Viloyat Ekologiya, atrof-muhitni muhofaza qilish va iqlim o‘zgarishi boshqarmasi boshlig‘i Jamol Nosirov, viloyat prokurorining o‘rinbosari Jamshid Ahmedov hamda tegishli mas’ullar G‘ijduvon va Vobkent tumanlarida “Yashil makon” umummilliy loyihasi doirasida amalga oshirilayotgan ishlarni o‘rganmoqda.

Dastlab, rahbarlar Vobkent tumani Anjirbog‘ mahallasida joylashgan 33-sonli umumiy o‘rta ta’lim maktabida bo‘lishdi. Maktab hududida olib borilayotgan va rejalashtirilgan ko‘kalamzorlashtirish ishlari o‘rganilib, ushbu maktab tajribasini boshqa tuman va shahar hududlaridagi maktablarga tatbiq etish bo‘yicha tegishli tavsiyalar berildi.

Shundan so‘ng, G‘ijduvon tumanida joylashgan chiqindi yig‘ish poligonining atrofida ekilgan daraxt ko‘chatlari holati o‘rganildi. Tabiiy sharoit va ekologik talablarni inobatga olgan holda ko‘chatlarning parvarishini yaxshilash, sug‘orish tizimini samarali tashkil etish hamda ushbu hududda ekologik muvozanatni ta’minlash bo‘yicha mas’ullarga aniq topshiriqlar berildi.

Buxoro viloyati Ekologiya boshqarmasi matbuot xizmati

Buxoro viloyati Ekologiya boshqarmasi xodimlari ishtirokida kengaytirilgan yigʻilish oʻtkazildi

Buxoro shahrida joylashgan Yoshlar markazining majlislar zalida boshqarma boshligʻi tomonidan sohada faoliyat yuritayotgan xodimlar uchun yigʻilish oʻtkazildi.

Kun tartibidagi asosiy masalalar: korrupsiyaning oldini olish, tartib-intizomni saqlash va ekologiya sohasidagi qonun buzilishini oldini olish boʻyicha muhim masalalar muhokama qilindi.

Yigʻilishning asosiy maqsadi - ekologiya va atrof-muhitni muhofaza qilish sohasida yuzaga kelishi mumkin bo‘lgan noqonuniy faoliyatlar va korrupsiya holatlarining oldini olish, xodimlarning professional axloqini oshirish va ekologik qonunlarga rioya qilishni ta'minlash edi. Boshqarma rahbari, Jamol Nosirov, har bir xodimning mas'uliyatini va kasbiy burchlarini yuksaltirish zarurligini ta'kidlab, yigʻilishda aniq yoʻl-yo'riqlar berildi.

Buxoro viloyati Ekologiya boshqarmasi matbuot xizmati