнгилдан қутлайман!

Ҳурмат билан
© Абдувоҳид Сувонов
https://www.tg-me.com/Adabiyot_olami

#rolik #mushoira

Туғилган куним билан табриклаган, каналда, шахсий саҳифаларида яхши тилаклар билдирган, айниқса кеча вақтларини аямасдан келиб фақир кўнглини шод қилган бари дўстларимизга ташаккур, жонингиз омон бўлсин, яхшилар.

@BeshinchiTomon

23-ИЮНЬ --ЁЗУВЧИ УКАМ БАЙРАМ АЛИНИНГ ТУҒИЛГАН КУНИДИР!

Байрам АЛИга

***

Ӯзим сайёд, ӯзимман сайдим,
Олисларда манзилим, қайдим.
Бугун сенинг туғилган кунинг,
Бир жуфт нонни олиб борсайдим.

Табрикласам, елкангдан қучсам,
Ука, десам, шодликдан учсам.
Армон қолмас эди юракда,
Бир пиёла чойингни ичсам.

Сайфулло Қулаев. Душанбе ш.

@BeshinchiTomon

​​#Bag‘ishlov

Бугун жўмард ижодкор Байрам Али таваллуд топган кун! Укамизга нима совға қилсам экан деб ўйланиб ўтирсам, қораламаларим ичида қиш арафасида ёзган битта шеърим чиқиб қолди. Бу шеър Байрам Али ва унга ўхшаб олов қалб ила ҳаммага яхшилик қилиб юргувчи азизларга армуғон!

•••

Ўзи жўмард, сўзи жўмард Байрам Али,
У бўлмаса қайда эди байрам ҳали?
Кутавериб элликдан ҳам ошган эдим,
Журналларда ҳеч келмади меним галим.

Икром оға бир чеккага отиб қўйди,
Улуғбекка ҳамдам бўлди холислик.
Чоп қилдирди шеърларимни журналда,
Қилмабди-я унга инсоф олислик.

Почталардан шеър жўнатиб толмадим,
Лек шундан сўнг яна йиллар суриндик.
Хоразмнинг олис кунжак элида
Журналлардан жой олай деб уриндик.

Оғаларнинг димоғлари баландда,
Менсирмикан овулдаги касларни.
Эшитмаса эшитмасин, зорим йўқ,
"Сувора"дек авжли-мавжли сасларни.

Қаламгинам най бўлади азонлаб,
Ўксик дилга излаб толдим ҳапдори.
Яхшиямки, "Ёшлик" тўла инсофга,
Яхшиямки, марддир Нурилла Чори.

Яхшиямки, "Шарқ юлдузи" ёт эмас,
У ерда мард Байрам Али иним бор.
Шундай экан, мен нимадан ўксинай,
Шундай экан, энди нурли куним ёр.

Дўстлар, асли шеър ёзилар, аммоки
Чоп қилдириш жанг-у саваш кабидур.
Адолатли муҳаррирлар - шодликнинг
Ваҳийларин улашгувчи набидур.

Раҳмат Сизга Байрам Али, Нурилла,
Улуғбекка таъзимдаман ҳар доим.
Икром оға, хафамасман сиздан ҳам,
Узооқ яшанг бўлиб имоннинг бойи.

Аммо... ёмон қақшайверар чап кўксим
Олислардан қишлоқларга бўйласам.
Неча шоир, неча носир журналда
Навбат кутиб кексайганин ўйласам...

✍️ Эрпўлат Бахт

@BeshinchiTomon

#xayrlikech #kechinma

Ой кундузи ёруғ эмас, лекин у тунда ёрқинлашади. Кундузи айтилган айрим гапларнинг акс-садоси ҳам худди шундай: тунда улар янада ёрқин ва чуқурроқдир...

© Байрам АЛИ

👉 @BeshinchiTomon

#xayrlikech #masal #umr_manzaralari

⸺ Воҳ, бунчалар ёмонсан! ⸺ шамга таъна қилди жон бераётган парвона. ⸺ Талпиндиму, бир лаҳзада адо бўлдим, сенинг эса қаддинг тик, ҳамон бепарво!
Шам қилт этмади.
У ўша-ўша мағрур... ЁНАРДИ.

© Байрам АЛИ

👉 @BeshinchiTomon